NO IORG
نووترين نووچه
Twitter

35

ئەڤرۆ نیوز :بارزان مزووری:

رێڤەبەرێ‌ ناحیا باشیكێ بۆ ئەڤرۆ نیوز ئاشكرا كر كو ئەردێ‌ چاندنێ‌ ل شەش گوندێن سەر ب ناحیا باشیكێ ئەڤە پتری دو سالايە نەهاتیە چاندن ژبەرهەمێ‌ گەنمی .

زەنون محەمەد، رێڤەبەرێ‌ ناحیا باشیكێ بۆ ئەڤرۆ نیوز گۆت” ژبەر مانا پاشمايێن مين وته‌قه‌مه‌نيێن رێكخراوا تیرۆرستی یا داعشێ دناڤ ئەردێ‌ جوتیارێن شەش گوندان، پتری 20 هزار دونەمێن ئەردی نەهاتینە چاندن ژبەرهەمێ‌ گەنمی”.

زه‌نونى گۆت ژى”  ئەڤ ئەردە پێتڤی ب تیمێن رامالینا مین و تەقەمەنیایە وجوتیارێن خودانێن وان ئەردان داخوازیا خوه‌ گەهاندیە كارگێریا ناحیێ.‌ مە ژی ب رێيا نڤیسارێن فەرمی داخواز ژ  بەغدا  كریە، بەلێ‌ حەتا نها چو تیمێن رامالینا تەقەمەنیان دابین نەكرينه‌”.

رێڤه‌به‌رێ ناحيا باشيكێ داخواز ژ حوكمەتا بەغدا و حوكمەتا هەرێما كوردستانێ كر كو تیمێن رامالینا مين وتەقەمەنیان دابین بكەن بۆ پاقژكرنا ئەردێ‌ جوتیاران ودياركر كو  گەلەك ئاڤاهی ژی ماینە حەتا نها نەهاتینە پاقژكرن ژ مین و تەقەمەنیان.

139

ئەڤرۆ نیوز، رەمەزان ھەرنی:
سالانە ل دەڤەرا ئاکرێ و ناحیە و گوندێن دەوروبەر رێژەکا باش یا شەبرمانا ھناران ژ ھنارێن خومالیێن دەڤەرێ دھێتە دروستکرن و خواستەکا باش ژ لایێ خەلکی ڤە ل سەر ھەیە و ب بھایەکێ باش دھێتە فرۆتن.
عەباس نەجمەدین وەلاتیەکێ دەڤەرا ئاکرێ یە بۆ ئەڤرۆ گوت : ل سەر دەمێ باب و باپیرا ھەتا نوکە بەردەوام ئەم شەبرمانێ ژ ھناران دروست دکەین ل سەر دەمەکی ب زەحمەت دھاتە دروستکرن ژ بەر نەبوونا ئامێرە و کەرەستێن پێدڤی، بەلێ نوکە ب ساناھی دروستدکەین و دفروشین و خواستەکا باش ل سەر ھەیە خەلک گەلەک دکرن و ھەموو وەزران دھێتە فرۆتن ب بھایەکێ باش کو کیلو ب ٧ بۆ ١٢ ھزار دیناران دھێتە فروتن ئەو ژی ل سەر تام و خوەشیا شەبرمانێ دمینیت .
سالم تیلی فرۆشیارەکێ بەرھەمێ خومالی یە ل دەڤەرێ بۆ ئەڤرۆ نیوز گوت : ل ھەر چار وەرزێن سالی بەرھەمێن خومالی دفروشم و رۆژ بۆ رۆژی خواستا خەلکی ل سەر زێدە دبیت ئەڤ سالە رێژەکا باش یا شەبرمانێ ل دەڤەرا ئاکرێ ھاتیە دروستکرن و مە کیلو ب ٦ بۆ ١٠ ھزارا دکریە و دفرۆشینە خەلکێ دەڤەرێ و خەلکێ ببیانی ژی دکرن ژ بەر کو شەبرمانا ئاکرێ ناڤ و دەنگیا خوە ھەیە.

500

ئەڤرۆ،رەمەزان ھەرنی:

سەرۆکێ باژێرڤانیا قەزا ئاکرێ بۆ ئەڤرۆ نیوز دیار کر کو بۆ ئەڤرۆ گوت : ل دووڤ ماستەر پلانێ نوکە رێژا کەسکاتیێ ل ئاکرێ ٢٣% یە، گەلەک جە ژی نەھاتیە پیڤان وەک ناڤەراستا جوتسایدێن ئاکرێ و کەسکاتیا د ناڤ مالان دا کو بڤێ چەندێ ئەڤ رێژە دێ زێدەتر دبیت.

بلند رەزا، سەرۆکێ باژێرڤانیا قەزا ئاکری ئاشکرا کر کو ب شێوەکێ گشتی ١٩ پارکێن مەزن و بچووک ل ئاکرێ ھاتینە درۆستکرن و بەردەوام بزاڤێن زێدەکرنا پارک و جھێن کەسکاتی بۆ ئاکرێ دھێنە کرن کو پێدڤیە ل دووڤ پیڤەرێن زانستی کەسکاتی ل ئاکرێ ھەبی وگۆت” ل ئاكرێ‌ 19 پارك هەنە وپاركەكا مەزن ل دەرڤەی سەنتەرێ‌ باژێری هەیەو 18 پارك ل ناڤ سەنتەرێ‌ باژێری بەلێ‌ ژبەر نەبۆنا ئاڤا پێدڤی ونەبۆنا كارمەندێن پێدڤی و بۆدجەیی ئەو پارك هاتینە پشت گوه هاڤێتن و مفا لێ‌ نەهاتیە دیتن وەك پێدڤی هەردەما ئەڤ ئاریشە چارە بۆن دێ‌ هەمو باخچە و پارك باشتر هێنە سەخبێكرن”.

ناڤھاتی خویا کر کو پتری ٣٧٠ دونەمێن ئەردی بۆ کەرتێ وەبەرئینانێ ھاتینە تەرخانکرن کو دو ژوان پرۆژێن ئاکنجیبوونێ نە ل گەل پێنج پرۆژێن گەشت و گوزارێ و مولا و گۆت: “ژ سالا ٢٠١١ ھەتا نوکە ب تنێ پرۆژێن ئاکنجیبوونێ کەلێ ستی و نێرگز لاند ژ نیڤێ پتر ھاتینە تەمامکرن و ئەوێن گەشت و گوزارێ و مولا رێژەکا کێم ھاتینە دروستکرن”.

ناڤھاتی ئاماژە دا وێ چەندێ کو ئاکرێ نوکە پێدڤی ب رێ یێن گەشت و گۆزارێ ھەیە و گۆت: “ئاکرێ بەری سالا ١٨٧٧ قەزابوو و گەلەک جھێن گۆزاری لێ ھەنە ژ بەر ڤێ چەندێ پێدڤە پتر گرنگی پێ بھێتەدان”.

215

ئەڤرۆ نیوز ،بارزان مزووری:

د بێوار خەنسی ، راوێژكارێ‌ ئاسايشا ئابووری ل هەرێما كوردستانێ‌ و بسپور دبوارێ جیولوجی دا بۆ ئەڤرۆ نیوز ئاشكرا كر كو  حوكمەتا هەرێما كوردستانێ‌ هەولدان د وەختێ‌ خودا بەری  گرنگیێ‌ ب كەرتێ‌ په‌ترولێ‌ بدەت گرنگیێ‌ ب سامانێن دی یێن سرۆشتی ل هەرسێ‌ پارێزگەهێن كوردستانێ بده‌ت،‌ ل پارێزگەها دهۆك ژی گەلەك پلان هاتبوونە دارێژتن بەلێ‌ شەرێ‌ داعشێ و قەیرانا دارایی سەر ب كوردستانێ‌ دا هاتی بۆ ئەگەر كو ئەو پرۆژە گیروبیت، بەلێ‌ نها حوكمەتا هەرێما كوردستانێ‌ پێدڤیە هەولبدەت گرنگیێ‌ ب سامانێن ناڤخوه‌يى بدەت ودەلیڤێ بدەتە كەسێن خودان شیان كارگەهێن مەزن دناڤ هەرێمێ دا‌ دروست كەت ژبەركو  نێزیكی 29 جۆرێن كانزایان یێن  هەین تایبەت ل دەڤەرا شێخان ،

ناڤهاتی خویاكر كو حوكمەتا هەرێما كوردستانێ‌ دشێت ب وان كانزایان خوه‌ ل بەر مەزنترین قەیران بگریت هه‌كه‌ ڤەكۆلین ل سەر وان كانزایان بهێته‌ كرن وبهێنه‌ دەرئینان بۆ دروستكرنا كارێن بیناسازی ،

دياركر:هەر كارگەهەكا چیمەنتوی یان كاشی و سیرامیك و حەلانی ل پارێزگەها دهۆكێ بهێن دانان ئەو كانزایێ‌ دهێن بكارئینان بۆ مادێن بیناسازی ل قەزایێن شێخان و ئاكرێ‌ و بەردەرەش و ناحیا ئەلقوش یێن هەین ژبەركو دڤێ‌ رەوشێ‌ دا قۆناغا  ئاڤەدانكرنا باژێرێ‌ مووسلە كو مادێن بیناسازی یێن وان كارگەهان بهێن ڤەگوهاستن بۆ مووسلێ وی دەمی مەزنترین داهات دێ‌ بۆ حوكمەتا هەرێما كوردستانێ‌ ڤەگەرێت ،

 زێدەتر گۆت: ئەم پێتڤی ب پلانەكا ستراتیجی نە ل هەرێما كوردستاتێ‌ كو تێدا بهێته‌ دیاركرن كو سالانە هەرێم پێتڤی ب جەند جۆرێن مادێن بیناسازی يە وب وێ‌ پلانێ‌ دێ‌ شێین مەزنترین كارگەهێن دروستكرنا مادێن بیناسازی دروست كەین ب وان جۆرێن كانزایان یێن هەرێما كوردستانێ‌ هەین.

100

ئەڤرۆ نیوز، نەوزاد هلوری:

بەشێ هاتنووچۆنا قەزا سوران دیارکر کو ل سالا بووری ژ سەرجەم 116 روودانێن هاتنووچۆنێ، 184 کەس بوینە قوربانی.

دژوار لەتیف،بەرپرسێ راگەهاندنا هاتنووچۆنا سوران بو ئەڤرۆ نیوز گۆت: (ساڵا بوری ل سنوورێ قەزا سوران 184 کەس ژ سەرجەمێ 116 روودانێن هاتنووچۆنێ وینە قوربانی ، ژ وانان 28 کەسان گیانێ خوە ژ دەست دایە کو ئەو ژی 22 زەڵام و شەش ئافرەت بوون).

زێدەتر گۆت: (هزار و 760مولەتێن گشتی و دوو هزار و 95 مولەتێن تایبەت ب شوفێران هاتینە دان ژ وانان 17 گشتی و 731 تایەت ب ئافرەتان هاتینەدان، دیسان 103 مولەتێن نیڤدەولەتی ژی ب شوفێران هاتینەدان، 42 مولەتێن ماتور سکلا و دوو یێن کێم ئەندامان ژی هاتینەدان).

ناڤبری دیارکر ژی کو شوفێر ب دوو هزار و 774 سەرپێچیێن جوداجودا هاتینە سزادان و زێدەتر گۆت: (بەراورد ل گەل سالا 2017 روودان و قوربانی کێم بوینە)

59

زاخۆ ، عەلی حاجی

ل دووڤ ئامارەكا سەندیكا كرێكارێن كوردستانێ‌ لژنا زاخۆ دیار دكەت ، ل سالا 2018ێ‌ دا 7 كرێكاران ل زاخۆ گیانێ‌ خوە ژدەست دایە و 5 ژی بریندار ببوون .

سەگڤان، سەروكێ‌ لژنا زاخۆ يا سەندیكا كرێكارێن كوردستانێ‌ بۆ ئەڤرۆنيوز گوت : ژ سەرجەمێ‌ 7 كرێكارێن گیانێ‌ خوە ژدەست داین 3 ژ وان كرێكاران ل سەر كاری ب رووودانێن جودا گیانێ‌ خوە ژدەست داینە و 4 ژ كرێكارێن دی چووینە بەر دلوڤانیا خودێ‌ , هەر دیسان هەر 5 كرێكارێن بریندار بووین ل روودانەكا هەرفینا خانیەكێ‌ ل نیوزاخۆ بریندار ببون .

گوت ژى : ب مخابنی ڤە زوربەیا كرێكاران نە تۆمار كرینە ل رێڤەبەریا كار پشكا دابین كرنا جڤاكی لەورا دەما كرێكارەك گیانێ‌ خوە ژدەست ددەت يان بریندار دبیت كەسوكارێن وی ژنوو داخوازا موچێ‌ وی دكەن و هه‌كه‌ كرێكار يێ تۆمار كری بیت ل رێڤەبەریا كار ل دەما هەر روودانەكێ‌ و ل گۆرەی قانوونێ‌ دێ‌ 80% موچێ‌ وی كرێكاری بۆ‌ هێتە دان..

208

ئه‌ڤرۆنیوز:
هه‌كه‌ لایتا ترومبێلا ته‌ كه‌ڤن بوو وره‌نگێ وێ هاته‌ گوهۆرین یان ئاڤ چوویێ وهه‌لم چو تێدا یان رۆناهیا وان كێمبوو، ڤان دو كاران ئه‌نجام بده‌ دا لایتێن ته‌ نوو ببن. بێگومان بۆ ده‌مه‌كێ دیاركری نه‌كو ب شێوه‌كێ ئێكجاری.
ل ده‌ستپێكێ مه‌عجینێ ددانا وپارچه‌كا په‌رۆكێ پاقژ وپیچه‌كا ئاڤا تێن شیر به‌رهه‌ڤ بكه‌ وپاشی مه‌عجینێ ددانان دانه‌ سه‌ر لایتان وپاشی ب پارچه‌ په‌رۆكی مه‌عجینی ب هه‌موو پشكێن لایتێ به‌لاڤ بكه‌ كو هه‌موو لایتێ ڤه‌گریت، بۆ ده‌مه‌كێ كێم ب وی شێوه‌ی بهێله‌ وپاشی ب ئاڤا تێن شیر بشوو، دێ بینی لایتێن ترومبێلا ته‌ جوانتر بوون.

146

ئه‌ڤرۆ نیوز:
وه‌زیرێ‌ ده‌رڤه‌ یێ‌ عیراقێ‌ راگه‌هاند، ل گه‌ل هه‌رێما كوردستانێ‌ گومركێن رێكخستین و گۆت:(پێگیری سزایێن ئه‌مریكا بۆ سه‌ر ئیرانێ‌ نابین، ب تایبه‌تی ژ لایێ‌ كڕینا گازێ‌ ڤه‌).
محه‌مه‌د عه‌لی حه‌كیم وه‌زیرێ‌ نوو یێ‌ ده‌رڤه‌ یێ‌ عیراقێ‌ د كۆنگره‌كێ‌ رۆژنامه‌ڤانی دا به‌حسێ‌ چه‌ند پرسه‌كان كر و گۆت:( وه‌زیرێ‌ ده‌رڤه‌ یێ‌ قه‌ته‌رێ‌ هاته‌ عیراقێ‌ و پرۆژه‌ك پێشكێشی مه‌ كر كو دبێژنێ‌ ترانزێت، ئه‌و گه‌له‌ك كه‌لوپه‌لان ژ توركیا دئینن، نوكه‌ وان دڤێت كه‌لوپه‌لێن توركی ب رێیا عیراقێ‌ بینن، ژ توركیا و پاشی به‌سرا بۆ قه‌ته‌ر ڤه‌گوهێزن، كو رێیه‌كا كورته‌، كێشه‌ ل ده‌ڤ مه‌ ئه‌و بوو كو د ناڤبه‌را مه‌ و هه‌رێما كوردستانێ‌ گومركێن ئێكگرتی نه‌بوون، لێ‌ نوكه‌ ل گه‌ل هه‌رێما كه‌وردستانێ‌ مه‌ گۆمرك رێكخستن، پرۆسا ترانزێت بۆ ڤه‌گوهاستنا كه‌لوپه‌لێن توركیا بۆ قه‌ته‌ر ب رێیا عیراقێ‌ دێ‌ ده‌ستپێكه‌ت، ل ڤان نێزیكا دێ‌ سه‌ره‌دانا قه‌ته‌ر كه‌ین و ڤی بابه‌تی گه‌نگه‌شه‌ كه‌ین).

نيشاندان1...1,0002,0001,1321,1331,1342,1303,1304,130...4,170زێده‌تر لاپه‌ر 1,133 ژ 4,170
مالپه‌رێ فه‌رمى یێ رۆژناما ئه‌ڤرۆ یه‌ .
ئاگــــــه‌هــــــداری نـــــوویـــــــاتیـــــــان ببــــه‌ .
په‌یوه‌ندی : rojnameyaevro@gmail.com
website security
© Copyright 2021 - Rojnameya Evro - Powered by Kurdo Plus
72 queries in 1.285 seconds.
WP Facebook Auto Publish Powered By : XYZScripts.com