ئه‌ڤرۆنیوز:

رێڤه‌به‌رێ ته‌موینا دهۆكێ، حسێن سه‌بری بۆ ئه‌ڤرۆنیوز راگه‌هاند، لژنا ئابووری ل جڤاتا وه‌زیرێن عیراقێ بریاره‌ك بۆ مه‌زاختنا ده‌رماله‌كی بۆ هه‌موو فه‌رمانبه‌رێن وه‌زاره‌تا بازرگانی یا عیراقێ ده‌ركریه‌ وفه‌رمانبه‌رێن هه‌رێما كوردستانێ ژ وێ ده‌رمالێ دبێ به‌هرن.

حسێن سه‌بری، رێڤه‌به‌رێ ته‌موینا دهۆكێ ۆ ئه‌ڤرۆنیوز گۆت ژی” گۆژمێ وی ده‌رمالێ هه‌یڤانه‌ 150 هزار دینارن وژ هه‌موو فه‌رمانبه‌رێن وه‌زاره‌تا بازرگانی یا عیراقێ دگریت ب تایبه‌تی ئه‌وێن دبیاڤێ ئاهێن خوارنێ دا كاردكه‌ن وه‌كو ( پلێتا ئاهێن خوارنێ وسایلویان …هتد) ودێ ژ 1/1/2018 هێته‌ هژمارتن ومه‌زاختن وهه‌موو فه‌رمانبه‌رێن وه‌زاره‌تا بازرگانیا عیراقی ژ پارێزگه‌ها نه‌ینه‌وا هه‌تا به‌سرا ئه‌و ده‌رماله‌ یا وه‌رگرتی، به‌لێ بریارا مه‌زاختنا وی ده‌رمالی ژ فه‌رمانبه‌رێن وه‌زاره‌تا بازرگانی ل هه‌رێما كوردستانێ ناگریت”.

گۆت ژی” ئه‌م دبینن ئه‌ڤ چه‌نده‌ سته‌مه‌كا ل فه‌رمانبه‌رێن هه‌رێمێ دهێته‌ كرن وداخوازێ ژ وه‌زاره‌تا بازرگانی ل هه‌رێما كوردستانێ دكه‌ین بزاڤان بكه‌ت كو ئه‌و ده‌رماله‌ ژ فه‌رمانبه‌رێن وه‌زاره‌تا بازرگانی ل هه‌رێما كوردستانێ ژی بگریت”.

ئەڤرۆ نیوز:

ب ھەلکەفتا ٦٦ سالیا دامەزراندنا ئێکەتیا قوتابیێن کوردستانێ و ئێکەتیا لاوێن دیموکراتا کوردستانێ سەرۆک مەسعود بارزانی پەیامەکا پیروزباھیێ ئارستەی قوتابی و لاوان کر.

دڤێ پەیامى دا سەرۆک مەسعود بارزانی گەرمترین پیروزباھی ب ھەلکەفتا دامەزراندنا ئێکەتیا قوتابیێن کوردستانێ و ئێکەتیا لاوێن دیموکراتا کوردستانێ بەلاڤ کر، و دیارکر ئەڤ ھەردو رێکخراوە پشکەکا گرنگ یا خەباتا گەلێ مەنە بۆ دەسڤەئینانا ئازادی و پێشکەفتن و نوخوازیێ و شووین دەستێ وان د خەباتێ دا دیارە تایبەت د شورەشا ئەیلول و گۆلانێ دا.

ل دووماھیێ سەرۆک بارزانی خواست بەردەوامیێ خەباتا کارێ خوە بکەن بۆ پێگەھاندنا کادرێن ھشیار و خودان شیان بۆ خزمەتا بەرەژەوەندیێن گشتی یێن مللەتێ مە پێخەمەت گەھشتن بۆ کوردستانەکا بھێز دیسان ئاڤاکرنا بەرەبابکەکێ نوو کو باوەری ب خوە و نشتیمانێ خوە ھەبیت.