ئه‌ڤرۆ نيوز:
رێڤه‌به‌ريا پاسپۆرتان ل پارێزگه‌ها دهۆكێ داخوازێ ژ وان وه‌لاتیان دكەت یێن ناڤێن وان د لیستا خوارێ دا هاتین سەرەدانا رێڤەبەریا وان بكەن ل بەشێ بەلاڤكرنا پاسپورتان ژبو وەرگرتنا پاسپورتێن خوه بزووترین دەم.
ئه‌ڤرۆ نيوز:
سوبە جەژنا ئەڤیندارانە یا دبێژنێ ڤالانتاین، لەورا ئەو کەسێن ئەڤیندار و پەیوەندیێن دلداری ھەین یان ژی ھەڤژین بن دخوازن دەمەکێ خۆش د وێ رۆژێ دا ببۆرینن.
دا کو د رۆژا ڤالانتاینێ دا یێ دلخۆش بی د گەل خۆشتڤی، تو دشیێ ئێک ژ ڤان ھزران پەیرەو بکەی و دەست ژ ھزرێن کلاسیک بۆ وێ رۆژێ بەردەی:
رۆژا ژڤانێ ھەوە یێ ئێکێ دوبارە بکە و بیرھاتنان ل بیرا خوە بینن.
سەماکرن و دروستکرنا پشکەکا سەمایا تایبەت ل مالێ بەرھەڤ بکە و بلا ب شێوەیەکێ رۆمانسی بیت و جلکێن تایبەت ل بەرخوە بکەن.
ھندەک سترانێن تایبەت بەرھەڤ بکە و پێکڤە بێژن یان ژی پێکڤە دەواتێ ل بەر بکەن.
ھەرنە پێشانگەھەکێ یان ھەر چالاکیەکا دی بیت وەکو شانۆ یان ھەر چالاکیەکا رەوشەنبیری و دەمەکێ خۆش پێکڤە ببەن.
گەشتەکێ بۆ جھەکێ تایبەت بکەن و دەمێن خوە لێ ببۆرینن.
ھەرنە چیا و زۆزانان و دیمەنێن سروشتی یێن بالکێش ببینن.
ھەکە ئاھەنگەک د وێ رۆژێ دا ھەبیت پێکڤە ھەرن پشکداریێ بکەن.
گەریانەکا رۆمانسی ل ناڤ باغچێ مال یان پارکەکا گشتی بکەن و پێکڤە گۆلەکێ یان دارەکێ بچینن.
ھەکە دشیان دا بیت سەیرانەکێ دروست بکەن و خوارنەکا خۆش چێکەن.
یان ژی ھوون ھەردو پێکڤە خوارنەکێ بەرھەڤ بکەن کو ھوون ھەردو حەز ژێ بکەن و پێکڤە بخۆن.
ئه‌ڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا پێنجشه‌مبى رێکەفتی 14ی شوباتا 2019ێ ئەسمان دێ ساهى ئه‌وره‌كێ كێم بيت.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دهێته پشبينيكرن ئه‌سمان ساهى ئه‌وره‌كێ كێم بيت.
پشکا پێشبینیان دایە زایە زانین کو دێ لەزاتیا بایی د ناڤبەرا 5 ھەتا 10کم دا و ماوێ دیتنێ ژی دێ 10کم بیت، پلێن گەرمێ ژی دێ د ناڤبەرا 3 بۆ 13 پلان دا بن.
ئه‌ڤرۆ نيوز:
سه‌رۆكێ فراكسيۆنا گۆڕان ل په‌رله‌مانێ كوردستانێ راگه‌هاند كو هه‌لويستێ فراكسيۆنا گۆڕان بۆ پشكداريكرن د روونشتنا په‌رله‌مانى دا، دێ ب رێيا بڕبارا سياسى يا بزاڤا گۆڕأن بيت.
عه‌لى حه‌مه سالح، سه‌رۆكێ فراكسيۆنا گۆڕان د روونكرنه‌كێ دا راگه‌هاند كو ل گه‌ل هه‌ردو فراكسيۆنێن پارتى و ئێكه‌تى كۆمبووينه و ده‌رباره‌ى كۆمبوونا په‌رله‌مانێ كوردستانێ دانوستاندن كريه.
ئاماژه ب وێ چه‌ندێ ژى كريه كو هه‌لويستێ فراكسيۆنا گۆڕان بۆ روونشتنا په‌رله‌مانى دێ ب گۆره‌ى بڕيارا سياسى بيت.
5ى ڤێ هه‌يڤێ پارتى و ئێكه‌تى كۆمبوون و رێكه‌فتن ل سه‌ر دياركرنا كۆمبوونا په‌رله‌مانێ كوردستانێ و جڤاتا پارێزگه‌ها كه‌ركووك ل 18ى ڤێ هه‌يڤێ بيت.
سه‌رۆكێ فراكسيۆنا گۆڕان دبێژيت: “گۆڕان پرۆژێ خوه بۆ به‌رنامێ حوكمه‌تێ و پێوه‌ر و به‌ركه‌فتان پێشكێش كريه، هه‌تا 18ى ڤێ هه‌يڤێ دێ بڕيارا دووماهيێ هێته دان”.
ئه‌ڤرۆ نیوز:
سه‌رۆك وه‌زیرێن عیراقێ راگه‌هاند، په‌یوه‌ندیێن وان ل گه‌ل هه‌رێما كوردستانێ گه‌له‌ك دباشن و دیداره‌كا گرنگ ل گه‌ل نێچیرڤان بارزانی سه‌رۆك وه‌زیرێن هه‌رێما كوردستانێ ئه‌نجامدایه.
عادل عه‌بدولمه‌هدی سه‌رۆك وه‌زیرێن عیراقێ د كۆنگرێ خوه یێ رۆژنامه‌ڤانی یێ حه‌فتیانه دا راگه‌هاند، رێككه‌فتنا ل سه‌ر هنارتنا په‌ترۆلا هه‌رێما كوردستانێ هه‌ی و پێدڤی ب چو رێككه‌فتنێن نوو ناكه‌ت و پێدڤیه رۆژانه 250 هزار به‌رمیلێن په‌ترۆلێ راده‌ستی سۆمۆ بهێنه كرن و ئه‌م یێ ل سه‌ر ڤێ چه‌ندێ رێككه‌فتین و بجهئینانا بودجێ ژی یا تایبه‌ته ب وه‌زاره‌تا دارایی ڤه و رێنمای یێن ده‌ركه‌فتین و ده‌ست بجهئینانا قانوونا بودجێ هاتیه كرن.
ل دۆر ره‌وشا كه‌ركووكێ، عادل عه‌بدولمه‌هدی گۆت:(هه‌موو ئه‌و تشتێ ل دۆر كه‌ركووكێ و ده‌ڤه‌رێن دی دهێته گۆتن دراست نینن و ره‌وشا كه‌ركووكێ یا ئارامه و به‌رۆڤاژی ره‌وشا ئێمناهیا كه‌ركووكێ یا بهێزتر لێ هاتی).
ئه‌ڤرۆ نيوز:
يانا پاريس سان جيرمان يا فره‌نسى د ناڤ ياريگه‌ها ئولترافۆرد دا، سه‌ركه‌فتنه‌كا گرنگ و ئێكلاكه‌ر ل سه‌ر يانا مانشسته‌ر يونايت تۆمار كر ب دو گۆلان بێ به‌رامبه‌ر.
هه‌ر چه‌نده نيمار و كاڤانى ژ ئه‌گه‌رێ هنگافتنێ د ئاماده‌يى ياريێ نه‌بوون، به‌لێ ئه‌ڤێ چه‌ندێ چ ژ ئاستێ يانا پاريسى كێم نه‌كر و شيا سه‌ركه‌فتنه‌كا مێژوويى ل سه‌ر مانشسته‌ر يونايت تۆمار بكه‌ت ب دو گۆلێن ياريكه‌رێن خوه كرسنال كيمبێمپ ل ده‌قيقا 53ێ و كيليا مبامپێ ل ده‌قيقا 60ێ.
ئه‌ڤه خوساره‌تيا ئێكێ يه يانا بريتانى ل گه‌ل راهێنه‌رێ خوه ئولى گۆنار تووش دبيتێ و هيڤيێن وان ژى هه‌تا راده‌كێ مه‌زن شكه‌ستن ژ به‌ر كو چو يانان ل قووناغا 16 نه‌شيايه ڤى ئه‌نجامى د ياريا هاتنێ دا ب گوهۆڕن و ده‌ربازى قووناغا هه‌شتێ ببن د مژوويا ڤێ قاره‌مانيێ دا.
ئه‌ڤرۆ نيوز:
پشتى دو رۆژان به‌رى نها داعش دو مالێن كوردان ل گۆنده‌كێ سنورێ خانه‌قين سۆتى، وێنێ ده‌مێ ستۆنێ به‌لاڤ كرن.
دره‌نگيا شه‌ڤا 11ى شوباتا 2019ێ چه‌كدارێن داعش ل گۆندێ مێخاس يێ سنورێ خانه‌قين، مالا دو وه‌لاتيێن كوردێن كاكه‌ى سۆتى، وێنێن ده‌مێ سۆتنێ به‌لاڤكرن و ل سه‌ر نڤيسيه: “مه مالا دو كه‌سێن ئاسايشێ سۆت”.
ئه‌ڤه د ده‌مه‌كى دايه كو پشتى خيانه‌تا 16ى ئوكتۆبه‌را 2017ێ هێزێن پێشمه‌رگه‌ى ژ وان ده‌ڤه‌ران هاتينه ڤه‌كێشان و بۆشايه‌كا ئه‌منى دروست بوويه، چه‌كدارێن داعش ب ساناهى كريارێن تيرۆرستى ئه‌نجام دده‌ن، د وى ماوه‌ى دا داعش چه‌ندين كه‌س ل وێ ده‌ڤه‌رێ ره‌ڤاندينه و كوشتينه.
ئه‌ڤرۆ نيوز:
شڤێدى جاره‌كا دى روح هاته ياريگه‌هێن ئورۆپا ب ده‌سپێكرنا ياريێن شامپيۆن ليگ و د ئێك ژ ياريێن چوونێ دا، يانا رۆما يا ئيتالى مێڤانداريا يانا پۆرتۆ يا پرتۆگالى كر.
سه‌ره‌راى بزاڤێن به‌رده‌وام يێن يانا رۆما د نيڤا ئێكێ دا، به‌لێ چو پێڤه نه‌هات و ئه‌و نيڤ بێ گۆل ب دووماهى هات و د نڤيا دويێ دا، بزاڤێن وێ رێكوپێكتر لێ هاتن، ئه‌ڤێ ژى ئه‌نجام هه‌بوو ده‌ما ل ده‌قيقا 70ێ ياريكه‌رێ وێ يێ گه‌نج نيكۆلۆ زانێولۆ گۆلا ئێكێ بۆ يانا خوه تۆماركر و پاشان ژى پشتى بۆرينا سێ ده‌قيقان ڤه‌گه‌ريا و گۆلا دويێ ژى تۆمار كر، به‌لێ ئه‌ڤێ كه‌يفا گۆرگێن پايته‌ختى هند ڤه‌نه‌كێشا ده‌ما ل ده‌قيقا 79ێ ياريكه‌رێ پۆرتۆ ئه‌دريان لۆپێز گۆلا ئێكانه يا تيما خوه تۆمار كر و يارى ب ئه‌نجامێ دو گۆلان به‌رامبه‌ر گۆله‌كێ د به‌رژه‌وه‌ندا رۆما دا ب دووماهى هات.
بڕياره ئه‌ڤرۆ ژى دو ياريێن دى ژ ڤێ قاره‌مانيێ بهێنه كرن، تێدا يانا تۆتنهام دێ مێڤانداريا يانا دورتمۆند كه‌ت و يانا ئه‌ياكس دێ مێڤانداريا يانا ريال مه‌دريد كه‌ت.
ئه‌ڤرۆ نيوز:
رێڤه‌به‌رێ نڤيسينگه‌ها رزگاركرنا ره‌ڤانديێن ئێزدى راگه‌هاند كو دايكه‌ك و دو زارۆيێن وێ ژ ده‌ستێ تيرۆرستێن داعش هاتنا رزگاركرن.
حسێن قائيدى، رێڤه‌به‌رێ نڤيسينگه‌ها رزگاركرنا ره‌ڤانديێن ئێزدى، راگه‌هاند كو دايكه‌ك و دو زارۆ ژ ده‌ستێ رێكخراوا داعش هاتنه رزگاركرن، ئاماژه و ب وێ چه‌ندێ ژى كر كو هێشتا ژماره‌كا زۆر يا كوردێن ئێزدى ماينه و نه‌هاتينه رزگاكرن.
رێڤه‌به‌رێ نڤيسينگه‌ها رزگاركرنا ره‌ڤانديێن ئێزدى ئاشكه‌را ژى كر كو دايك ب ناڤێ “مه‌هديا به‌شار حه‌سه‌ن” يا 25 سالى و هه‌ردو كچنێن وێ ب ناڤێ “مينا مه‌روان” و “مارى مه‌روان”ن.
حشێن قائيدى ئاماژه ب وێ چه‌ندێ ژى كر كو ئه‌ڤ كه‌سه به‌رى چار سالان ل گوندێ حه‌ردان يێ باكوورێ شنگال ڤه هاتبوونه ره‌ڤاندن و ژ ناڤ ئاخا سوريێ هاتنه رزگاركرن و ب ده‌مه‌كێ نێزيك دێ گه‌هنه هه‌رێما كوردستانێ و ب كه‌سوكارێن خوه شاد بن.
نيشاندان