ئه‌ڤرۆنیوز:
شیره‌تكارێ جڤاتا ئاسایشا هه‌رێما كوردستانێ، مه‌سرور بارزانی، ئه‌ڤرۆ چارشه‌مبی 6/2/2019 پێشوازی ل جه‌نه‌رال (پاتریك رۆبه‌رسۆن) فه‌رماندێ ئوپه‌راسیۆنێن تایبه‌ت یێن ئه‌مریكا ل عیراقێ وسووریێ وشاندێ دگه‌لدا كر.
ددیداره‌كێ دا دووماهی پێشهاتێن ده‌ڤه‌رێ ب گشتی وقۆناغێن شه‌رێ تیرۆرستان هاته به‌حسكرن، ل دۆر ره‌وشا رۆژهه‌لاتا فوراتێ ل سووریێ، مه‌سرور بارزانی ئاماژه دا، ب پێدڤی دهێته زانین هێز ولایه‌نێن سیاسی یێن رۆژئاڤا بگه‌هنه رێككه‌فتنێ ولێكتێگه‌هشتنا هه‌ڤپشك ل سه‌ر هه‌موو پرسان بۆ وێ چه‌ندێ دگوهۆرینان دا مافێن گه‌لێ كورد بهێنه جهگیركرن.
هه‌ر دوێ دیدارێ دا، لڤینێن داعشێ ل هنده‌ك ده‌ڤه‌رێن عیراقێ ورۆل وهه‌ماهه‌نگیا دناڤبه‌را هێزێن هه‌ڤپه‌یمانان وعیراقێ وهه‌رێما كوردستانێ هاته به‌حسكرن وروناهی خسته سه‌ر میكانیزمێن رێگرتنێ ل گه‌شه‌كرنا زێده‌تر یا گرۆپێن تیرۆرستی ل ده‌ڤه‌رێ.
ئەڤرۆ نیوز:
یانا نەسر یا سعودی ب فەرمی ھەڤبەستا بەرەڤانێ بەرازیلی یانا گەلاتەسەرای یا تورکی مایکون پێریرا بوو ماوێ سال و نیڤا راگەھاند پشتی چەندین بزاڤا و ھەڤرکیەکا دژوار ل گەل ھەڤرکیا خوە یانا ھیلال .
راپورتێن رۆژنامەڤانی ل تورکیا دیارکریە یانا گەلاتەسەرای بوو دەست بەردانا مایکون کوژمێ ئێک ملیون و ٧٠٠ ھەزار یورۆ ژ یانا نەسر یا سعودی وەرگرتی یە .
ھەژی گوتنێ یە مایکون پێریرا ل وەرزێ بوری ژ یانا پورتو یا پورتوگالی بەر ب یانا گەلاتەسەرای ھاتبوو د ماوێ سال و نیڤا ٥٦ یاری ل گەل وێ یانا تورکی ئەنجامدابوون ھەردیسان بەری نوکە ژی بوو ماوێ شەش سالان یاری ل یانا پورتو یا پورتوگالی کربوو ل گەل وێ یانێ ١٩٠ یاری ئەنجامدابوون و شیابوو ١١ گولان توماربکەت.
ئەڤرۆ نیوز، هۆشەنگ تاجر:
محەمەد عەلی ئەندامێ مەکتەبا سیاسی یا پارتی دیموکراتی کوردستان/ سووریا بۆ ئەڤرۆ نیوز دیار کر کو هەتا نها ژی دیار نینە کا دێ هەرێما ئارام یا ل سەر سنورێ تورکیا و سووریا ژ ئالیێ چ هێزەکێ ڤە هێتە برێڤە برن، تورکیا هەتا نها ژی یا رژدە و گەلەک بزاڤان ژی دکەت دا رێڤەبەریا هەرێما ئارام د دەستێ وێ دا بیت و گۆت: (ل گۆر پێزانینێن گەهشتینە مە هەتا نها روسیا و ئەمریکا ژی ل گەل هندێ نینن).
ناڤهاتی ئەو یەک ژی دیار کو مە پێ باش نینە رێڤەبەریا هەرێما ئارام د دەستێ دەولەتێ دا ب تنێ بیت، چونکو دێ مەترسیێن خوە هەبن، ژ بەر هندێ ژی مە پێ باشترە کو رێڤەبەریا هەرێما ئارام ژ ئالیێ هێزێن نێڤدەولەتی ڤە بهێتە دیار کرن و گۆت: (هەکە نەتەوێن یەکگرتی چاوانیا برێڤەبرنا هەرێما ئارام دیار بکەت و وەلاتێن پشکدار ژی دیار بکەت دێ بۆ هەموو ئالیەکێ ل سووریێ باشتر بیت، ئانکۆ مە دڤێت چەند وەلات پێکڤە هەرێما ئارام برێڤە ببەن).
ئەڤرۆ نیوز:
چاڤەرێ دھێتەکرن ئەڤ شەڤە ئێک ژ ناڤدارترین کلاسیکو ل سەر ئاستێ جیھانێ بھێتەکرن دناڤبەرا ھەردو جەمسەرێن ئیسپانی یانا ریال مەدرید و بەرشەلۆنا ل یاریگەھا کامپ نوو ژ چارچوڤێ یاریێن قوناغا پێش دووماھیێ ژ کاسا شاھێ ئیسپانیا .
بەری ڤێ یاریێ ھەردو یانا ٣٣ یاری ل گەل ئێک ئەنجامداینە د قارەمانیا کاسا شاھێ ئیسپانیا دا کو د ١٤ یاریان دا یانا بەرشەلۆنا شیابوو سەرکەفتنێ توماربکەت بەرامبەر ١٢ سەرکەفتن بوو یانا ریال مەدرید و ل گەل حەفت وەکھەڤیا کو ئێکەم یاریا ئەوان ژ قارەمانیا کاسا شاھێ ئیسپانیا ل سالا ١٩١٦ بوو کو بەرشەلۆنا شیا بوو سەرکەفتنێ توماربکەت ب دو گولان بەرامبەر گولەکێ و دووماھیی یاری ل یاریا دووماھیا قارەمانیا ٢٠١٤ بوو ئەنجامدا ریال بوو قارەمان ل سەر کیستێ بەرشەلۆنا دەمێ ب سەرکەفتی ب دو گولان بەرامبەر گولەکێ .
یاریزانێن بەرشەلۆنا د ماوێ ٣٣ یاریێن بوری دا ٦٦ گول تومارکرینە بەرامبەر یێن ریال ٦٥ تومارکرینە .
ئەڤرۆ نیوز، عەلی حاجی:
لژنا ھەڤپشکا رێڤەبەریا ساخلەمیا زاخۆ د ھەیڤا ئێک دا سەرەدانا ٨٨٠ جھان کریە و دەست ب سەر چەندین کەل و پەلێن دەم سەرڤەچووی دا گرتیە و ژناڤ برینە .
د ڤی چارچوڤەی دا ئەمیر عەلی ، ژ راگەھاندنا رێڤەبەریا ساخلەمیا زاخۆ بۆ ئەڤرۆ نیوز دیارکرلژنێت مە ل سپێدە و ئێڤاران ل سەر جھان دگەرن و چاڤێدێریێ دکەن پێخەمەتی پاراستنا ھاولاتیان ژھەر نەخوەشیەکێ ، ل گورەی وێ ئامارا ھەیڤا ئێک دا ھاتینە تومارکرن لژنا ھەڤپشک سەرەدانا زێدەتری ٨٨٠ جھان ل زاخۆ کری یە.
ناڤھاتی زێدەتر گۆت: لژنا ھەڤپشک شیاینە تەنەکا دەرمانان دەستە سەر بکەن و ژ ناڤ ببەن و ھەر دیسان ١٤٩ تەکێن وان ھاتینە ژ ناڤبرن و کەرەستەێن ١٩٠٠ کێلو گرام و کەل و پەلێن، لژنێت مە بەردەوامن ل سەر لێگەریانا کەل و پەلێن دەم بسەرڤەچووی و ل گورەی رێنمایان ژناڤ دبەت لێ چو لایەک ب سزاێن ماددی نەھاتینە سزادان .
ئەڤرۆ نیوز:
پشتی ماوێ یاسایی تمام بووی و ھەر ئێک ژ قوباد تالەبانی سەروکێ لیستا ئێکەتیێ و شاسوار عەبدولواحد سەروکێ لیستا نەوەی نوێ دگەل ئەندامەکێ پارتی ئامادەنەبووین سویندا یاسایی بخون، مافێ ئەندامەتیا پەرلەمانێ کوردستانێ نەما بۆ خولا نوو.
ل دووڤ پەیامەکێ باسنیوز بەلاڤ کری پشتی ب دووماھی ھاتنا ماوێ یاسایی ئەوێ ھاتیە دیارکرن داکو پەرلەمانتار سویندا یاسیایی بخوت ل پەرلەمانێ کوردستانێ ھەر مافێ ئەندامەتیا ڤان ھەرسێ کەسان نەما.
ھندرین ئەحمەد سەروکێ کومسیونا بلندا ھەلبژارتنان ل ھەرێما کوردستانێ ئەڤ بابەتە پشت راستکر و ل شوونا قوباد تالەبانی راھی رھبەر سەیدبرایم و دیسان ل شوونا شاسوار عەبدولواحد سیروان فەرەج ھاتە دانان و ل شوونا ئەندامێ پارتی شەعبان عەلی شەعبان زێدان رەشیدخان ھاتە دانان ل کومبوونا بھێت ئەڤ سێ پەرلەمانتارێن نوو دێ سویندا یاسایی خون.
ئەڤرۆ نیوز:
یانا لیڤەرپول یا ئنگلیزی یا بزاڤێن مەزن دکەت بوو ھاڤینا بھێت شیانێن یاریزانێ ئیتالی و یانا ناپولی لورەنزو ئنسگنا ب دەستخوڤە بینت لێ یانا ئیتالی داخوازیا کوژمەکێ مەزن یێ پارەی کریە بوو دەست بەردانا ئەوی یاریزانی.
ل ماوێ چەند رۆژێن بوری یانا لیڤەرپول ب فەرمی کوژمێ ٦١ ملیون جینێ ئیسترلینی پێشکێشی یانا ناپولی یا ئیتالی کریە بوو ڤەگوھاستنا یاریزانێ وێ ئنسگانا ل ھاڤینا بھێت لێ وێ یانێ ئەو داخوازیا لیڤەرپول رەتکریە و داخوازیا کوژمەکێ گەلەک مەزنتر ژ وێ یانا ئنگلیزی خواستی یە .
زێدەتر مالپەرێ میرو یێ برێتانی دیارکریە یانا ناپولی د بەرسڤا یانا لیڤەرپول دا دیارکریە ھەکە ئەو بخوازن ھەڤبەستێ ل گەل یاریزانێ وێ ئنسگانا ئیمزا بکەن پێدڤی یە ئەو کوژمێ ١٣١ ملیون جینێ ئیسترلینی پێشکێشی یانا ئەوان بکەن.
نيشاندان