ئه‌ڤرۆنيوز:
رێڤه‌به‌ريا گشتى يا كه‌شناسيێ ل هه‌رێما كوردستانێ پێشبينيێن ره‌وشا سه‌قاى ل پارێزگه‌هين هه‌رێمێ سوباهى پێنجشه‌مبى 21/2/2019 به‌لاڤكرن.
ل دۆر ره‌وشا سه‌قاى سوباهى پێنجشه‌مبى ل پارێزگه‌ها دهۆكێ، رێڤه‌به‌ريا ناڤبرى ئاماژه كر كو دێ ئه‌سمان ساهى بيت وپاشى دێ بيته ئه‌ور وئه‌گه‌رێ باران بارينێ ژى يێ هه‌ى.
ئەڤرۆنیۆز، هەرهین محەمەد:
ئێكەتیا لاوێن دیموكراتا كوردستانێ ناڤەندا بالا دهۆك وناڤەندا دهۆك یا چالاكی و پێگەهاندنا لاوان ب هه‌لكه‌فتا (18)شوباتێ پیشنگەهەكا شێوەكاری ل بن درووشمێ( شێوەكار تاكە رێكا گەهاندنا پەیامەكا بێدەنگا رەنگا و رەنگ يا مرۆڤایەتی یە) بۆ شەش شێوەكارێن كور و كچ ل هۆلا گەلەریا دهۆكێ ڤەكر كو بۆ ده‌مێ دو رۆژان دێ یا بەردەوام بیت.
ئەڤین شوكری، كارگێرا ناڤەندا بالا ئێكەتیا لاوێن دیموكراتا كوردستانێ بۆ ئەڤرۆنیۆز گۆت: ب هەلكەفتا (18)شوباتێ را بووینە ب گێرانا پیشانگەهەكا شێوەكاری بۆ شەش شێوەكاران و هەرشێوەكارەك ب پێنچ كەڤالان پشكداربوویە ودڤێ پیشانگەهێ دا 33 كەڤالێن جودا جودا هاتنە نيشاندان و پیشانگەه دێ بۆ دەمێ دو رۆژان یا بەردەوام بیت و مەرەما مە ژ ڤێ خولێ ئەوە پتر خزمەتا لاوان بكەین و بەهرەیا خوە تێدا دیاربكەن و بشێن ل ڤێ پیشانگەهێ كەڤالێن خوە ب فرۆشن و داهاتەك بۆ وان ژێ بهێت و گەلەك خولێن دی مە ڤەكرینە وەكو خولا قارەمانێن تەپاپێ و شەترەنجێ و دیسان خولەكا دروارێ بۆ چاكسازیا سنێلان و ژنان و خولێن جوانكاریێ.
ئه‌ڤرۆنیوز:
شیره‌تكارێ جڤاتا ئاسایشا هه‌رێما كوردستانێ، مه‌سرور بارزانى ئه‌ڤرۆ چارشه‌مبى 20/2/2019 ل گه‌ل جه‌نه‌رال (پۆل لێكامێرۆ) فه‌رماندێ گشتیێ هێزێن هه‌ڤپه‌یمانان ل عیراقێ وسووریێ وشاندێ دگه‌لدا كۆمبوو.
د كۆمبوونه‌كێ دا پێشهات وگوهۆرینین ده‌ڤه‌رێ وپێشخستنا زێده‌تر یا میكانیزما هه‌ماهه‌نگیێ دناڤبه‌را هێزێن په‌یوه‌ندیدار ومه‌ترسیا تیرۆرێ هاتن به‌حسكرن.
مه‌سرور بارزانى زێده‌بارى دووپاتكرنێ ل ره‌وش وگرنگیا هاریكاریا زێده‌تر یا هێزا پێشمه‌رگه‌ى، ئاماژه ب زێده‌بوونا لڤین وكریارێن تیرۆرستى ل چه‌ند پارێزگه‌هێن عیراقێ كر وراگه‌هاند، هه‌كه دبنه‌ره‌تدا هۆكارێن سه‌رهلدانا تیرۆرێ وتوندوتیژیێ ل ده‌ڤه‌رێ نه‌هێنه چاره‌كرن، ده‌لیڤا سه‌رهلدانا توندوتیژیێ ل بن ناڤ وشێوازێن جودا دێ به‌رده‌وام بیت.
دبه‌رامبه‌ردا، فه‌رماندێ گشتیێ هێزێن هه‌ڤپه‌یمانان ل عیراقێ وسووریێ دووپاتكر كو هێزێن هه‌ڤپه‌یمانان دێ به‌رده‌وام بن دهاریكارى ومه‌شق وپشته‌ڤانیا هێزێن پێشمه‌رگه‌ى وعیراقێ دا، بۆ پاراستنا ده‌ڤه‌ران ژى هه‌ڤپشكى وهه‌ماهه‌نگى دناڤبه‌را ڤان هێزان دا ب پێدڤى زانى.
مه‌سرور بارزانى ل دۆر ره‌وشا ده‌ڤه‌رێن رۆژهه‌لاتا فوراتێ ل سووریێ نیگه‌رانیا خوه ژ پێشهاتێن وان ده‌ڤه‌ران دیاركر ودووپاتى ل سه‌ر دانوستاندنێ وچاره‌سه‌ریا سیاسیانه یا ره‌وشێ كر وراگه‌هاند، پێدڤیه ددانوستاندنان دا گره‌نتیا ماف وئاسایشا گه‌لێ كورد ل وى وه‌لاتى ل به‌رچاڤ بهێته گرتن.
ئەڤرۆ نیوز:
ستێرا فرەنسی و یانا بایرن میونیخ یا ئەلمانی فرانگ رێبیری د پشکداریا وی یا یاریا شەڤا بوری ئەوا ب وەکھەڤی ل گەل یانا لیڤەرپول ب دووماھیی ھاتی بێ گول ژ چارچوڤێ یاریێن قوناغا ١٦ ژ قارەمانیا یانێن ئورۆپی ئەو یاریزان شیا نمرەکا باش ل گەل یانا خوە یا ئەلمانی د قارەمانیێن ئورۆپی دا توماربکەت .
مالپەرێ ئوپتا یێ تایبەت ب ئامارێن یاریزانێن جیھانی ئاشکراکر پشتی ل شەڤا بوری رێبیری ل دەقیقا ٨١ ھاتینە دناڤ یاریێ دا ئەو یاریزان شیا نمرەکا باش ل گەل یانا خوە بایرن میونیخ توماربکەت و ھژمارا یاریێن خوە د قارەمانیێن ئورۆپی دا ل گەل یانا گەھاندنە ١٠٠ یاریا .
ھەژی گوتنێ یە فرانک رێبیری ژ سالا ٢٠٠٧ وەرە یاری ل یانا بایرن میونیخ دکەت و ھەتا نوکە ٤١٣ ل گەل وێ یانێ ئەنجامداینە و شیا ١٢٢ گولان توماربکەت و ١٨٠ گول ژی بوو ھەڤالێن خوە بەرھەڤکرینە و ل گەل یانا باڤاری ١٨ ناسناڤێن نافخوی و ئورۆپی و جیھانی ب دەستخوڤە برینە کو ھەشت ژ ئەوان ناسناڤێ بوندس لیگا و سێ ناسناڤ کاسا ئەلمانیا و سێ کاسا سوپەرا ئەلمانیا ل گەل ناسناڤەکێ چامپیونیز لیگ و ئێک کاسا سوپەرا ئورۆپی و ل گەل ئێک ناسناڤێ موندیالا جیھانی
ئەڤرۆ نیوز،بارزان مزووری:
نیسك و نوك دو جۆرێن بەرهەمێن كەڤنار یێن چاندنێ نه ل كوردستانێ، ئەو هەردو بەرهەم ل دەڤەرا شێخان بەر ب نەمانێ دچن، د سالێن كەڤن دا 25% نوك دهاتن چاندن د سالا بۆری دا 2% بەرهەمێ نوكا هاتبو چاندن، بەرهەمێ نیسكا ژی د سالێن كەڤن دا گرنگیەك باش ب چاندنا وێ دهات دان، د سالا بوری دا ب ئێكجاری نەهاتبو چاندن.
غیاس مەحمود،ئێك ژ جوتیارێن كەڤنار یێن قەزا شێخانه بۆ ئەڤرۆ نیوز گوت:سالانە رێژا زێدەتر یا ئەردێ چاندنێ ژ بەرهەمێ نوك و نیسكا دهاته چاندن، ئەڤە پتری 10 سالە سال بو سالێ رێژا چاندنا وان بەرهەمان يا بەر ب نەمانێ دچيت، نیسك ب ئێكجاری ژناڤ چوویە، بەلێ د سالا بوری دا رێژەكا گەلەك كێم ژ نوكا هاتبو چاندن.
ناڤهاتی خویاكر كو ئەگەرێن ژناڤچوونا وان هەردو بەرهەمان ڤەدگەرێت بۆ زێدەبوونا بەرهەمێ بیانی دناڤ بازاری دا وپێتڤیە حوكمەت گومركێ ب ئێخیتە سەر وان بەرهەمان دا بەرهەمێ ناڤخويى ب سەنگ بكەڤیت و دوبارە جوتیار دەست ب چاندنا وان هەردو بكه‌ن.
حاجی مەحمود یەعقوب،رێڤەبەرێ چاندنێ ل قەزا شێخان تایێ مووسل بۆ ئەڤرۆ نیوز ئاشكرا كر:د سالا بۆری دا 2% نوك هاتبونە چاندن، بەلێ بەرهەمێ نیسكا ب ئێكجاری نەهاتبو وپێشبینی دهێته كر ن كو ئەو هەردو بەرهەم ب ئێكجاری ل ڤێ ده‌ڤه‌رێ نه‌هێنه چاندن.
ئەڤرۆ نیوز،بارزان مزووری
وەلاتی و روژنامەڤان و رەوشنبیرین قەزا شێخان داخوازا وێ چەندێ دكەن كو رادیویەك یان هەر ده‌زگه‌هه‌كێ دى یێ راگەهاندنێ ل دەڤەرا وان بهێتە ڤەكرن و گازندەیا وێ چەندێ ژی دكەن كا بۆ چێ ل سنورێ پارێزگەها دهوكێ، قه‌زا شێخان يا بێ بەهرە ل ڤان بزاڤان كو ب باژێرێ پێكڤەژیانێ دهێـە نیاسين بەلێ بێ بەهرە ل هەرسازیەكا راگەهاندنێ .
دلشاد محەمەد، په‌يامنێرێ راديۆيه‌كا پارێزگەها دهۆكێ يه ل قەزا شێخان بۆ ئەڤرۆ نیۆز دیار كر كو ل شێخان چو دەزگەهێن راگەهاندنێ لێ نینن وەك تلەفزیونەكا لوكالی یان رادیۆ یان حەفتینامەك و گەلەك گەنج ژ هەردو رەگەزان ل دەڤەرێ هەنە و بەهرەیا راگەهاندنێ ل دەف هەیە به‌لێ چو ده‌زگه‌هێن راگه‌هاندنێ نینن لێ كاربكەن”.
گۆت ژى” ل پتريا قه‌زايێن پارێزگه‌ها دهۆكێ رادیو هەنە ب تنێ شێخان نەبیت كو رووبەری جوگرافیێ شێخان كێم ترنینە ژوان دەڤەرێن كو رادیۆ هەی روبەرەكێ بەرفرهـ هەیە دەولەمەندە ب داب و نەرتین خوە هەروەسا پێكهاتەیەكا ئولی كو ژ موسولمان و ئێزدی و مەسیحیان پێك دهێت ل ڤێ دەڤەرێ دژین”.
هێلان عوبێد ،ئێك ژ كچێن حەزا كارێ رۆژنامەڤانی هەی ژبەر نەبونا دەزگەهێن راگەهاندنێ ل شێخان نەگەهشتیە حەزا خوه، بۆ ئەڤرۆنيوز دیار كر كو هەر ژ دەستپێكا خواندنا خوه حەزا من ئەوە بچم دناڤ كارێ راگەهاندنێ، به‌لێ ژبەر نەبوونا ج دەزگەهێن راگەهاندنێ ل شێخان نەشێم بگەهم هیڤیێن خو وداخوازێ ژ هەر جهەكێ پەیوەندیدار دكەین كو سازیەكا راگەهاندنێ ل شێخان بهێته ڤەكرن چونكى بچووكترین سازیا راگەهاندنێ ژی لێ نینە”.
ئه‌ڤرۆنيوز:
وه‌زاره‌تا ساخله‌ميێ ل هه‌رێما كوردستانێ ب رێيا به‌رنامه‌كێ مۆبايلێ دێ ئاسانكاريا بۆ وه‌لاتيان كه‌ت.
رێكه‌وت حه‌مه ره‌شيد،وه‌زيرێ ساخله‌ميێ ل هه‌رێما كوردستانێ راگه‌هاند، ئه‌پليكه‌يشنه‌كا ب مفا بۆ وه‌لاتيان به‌رده‌ست كريه كو پێزانينان ل سه‌ر جۆر وبهايێ ده‌رمانان بزانن”.
گۆت ژى” ئه‌م مژوولى ئه‌لكترۆنيكرنا وه‌زاره‌تێ نه ونوكه ژى ژبلى پێزانينێن فه‌رمانبه‌ران، دو ئه‌پليكه‌شن هاتينه دانان تاكو وه‌لاتى ب رێيا مۆبايلێن خوه بشێن پێزانينان ل سه‌ر نێزيكترين نه‌خوه‌شخانه وبنگه‌هێن ساخله‌ميێ وپێزانينان ل سه‌ر جۆر وبهايێ ده‌رمانان بزانن”.
ل دۆر ڤێ چه‌ندێ ئه‌ڤرۆ چارشه‌مبى 20/2/2019 وه‌زيرێ ساخله‌ميێ ل هه‌رێمێ د كونفرانسه‌كێ رۆژنامه‌ڤانى دا راگه‌هاند” ب رێيا ئه‌پليكه‌يشنا (KRG Health facilities) ل سه‌ر هه‌موو مۆبايلان وه‌لاتى دشێن جهێن هه‌موو بنگه‌هێن ساخله‌ميێ يێن وه‌زاره‌تا ساخله‌ميێ ونێزيكترين بنكه‌ه ونه‌خوه‌شخاناته‌نگاڤيان ل هه‌موو باژێران بزانن، ل داهاتى دا ژى كلينيكێن تايبه‌ت ونه‌خوه‌شخانێن تايبه‌ت ژى دێ كه‌ينه دناڤ وى سيسته‌مى دا”.
سه‌باره‌ت ده‌رمانان، وه‌زيرێ ساخله‌ميێ گۆت” ئه‌پليكه‌يشنه‌كێ دا دانين بۆ ده‌رمان وده‌رمانخانان وبهايێ ده‌رمانان وجۆر وماركه وزيانێن ده‌رمانى وبۆچ دهێته بكارئينان بۆ وه‌لاتيان، ژبلى وێ چه‌ندێ هه‌موو ئاميرێن ساخله‌مى ونه‌خوه‌شخانێن په‌نجه‌شێرێ دێ ئه‌لكترونى كه‌ين.
ئه‌ڤرۆ نیوز ، زنار تۆڤى:
ئارمانج عه‌گید نێروه‌یى، به‌رپرسێ راگه‌هاندن و وه‌رزشى ل كۆمه‌لا دۆستينیا كورد و ئه‌لمان بۆ ئه‌ڤرۆ نیوز گۆت: کۆمه‌لا دۆستينیا كورد و ئه‌لمان ل سالا 2016 هاتیه دامه‌زراندن و دڤى ماوێ بورى دا وان چه‌ندین چالاكى كرینه، ژ وان ژى، وان هنده‌ك چالاكى ل به‌رلینێ ئه‌نجامداینه، هه‌روه‌سا وان پشته‌ڤانى ل ریفراندۆمێ كریه و دیسا ئه‌و پشكداربووینه د مه‌زنترین خرڤه‌بوونا جه‌ماوه‌رى دا ل ئورۆپا ل باژێرێ كۆلن، دیسا بۆ شكه‌ستنا كه‌ركۆكێ ژى وان مه‌زنترین خوه‌نیشاندان ئه‌نجامدایه و وان په‌یامه‌ك ژى دایه بالیۆزخانا ئه‌مریكا و ده‌زگه‌هێن حكومى یێن ئه‌لمانیا و ب تایبه‌تى وه‌زاره‌تا ژ ده‌رڤه، دیسا ل سالا 2017 وان پشكدارى كر د كۆنفرانسێ بازرگانى یێ دناڤبه‌را هه‌رێما كوردستانێ و عیراقێ و ئه‌لمانیا دا كریه ل هانۆڤه‌ر، لێ نوكه د به‌رنامێ وان دایه كو ئه‌و ل گه‌ل كوردستانێ كار بكه‌ن، ئه‌و ژى ب رێیا ئاڤاكرنا پره‌كا ب هێز یا تێكه‌لیێ و ئالوگۆریێ د هه‌موو واران دا، هه‌روه‌سا ل ده‌ستپێكا سالا 2019 وان شانده‌كێ رۆژنامه‌ڤانێن پارێزگه‌ها دهۆكێ داخوازكربوونه به‌رلینێ، وان رۆژنامه‌ڤانان هه‌ڤدیتن كریه ل گه‌ل په‌رله‌مانێ ئه‌لمانیا و په‌رله‌مانێ به‌رلین و پارێزگه‌ها به‌رلین یا ناڤه‌راست، دیسا مه پێشانگه‌هه‌كا وێنێن كه‌ڤن یێن باژێرێ دهۆكێ ل به‌رلینێ ڤه‌كر، په‌رتووكه‌ك ل سه‌ر كۆبانێ یا رۆژنامه‌ڤانه‌كا دهۆكێ ل به‌رلین دایه نیاسین.
نێروه‌یى گۆت ژى: مه به‌رنامه‌كێ هه‌ى كو شانده‌كێ هونه‌رمه‌ند و رۆژنامه‌ڤانێن دهۆكێ بینینه ئه‌لمانیا، داكو پشكداریێ د ئاهه‌نگا نه‌ورۆزێ دا بكه‌ن، ل 23/3/2019 ل ئاڤاهیێ شاره‌وانیا ناڤه‌راست، كو دبیته پایته‌ختێ به‌رلینێ ل ژێر چاڤدێریا پارێزگارێ به‌رلین و دێ 150 كه‌سێن كورد و ئه‌لمان تێدا پشكدار بن، ژبۆ دانه‌نیاسینا نه‌ورۆزێ ژ بۆ ئه‌لمانان، دیسا بۆ كه‌رنه‌ڤالا كه‌لتۆران كو دێ 187 نه‌ته‌وه ل به‌رلینێ پشكداریێ تێدا كه‌ن، كو كورد ژى دێ پشكداریێ د وى كه‌رنه‌ڤالى دا كه‌ن، كۆمه‌لا مه ژى دێ پشكداریێ تێدا كه‌ت ب ناڤێ كوردستان و گرۆپێ تیپا هونه‌رێ مللى یا هه‌ولێرێ ژى دێ ب ناڤێ كوردستانێ پشكداریێ تێدا كه‌ت، ل گه‌ل هژماره‌كا رۆژنامه‌ڤانێن دهۆك و هه‌ولێر و سلێمانیێ و هه‌له‌بجه، ئه‌ڤ كه‌رنه‌ڤالا سالانه دێ ل ( 7_10/ 6 / 2019) یا به‌رده‌وام بیت، دیسا ل هه‌یڤا 8 دێ چالاكیه‌كێ بۆ پارێزه‌رێن كوردستانێ چێكه‌ین، كو ئه‌و ژى بهێنه ئه‌لمانیا فێرى سیسته‌م و ره‌وشا قانوونێ ببن ل ڤى وه‌لاتى، دیسا ئه‌م كار دكه‌ین ژبۆ چێكرنا پره‌كێ دناڤبه‌را پارێزگه‌ها دهۆكێ و پارێزگه‌ها به‌رلین ناڤه‌راست، ژ پێخه‌مه‌ت ئه‌م بشێین ئه‌ڤان هه‌ردو پارێزگه‌ها بكه‌ینه هه‌ڤپشك ل گه‌ل ئێك دا، ب تایبه‌تى ژى كو به‌رلین ناڤه‌راست پایته‌ختێ هه‌رێما به‌رلینێ یه، جهێ بریاردانا حوكمه‌تا ئه‌لمانیا یه، هه‌روه‌سا د وارێ په‌روه‌ردێ و وه‌رزشى دا گه‌له‌كا پێشكه‌فتى یه، له‌وما ئه‌م بزاڤێ دكه‌ین كو هه‌ردو پارێزگه‌ها بكه‌ینه هه‌ڤپشك، داكو بشێین شاند و سه‌رپه‌رشتیار و مامۆستایێن په‌روه‌رده‌یى ب شێوێ گرۆپ بینینه ئه‌لمانیا ژبۆ پشكداریكرنێ د وركشۆپ و سمینار و خۆلێن په‌روه‌رده‌یى، كا چاوا مامۆستایێن ئه‌لمانى خوه په‌روه‌رده دكه‌ن؟، وانه‌یان پێشكێشى قوتابیان دكه‌ن، هه‌روه‌سا برێڤه‌چوونا سیسته‌مێ په‌روه‌رده‌یى ل ڤێ هه‌رێمێ یێ چاوایه، دیسا ئینانا یانێن وه‌رزشى یێن دهۆكێ و كوردستانێ، كو بهێنه ئه‌لمانیا ژبۆ ئه‌نجامدانا مه‌شق و راهێنانان ل وه‌رزێن هاڤین و زڤستانا، هه‌روه‌سا پشكداریێ بكه‌ن د یاریێن دۆستا نه‌دا، د قاره‌مانیا سالانه یا وان باژێرێن جیهانى یێن هه‌ڤپشك ل گه‌ل پارێزگه‌هێن به‌رلینێ.
ئارمانج عه‌گید نێروه‌یى دیار كر ژى: مه ل به‌ره كۆنفرانسه‌كێ ئابوورى بۆ ئابوورناس و كارساز و بازرگانێن كورد و ئه‌لمان ل به‌رلینێ بۆ 200 كه‌سان ئاماده بكه‌ین، هه‌كه ده‌لیڤه چێبیت ل هه‌یڤا گۆلانێ، هه‌روه‌سا كۆمه‌لا دۆستينیا كورد ئه‌لمان ژ 13 ئه‌ندامان پێك دهێت كو ئه‌ندامێن وێ ئه‌لمانى و كوردێن هه‌ر چار پارچێن كوردستانێ نه، ئه‌ڤ ئه‌ندامه ڤێ كۆمه‌له برێڤه دبه‌ن، كو ئه‌ڤه كۆمه‌له‌كا سه‌ربه‌خۆیه، هه‌روه‌سا مه ل به‌ره نوونه‌راتیا خوه ل هه‌رێما كوردستانێ ژى ڤه‌كه‌ین، دیسا ل هه‌ر 16 هه‌رێمێن ئه‌لمانیا ژى، كۆمه‌لا دۆستانیا كورد ئه‌لمان د ئاستێ دناڤبه‌را كوردستانێ و ئه‌لمانیا دا كار دكه‌ت، ده‌ستووریا ڤێ كۆمه‌لێ ژى مه ل دادگه‌ها ” شارلۆتنبۆرگ” ل به‌رلین وه‌رگرتیه.
ئەڤرۆ نیوز، مەحمود نهێلی
ب چاڤدێریا “عمر ئورەیی” بەرپرسێ لقێ١٨ (پ.د.ک)، و ب ئامادەبوونا نوونەرێ لقێ و سکرتێرێ ئێکەتیا لاوێن دیموکراتا کوردستانێ، هژمارەکا لاوێن دێرین یێ خزمەتا ئێکەتیا ناڤهاتی کری د رێورەسمەکی دا ل هۆلا پەیمانگەها تەکنیکی – ئامێدیێ ل رۆژا چارشەمبی٢٠/٢/٢٠١٩ هاتن خەلاتکرن.
سەربەست کەرەم، بەپرسێ ناوەندا بالا یا لاوێن ئامێدیێ بۆ ئەڤرۆ نیوز دیار کو بهەلکەڤتا ٦٦ سالیا دامەزراندانا ئێکەتیا لاوێن دیموکراتی کوردستانێ وان ب فەر دیت ل ئامێدیێ هژمارەکا لاوێن دێرین یێن خزمەتا ئێکەتیا لاوێن دیموکراتا کوردستانێ کرین د قۆناغێن جودا دا بهێنە خەلاتکرن.و گۆت : د رێ ورەسمێن خەلاتکرنێ دا چەند پەیڤ هاتن خواندن ژوان پەیڤێن لقێ١٨ و سکرتاریەتا لاوان و ناڤەندا ئامێدیێ و پەیڤا لاوێن دێرین. و تێدا پەسنا ڤان لاوان کرن یێن کو ژیێ خوە ب خەبات و تێکوشینێ ڤە ل سەردەمێن شۆرەشین کوردی دا بوراندی.
ئه‌ڤرۆنيوز:
وه‌زيرا باژێرڤانيان وگه‌شتوگوزارێ ل هه‌رێما كوردستانێ ئاشكراكر كو پشتى چه‌ندين سالێن كاركرنێ ل ئێك ژ پرۆژێن ستراتيژى يێن حوكمه‌تا هه‌رێمێ كو تۆنێلا پيرمام – شه‌قلاوه‌يه، ل ناڤه‌راستا هه‌يڤا ئادارێ بهێت دێ ئه‌و تۆنێل هێته ڤه‌كرن كو هۆكاره‌كێ گرنگه وئاسانكاريێن تمام بۆ شۆفێران وگه‌شتياران ووه‌لاتيان دكه‌ت.
نه‌وروز مه‌ولود، وه‌زيرا باژێرڤانيان وگه‌شتوگوزارێ ل هه‌رێمێ بۆ مالپه‌رێ فه‌رميێ پارتى ديموكراتى كوردستان گۆت” ئه‌ڤ تۆنێله بۆ مفايه‌كێ مه‌زن بۆ گه‌شتياران يێ هه‌ى ل ده‌مێ سه‌ردانێن وان بۆ جهێن گه‌شتيارى”.
تۆنێلا پيرمام – شه‌قلاوه كو رێيا سه‌لاحه‌دين وشه‌قلاوه دێ ب ناحيا حه‌رير وقه‌زا سۆران وده‌وروبه‌رێن وێ ڤه گرێده‌ت، دێ ده‌مێ نيڤ ده‌مژمێرا رێ كۆرت كه‌ت ومه‌ترسيێن روودانێن هاتنوچوونێ ژى دێ كێم كه‌ت
نيشاندان