ئەڤرۆ نیوز:

راپورتێن رۆژنامەڤانی ل برێتانیا ئاشکراکرینە ستێرا کولومپی و یانا ریال مەدرید خامێس رودرێگیز ئەوێ ب شێوەیێ خواستن نوکە یاری ل یانا بایرن میونیخ دکەت دەرگەهـ بەرامبەر یانا ئەرسینال گرت بوو چوونا ئەوی ل وێ یانێ پشتی ل ماوێ چەند رۆژێن بوری دەنگوباس ھاتینە بەلاڤەکرن ئەو یاریزان بوو ھاڤینا بھێت نێزیکی ئیمزاکرنا ھەڤبەستا ئەوێ یانا ئنگلیزی بوویە.
رۆژناما میرو یا برێتانی دیارکریە خامێس ھەمی دەرگەهـ بەرامبەر یانا ئەرسینال گرتن پشتی دووماھیی داخویانیا خوە دیارکری ئەوی ھزر ل چوونا خوە دڤی دەمی دا بوو خۆلا ئنگلتەرا نەکریە و دخوازیت ب ڤەگەریتە یانا خوە ریال مەدرید ڤە و بەردەوامی ب دەتە کاروانێ خوە ل یانا مەلەکی.
ھەردیسان ئەوێ رۆژنامێ دیارکریە ژی یانا بایرن میونیخ ماڤێ کرینە ڤی یاریزانی ھەیە ئەوژی ھەکە ٣٦ ملیون یورۆیا بدەتە یانا ریال مەدرید بەرامبەر دەست بەردانا ئەوی لێ ئەوێ یانا ئەلمانی ئەو چەندە ھەتا نوکە نەکریە و یاریزانی ژی حەز دکەت جارەکا دی ب ڤەگەریتە یانا خوە ریال مەدرید .
ژلایەکێ دیڤە بەری نوکە راپورتێن رۆژنامەڤانی ل ئورۆپا دیارکربوون خامێس رودرێگیز ھەردو یانێن یوڤانتوس یا ئیتالی و ئەرسینال یا ئنگلیزی ھەڤرکیا دەستڤە ئینانا ئەوی دکەن لێ ب ڤێ بریارێ ئەوی یاریزانی دەرگەهـ بەرامبەر ئەوان ھەردو یانا گرت

ئەڤرۆ نیوز:
ستێرا بەرازیلی و یانا پاریس سانجێرمان نیمار دیارکر ئەو دبینت یانا ئەوی ل وەرزێ ئەڤ سالە د رەوشەکا گەلەک باش دایە و شیانێن برنا ناسناڤێ قارەمانیا چامپیونیز لیگا ئەڤ سالە ھەیە.
زێدەتر نیماری بۆ رۆژناما لیکیپ یا فرەنسی دیارکر پاریس سانجێرمان ژ بەربژارێن ھەرە ب ھێزە بوو برنا چامپیونیز لیگا ئەڤ سالە و دبینت ئەو دێ بنە قارەمانا ئەڤ سالە ژبەرکو ئەوان یاریزانێن خودان شیان ھەنە و دیارکر ژی پاریس بتنێ نیمار نینە بەلکو چەندین یاریزانێن دی و خودان شیان ھەنە ھەردیسان خودانا جەماوەرەکێ مەزن کو یاریزانێ ژمارە ١٢ تایبەت دەمێ ل یاریگەھا خوە یاری دکەن ئەو پشت راستن بوو سەرکەفتنێ ژبەر پشتەڤانیا جەماوەرێ ئەوان.
ھەژی گوتنێ یە یانا پاریس سانجێرمان ل یاریا خوە یا ئێکێ ژ قارەمانیا چامپیونیز لیگ یا قوناغا ١٦ بێ پشکداریا نیماری و کاڤانی شیا ژ دەرڤەی یاریگەھا خوە سەرکەفتنێ ل سەر مانچێستەر یوناید تومارکر ب دو گولان بێ بەرامبەر.

ئەڤرۆ نیوز:

ئێکەتیا تەپا پێ یا ئسپانیا ئیدانەیا رەفتارا یاریزانێ یانا ریال مەدرید گاریس بێل کر پشتی دەربارەی رێیا ئاھەنگێرانا وی یا گۆل تومارکرنێ د یاریا ھەمبەر ئەتلەتیکو مەدرید دا ژ خولا لالیگایێ دا.

د نیڤا دویێ یا یاریا ریال مەدرید و ئەتلەتیکو مەدرید دا یاریزانێ وێلزی شیا گۆلەکێ بۆ یانا خوە ریال مەدرید توماربکەت ل سەر یانا ئەتلەتیکو مەدرید و ب شێوەکێ سفکاتی ب پشتەڤانێن ڤێ یانێ ئاھەنگ گێران و ئەڤ شێوە ژی دھێتە پێناسەکرن ب کریارێن بێ رەوشتی ھەمبەر پشتەڤانێن روخی بلانکوس.

لژنەیا سزایان ل ئێکەتیا ئسپانیا یا تەپا پێ بەیانەک دەرخستیە دەربارەی ڤێ رەفتارا گاریس بێل و ئیدانەکریە وەک ئەوا د وێنەی دا دیار و پێدڤیە رێکارێن قانوونی دەرھەقێ یاریزانێ یانا مەلەکی بھێنە وەرگرتن.

دیسان ل دووڤ پەیامەکێ رۆژناما ئاس یا ئسپانی دیارکریە دبیت گاریس بێل بھێتە راگرتن و سزادان ل دووڤ رێنمایێن ئێکەتیا تەپا پێ یا ئسپانی و ئەگەر ئەڤ رەفتارا دوور ژ گیانێ وەرزشی ئەنقەست بیت دێ ھەتا ١٢ یاریان بێل ھێتە راگرتن و ئەگەر ئەنقەست نەبوو دبیت ھەتا سێ یاریان بھێتە راگرتن.

ئەڤرۆ نیوز:
رێڤەبەرێ تەنفیزی ل یانا مانچێستەر یوناید ئایدو ودوارد دیارکر بوو ڤەگوھاستنێن ھاڤینا بھێت ئەوان ھزر ل ئینانا چەند یاریزانێن نوو کریە بوو ب ھێز ئێخستنا پێکھاتیێ خوە و ھەڤرکی ل سەر ناسناڤێن ئورۆپی و نافخوی .
زێدەتر ودوارد بوو رۆژناما میرو یا برێتانی دیارکر ھەکە راھێنەرێ نوکە یێ یانێ سولسکایر یێ بەردەوام بیت یان نە ئەو دێ یاریزانێن نوو ئینە دناڤ پێکھاتیێ خوە دا تایبەت ل ھێلا بەرەڤانیێ ئەوان چار یاریزان دەست نیشانکرینە بوو ئیمزاکرنا ئەوان ل ھاڤینا بھێت.
زێدەتر رێڤەبەرێ یانا مان یوناید دیارکر ھەر ئێک ژ بەرەڤانێ سنگالی و یانا ناپولی کولیبالی و بەرەڤانێ فرەنسی و یانا ئەتلەتیکو مەدرید لوکاس ھێرناندیز و ھەردیسان نیکولا میلینکوڤیتیچ یاریزانێ فیرونتینا و دو گلاس کوستا یێ بەرازیلی ژ یانا یوڤانتوس بەربژارێن ب ھێزن بوو ڤەگوھاستنا ئەوان ل وەرزێ بھێت و کار یا ل سەر ئەوان دھێتەکرن کو ھەڤبەستێ ل گەل دو ژ ئەوان یاریزانان ئیمزا بکەن

کولیبالی

لوکاس ھێرناندیز

نیکولا میلینکوڤیتیچ

دو گلاس کوستا

ئەڤرۆ نیوز:
یانا بروسیا دورتموند یا ئەلمانی ب فەرمی ھەڤبەستەک پێشکێشی یانا نیس یا فرەنسی کر بوو دەستڤە ئینانا یاریزانەکێ وێ یێ گەنچ .
رۆژناما کاتشیو مێرکاتو یا ئیتالی دیارکریە یانا بروسیا دورتموند ب فەرمی کوژمێ ٢٥ ملیون یورۆ پێشکێشی یانا نیس یا فرەنسی کریە بوو دەستڤە ئینانا یاریزانێ وێ یێ ٢١ سالی ئالان سانت ماکسیمین بوو ڤەگوھاستنێن ھاڤینا بھێت.
زێدەتر وێ رۆژنامێ دیارکریە ژی یانا میلان ژی یا ھەڤرکیا دەستڤە ئینانا ڤی یاریزانێ فرەنسی دکەت بوو ڤەگوھاستنێن ھاڤینا بھێت کو وێ یانا ئیتالی ژی دەست ب لیڤنا کریە ل گەل یانا نیس بوو ڤەگوھاستنا ماکسیمین ل ڤەگوھاستنێن بھێت.
وێ رۆژنامێ ئەو چەندە ژی ئاشکراکریە یانا نیس مەرجەک بەرامبەر دەست بەردانا وی یاریزانی ھەیە ئەوژی ھەر یانەکا بخوازیت ھەڤبەستێ ل گەل سانت ماکسیمین ئیمزا بکەت پێدڤی یە کوژمێ ٣٠ ملیون یورۆیا پێشکێشی وێ یانێ بکەت و جەنسێ یانا بروسیا دورتموند پترە ژ یێ میلان ژبەرکو ئەو کوژمێ وێ یانێ پێشکێشی نیس کری نێزیکی وی وەرجێ یانا نیس و یێ میلان گەلەک کێمترە.

ھەژی گوتنێ یە  ئالان سانت ماکسیمین دھێتە ھژمارتن ئێک ژ یاریزانێن گەنچ و دیار ل سەر ئاستێ خولا فرەنسا ل دو وەرزێن بوری دا کو ل لایێ راست و چەپێ یێ ھێرشبەریێ یاری دکەت ل وەرزێ ئەڤ سالە ٢٢ یاریا پشکداری کریە و شیا شەش گولان توماربکەت و سێ ژی بوو ھەڤالێن خوە بەرھەڤکرینە و یاری بوو یانێن نیس و سان ئنتیان یا فرەنسی کریە و ھەردیسان بوو ھەلبژارتیێ تازە پێگەھشتی و لاوێن فرەنسا یاری کریە .