ئه‌ڤرۆنيوز:
وه‌زاره‌تا به‌رگريا عيراقێ راگه‌هاند كو هێزێن له‌شكرى يێن زێده‌تر هاتينه ره‌وانه‌كرن بۆ سنورێ عيراقێ ل گه‌ل سووريێ.
وه‌زاره‌تا ناڤبرى دبه‌ياننامه‌كێ دا راگه‌هاند كو هێزا ليوا 37 يا په‌ياده يا سه‌ر ب فرقا زريپۆسا 9 ب مه‌ره‌ما پاراستنا سنورێ دناڤبه‌را عيراقێ وسووريێ ره‌وانه‌ى قه‌زا قائيم ل رۆژئاڤايێ ئه‌نبار كريه.
دياركر ژى ب ئارمانجا پاراستنا سنورى ورێگرتنێ ل ده‌ربازبوونا تيرۆرستێن داعشێ ژسووريێبۆ عيراقێ، ئه‌و هێزه هاتيه هنارتن بۆ باژيرێ قائيم.
ئه‌ڤرۆنیوز:
ئه‌ڤرۆ چارشه‌مبى 20/2/2019 مه‌سرور بارزانى، شیره‌تكارێ جڤاتا ئاسایشا هه‌رێما كوردستانێ ل گه‌ل (ئیره‌ج مه‌سجدى) بالیۆزێ ئیرانێ ل عیراقێ كۆمبوو.
ددیداره‌كێ دا، زێده‌بارى به‌حسێ په‌یوه‌ندیێن كه‌ڤن دناڤبه‌را گه‌لێ كوردستانێ وگه‌لێن كۆمارا ئیسلامى یا ئیرانى وئالوگۆركرنا بازرگانى دناڤبه‌را هه‌رێما كوردستانێ وكۆمارا ئیسلامى یا ئیرانى، ئاماژه ب دووماهى گاڤێن هه‌لبژارتن وپێكئینانا ده‌زگه‌هێن فه‌رمى یێن هه‌رێما كوردستانێ هاته دان ودووپاتى ل سه‌ر گرنگیا له‌زكرنێ دگاڤێن دیموكراسیانه دناڤبه‌را لایه‌نان هاته كرن.
ژلایێ خوه‌ڤه بالیۆزێ ئیرانێ ل عیراقێ رۆناهى خسته سه‌ر میكانیزما پێشڤه‌برنا په‌یوه‌ندیان ل گه‌ل عیراقێ وهه‌رێما كوردستانێ ودووپاتى ل پشته‌ڤانیا وه‌لاتێ خوه بۆ هه‌رێما كوردستانێ كر وراگه‌هاند” دداهاتى دا دێ وان په‌یوه‌ندیان ب هێزتر لێكه‌ین وسه‌قامگیریا كوردستانێ بۆمه یا گرنگه”.
ئەڤرۆ نیوز، عەلی حاجی:
ھوگر تەراح بەرپرسێ تایێ زاخۆ یێ رێکخراوا W.R.O بۆ ئەڤرۆ نیوز دیار کر ب پشکداریا ئێزدیێن خوەجھێن دەڤەرا دێرەبوونێ و ئیزدیێن ئاوارە و دگەل دا مەسیحیێن خوەجھێن دێرەبوونێ رێکخراوا مە رابوون ب چاندنا دارێن پێکڤەژیانێ ل دێرەبوونێ.
ھزگر تەراحی زێدەتر گوت: (مەرەم ژ ڤێ چەندێ ئەو بوو ئەو پێکڤەژیانا ل دێرەبوونێ ھەی بھێتە موکمتر کرن و ئەو شتلێن دارا ھاتینە چاندن ببیتە ھێمایەکا پێکڤەژیانێ بۆ نڤشێ نوو بھێت دا کو روویێ پێکڤەژیانێ ل دێرەبونێ بھێزتر ببیت).
ناڤھاتی ئەو چەندە ژی گوت : (دقوناغا ئێکێ دا ٩٥ شتلێن داران ھاتنە چاندن و ب ئانەھیا خودێ دێ بەردەوام بین ل چاندنا داران دا، دێ ھەوێن ب ڤی رەنگی د بەردەوام بن دا کو پێکڤەژیانا ل کوردستانێ ھەی بپارێزین).
ئەڤرۆ نیوز:
پشتی کو روسیا راگەهاند ل گەل رژێما سووریێ بەرهەڤیان بۆ ئۆپەراسیۆنا ئدلبێ دکەن هێزێن تورکیا کو ١٢ بنگەه و خالێن پشکنینێ ل ئدلبێ و دەوروبەرێن وێ هەنە کەفتنە د ئامادەباشیێ دا.
ل گۆر دەزگەهێن راگەهاندنا تورکیا هێزێن سەربازی یێن تورکیا ل ئدلبێ و دەوروبەرێن وێ خوە بۆ هەر پێشهاتەکا نەخواستی بەرهەڤ دکەن و ژ بەر هندێ ژی نها د ئامادەباشیێ دانە.
ئەو یەک د دەمەکێ دایە کو دوهی سەرۆک کۆمارێ تورکیا راگەهاند بەرهەڤیێن مە بۆ دەستپێکرنا ئۆپەراسیۆنێن سەربازی ل رۆژهەلاتێ فراتێ و منبجێ ب دووماهی هاتینە و تورکیا چاڤەرێی رزامەندیا چو ئالیەکێ ژی نابیت.
ئەڤرۆ نیوز:
د یاریێن گەرا سیێ ژ قوناغا چارگۆشا زێرینا خولا ھەرێما کوردستانێ یا تەپا پێ یانا گارە شیا سەرکەفتنەکا گرنگ ل سەر مێڤانا خوە یانا سۆران تومار بکەت ب گۆلەکێ بێ بەرامبەر، ب ڤێ سەرکەفتنێ ژی گارە ھیڤیێن خوە ڤەگەراند بۆ دەربازبوونا خولا نایاب ل وەرزێ بھێت.
د نیڤا ئێکێ دا یانا گارە بھێز ھاتە د یاریێ دا و شیا چەندین دەلیڤەیان ل سەر گۆلا سۆران پەیداکرن و دەرئەنجام ل خولەکا ١٩ یاریزانێ وێ یادگار یونس شیا گۆلا پێشکەفتنێ بۆ یانا خوە گارە تومار بکەت و نیڤا ئێکێ ب ڤی ئەنجامی ب دووماھی بینت.
د نیڤا دویێ دا یانا گارە فشارەکا مەزن ل سەر گۆلا سۆران پەیداکر بۆ تومارکرنا گۆلا دویێ و چەند دەلیڤە ژی ژدەست دان، بەرامبەر یاریزانێن سۆران شیان دوبارە پشتی بورینا چارێکا ئێکێ ژ نیڤا دویێ ڤەگەرنە ئاستێ خوە و فشارێ پەیدابکەن لێ ھەموو بزاڤێن وان بێ مفا بوون و یاری ب سەرکەفتنا گارە ب گۆلەکێ بێ بەرامبەر ل سەر یانا سۆران ب دووماھی ھات.
ب ڤی ئەنجامی گارە ھژمارا خالێن خوە گەھاندنە چار خالان و ڤەگەریا ھەڤرکیا دەربازبوونێ بۆ خولا نایاب ل وەرزێ بھێت.
ئەڤرۆ نیوز، عەلی حاجی:
دکتور ھوگر تاھر سەروکێ سەنتەرێ زاخۆ بۆ ئەڤرۆ نیوز گوت: (ل سالا ٢٠١٢ گوڤارا رووگەە ٥ ژمارە ژلایێ زانکویا زاخۆ ھاتبوونە چاپکرن و بەلاڤ کرن، پشتی بۆ ماوەیەکێ ئەڤ گوڤارە ھاتیە راوەستاندن و پشتی چەندین گەنگەشەیان وەکو سەنتەرێ زاخۆ بۆ ڤەکولینێن کوردی مە بریار دا گوڤارا رووگەە جارەکا دی بھێتە چاپکرن و بەلاڤ کرن، بەلێ شێوازەکێ نوو و ب شێوەیەکێ مودێرن، نها کارێ کۆڤارێ ب دووماھی ھاتیە و دێ ل وەلاتێ تورکیا ھێتە چاپ کرن و د ماوەیێ ٣ روژێن دی گوڤارا مە دێ ھێتە بەلاڤکرن).
ل دوماھیێ دکتور ھوگری گوت : (نێزیکی ٣ ھەیڤانە کار ل سەر چێکرنا ڤێ گوڤارێ دھێتە کرن، ماموستاێن زانکویا زاخۆ و پارێزگەھا دھوکێ و کوردستانا باشور پشکداری تێدا کریە و ستافەکێ ٨ کەسی ژ ماموستایێن زانکویا زاخۆ سەرپەرشتیا گوڤارا رووگەە دکەن).
ئەڤرۆ نیوز، هۆشەنگ تاجر:
سەردار محەمەدی ئەندامێ رێکخراوا مافێ مرۆڤی یا رۆژهەلاتێ کوردستانێ (هەنگاو) بۆ ئەڤرۆ نیوز راگەهاند کو ئەڤسالە ب رێژەکا بەرچاڤ چالاکڤانێن سیاسی و مەدەنی ل رۆژهەلاتێ کوردستانێ دهێنە دەستەسەرکرن و بۆ ئازادیا وان ژی دەزگەهێن ئێمناهیێ و دادێ داخوازا پارەکێ زۆر دکەن، ژ بەر هندێ ژی نها ب دەهان چالاکڤانێن مافێ مرۆڤی ل زیندانان دانە.
ئەندامێ رێکخراوا هەنگاو ئەو یەک ژی دیار کر کو ئەم داخواز ژ ئێکەتیا ئورۆپا و رێکخراوێن مافێ مرۆڤی دکەین کو ل هەمبەر ڤێ رەوشا خراب ل رۆژهەلاتێ کوردستانێ بێدەنگ نەبن و فشارێن خوە ل سەر ئیرانێ زێدە بکەن دا گرتیێن کورد بهێنە ئازادکرن.
ئەڤرۆ نیوز، عەلی حاجی:
د داخویانەکێ دا ئەندامێ پەرلەمانێ کوردستانێ ئدریس ئیسماعیل عەبوس بۆ ئەڤرۆ نیوز دیار کر پشتی رەزامەندی ل سەر دروستکرنا جاددەیا نێڤدەولەتی ھاتیە دان بەلێ نیڤا کوژمێ پێدڤی بۆ وێ جاددەیێ ھاتیە تەرخانکرن و دێ دیڤچوونێ ل سەر ڤی بابەتی کەین.
ئیدریس ئیسماعیلی زێدەتر گوت: (پشتی لژنەیا کەشفێ بو زانینا تێکچوویێ دروستکرنا جاددەیا نێڤدەولەتی ئیبراھیم خەلیل بۆ زاخۆ سەرەدەنا وێ جاددێ کری و کەشفا خوە ب دووماھی ئینایی و ھاتیە رەوانە کرن بۆ جھێن پەیوەندیدار، ل دووڤ راپورتا کەشفێ تێکچوویێ وێ جاددەیێ ١١ ملیار دینارێن عێراقی نە، بەلێ ب تنێ ٥ ملیار دینار بۆ چێچکرنا وێ جاددەیێ ھاتینە تەرخان کرن).
ناڤھاتی زێدەتر گوت : (وەکو پەرلەمانترێن کوردستانێ نڤیسینگەھا زاخۆ دێ ب رژدی دیڤچوونا ڤێ کێشەیێ کەین دا کو ل زووترین دەم دا ئەڤ چەندە بھێتە چارەسەر کرن و ھەمی رێکا ل بەر حکومەتێ ڤەکەین و دەست ب کاری ل سەر وێ جاددەیێ بھێتە کرن).
ئەڤرۆ نیوز:
سەرۆکێ پارتیا ئێکەتیا مەزن یا تورکیا دیار کر کو دڤێت هەموو پارتێن تورکیا د ڤان هەلبژارتنان دا هاریکاریا هەڤدو بکەن و رێ نەدەن هەدەپە باژێرڤانیان ل باکورێ کوردستانێ بدەستڤە بینیت و گۆت: (مە ل گەلەک باژێران بەربژار دیار نەکرینە چونکو دێ هاریکاریا ئاکپارتیێ یان ژی پارتیا بزاڤا نەتەوەپەرست کەین و ئارمانجا مە یا سەرەکی ژی ئەڤە کو دەنگێ هەدەپێ کێم کەین).
ناڤهاتی ئەو یەک ژی دیار کر کو دڤێت نەهێلین کورد بهێز کەڤن چونکو دێ مەترسیێ ل سەر تورکیا دروست کەن و دڤێت ئەم رێگریێ ل بهێزبوونا کوردان بگرین.
ئەڤرۆ نیوز:
جان میشیل ئولاس سەرۆکێ یانا ئولومپیک لیون یا فرەنسی دیارکر دەستخوشی ل یاریزان و ستاڤێ راھێنەریا یانا خوە کر بوو ئەوی ئاستێ بلند یێ یاریزانێن ئەوی ل یاریا بەرامبەر بەرشەلۆنا پێشکێشکرین دوێ یاریێ دا ئەوا ل شەڤا بوری بێ گول ب دووماھیی ھاتی ژ چارچوڤێ یاریێن قوناغا ١٦ ژ قارەمانیا چامپیونیز لیگ؟
زێدەتر ناڤبری دیارکر ئەو شانازی ب وی ئاستێ یاریزانێن خوە و تیما دبەت ژبەرکو تیما ئەوان بێ پشکداریا چەند یاریزانێن خوە یێن سەرەکی یاری بەرامبەر ئێک ژ باشترین یانێن جیھانێ کر و ب دیتنا ئەوی ھەکە ئەوان یاریزانێن ئەوان یێن سەرەکی و تایبەت ستێرا یانێ نەبیل فەقیر یاری کربا دا ئەوان گوتنەکا دی بوو ڤێ یاریێ ھەبیت و شێن ئەنجامەکێ باشتر توماربکەن.
نيشاندان