ئەڤرۆ نیوز:
پشتی کو هێزێن رژێما سووریێ ل سەر داخوازا یەپەگێ چوونە ناڤ باژێرێ منبجێ روسیا کەیفخوەشیا خوە ل هەمبەر ڤێ یەکێ دیار کر.
دیمیتری بیسکۆف پەیڤدارێ کۆچکا سەرۆک کۆماریا روسیا راگەهاند کو چوونا هێزێن سووریێ بۆ ناڤ باژێرێ منبجێ پێنگاڤەکا گرنگ و ئەرێنی بوو و ئەم ژ ڤێ یەکێ کەیفخوەشین، چونکو ب چوونا هێزێن سووریێ دێ رەوشا وی باژێرێ ئارام بیت و مە دڤێت هێزێن سووریێ ل هەموو دەڤەرێن وی وەلاتی بەلاڤ ببن و وەلاتیان بپارێزن و ئەو یەک بۆ پاشەرۆژا سووریێ ژی گرنگە.
ئەڤرۆ نیوز:
بەری دەمەکێ هێزێن رژێما سووریێ چوونە ناڤ باژێرێ منبجێ و ئالا خوە ل ناڤ وی باژێری بلند کرن، ئەو یەک ژی پشتی هندێ هات کو یەپەگێ ب فەرمی راگەهاند مە هێزێن خوە ژ منبجێ ڤەکێشاینە و داخواز ژ رژێما سووریێ کر کو هێزێن خوە ببەتە منبجێ.
هەژی ئاماژەپێدانێ یە کو بەری چەند رۆژان رژێما سووریێ هێزێن خوە ل نێزیکی باژێرێ منبجێ بجه کربوو و بەری دەمەکێ ژی چوونە ناڤ باژێری و ئالا خوە بلند کرن.
ئەڤرۆ نيوز، ھشیار دوبانکی:
ژ بۆ پتر ب ھێزخستنا تیما تەپا پێ یا یانا زاخۆ ئەوا پشکدار دخولا نایابا ھەریما کوردستانێ دا کارگیریا یانا زاخۆ دانوستاندن د گەل ژمارەکا یاریزانا کریە و ژڤانە ل رۆژا بگەھنە باژێرێ زاخۆ.
ئەندامەکێ دەستەیا کارگیری بۆ ئەڤرۆ نیوز دیارکر کارگێریا یانا زاخۆ پەیوەندی ب ژمارەکا یاریزانا کریە و ژوانا یاریزان مستەفا چینە دێ دڤان رۆژا دا گەھیتە باژێرێ زاخۆ بۆ خولا ھەرێما کوردستانێ، خەلکێ جەلەولایە و ل پشت ھێرش بەرا یاریێ دکه‌ت و یاری بۆ یانەیا سیناعە کریە دیسان زیدەتر ژ 10 یاریزانا د دانوستاندنێ دانن د گەل یانا زاخۆ بۆ خولێن عیراقێ وھەرێمێ.
ئه‌ڤرۆ نيوز:
سه‌رۆكێ لژنا ساخله‌ميێ ل جڤاتا نوونه‌رێن عيراقێ ته‌كست ل سه‌ر وێ چه‌ندێ دكه‌ت كو نها كار ل سه‌ر زێده‌كرنا ده‌رمالێن فه‌نبه‌رێن ئيدارى يێن وه‌زاره‌تا ساخله‌ميێ ژ 30% بۆ 75%ێ دهێته كرن و هه‌موو فه‌رمانبه‌رێن وه‌زاره‌تێ بێ جوداهى دێ ڤه‌گريت.
قوته‌يبه جبۆرى، سه‌رۆكێ لژنا ساخله‌ميێ ل جڤاتا نوونه‌رێن عيراقێ، ل پێگه‌هێ تايبه‌تێ خوه يێ فه‌يسبۆكى به‌لاڤكريه كو بابه‌تێ قانوونا خزمه‌تا ساخله‌ميێ و جوداكاريا فه‌رمانبه‌ران و كاركرن ب گۆره‌ى پۆلينا كارى، پشته‌ڤانيا هه‌موو فه‌رمانبه‌رێن ساخله‌ميێ دكه‌ين”.
ته‌كست ژى ل سه‌ر وێ چه‌ندێ هاتيه كرن كو كار ل سه‌ر بنه‌مايێ وان هه‌موو داخوازيێن ژ لايێ فه‌رمانبه‌رێن ئيدارى يێن وه‌زاره‌تا ساخله‌ميێ د ده‌رباره‌يى زێده‌كرنا ده‌رمالێن وان دا دكه‌ن وه‌كو سه‌رۆكێ لژنێ كار دكه‌ت بۆ زێده‌كرنا ده‌رمالێن وان.
قوته‌يبه جبۆرى، كو پێشتر ل سالا 2014ێ بۆ 2015ێ وه‌زيرێ ژينگه‌ها عيراقێ بوو، ئاشكه‌را كر كو ده‌رمالێن فه‌رمانبه‌رێن ئيدارى يێن وه‌زاره‌تا ساخله‌ميێ ژ 30% بۆ 75%ێ دێ هێنه زێده كرن، “ل ده‌سپێكا وه‌رزێ دانانا قانوونان دێ كار ل سه‌ر كه‌ين”.
د ڤێ ده‌ربارێ دا، د. داليا فه‌رهاد، ئه‌نداما جڤاتا نوونه‌ران ل سه‌ر فراكسيۆنا پارتى ديموكراتى كوردستان بۆ ئه‌ڤرۆ نيوز گۆت: “ئه‌ڤ بزاڤه پێشتر ژى هه‌بوون و نها ژى كار ل سه‌ر وێ چه‌ندێ دهێته كرن كو ئه‌ڤه ببيته قانوون و بكه‌ڤيته وارێ بجهئينانێ”.
ئه‌ڤرۆ نيوز:
جۆن بۆلتن، شيره‌تكارێ ئاسايشا نه‌ته‌وى يا ئه‌مريكا راگه‌هاند، دۆنالد تره‌مپ، سه‌رۆكێ ئه‌مريكا دێ عادل عه‌بدولمه‌هدى سه‌رۆك وه‌زيرێن عيراقێ گازى كۆچكا سپى كه‌ت و ل هيڤيا وێ چه‌ندێ ينه پێشوازيێ لێ بكه‌ين.
بۆلتن، ئێكه ژ وان كه‌سێن ل گه‌ل سه‌رۆكێ ئه‌مريكا سه‌ره‌دانا بنگه‌هێ له‌شكرى يێ ئه‌مريكى ل ئه‌سه‌د ل ئه‌نبار كرى.
بۆلتن گۆت: “سه‌رۆك تره‌مپ دێ ژ نێزيك ل گه‌ل سه‌ركردێن له‌شكرى ل عيراقێ به‌ر ب پێشڤه‌چوون و پێنگاڤێن سه‌ركه‌فتنا ته‌مامى ب سه‌ر داعش دا به‌حس كه‌ت.
ئه‌ڤرۆ نيوز:
ئاخفتنكه‌رێ ب ناڤێ وه‌زاره‌تا ژ ده‌رڤه يا ئيرانێ سه‌ره‌دانا دۆنالد تره‌مپ بۆ عيراقێ ب سه‌ره‌دانه‌كا دزيانه ناڤ دبه‌ت و وه‌سان دده‌ته زانين كو سفكاتى بوو ب سه‌روه‌ريا عيراقێ.
به‌هرام قاسمى، ئاخفتنكه‌رێ ب ناڤێ وه‌زاره‌تا ژ ده‌رڤه يا ئيرانێ راگه‌هاند: “سه‌ره‌دانا ب دزيڤه يا دۆنالد تره‌مپ هه‌ڤدژى قانوونێن دبلۆماسيه و سڤكاتيه ب سه‌روه‌ريا عيراقێ، هێزێن ده‌ره‌كى يێن وان دوور يان نێزيك دێ نه‌چار بن خوه ژ هه‌موو ده‌ڤه‌رێ ڤه‌كێشن”.
ئه‌ڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا شه‌مبى رێکەفتی 29ی کانوونا ئێکێ 2018ێ ئەسمان دێ بيته ئه‌وره‌كێ ناڤه‌ندى بيت و پاشان بۆ ئه‌ورێ ته‌مام هێته گوهۆڕين و ل ده‌ڤه‌رێن چيايى به‌فر و باران دێ داكه‌ڤن و پاشان ل دانێ ئێڤارى سه‌قا دێ بنه‌جهـ بيت و بيته ساهى.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دهێته پشبينيكرن ئه‌سمان بيته ئه‌وره‌كێ ناڤه‌ندى بيت و پاشان بۆ ئه‌ورێ ته‌مام هێته گوهۆڕين و ل ده‌ڤه‌رێن چيايى به‌فر و باران دێ داكه‌ڤن و پاشان ل دانێ ئێڤارى سه‌قا دێ بنه‌جهـ بيت و بيته ساهى.
پشکا پێشبینیان دایە زایە زانین کو دێ لەزاتیا بایی د ناڤبەرا 5 ھەتا 10کم دا و ماوێ دیتنێ ژی دێ د ناڤبەرا 7 بۆ 9کم دا بیت و ل ده‌مێ به‌فر و بارانێ دێ بيته 4كم، پلێن گەرمێ ژی دێ د ناڤبەرا 7 بۆ 8 پلان دا بن.
ئه‌ڤرۆنيوز:
فه‌رماندێن حه‌شدا شه‌عبى وپه‌كه‌كێ ونوونه‌رێن عه‌ره‌بێن سونه وشيعێن شنگالێ، پێكئيانانا جڤاته‌كێ بۆ ب رێڤه‌برنا شنگالێ راگه‌هاند.
دراگه‌هاندنه‌كێ دا كو ئاراسته‌ى حوكمه‌تا عيراقى ولايه‌نێن په‌يوه‌نديدار يێن عيراقى كريه، پشكه‌ك ژ كه‌سايه‌تى ووه‌لاتيێن شنگالێ جڤاته‌كا به‌روه‌خت بۆ وى باژێرى دياركر.
حه‌يده‌ر شه‌شۆ، سه‌رۆكێ حزبا ديموكراتيا ئێزدى بۆ كوردستان 24 گۆت” ئه‌م ل سه‌ر دامه‌زراندنێ وێ جڤاتێ درازى نينين”.
گۆت ژى” ئه‌م بۆ وێ كۆمبوونێ هاتبووينه داخوازكرن، به‌لێ به‌رهه‌ڤ نه‌بووين چونكى جڤاته‌كا نه‌قانوونى ونه شه‌رعى يه وپه‌كه‌كه وحه‌شدا شه‌عبى باش دزانن كو ئه‌و پێنگاڤه دژى به‌رژه‌وه‌نديا شنگالێ يه وجادا شنگالى ژى ب ڤێ ره‌فتارێ يا رازى نينه”.
دياركر”هه‌ر ده‌مه‌كێ پارێزگه‌رێ نه‌ينه‌و فه‌رمانا دامه‌زراندنا ڤى جۆره جڤاتێ ده‌ربكه‌ت، دێ پێ رازى بين”.
مه‌حما خه‌ليل، قايمقامێ شنگالێ دبێژيت” ژبه‌ر وان گرۆپێن چه‌كدار ره‌وشا ئه‌منى يا شنگالێ خرابتر بوويه، هه‌كه ره‌وشا نوكه هه‌ى يا به‌رده‌وام بيت، ئه‌گه‌ر يێ هه‌ى شه‌ر وكاره‌ساتێن مه‌زن ددووڤ دا بهێن”.
خوياكر” ب زڤرينا پێشمه‌رگه‌ى بۆ شنگالێ وده‌ركه‌فتنا گرۆپێن چه‌كدار، دێ ئارامى بۆ قه‌زا شنگالێ زڤريت وئاواره ژى دێ زڤرن”.
نيشاندان