ئه‌ڤرۆ نيوز‎:‎

پیستی‎ ‎مرۆڤی‎ ‎ب‎ ‎گەلەک‎ ‎کارێن‎ ‎گرنگ‎ ‎رادبیت‎ ‎ئەوژی‎ ‎ھاڤێتنا‎ ‎خوھێ‎ ‎یە‎ ‎ژ‎ ‎ھزاران‎ ‎گرێییێن‎ ‎دناڤ‎ ‎پیستی‎ ‎دا‎ ‎و‎ ‎خوە‎ ‎ژی‎ ‎ب‎ ‎کارەکێ‎ ‎گرنگ‎ ‎رادبیت‎ ‎بۆ‎ ‎کونترولکرنا‎ ‎پلا‎ ‎گەرماتیا‎ ‎لەشێ‎ ‎مرۆڤی‎ ‎و‎ ‎قورتالکرنا‎ ‎لەشی‎ ‎ژھندەک‎ ‎کەرستێن‎ ‎زێدە‎ ‎و‎ ‎ژەھراوی،‎ ‎خوە‎ ‎د‎ ‎بنیات‎ ‎دا‎ ‎ژ‎ ‎ئاڤێ‎ ‎و‎ ‎خوێ‎ ‎و‎ ‎کەرستێن‎ ‎روینی‎ ‎پەیدادبیت‎ ‎و‎ ‎ئەگەر‎ ‎ھلمێ‎ ‎ئاڤ‎ ‎گرت‎ ‎دێ‎ ‎کەرستەیێن‎ ‎روینی‎ ‎و‎ ‎خوێ‎ ‎ل‎ ‎سەر‎ ‎پیستی‎ ‎کومڤەبن‎ ‎و‎ ‎تێکەلی‎ ‎وێ‎ ‎ئاخا‎ ‎مرۆڤ‎ ‎ل‎ ‎سەر‎ ‎بن‎ ‎و‎ ‎ب‎ ‎ڤێ‎ ‎رێکێ‎ ‎پیست‎ ‎پیس‎ ‎دبیت‎ ‎و‎ ‎رێکێن‎ ‎گرێییێن‎ ‎خوھدانێ‎ ‎دھێنە‎ ‎گرتن‎ ‎و‎ ‎بڤێ‎ ‎رێکێ‎ ‎مرۆڤ‎ ‎دێ‎ ‎ئەندامەکێ‎ ‎گرنگ‎ ‎ژ‎ ‎دەست‎ ‎دەت‎ ‎ئەوژی‎ ‎یێ‎ ‎گرنگە‎ ‎بۆ‎ ‎پاراستنا‎ ‎گەرماتیا‎ ‎لەشی‎ ‎و‎ ‎پاراستنا‎ ‎وی‎ ‎ژ‎ ‎بەرمایکێن‎ ‎ب‎ ‎زیان‎ ‎ئەوژی‎ ‎خوھە،‎ ‎و‎ ‎تەراتی‎ ‎د‎ ‎لەشیدا‎ ‎نامینیت‎.‎

بۆ‎ ‎چاڤدێریا‎ ‎پاقژیا‎ ‎پیستی،‎ ‎پێدڤیە‎ ‎ب‎ ‎کێماتی‎ ‎حەفتیێ‎ ‎جارەکێ‎ ‎ل‎ ‎زڤستانێ‎ ‎و‎ ‎دو‎ ‎جارا‎ ‎ل‎ ‎ھاڤینێ‎ ‎مرۆڤ‎ ‎سەرێ‎ ‎خو‎ ‎بشووت،‎ ‎شووشتن‎ ‎ژی‎ ‎باشترە‎ ‎ب‎ ‎ئاڤێ‎ ‎و‎ ‎سابوونێ‎ ‎بیت‎ ‎و‎ ‎باشترە‎ ‎ئاڤ‎ ‎یا‎ ‎کەل‎ ‎بیت‎.‎

سەرشووتن‎ ‎ژی‎ ‎چەند‎ ‎رەنگن‎ ‎ژوان‎ ‎یا‎ ‎ئاسایی‎ ‎و‎ ‎یا‎ ‎نوشداری‎ ‎و‎ ‎یا‎ ‎چارەسەریا‎ ‎پزیشکی‎ ‎ژی‎ ‎ھەیە،‎ ‎کو‎ ‎ھندەک‎ ‎جاران‎ ‎پێدڤیە‎ ‎دەمێ‎ ‎مرۆڤ‎ ‎تووشی‎ ‎کولبونێن‎ ‎پیستی‎ ‎و‎ ‎ھندەک‎ ‎نەخوشیان‎ ‎دبیت‎ ‎یا‎ ‎فەرە‎ ‎سەرشووتن‎ ‎یا‎ ‎جودابیت‎ ‎و‎ ‎ھندەک‎ ‎جارا‎ ‎باشترە‎ ‎بیکاربونات‎ ‎ل‎ ‎سەر‎ ‎ئاڤێ‎ ‎بھێنە‎ ‎زێدەکرن‎ ‎ل‎ ‎دووڤ‎ ‎شیرەتێن‎ ‎نوشدارێ‎ ‎چارەسەر‎.‎

ھەروەسا‎ ‎سەرشوویێن‎ ‎کبریتێ‎ ‎و‎ ‎پەرمەنگەنا‎ ‎ھەنە‎ ‎کو‎ ‎دیسان‎ ‎بۆ‎ ‎نەخوشیێن‎ ‎پیستی‎ ‎دھێنە‎ ‎ب‎ ‎کارئینان‎ ‎و‎ ‎سەرشوویێن‎ ‎ھلمێ‎ ‎و‎ ‎ساونایێ‎ ‎کو‎ ‎ھندەک‎ ‎کەس‎ ‎بۆ‎ ‎چارەسەریا‎ ‎سەنگ‎ ‎کێمکرنێ‎ ‎ب‎ ‎کاردئینن،‎ ‎ب‎ ‎راستی‎ ‎چ‎ ‎کارتێکرنا‎ ‎خو‎ ‎نینە‎ ‎و‎ ‎ئەو‎ ‎خوھدانا‎ ‎ژ‎ ‎ئەنجامێ‎ ‎وان‎ ‎پەیدادبیت،‎ ‎مرۆڤ‎ ‎دشێت‎ ‎ب‎ ‎ڤەخوارنا‎ ‎گلاسەکێ‎ ‎ئاڤێ‎ ‎بزڤرینیتەڤە‎.‎

دەربارەی‎ ‎گەرماڤێن‎ ‎سار‎ ‎مفایەکێ‎ ‎مەزن‎ ‎ھەیە،‎ ‎ژبەرکو‎ ‎لەشی‎ ‎پاقژ‎ ‎دکەن‎ ‎و‎ ‎رێکێ‎ ‎ددەتێ‎ ‎دناڤ‎ ‎سەقای‎ ‎دا‎ ‎سار‎ ‎بمینیت‎ ‎و‎ ‎ژبەر‎ ‎وێ‎ ‎چەندێ‎ ‎مرۆڤ‎ ‎ھەست‎ ‎ب‎ ‎گەرماتیێ‎ ‎دکەت،‎ ‎سەرشووتنا‎ ‎ب‎ ‎دوشێ‎ ‎گەلەک‎ ‎باشترە‎ ‎ژ‎ ‎سەرشووشتنا‎ ‎ب‎ ‎بانیویێ،‎ ‎ژبەرکو‎ ‎ئاڤ‎ ‎ب‎ ‎ھێز‎ ‎ب‎ ‎لەشی‎ ‎دکەڤیت‎ ‎و‎ ‎خوینێ‎ ‎چالاک‎ ‎دکەت‎ ‎و‎ ‎ئاڤا‎ ‎وێ‎ ‎بەردەوام‎ ‎نوو‎ ‎دبیت،‎ ‎ئەگەر‎ ‎مرۆڤی‎ ‎بانیو‎ ‎ب‎ ‎کارئینا‎ ‎باشترە‎ ‎پشتی‎ ‎ژ‎ ‎بانیویێ‎ ‎دەردکەڤیت‎ ‎راببیت‎ ‎ب‎ ‎پەرخاندنا‎ ‎ھەموو‎ ‎لەشی‎ ‎و‎ ‎دیسان‎ ‎باش‎ ‎ھشک‎ ‎بکەت‎ ‎داکو‎ ‎چ‎ ‎ئاڤ‎ ‎نەمینیتە‎ ‎ب‎ ‎لەشی‎ ‎ڤە‎ ‎و‎ ‎کارتێکرنێ‎ ‎ل‎ ‎مرۆڤی‎ ‎نەکەت‎ ‎دەمێ‎ ‎دچیتە‎ ‎بەر‎ ‎سەرمایێ‎.‎

دەرباەی‎ ‎سابوونێن‎ ‎دھێنە‎ ‎ب‎ ‎کارئینان‎ ‎ژی‎ ‎ھەلبەت‎ ‎باشترە‎ ‎سابوونێن‎ ‎نوشداری‎ ‎بن‎ ‎کو‎ ‎کەرستێن‎ ‎وەکو‎ ( ‎فینول‎ ‎و‎ ‎فینیکی‎) ‎دناڤدا‎ ‎ھەبن‎ ‎یان‎ ( ‎کبریت‎ ‎و‎ ‎سالسیلیک‎ ‎و‎ ‎یوریک‎) ‎دناڤدابن،‎ ‎و‎ ‎یا‎ ‎فەرتر‎ ‎ژی‎ ‎ئەوە‎ ‎ئەم‎ ‎دەمێ‎ ‎شەرشووتنێ‎ ‎گەلەک‎ ‎درێژ‎ ‎نەکەین‎ ‎داکو‎ ‎نەبیتە‎ ‎ئەگەرێ‎ ‎پێتیبوونا‎ ‎پیستی‎ ‎و‎ ‎گەلەک‎ ‎روین‎ ‎ژی‎ ‎ل‎ ‎سەر‎ ‎پیستی‎ ‎نەھێتە‎ ‎راکرن‎ ‎داکو‎ ‎پیست‎ ‎ھشک‎ ‎نەبیتٍ‎ ‎و‎ ‎تەراتیا‎ ‎خو‎ ‎ژدەست‎ ‎نەدەت‎ ‎و‎ ‎شەخ‎ ‎شەخ‎ ‎ببیت‎.‎

شیرەتێن‎ ‎دووماھیێ‎ ‎ل‎ ‎دور‎ ‎سەرشووشتنێ‎ ‎دێ‎ ‎ئەڤێن‎ ‎ل‎ ‎خوارێ‎ ‎بن‎:‎
‎•‎ بو‎ ‎دەمەکێ‎ ‎درێژ‎ ‎دناڤ‎ ‎سەرشوویێ‎ ‎دا‎ ‎نەمینە،‎ ‎ھند‎ ‎بمینە‎ ‎کو‎ ‎تو‎ ‎بزانی‎ ‎لەشێ‎ ‎تە‎ ‎پاقژ‎ ‎بوویە‎.‎
‎•‎ پشتی‎ ‎لەشێ‎ ‎تە‎ ‎پاقژ‎ ‎دبیت،‎ ‎ھێدی‎ ‎ھێدی‎ ‎ئاڤێ‎ ‎ساربکە‎ ‎دا‎ ‎تووشی‎ ‎بەرسەمایێ‎ ‎و‎ ‎پەرسیڤی‎ ‎نەبی‎ ‎و‎ ‎چەلەنگیا‎ ‎خو‎ ‎ب‎ ‎پارێزی‎.‎
‎•‎ لەشێ‎ ‎خو‎ ‎ھشک‎ ‎بکە‎ ‎ژبەرکو‎ ‎ھشککرن‎ ‎دێ‎ ‎ھاریکاریێ‎ ‎د‎ ‎باشکرنا‎ ‎خولا‎ ‎خوینا‎ ‎وی‎ ‎دا‎ ‎کەت‎ ‎و‎ ‎ناھێلیت‎ ‎لەشێ‎ ‎تە‎ ‎بەرئاتافی‎ ‎ھشک‎ ‎بوونێ‎ ‎ببیت‎.‎
‎•‎ پشتی‎ ‎سەرشوویا‎ ‎ب‎ ‎ئاڤا‎ ‎کەل،‎ ‎نەدەرکەڤە‎ ‎ھەتا‎ ‎پلا‎ ‎سروشتی‎ ‎یا‎ ‎گەرماتیا‎ ‎لەشێ‎ ‎تە‎ ‎ڤەدگەریتەڤە‎.‎
‎•‎ کریمەکی‎ ‎یان‎ ‎زەیتێ‎ ‎ب‎ ‎کاربینە‎ ‎بۆ‎ ‎تەرکرنا‎ ‎پرچێ‎ ‎خو‎ ‎و‎ ‎ھەردو‎ ‎دەستێن‎ ‎خو‎ ‎داکو‎ ‎ژ‎ ‎ھشکبوونێ‎ ‎بھێنە‎ ‎پاراستن‎.‎

ئه‌ڤرۆ نيوز:

ژئەگەرێ‎ ‎بەرتەنگیا‎ ‎دەمێ‎ ‎نوشداری‎ ‎و‎ ‎گرنگیێن‎ ‎مەزن‎ ‎ل‎ ‎دەمێ‎ ‎ئەم‎ ‎قەستا‎ ‎لایێ‎ ‎نوشداری‎ ‎دکەین‎ ‎وەک‎ ‎چاڤەرێبوون‎ ‎ھەتا‎ ‎وەختێ‎ ‎مە‎ ‎دھێت،‎ ‎چوونا‎ ‎ژوورا‎ ‎کلینیکێ‎ ‎و‎ ‎ژبەرخوکرنا‎ ‎جلکان‎ ‎بۆ‎ ‎پشکنینێ‎ ‎و‎ ‎دوبارە‎ ‎ل‎ ‎بەرخوکرنا‎ ‎جلکان،‎ ‎دیسان‎ ‎چوون‎ ‎بۆ‎ ‎گرتنا‎ ‎تیشک‎ ‎و‎ ‎پشکنینێن‎ ‎تاقیگەھێ‎ ‎و‎ ‎دوبارە‎ ‎ڤەگەریان‎ ‎بۆ‎ ‎نوژداری‎ ‎دا‎ ‎بەرێ‎ ‎خو‎ ‎بدەتێ‎ ‎کا‎ ‎چ‎ ‎ل‎ ‎مە‎ ‎قەومی‎ ‎یە‎ ‎و‎ ‎دەرمانان‎ ‎بدەتە‎ ‎مە،‎ ‎ئەڤە‎ ‎ھەموو‎ ‎گەلەک‎ ‎وەختی‎ ‎دکوژن‎ ‎و‎ ‎ل‎ ‎دەمێ‎ ‎ئەم‎ ‎ڤەدگەرینە‎ ‎مال‎ ‎گەلەک‎ ‎پرسیار‎ ‎دمیننە‎ ‎د‎ ‎سەرێ‎ ‎مە‎ ‎دا‎ ‎کو‎ ‎مە‎ ‎یێن‎ ‎ژبیرکرین‎ ‎ژ‎ ‎نوشداری‎ ‎بکەین‎ ‎و‎ ‎نوشداری‎ ‎ژی‎ ‎دەم‎ ‎نەبوویە‎ ‎بێژیتە‎ ‎مە‎ ‎و‎ ‎دبیت‎ ‎ژئەگەرێ‎ ‎ڤێ‎ ‎چەندێ‎ ‎نەخوش‎ ‎گەلەک‎ ‎خەلەتیان‎ ‎بکەت‎ ‎و‎ ‎ژیانا‎ ‎خو‎ ‎بێخیتە‎ ‎دمەترسیێ‎ ‎دا‎.‎

لەورا‎ ‎ژی‎ ‎ھندەک‎ ‎نوشدارێن‎ ‎تایبەتمەند‎ ‎کومبوون‎ ‎داکو‎ ‎ھندەک‎ ‎شیرەتان‎ ‎بدەنە‎ ‎نەخۆشان‎ ‎ئەوێن‎ ‎کو‎ ‎نوژداری‎ ‎ھند‎ ‎وەخت‎ ‎نەبیت‎ ‎ئاراستەی‎ ‎نەخوشی‎ ‎بکەت‎ ‎و‎ ‎ئەوژی‎ ‎ئەڤەنە‎:‎

ئەو‎ ‎شیرەتێن‎ ‎نوشدارێ‎ ‎دلی‎ ‎نەبێژیتە‎ ‎نەخۆشی‎:‎
د‎. ‎نیکا‎ ‎جولدبررج‎ ‎ماموستایێ‎ ‎نوژداریا‎ ‎دلی‎ ‎و‎ ‎رێڤەبەرێ‎ ‎پزیشکی‎ ‎یێ‎ ‎پروگرامێ‎ ‎دلی‎ ‎یێ‎ ‎ژنان‎ ‎ل‎ ‎زانکویا‎ ‎نیویورک‎ ‎رابویە‎ ‎ب‎ ‎پێشکێشکرنا‎ ‎چەند‎ ‎شیرەتێن‎ ‎گرنگ‎ ‎ژوانژی‎:‎

بەرێخودانێ‎ ‎ل‎ ‎دەوروبەرێن‎ ‎ناڤکا‎ ‎خۆ‎ ‎و‎ ‎زکێ‎ ‎خۆ‎ ‎بکە‎:‎
ھەتا‎ ‎ھەکە‎ ‎تو‎ ‎یێ‎ ‎زەعیف‎ ‎بی‎ ‎ژی‎ ‎بەردەوام‎ ‎بەرێخودانێ‎ ‎ل‎ ‎دەوروبەرێن‎ ‎زکێ‎ ‎خۆ‎ ‎و‎ ‎ناڤکا‎ ‎خۆ‎ ‎بکە‎ ‎داکو‎ ‎بزانی‎ ‎چەند‎ ‎روین‎ ‎ل‎ ‎دەوروبەرێن‎ ‎وان‎ ‎کومڤەبوویە‎ ‎ژبەرکو‎ ‎قەوارێ‎ ‎روینان‎ ‎ھەڤبەندیەکا‎ ‎راستەوخو‎ ‎ب‎ ‎مەترسیترین‎ ‎ئێشێن‎ ‎دلی‎ ‎ڤە‎ ‎ھەیە،‎ ‎لەورا‎ ‎راببە‎ ‎ب‎ ‎پیڤانا‎ ‎کەمەرا‎ ‎خو‎ ‎و‎ ‎بزانە‎ ‎کەمەرا‎ ‎ساخلەم‎ ‎دڤێت‎ 35 ‎ئیتش‎ ‎بیت‎ ‎و‎ ‎ژبۆ‎ ‎کونترولکرنا‎ ‎کەمەرا‎ ‎خو‎ ‎پێدڤی‎ ‎یە‎ ‎بەردەوام‎ ‎راھێنانێن‎ ‎وەرزشی‎ ‎بکەی‎ ‎و‎ ‎خوارنێن‎ ‎کاربوھیدری‎ ‎نوەکو‎ ‎ھەڤیران‎ ‎و‎ ‎نانێ‎ ‎سپی‎ ‎گەلەک‎ ‎نەخوی،‎ ‎پیدڤیە‎ ‎دیسان‎ ‎پشکنینان‎ ‎وەرزانە‎ ‎بۆ‎ ‎فشارا‎ ‎خوینێ‎ ‎و‎ ‎کولیسترولی‎ ‎د‎ ‎لەشێ‎ ‎خو‎ ‎دا‎ ‎بکەی‎.‎

ھەکە‎ ‎ژیێ‎ ‎تە‎ ‎د‎ ‎سەر‎ 35 ‎سالیێ‎ ‎دایە‎ ‎و‎ ‎تو‎ ‎نەزانی‎ ‎فشارا‎ ‎خوینا‎ ‎تە‎ ‎و‎ ‎کولیسترولێ‎ ‎تە‎ ‎چەندە،‎ ‎ب‎ ‎لەز‎ ‎قەستا‎ ‎نوژدارێ‎ ‎تایبەتمەند‎ ‎بکە‎ ‎داکو‎ ‎وان‎ ‎پێزانینا‎ ‎بدەتە‎ ‎تە‎ ‎ژبەرکو‎ ‎ئەو‎ ‎دێ‎ ‎ھاریکاریا‎ ‎تە‎ ‎کەن‎ ‎بۆ‎ ‎پاراستنا‎ ‎تە‎ ‎ژ‎ ‎نەخوشیێن‎ ‎دلی‎.‎

دیسان‎ ‎پێدڤیە‎ ‎حەفتیانە‎ ‎تو‎ ‎گویزان‎ ‎بخوی‎ ‎ژبەرکو‎ ‎ترشیێ‎ ‎لینولیک‎ ‎دناڤدا‎ ‎ھەیە‎ ‎و‎ ‎ئەوژی‎ ‎یێ‎ ‎گرنگە‎ ‎بۆ‎ ‎ساخلەمیا‎ ‎دلێ‎ ‎تە‎.‎

ئەو‎ ‎شیرەتێن‎ ‎نوشدارێ‎ ‎چارەسەریا‎ ‎سروشتی‎ ‎نەبێژیتە‎ ‎نەخۆشان‎:‎
شیرەتکارا‎ ‎پزیشکی‎ ‎کاتی‎ ‎ویبەر‎ ‎رێڤەبەرا‎ ‎سەنتەرێ‎ ‎پزیشکی‎ ‎یێ‎ ‎چارەسەریا‎ ‎سروشتی‎ ‎یا‎ ‎ژنان‎ ‎ل‎ ‎شیکاغو‎ ‎ڤان‎ ‎شرەتان‎ ‎پێشکێش‎ ‎دکەت‎:‎

بەردەوام‎ ‎وەرزشا‎ ‎خۆ‎ ‎نوو‎ ‎بکە‎:‎
ئەنجامدانا‎ ‎وەرزشێ‎ ‎ژ‎ ‎تشتێن‎ ‎ھەرە‎ ‎گرنگە‎ ‎بۆ‎ ‎ساخلەمیا‎ ‎مرۆڤی،‎ ‎بەلێ‎ ‎نابیت‎ ‎مرۆڤ‎ ‎رۆژانە‎ ‎رەنکەگێ‎ ‎وەرزشێ‎ ‎بکەت‎ ‎و‎ ‎وەرڤشێن‎ ‎ب‎ ‎زەحمەت‎ ‎پشت‎ ‎گوە‎ ‎ب‎ ‎ھاڤێژیت،‎ ‎بەردەوام‎ ‎ھەول‎ ‎بدە‎ ‎شێوازێ‎ ‎وەرزشا‎ ‎خۆ‎ ‎ب‎ ‎گوھورە‎ ‎داکو‎ ‎لەشێ‎ ‎تە‎ ‎ماندی‎ ‎نەبیت‎ ‎و‎ ‎ئەنجامدانا‎ ‎رەنگەکێ‎ ‎وەرزشێ‎ ‎بتنێ‎ ‎مرۆڤی‎ ‎تووشی‎ ‎روودانان‎ ‎دکەت‎.‎

کەمەرا‎ ‎خۆ‎ ‎و‎ ‎پێن‎ ‎خۆ‎ ‎ب‎ ‎ھێز‎ ‎بێخە‎:‎
ھەموو‎ ‎ژن‎ ‎حەز‎ ‎دکەن‎ ‎کەمەرا‎ ‎وان‎ ‎و‎ ‎ڕانێن‎ ‎وان‎ ‎د‎ ‎زەعیف‎ ‎بن،‎ ‎ئەڤە‎ ‎تشتەکێ‎ ‎ب‎ ‎مەترسی‎ ‎یە‎ ‎و‎ ‎بێھێزیا‎ ‎ڤان‎ ‎جھان‎ ‎دێ‎ ‎وەکەت‎ ‎کو‎ ‎ھێزا‎ ‎لەشی‎ ‎بکەڤیتە‎ ‎ل‎ ‎سەر‎ ‎چوک‎ ‎و‎ ‎رانێن‎ ‎ژنێ‎ ‎ئەڤەژی‎ ‎کومەکا‎ ‎ئاستەنگان‎ ‎بۆ‎ ‎ژنان‎ ‎پەیدادکەت‎.‎

ئەو‎ ‎شیرەتێن‎ ‎نوشدارێ‎ ‎دەماران‎ ‎نەبێژیتە‎ ‎نەخۆشان‎:‎
د‎.‎جاری‎ ‎سمول‎ ‎رێڤەبەرێ‎ ‎سەنتەرێ‎ ‎پزیشکی‎ ‎یێ‎ ‎دانعمران‎ ‎و‎ ‎بیردانکێ‎ ‎ل‎ ‎زانکویا‎ ‎کالیفورنیا‎ ‎ڤان‎ ‎شیرەتان‎ ‎دبێژیت‎:‎بلا‎ ‎مێشکێ‎ ‎تە‎ ‎ھەردەم‎ ‎د‎ ‎ھزرکرنێ‎ ‎دابیت،ئەنجامدانا‎ ‎راھێنانێن‎ ‎ب‎ ‎زەحمەت‎ ‎یێن‎ ‎بیرکاریێ‎ ‎و‎ ‎پەیڤێن‎ ‎ھەڤبر‎ ‎و‎ ‎بەریکانە‎ ‎مێشکی‎ ‎د‎ ‎پارێزن،‎ ‎پێدڤیە‎ ‎دەم‎ ‎بۆ‎ ‎دەمی‎ ‎کریارا‎ ‎بیرئانینا‎ ‎ھندەک‎ ‎تشتان‎ ‎بکەی‎ ‎داکو‎ ‎بیردانکا‎ ‎تە‎ ‎ب‎ ‎ھێز‎ ‎بکەڤیت،‎ ‎پێدڤیە‎ ‎ھەول‎ ‎بدەی‎ ‎ناڤان‎ ‎ل‎ ‎بیرا‎ ‎خۆ‎ ‎بینی‎ ‎و‎ ‎بزانە‎ ‎دێمێ‎ ‎وان‎ ‎چ‎ ‎رەنگە‎ ‎و‎ ‎ئەڤەژی‎ ‎ل‎ ‎دووڤ‎ ‎کریارێن‎ )‎بەرێخودان،‎ ‎تەخمینکرن،‎ ‎گەھشتن‎ (‎دمینیت‎ ‎و‎ ‎ب‎ ‎ڤی‎ ‎رەنگی‎:‎

بەرێخودان‎ :‎ئانکو‎ ‎ئاگەە‎ ‎ژ‎ ‎خۆ‎ ‎بوون‎ ‎بۆ‎ ‎کەسێ‎ ‎تو‎ ‎بیریا‎ ‎وی‎ ‎دکەی‎.‎
تەخمینکرن: ‎دوێنەیێ‎ ‎وی‎ ‎کەسی‎ ‎د‎ ‎مێشکێ‎ ‎خۆ‎ ‎دا‎.‎
گەھشتن‎ :‎دانا‎ ‎وی‎ ‎وێنەیێ‎ ‎تە‎ ‎پێک‎ ‎ئینای‎ ‎دناڤ‎ ‎چارچوڤەکی‎ ‎دا‎ ‎ھەتا‎ ‎بیریا‎ ‎وی‎ ‎دکەی‎.‎

خوە‎ ‎ژ‎ ‎فشارا‎ ‎دەماران‎ ‎دوور‎ ‎بکە
فشارا‎ ‎دەماران‎ ‎و‎ ‎ئالوزیا‎ ‎دومدرێژ‎ ‎دبنە‎ ‎ئەگەرێ‎ ‎بێھێزیا‎ ‎بیردانکا‎ ‎مرۆڤی‎ ‎و‎ ‎دیسان‎ ‎دبنە‎ ‎ئەگەرێ‎ ‎زێدەکرنا‎ ‎ھورمونێ‎ ‎‎(‎کوریستول‎) ‎کو‎ ‎ھورمونێ‎ ‎ئالوزیێ‎ ‎یە‎ ‎و‎ ‎تەشویش‎ ‎و‎ ‎نەگەھشتنێ‎ ‎د‎ ‎زانینێ‎ ‎دا‎ ‎پەیدادکەت‎ ‎و‎ ‎تشتا‎ ‎ژبیرا‎ ‎مرۆڤی‎ ‎دبەن‎. ‎لەورا‎ ‎خوقورتالکرن‎ ‎ژ‎ ‎ئالوزی‎ ‎و‎ ‎فشارا‎ ‎دەماران‎ ‎پێنگاڤا‎ ‎ئێکێ‎ ‎یە‎ ‎مرۆڤ‎ ‎بەرف‎ ‎باشکرن‎ ‎و‎ ‎ب‎ ‎ھێزکرنا‎ ‎بیردانکێ‎ ‎بچیت.