ئەڤرۆ نیوز:
ستێرا فرەنسی و یانا مارسیلیا یا بەری نوکە و یاریزانێ نوکە یێ یانا ھیلال یا سعودی باڤیتیمبی گومێز پشتی ب دووماهيا یاریا کلاسیکویا سعودی دناڤبەرا ھیلال و ئیتحاد جەدە داخوازا لێبورینێ ژ زاروکەکێ راکرنا تەپا دناڤا یاریگەھێ دا کر .
گومێز ل دەقیقا ٦٧ گولا ئێکێ بوو تیما خوە تومارکربوو پشتی وێ گولێ وەکو ھەر جار ب شێوازێ خوە یێ تایبەت کیڤخوشحالیا خوە ب تومارکرنا وێ گولێ کر یا چوونا سەر چوکا یا شێرا و بەر ب وی زاروکی ڤە چوبوو لێ ترسەک ل دەڤ وی زاروکی پەیدابوو و پشتی یاری ب دووماھیی ھاتی ئەو ستێرا فرەنسی داخوازا لێبورینێ ژ وی زاروکی کربوو ھەردیسان درێسێ خوە یێ تایبەت وەکو دیاری پێشکێشی وی زاروکی کر.

ئەڤرۆ نیوز:
یانا بەرشەلۆنا یا ئیسپانی گەھشتی یە رێککەفتنێ ل گەل یانا لیون یا فرەنسی بوو ڤەگوھاستنا یاریزانەکێ وێ یانێ ل ھاڤینا بھێت.
رۆژناما لیکیپ یا فرەنسی ئاشکراکریە یانا کەتەلونی گەھشتی یە رێککەفتنێ ل گەل یانا لیون یا فرەنسی بوو ڤەگوھاستنا یاریزانێ وێ یێ ھێلا ناڤین یێ عەرەب حوسام عوار بوو ڤەگوھاستنێن ھاڤینا بھێت.
ئەوێ رۆژنامێ ئاشکراکریە ژی بەری نوکە حوسام عوار دیارکربوو ئەوى گەلەک مفا ژ دیتنا یاریێن ھەردو ستێرێن بەرشەلۆنا چاڤی و ئێنیستا دیتی یە و خەونا ھەر یاریزانەکی یە یاری ل جھێ ئەوان ھەردو یاریزانان ل یانا بەرشەلۆنا بکەت.
ژلایەکێ دیڤە بەری نوکە راپورتێن رۆژنامەڤانی ل فرەنسا و برێتانیا ئاشکراکربوو یانا ئەرسینال یا بزاڤێن مەزن دکەت بوو ڤەگوھاستنا ئەوی یاریزانی ل دەستپێکا وەرزێ بھێت.
ھەژی گوتنێ یە حوسام یێ ٢٠ سالی  خەلکێ وەلاتێ جەزائێرێ یە و ل وەلاتێ فرەنسا ژ دایبکوویە و رەگەزنامەیا جەزائیری و فرەنسی ھەیە یاری بوو ھەلبژارتیێ پێگەھشتی و لاوێن فرەنسا کریە و ل وەرزێ بوری ژ تیما دوێ یا لیون بوو تیما ئێکێ یا وێ یانێ ھاتبوو سەرئێخستن ل ھەتا نوکە ٨٣ یاری ل گەل وێ یانێ ئەنجامداینە و شیا ١٣ گولان توماربکەت

ئەڤرۆ نیوز:
پیپی ماروتا رێڤەبەرێ تەنڤیزی ل یانا ئەنتر میلان یا ئیتالی ئاشکراکر ل نێزیک ئەو دێ ھەڤبەستەکا یاریزانەکێ یانا مەدرید راگەھینن بوو ھاڤینا بھێت.
زێدەتر رێڤەبەرێ ئەنتر میلان بوو مالپەرێ سکای سپورتس یێ ئیتالی سەبارەت جەماوەرێ ئەنتر میلان ل یاریا ئەوان یا شەڤا بوری کەیڤخوشحالیا خوە بەرامبەر وێ گولا دیگو گودین ل سەر یانا یوڤانتوس ل قارەمانیا چامپیونیز لیگ دیارکر بەلێ ئەو ژی وەکو رێڤەبەرێ یانا ئەنتر یێ کەیڤخوشحال بوو ب تومارکرنا گولا دیگو گودین ل سەر یانا یوڤانتوس نە بتنێ جەماوەر .
ھەردیسان ماروتا ئەو چەندە ژی ئاشکراکر ئەو گەھشتی نە رێککەفتنێ ل گەل دیگو گودین یاریزانێ یانا ئەتلەتیکو مەدرید بوو ڤەگوھاستنا ئەوی ل ھاڤینا بھێت بوو ناڤ رێزین یانا ئەنتر میلان و بریارە ل چەند رۆژێن بھێت ھەڤبەستا ئەوی یاریزانی ب فەرمی بھێتە راگەھاند .
ھەژی گوتنێ یە ھەڤبەستا دیگو گودین ل ھاڤینا بھێت دێ ل گەل یانا ئەتلەتیکو مەدرید ب دووماھیی ھێت و بریارە ب ھەڤبەستەکا سەربەست بھێتە ڤەگوھاستن بوو یانا ئەنتر میلان.

ئەڤرۆ نیوز:
یانا ریال مەدرید بۆ وەرزێ بھێت دخوازیت ب ھێز بھێتە دناڤ بازارێ ڤەگوھاستنا یاریزانان دا پشتی ل ماوێ چەند رۆژێن بوری ھەتا رادەیەکێ مەزن دێ ستێرا بەلجیکی و یانا چێلسی ئادین ھازارد ل ھاڤینا بھێت ھەڤبەستا ریال مەدرید ئیمزا کەت ئەو یانە یا بزاڤێ دکەت بوو ھاڤینا بھێت رێککەفتنەکێ ل گەل یانا یوڤانتوس بکەت بوو ڤەگوھاستنا ستێرا وێ یا ئەرژەنتینی دیبالای ئەوێ نوکە بوویە ئارمانجا ھەر ئێک ژ یانێن چێلسی و بەرشەلۆنا و مانچێستەر یوناید ژی.
رۆژنامەیێن نێزیکی یانا ریال مەدرید دیارکرینە یانا ریال مەدرید نەخشەکێ باش دارشتی یە بوو ڤەگوھاستنا دیبالای ل وەرزێ بھێت و ئەو یانە دێ یاریزانێ خوە یێ ھێلا ناڤین ئیسکو دەتە یانا یوڤانتوس ھەر دیسان ل گەل کوژمەکێ پارەی ژی سەرا دەتە وێ یانا ئیتالی بوو ڤەگوھاستنا دیبالای.
ھەردیسان ئەوان رۆژناما ئاشکراکریە ژی پەیوەندی دناڤبەرا ریال و یوڤانتوس ماوێ چەندین سالە د باشن و دبیت ئەڤ چەندە سەربگریت ژبەرکو یانا یوڤانتوس بوو ھاڤینا بھێت دو یاریزانێن ریال مەدرید کرینە ئارمانجا خوە ئەوژی ھەر ئێک ژ مارسێلو و ئیسکو .

ئەڤرۆ نیوز:

ستێرا ئەرژەتینی و یاریزانێ یانا پاریس سانجێرمان ئەنخێل دی ماریا بۆ مالپەرێ ئەی سی بی ئێن یێ ئەمریکی ئاشکراکر ئەوی یاری ل گەل ھژمارەکا مەزن یا یاریزانێن جیھانێ کریە لێ ب دیتنا ئەوی ستێرا ئەرژەنتینی و یانا بەرشەلۆنا لیونێل میسی ئێک ژ باشترین یاریزانێن جیھانێ یە و ب دیتنا ئەوی ئەو یاریزان ژ دنیایەکا دی یە بوو یاریا تەپا پێ و یاریزانێن مینا میسی ب زەحمەت پەیدابنە ڤە.
ئەوی مالپەری د پرسیارا خوە دا ژ وی یاریزانێ پاریس سانجێرمان کربوو ئەرێ کیژ ژ ھەرسێ یاریزانان رونالدو یێ پورتوگالی و میسی یێ ئەرژەنتینی و ئیبراھیموڤیچ یێ سویدی باشترە ئەوی یاریزانی ژی د بەرسڤا خوە دا وەلاتیێ خوە لیونێل میسی ھەلبژارت بوو.
ھەژی گوتنێ یە دی ماریا یاری ل گەل ئەوان ھەرسێ ستێرا کریە کو ل گەل رونالدوی ل یانا ریال مەدرید و ئیبراھیموڤیچ ل پاریس سانجێرمان و میسی ل گەل ھەلبژارتیێ ئەرژەنتین