ئەڤرۆ نیوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا چارشەمبی رێکەفتی 26ی کانوونا ئێکێ 2018ێ ئەسمان دێ ساهى بيت و پاشان ژى بيته ئه‌وره‌كێ كێم.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دهێته پشبينيكرن ساهى بيت و پاشان ژى بيته ئه‌وره‌كێ كێم.
پشکا پێشبینیان دایە زایە زانین کو دێ ئلەزاتیا بایی د ناڤبەرا 5 ھەتا 10کم دا و ماوێ دیتنێ ژی دێ د ناڤبەرا 7 بۆ 9کم دا بیت، پلێن گەرمێ ژی دێ د ناڤبەرا 3 بۆ 11 پلان دا بن.
ئەڤرۆ نیوز، بارزان مزووری:
ئەڤە ژ سالا 2003 وەرەئاریشەکا ئەردێ چاندنێ ل سەر چار ھزار دونەمێن ئەردی ل ناحیا زێلکان یا سەر ب قەزا شێخان ڤە دناڤبەرا مەلاک و جۆتیاران دا ھەبوو، ئەڤە 15 سال بوو ئەڤ ئاریشە مابوو ھەلاویستی و پشتی چەندین بزاڤ ژ لایێ خولێن بۆری یێن پەرلەمانێ کوردستانێ ڤە ژی ھاتینەکرن ھەر ئاریشا ڤی ئەردی چارە نەببوو، لێ پشتی چەندین جاران لقێ 20 یێ پارتی دیموکراتی کوردستان و قایمقامێ قەزا شێخان دگەل ھەر دو لایان کۆمبووین ئەڤ ئاریشە ھاتە چارەکرن.
عاسم محەمەد شەریف، بەرپرسێ نڤیسینگەھا جڤاکی یا سەر ب لقێ 20 یێ شێخان ڤە بۆ ئەڤرۆ نیوز ئاشکرا کر کو ب ھاریکاریا ئیدارا شێخان و لقێ 20 یێ پارتی دیموکراتی کوردستان ل شێخان ئەو شیان ئەڤێ ئاریشێ چارەسەربکەن دگەل 27 جۆتیار و سێ مەلاکا کو ھەر دو لایەن بگەھنە چارەسەریەکێ و زیان ب ھەر دو لایان ژی نەکەڤیت، ژ بەر کو ئەوان مەلاکا سەنەد نەبوون ژ بەر وان ئاریشێن سیاسی یێن دناڤبەرا حوکمەتا بەغدا و حوکمەتا ھەرێما کوردستانێ دا و گۆت: “حوکمەتا بەغدا رێگر بوو ژ دانا سەنەدێن وان یێن ئەردی، بەری سالا 1975 جوتیاران ئەڤ ئەردە چاندن بەلێ حوکمەتا بەعس ئەڤ ئەردێ چاندنێ ڤەگوھاستبوو سەر ناڤێ وەزارەتا باژێرڤانیێَ و ھەتا نھا ژی یێ ل سەر ناڤێ باژێرڤانیێ”.
ناڤھاتی خویا کر کو پشتی سالا 2003 خەلک ڤەگەریایە سەر جھێن خوە ئەڤ ئاریشە سەرھەلدا و مەلاکێن دەڤەرێ داخواز کر کو ئەو ئەرد بۆ وان ڤەگەریت، جوتیاران ژی داخوازا سەنەدێ ژ مەلاکان دکر و گۆت: “ب رێیێن قانوونی ئەڤ ئاریشە مابوو ھەلاویستی و ھەتا نھا سالانە بکوژمێ ملیار دینارا زیان ب ھەر دو لایان دکەفتن ژ بەر کو ئەرد بۆ چاندنێ نەدھاتە بکارئینان”.
ئەڤرۆ نیوز، لەزگین جوقی:
بەرپرسێ راگەھاندنێ ل بۆردی کاروبارێن مرۆڤایەتی ل پارێزگەھا دھۆکێ بۆ ئەڤرۆ نیوز دیار کر کو ل سنوورێ دھۆکێ 21 کەمپ ھەنە ژوان ژی چار کەمپ یێن پەنابەرێن رۆژئاڤایێ کوردستانێ نە و بۆردێ کاروبارێن مرۆڤایەتی ل دھۆکێ بەرھەڤیێن پشتەڤانی و ھاریکاریا ئاوارە و پەنابەران بۆ سالا بھێت ژی دکەت.
سالم سەعید، بەرپرسێ راگەھاندنێ ل بۆردی کاروبارێن مرۆڤایەتی ل پارێزگەھا دھۆکێ دیار کر کو پشتی مووسل و دەڤەرێن سەر ب دەشتا نەینەوا ڤە ژ دەستێن تیرۆرستێن داعش ھاتینە رزگارکرن ھندەک خەلک زڤرینە مووسل رێکخراوان ژی بەرێ خوەداینە مووسل ئەڤێ یەکێ ژی کارتێکرن ل سەر ئاستی خزمەتگوزاریان و ھاریکاریا ئاوارە و پەنابەران کریە چونکو پرۆژێن پشتەڤانی و ھاریکاریێ و گەھاندنا خزمەتان کێم بووینە و گۆت: “بۆ سالا بھێت ژی بۆردی کاروبارێن مرۆڤایەتی ل دھۆکێ بەرھەڤیێن خوە دکەت بۆ پشتەڤانی و ھاریکاریا ئاوارە و پەنابەران و کارکرن دگەل رێکخراوان نوکە ژی پلان دھێنە دانان بۆ ڤێ مەرەمێ”.
ناڤھاتی خویا کر کو کۆمبوونەک دگەل کارگێریێن کەمپان ژی ھاتیە ئەنجامدان ب سەرپەرشتیا ئیسماعیل محەمەد ھاریکارێ پارێزگەرێ دھۆکێ بۆ کاروبارین ئاوارە و پەنابەران ژ پێخەمەت وێ چەندێ کا چ بھێتە کرن و چ کێماسی و ئاریشە ھەنە دێ چەوا پتر خزمەتا ئاوارە و پەنابەران ل سالا 2019ێ ل سنوورێ پارێزگەھا دھۆکێ ھێتە کرن.
ئه‌ڤرۆنیوز:
ئه‌ڤرۆ دوشه‌مبى كۆمبوونه‌ك دناڤبه‌را به‌رپرسێن ئێكه‌تیا كێم ئه‌ندامێن كوردستانێ ووه‌زیرێ كار وكاروبارین جڤاكى ب وه‌كاله‌ت هاته ئه‌نجامدان.
پشتى كۆمبوونێ دكۆنگره‌كێ رۆژنامه‌ڤانى دا سامان حسێن سكرتێرێ ئێكه‌تیا كێم ئه‌ندامێن كوردستانێ راگه‌هاند،دكۆمبوونێ دا ل گه‌ل وه‌زاره‌تا كار وكاروبارێن جڤاكى دانوستاندن ل دۆر داخوازیێن كێم ئه‌ندامان هاته كرن.
گۆت ژى” وه‌زاره‌تا كار وكاروبارێن جڤاكى برياره‌كا نوو ده‌ركر كو دبه‌رژه‌وه‌ندا كێم ئه‌ندامان دايه”.
سامانى دداخۆيانيه‌كا رۆژنامه‌ڤانى دا دياركر” ئێك ژبرياران ئه‌وه هه‌ر كێم ئه‌ندامه‌ك فه‌رمانبه‌ر بيت پێدڤيه رێژا كێم ئه‌نداميا وى ژ 55% زێده‌تر بيت بۆ وێ چه‌ندێ مووچێ كێم ئه‌نداميێ پێ بهێته دان، نه‌كو 70%”.
هه‌روه‌سا راگه‌هاند”ب زووترين ده‌م ودماوێ دو هه‌يڤان دا هه‌موو ئه‌و كێم ئه‌ندامێن تانه ل بريارێن لژنان داينه دێ هێنه هنارتن بۆ لژنان بۆ ئه‌نجامدانا پشكنينێ”.
زێده‌تر گۆت”هه‌موو ئه‌و كێم ئه‌ندامێن كو ريژا كێم ئه‌ندامه‌تيا وان ژ 40% كێمتره ناهێنه هنارتن بۆ لژنان، هه‌ڤده‌م ناڤێ وان كێم ئه‌ندامان كو زێده‌تر ژ 7 سالان چاڤه‌رێ نه، دێ ب نڤيساره‌كێ ناڤێن وان چيته جهێ وان كه‌سێن دهێنه دوورخستن يان ژى ل ده‌رڤه‌ى وه‌لاتى نه”.
ئەڤرۆنیوز، مەحمود نهێلی
رێکخراوا وەرار ب هەڤکاری ل گەل پەروەردا ئامێدیێ چەندین کەرەستێن زانستی ل سەر قوتابخانەیێن سەنتەرێ قەزا ئامێدیێ به‌لاڤكرن، هەروەسا تەختەیێن روونشتنێ ب موکێت کرن.
موراد ئامێدی، ئەندامێ رێکخراوا وەرار بۆ ئەڤرۆ نیوز دی
ارکر، کو ئەوان ئەڤ کەرەستە بهەڤکاری ل گەل رێڤەبەریا پەروەردا ئامێدیێ و چەند کەسانەکێن خێرخواز ل دەڤەرێ ل سەر ڤان قوتابخانەیان دا به‌لاڤکرینە و گۆت : ئەڤ کەرەستە بتنێ بۆ قوتابخانێن سەرەتایی بوونە و هەروەسا ئەو رابووینە ب موکێتکرنا 200 تەختێن روونشتنێ یێن قوتابخانێن سەنتەرێ قەزایێ ژ بەرکو ل سەنتەرێ قەزایێ سەرمایەکا زۆر دکەڤیت و دبیتە ئەگەرێ دروستبوونا نەخوەشیان بۆ قوتابیان.
ئه‌ڤرۆنیوز:
وه‌زیرێ ده‌رڤه‌یێ ئه‌مریكى، مایك پۆمپیۆ دپه‌یوه‌ندیێن ته‌له‌فۆنى دا ل گه‌ل به‌رپرسێن بلند یێن عیراقى داخوازكریه هێزێن عیراقى تا كووراتیا 70 كیلومه‌تران بچنه دناڤ ئاخا سووریێ دا تاكو وێ ڤالاهیێ تژى بكه‌ن كو پشتى ڤه‌كێشانا هێزێن ئه‌مریكى ل وى وه‌لاتى دروست دبیت.
ژێده‌ره‌كێ سیاسى بۆ كه‌نالێ (سكاى نیوز عه‌ره‌بیى) گۆت” وه‌زیرێ ده‌رڤه‌یێ ئه‌مریكى دپه‌یوه‌ندیه‌كا ته‌له‌فۆنى دا داخواز ژ عادل عه‌بدولمه‌هدى سه‌رۆك وه‌زیرین عیراقێ كر پشت ب ئه‌ركه‌كێ نوو یێ له‌شكرێ عیراقى یان هێزه‌كا تایبه‌ت ببه‌ستن، بۆ وێ چه‌ندێ ب درێژیا 70 كیلۆمه‌تران بچنه دناڤ ئاخا سووریێ دا تاكو وێ ڤالاهیێ تژى بكه‌ن كو ژئه‌گه‌رێ ڤه‌كێشانا هێزێن ئه‌مریكى ل سووریێ دروست دبیت”.
ئه‌ڤرۆنيوز:
ب هلكه‌فتا جه‌ژنا ژدايكبوونا عيسايێ مه‌سيح، نێچيرڤان بارزانى سه‌رۆك وه‌زيرێن هه‌رێما كوردستانێ په‌يامه‌كا پيرۆزباهيێ به‌لاڤكر.
نێچيرڤان بارزانى دپه‌ياما خوه دا دبێژيت”هاتنا جه‌ژنا ژدايكبوونا حه‌زره‌تێ مه‌سيح سلاڤێن خودێ لي بن، ل هه‌موو خوشك وبرايێن مه‌سيحى ل كوردستانێ ول هه‌موو جيهانێ پيرۆز دكه‌ين، هيڤيدارين جه‌ژنه‌كا پر ئارامى وئاسوده‌يى بگێرن وئه‌ڤ جه‌ژنه خێر وخوه‌شى وئاشتى بۆ هه‌موو مرۆڤايه‌تيێ بينيت”.
گۆت ژى”جه‌ژنا ژدايكبوونا حه‌زره‌تێ مه‌سيح ئه‌ڤ ساله‌ژى دده‌مه‌كى دا دهێت كو مخابن هێشتا هژماره‌كا مه‌زن يا خوشك وبرايێن مه‌سيحى يێن دئاواره‌يێ دا دژين ونه‌شياينه بزڤرن سه‌ر مال وحالێ خوه، هيڤيدارين جه‌ژن وهلكه‌فتێن داهاتى هه‌موو ب سه‌رفه‌رازى زڤريبن جهێن خوه وئارامى وسه‌قامگيرى هه‌موو عيراق وده‌ڤه‌ر وجيهان ڤه‌گرتبيت”.
نێچيرڤان بارزانى دياركر” دڤێ جه‌ژنێ دا دووباره داكۆكيێ ل سه‌ر كه‌لتوورێ دێرينێ پێكڤه‌ژيانێ ولێبۆرينێ وئاشته‌وايێ وگيان وپه‌ياما مرۆڤايه‌تى يا مه‌سيحيه‌تێ وئايينان دناڤبه‌را پێكهاتێن ئايينى ونه‌ته‌وى يێن كوردستانێ وپاراستنا وى كه‌لتوورى دكه‌ين كو پشكه‌كا گرنگ وديار يا ده‌وله‌نه‌ندى وشانازيا پێكهاتێن كوردستانێ يه”.
ئه‌ڤرۆنیوز:
رێڤه‌به‌ریا گشتى یا كه‌شناسیێ ل هه‌رێما كوردستانێ رێژێن باران بارینێ یێن 12 ده‌مژمێرێن ئه‌ڤرۆ كو ژده‌مژمێر 9 سپێدێ هه‌تا 9 شه‌ڤێ ل هه‌رێما كوردستانێ به‌لاڤكرن.
رێڤه‌به‌ریا ناڤبرى ئاماژه دا كو رێژێن باران بارینا ئه‌ڤرۆ ل هنده‌ك ده‌ڤه‌رێن پارێزگه‌ها دهۆكێ ب ڤى شێوه‌ى بوو:
زاخۆ 37.1 ملم
مانگێش 27.4 ملم
دهۆك 20.1 ملم
ئاكرێ 17.4 ملم
بامه‌رنێ 16.4 ملم
شاریا 12.8 ملم
ئامێدیێ 5.4 ملم
كانێ ماسێ 1.2 ملم
ئه‌ڤرۆ نیوز، نه‌وزاد هلۆرى:
وه‌سا بریاره ل دو رۆژێن بهێت ئێكه‌مین گه‌شتا زڤستانى د ئه‌ڤ ساله دا بۆ چیایێ هه‌لگورد بهێته ئه‌نجامدان كو دبیته بلندترین چیایێ كوردستانێ، ئه‌ڤ گه‌شته دێ ل ژێر چاڤدێریا ده‌سته‌یا گه‌شتوگۆزارێ ل هه‌رێما كوردستانێ هێته ئه‌نجامدان.
نادر روستایى، په‌یڤدارێ ده‌سته‌یا گه‌شتوگۆزار ل هه‌رێما كوردستانێ بۆ ئه‌ڤرۆ نیوز گۆت: (بریاره رۆژا سێشه‌مبى 25ێ كانوونا ئێكێ 2018 ئێكه‌مین گه‌شتا زڤستانێ یا ئه‌ڤ ساله بۆ چیایێ هه‌لگورد بهێته ئه‌نجامدان، هه‌ركه‌سێ بخوازیت پشكدار بیت دشێت په‌یوه‌ندیێ ب سه‌رپه‌رشتیارێن گه‌شته‌ڤانێن زڤستانێ بۆ چیایێ هه‌لگورد بكه‌ت).
زێده‌تر گۆت: (گرۆپێن چیاڤانى و گه‌شتێن زانستى ئێكه ژ جۆرێن گه‌شتوگۆزارێ ل هه‌رێما كوردستانێ، چیایێ هه‌لگورد كو بلندترین چیایێ كوردستانێ بۆ گه‌شتێن زڤستانێ یا گونجایه و رێژا پێدڤى یا به‌فرێ دباریت، ژبه‌رڤێ ئه‌و كه‌سێ دخوازیت بچیته گه‌شتا هه‌لگورد پێدڤیه كه‌سه‌كێ شاره‌زابیت و شیانێن چون ب پیا بۆ ده‌مه‌كێ درێژ هه‌بیت، دڤێت ل گه‌ل خوه چانته و چاكیت و چادر و كیسێ نڤستنێ و كومباره‌كا تایبه‌ت و پێدڤیێن ڤێراگه‌هشتنا بله‌ز و پێلاڤێن تایبه‌ت و گوپال و خوارن و ڤه‌خوارن و به‌رچافك و جلوبه‌رگێن تایبه‌ت ب چیایى و سه‌ربه‌فرێ ل گه‌ل چه‌ند پێدڤیه‌كێن دى ل گه‌ل خوه ببه‌ت داكو توشى چو كێشه‌یان نه‌بیت).
نيشاندان