ئه‌ڤرۆنیوز:
وه‌زاره‌تا پلاندانانا عیراقی راگه‌هاند، بریار هاتیه دان ل دووماهیا سالا 2020 پرۆسا سه‌رژمێریا گشتی بهێته ئه‌نجامدان وئه‌و پرۆسه دێ هه‌رێما كوردستانێ ژی ب خوه‌ڤه گریت.
نوری دلێمی، وه‌زیرێ پلاندانانا عیراقێ راگه‌هاند دێ ده‌ست ب به‌رهه‌ڤیان بۆ ئه‌نجامدانا سه‌رژمێریا گشتی یا ئاكنجیێن عیراقێ هێته كرن كو بریاره ل دووماهیا سالا 2020 بهێته ئه‌نجامدان ودێ هه‌رێما كوردستانێ ژی ب خوه‌ڤه گریت”.
ئەڤرۆ نیوز:
ل گۆر چەندین ژێدەرێن میدیایی دو گرۆپێن چەکدار یێن ئۆپۆزسیۆنا سووریێ ئانکو گرۆپێ تەحریر شام و گرۆپێ نورەدین زەنگی ل رۆژئاڤایێ حەلەبێ چەند رۆژن شەرێ هەڤدو دکەن و د ئەنجاما شەری دا هەتا نها ٥٥ کەس ژ هەر دو ئالیان هاتینە کوشتن.
هاتە زانین کو تورکیا شاندەک بۆ ناڤبژیڤانیێ و راگرتنا شەری رەوانەی دەڤەرێ کریە لێ هەتا نها چو ئەنجامێ خوە نەبوویە و شەر ب دژواری د ناڤبەرا هەر دو گرۆپان دا بەردەوام دکەت.
ئەڤرۆ نیۆز، ئەمیر ئەترووشی:
داھاتێ رێڤەبەریێن ھاتنوچوونێ ل ھەرێما کوردستانێ د سالا بۆری یا ٢٠١٨ دا بەرەڤ زێدەبوونێ چوویە و گەھشتیە ٣٣٠ ملیار دیناران.
لیوا رزگار عەلی، رێڤەبەرێ گشتیێ ھاتنوچوونا ھەرێما کوردستانێ بۆ ئەڤرۆ نیۆز دیار کر کو د سالا بۆری یا ٢٠١٨ داھاتێ رێڤەبەریێن ھاتنوچوونێ ل ھەرێما کوردستانێ ب رێژەیەکا باش بەرەڤ زێدەبوونێ چوویە و گەھشتیە ٣٣٠ ملیار دیناران د ئێک سال دا، ئەڤە د دەمەکی دایە کو داھاتێ رێڤەبەریێن ھاتنوچوونێ ل ھەرێما کوردستانێ د سالا ٢٠١٧ دا ٢٧٠ ملیار دیناربوون.
ئەڤرۆ نیوز، قائید میرۆ:
کارۆخ خۆشناو شارەزا ل سیاسەتا ئەمریکا بۆ ئەڤرۆ نیوز دیار کر ھەر ل دەستپێکا شەڕێ بەرھنگاریا داعش ئەمریکا ھێزێن خوە شاندینە بۆ عێراقێ و سووریا و ژبلی ھێزێن سەربازی شیرەتکارێن ئەمریکا ژی بەردەوامب ووینە لسەر پێدانا ھاریکاریان بۆ عێراقێ و سووریێ، بەلێ نوکە سەرۆک ترەمپ وەسا دبینیت شەڕی داعش ل سووریێ دووماھی ھاتیە و ئیدی پێدڤی ناکەت و ئەڤە ژی بوویە ئەگەر بڕیارا ڤەکێشانا ھێزێن خوە ل سووریا دەربکەت.
لدۆر کاریگەریێن ڤەکێشانا ئەمریکا لسەر رۆژئاڤایێ کوردستانێ کارۆخ خۆشناو دیارکر” کۆچکا سپی بخوە ئەڤ چەندە پشتڕاستکریە کو وانا ھەڤپەیمانیا دۆمدرێژ دگەل چو ھێزەکێ ل سووریا نینە، چونکو ئەو دبێژنە ھێز و گروپێن سووریا کارەکتەرێن نا دەولەتی، کو مەرەم ژ وان ھێزا ھێزان یەپەگە و هێزێن سووریا دیموکراتن، ئەز ب باوەرم ب ڤەکێشانا ھێزێن ئەمریکا دێ دربەکا دژوار بەر یەپەگێ و هێزێن سووریا دیموکرات بکەڤیت، ژ بەر کو نابیت ژبیر بکەین تورکیا دگەل ڤەکێشانا ئەمریکا دێ لەشکرێ خوە فرێکەتە منبج و دەڤەرێن باکوورێ سووریێ، ئەڤە ژی دێ بیتە ئەگەرێ پەیدابوونا شەڕ و ئالۆزیان و گروپێن نێزیکی تورکیا دێ دەستھەلاتێ وەربگرن.
زاخۆ ، عەلی حاجی :
ھیڤیدار ئەحمەد ئەندام پەرلەمانێ کوردستانێ د دخویانیەکا تایبەت دا بو ئەڤرۆ نیوز گۆت : گەندەلی بوویە کەلتورەک دناڤ پشکەکا بەرپرسێن کوردستانێ دا و دڤێت کار بکەین وی کەلتوری ژناڤ ببەین و ب رێکارێت یاسای ل دژی وان کەسان ب راوەستین.
نافھاتی ئەو چەندە ژی گۆت: گەلەک بەرپرس بناڤێ پارتی دیموکراتی کوردستان گەندەلیێ دکەن لەورا ژی من ب جدی ل سەر ڤی بابەتێ گەندەلیێ کار کری یە و ٣ کەیسێن گەندەلیێ ل زاخۆ من رادەستی لژنا نەزاھێ ل کوردستانێ کرینە و دێ بەردەوام بم ل سەر ئاشکەرا کرنا کەیسێن گەندەلیێ و ل نێزیک ژی دێ ئەنجامان بۆ خەلکی دیار کەین.
زاخۆ ، عەلی حاجی:
ل دویڤ ئامارەکا سەندیکا کرێکارێن کوردستانێ لژنا زاخۆ دیار دکەت ، ل سالا ٢٠١٨ێ دا ٧ کرێکاران گیانێ خوە ژدەست دایە و ٥ ژی بریندار ببون.
سەگڤان سەروکێ لژنا زاخۆ سەندیکا کرێکارێن کوردستانێ بۆ ئەڤرۆ نیوز گوت : ژ سەرجەمێ ٧ کرێکارێن گیانێ خوە ژدەست داین ٣ ژ وان کرێکاران ل سەر کاری ب روویدانێت جودا گیانێ خوە ژدەست داینە و ٤ ژ کرێکارێن دی چووینە بەر دلوڤانیا خودێ ، ھەر دیسان ھەر ٥ کرێکارێن بریندار بوین ل روویدانەکا ھەرفینا خانیەکی بوو.
ل دوماھیێ ناڤبری گوت : ب مخابنی ڤە زوربەیا کرێکاران نە تومار کرینە ل رێڤەبەریا کار پشکا دابین کرنا جڤاکی لەورا دەما کرێکارەک گیانێ خوە ژدەست دەت یان ژی بریندار دبیت کەس و کارێن وی شنیکا داخازا موچێ وی دکەن و ئەگەر کرێکار تومار کری بیت ل رێڤەبەریا کار ل دەما ھەر روودانەکێ دا و ل گۆرەی یاسایێ دێ ٨٠% مووچێ وی کرێکاری پێ ھێتە دان.
ئەڤرۆ نیوز، بارزان مزووری:
وەلاتیەکێ دانعەمر ل قەزا شێخان بناڤێ”یونس رەشید” ئەڤە ٤٢ سالە پتری ٢٠٠ کەل و پەلێن فلکلورێ کوردی دناڤ مالا خودا پاراستینە مالا خوە دا وەکو موزەخانەکێ نمایش کریە.
یونس رەشید، بو ئەڤرۆ نیوز ئاشکرا کر کو ئەڤە ٤٢ سالە ئەو کەل و پەلێن فلکلورێ کوردی ڤە گرێدایی ھەموو ژوان کەل و پەلا دناڤ مالا من دا ھەنە ھاتینە پاراستن وەک ئێک ژ ئەندامێن مالا من پتریا وان ژی ئامیرێن موزیکا کوردی نە.
ناڤھاتی خویاکر کو: ئەڤ کەل وپەلە د پاراستینە ئەڤە ٤٢ سالە ب کومکرنا رۆژ ب رۆژێ زێدەتر لێ دھێت و بوویە جھێ سەبرو ھەدارا ھەموو خێزانا من.
ئەڤرۆ نیۆز:
فڕاکسیۆنا پارتی ل پەرلەمانێ کوردستانێ داخوازەک ئاراستەی لایەنێن سیاسی کر بۆ رێککەفتنێ لدۆر پێکئینانا کابینا حوکمەتا ھەرێما کوردستانێ و سەرۆکێ فڕاکسیۆنی ژی دبێژیت، نابیت بابەتێ کەرکووکێ تێکەلی بابەتێ حوکمەتێ بھێتەکرن.
ھێمن ھەورامی سەرۆکێ فڕاکسیۆنی پارتی ل پەرلەمانێ کوردستانێ ئەڤرۆ رۆژا چوارشەمبی د کۆنگرەیەکی رۆژنامەڤانی دا ل دۆر پێکئینانا حوکمەتا ھەرێما کوردستانێ دیار کر” ئەم وەک فڕاکسیۆنا پارتی ل پەرلەمانێ کوردستانێ داخواز دکەین لەز بھێتەکرن ل پێکئینانا کابینا حوکمەتێ و رێککەفتن لسەر سەرۆکایەتیا ھەرێما کوردستانێ، چونکە سێ ھەیڤ لسەر رێڤەچوونا ھەلبژارتنان دەرباز بووینە ھێشتا حوکمەت نەھاتیە پێکئینان.
ل دۆر کەرکووکێ ژی سەرۆکێ فڕاکسیۆنا پارتی ل پەرلەمانێ کوردستان ئاماژەکر” پێدڤیە رەوشا ب ئەگەرێ ١٦ی ئۆکتۆبەرێ بسەر کەرکووکێ دا ھاتی بھێتە ئاسایی کرن و ب تنێ ژی پارتی و ئێکەتی نەشێن رەوشا کەرکووکێ ئاسایی بکەن، بەلکو دڤێت بەغدا رازی ببیت، نابیت پرسا کەرکووکێ تێکەلی بابەتێ پێکئینانا کابیا حوکمەتا نوو یا ھەرێما کوردستانێ بھێتەکرن.
ھێمن ھەورامی گۆتژی” ئەم وەک فڕاکسیۆن ژی پشتەڤانیا تەمام یا شاندێ بلندێ دانوستانکاری پارتی دیموکراتی کوردستان دکەین.
ئەڤرۆ نیوز:
بەری دەمەکێ کۆمسیونا بلندا هەلبژارتنان ل تورکیا ناڤێ ١٣ پارتێن سیاسی بەلاڤ کرن کو دێ د هەلبژارتنێن ٣١ ئادارا ئەڤسالە یا باژێرڤانیان دا پشکدار بن.
ل گۆر کۆمسیونا بلند یا هەلبژارتنان یا تورکیا ئەڤ پارتیە دێ پشکداریێ د هەلبژارتنێن باژێرڤانیان یێن تورکیا دا کەن:
ئاکپارتی- پارتیا بزاڤا نەتەوەپەرست- پارتیا کۆماریا گەل- پارتیا دیموکرات- پارتیا دیموکرات یا گەلان- پارتیا ئێکەتیا مەزن- پارتیا سەربخوە یا تورکیا- پارتیا چەپ یا دیموکرات- هۆدا پار- پارتیا ئیی- پارتیا سەعادەت- پارتیا وەلات و پارتیا کومونیست یا تورکیا دێ پشکداریێ د هەلبژارتنێن باژێرڤانان دا کەن.
ئەڤرۆ نیوز:
حەسەن دێرک چاڤدێرێ سیاسی یێ رۆژئاڤایێ کوردستانێ بۆ ئەڤرۆ نیوز دیار کر کو بەرپرسێن تورکیا دبێژن ئەم خوە بۆ شەرێ ل دژی داعشێ ل سووریێ بەرهەڤ دکەین، ئارمانجا سەرەکی یا تورکیا کوردن و دخوازیت ب ناڤێ داعشێ هێرشی کوردێن رۆژئاڤا بکەت.
ناڤهاتی راگەهاند دەمێ داعشێ گەلەک دەڤەر ل سووریێ و عیراقێ داگیر کربوون تورکیا چو نەکر و هەتا ب نهێنی پشتەڤانی ل داعشێ ژی دکر، نها ژی دخوازیت ل ژێر ناڤێ شەرێ ل دژی داعشێ ل سووریێ هێرشی کوردان بکەت و ژ بەر هندێ ژی دڤێت کورد د ئاستێ نێڤدەولەتی دا پیلانێن تورکیا ئاشکرا بکەن.
نيشاندان