ئه‌ڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا ئه‌ينى رێکەفتی 5ی شوباتا 2019ێ ئەسمان دێ ئه‌وره‌كێ گه‌له‌ك كێم بيت ل پتريا ده‌ڤه‌ران.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دهێته پشبينيكرن ئه‌سمان ئه‌وره‌كێ گه‌له‌ك كێم بيت ل پتريا ده‌ڤه‌ران.
پشکا پێشبینیان دایە زایە زانین کو دێ لەزاتیا بایی د ناڤبەرا 5 ھەتا 10کم دا و ماوێ دیتنێ ژی دێ 10کم بیت، پلێن گەرمێ ژی دێ د ناڤبەرا 2 بۆ 13 پلان دا بن.
ئەڤرۆ نیوز، عەلی حاجی:
دداخویانیەکێ دکتور ھەیھات خێرەللا ، رێڤەبەرێ نەخوشخانا زاخۆ یا گشتی بۆ روژناما ئەڤرۆ گوت : زێدەتری پێنج سالان بو چو دکتورێن تایبەت مەند ب نەخوەشیێن دەروونی ل نەخوشخانا زاخۆ یا گشتی نەبون بەلێ زێدەتری ھەیڤەکێ یە رێکخراوا ِA.S.F ب ھەڤکاری دگەل رێکخراوەکێ پشکا نەخوەشیێن دەروونی ل نەخوشخانا زاخۆ یا گشتی ھاتیە ڤەکرن و ئەڤ پشکە ب تنێ بۆ ماوەیێ سالەکێ دێ کارکەت و دبیت ماوەیێ کارکرنێ وێ پشکێ بھێتە نووکرن.
ناڤبری زێدەتر گوت: دکتورێن تایبەت ب ئێشێن دەروونی ژ باژێرێ دھۆکێ دھێنە نەخوشخانا زاخۆ یا گشتی و ھەموو ئاسانکاری بۆ ھاتینە کرن و پێدڤیێن نوشداری ژی بو دکتورێ تایبەتمەند دابین کرینە و رێژەیەکا باش یا دەرمانان رەوانەی وێ پشکێ کرینە دا کو ب شێوەیەکێ ئاسای چارەسەریا نەخوەشی بھێتە کرن
ئه‌ڤرۆ نيوز:
سه‌رۆك وه‌زيرێن عيراقێ سه‌ره‌دانا ئه‌مريكا كه‌ت و وه‌زيره‌ك ژى ته‌وه‌رێن دانوستاندنێ ئاشكه‌را دكه‌ت.
رۆژناما “العربى الجديد” ژ زارێ وه‌زيره‌كێ نها يێ حوكمه‌تا عيراقێ به‌لاڤكريه كو سه‌ره‌دانا چاڤه‌رێكريه و دێ هێته ئه‌نجام دان.
ئه‌وى وه‌زيرى ئاماژه ب وێ چه‌ندێ كريه كو عادل عه‌بدولمه‌هدى سه‌رۆك وه‌زيرێن عيراقێ د وێ سه‌ره‌دانێ و د كۆمبوونا ل گه‌ل دۆنالد تره‌مپ سه‌رۆكێ ئه‌مريكا، دێ چه‌ند ته‌وه‌ران گه‌نگه‌شه كه‌ت.
دايه زانين ژى كو دێ گرنگترين ته‌وه‌رێن دانوستاندنێ ژى بابه‌تێن؛ هه‌بوونا هێزێن ئه‌مريكى يه ل عيراقێ، هه‌ڤركيێن ئه‌مريكا و ئيرانێ و كارتێكرنا ل سه‌ر عيراقێ، ده‌رخستنا عيراقێ ژ ليستا سه‌په‌ندنا سزايێن وه‌لاتێن سه‌ره‌ده‌ريێ ل گه‌ل ئيرانێ دكه‌ن و راكێشانا پشته‌ڤانيا ئه‌مريكايه بۆ خوه.
ئەڤرۆ نیوز:
یاریزانێ یانا مانچێستەر سیتی رەحیم سترلینگ شیا نمرەکا باش دخۆلا ئنگلتەرا یا پلا نایاب توماربکەت پشتی ل یاریا شەڤا بوری بەرامبەر یانا ئەرسینال شیا گولەکێ دروست بکەت بوو ھەڤالێ خوە .
مالپەرێ ئوپتا یێ تایبەت ب ئامارەیێن یاریزانێن جیھانی ڤە دیارکر سترلینگ بوو یاریزانێ حەفتێ د مێژویا خۆلا ئنگلتەرا دا وەکو بچووکترین یاریزان پشکداریێ د ١٠٠ گولان دا بکەت پشتی ل یاریا شەڤا بوری شیا گولا دوێ یا یانا خوە بەرھەڤبکەت بوو ھەڤالێ خوە ئوگویرو .
رەحیم سترلینگ یێ ٢٤ سالی و ٥٧ رۆژ ل ماوێ بوری دا شیا پشکداری د ١٠٠ گولان دا بکەت کو ژ ئەوانا ٥٩ گول تومارکرینە و ٤٩ گول بوو ھەڤالێن خوە بەرھەڤکرینە.
ئه‌ڤرۆ نیوز:
بەشەک ل ھەڤژینان دەمێ دگەھنە قوناغا دوگیانیێ پرسیارا ھندێ دکەن، کا ئەرێ دێ شێن پەیوەندیا سێکسی ب شێوەکێ سروشتی ئەنجامددەن، بێ چۆ زیانەک بۆ لاشێ ژنێ و زارۆکی ھەبن.
بۆ ڤێ چەندێ مالپەرێ(Organicfacts) دیاردکەت کو ڤەکولینا ئاماژە دایە وێ چەندێ کو کو سێکسکرنا ھەڤژینا ل دەست پێکا دوگیانیێ دا ل مەھا ئێکێ ھەتا مەھا چوار نورمالە، لێ ئەڤ چەندە پشتی مەھا پێنج کاریگەریەکا خراب ل سەر لاشێ ژنێ و زارۆکی دروست دکەت، ل بەر ھندێ ل ڤێرەدا بەحس ل چەند مفایێن سێکسی کەین ل مەھا ئێک ھەتا چور و دویڤ دا بەحس ل زیانێن ڤێ پروسێ کەین پشتی مەھا پینج دا.
مفایێن سێکسرنا ھەڤژینا ل ل دەست پێکا مەھا ئێک ھەتا چوار:
سێکسکرنا ھەڤژینا دڤی دەمی دا رێژا کورتیزم ل لاشێ ئافرەتا دوگیان دا بەرز دکەت، کو دبیتە ئەگەرێ کێمکرنا خەموکیێ، کو زۆرربەیا جاران ل دەمێ دوگیانیێ دا تۆشی ژنان دبیت، ھەروەسا ژن ل نەخۆشیێن شەکرێ و دلی دپارێزیت، ھەروەسا سێکس کرن د ڤان مەھێن دەست پێکێ دا ئێشا دوگیانیێ کێم دکەت، دگەل ڤێ چەندێ ھاریکارە بۆ ھورمونا ئوکسیتۆکسین، کو ئەڤ ھوڕمۆنە یارمەتیدەرە بۆ بەرھەمئینانا شیری بۆ زارۆکی.
زیانێن سێکسی پشتی مەھا چوار و دەست پێکا مەھا پێنجێ:
سێکسکرنا ھەڤژینا ل ڤی دەمی دا زیانێن زۆر ل دوڤ خۆ دئینیت، کو ھندەک جارا دبیتە ئەگەرێ ل بەرچوون یان دایک بوونا پێش وەخت یا زارۆکی، کو دایکبوونا پێش وەختی زیانێن زۆر بۆ زارۆکی ھەنە، ھەروەسا ھندەک جارا سێکسکرن دبیتە ئەگەرێ خوین بەربوونێ ل دەف ژنێ.
ئه‌ڤرۆ نيوز:
نێچيرڤان بارزانى، سه‌رۆك وه‌زيرێن هه‌رێما كوردستانێ د رێوره‌سمێن پێشوازيكرن ل ته‌رمێ مير ته‌حسين به‌گ، ميرێ ئێزديێن كوردستان و جيهانێ ل هه‌ولێر گۆتاره‌ك پێشكێشكر و گۆت: “ئه‌ڤرۆ پێشوازيێ ل ته‌رمێ مرۆڤه‌كێ مه‌زن دكه‌ين كو مير ته‌حسين به‌گه و ب وێ هه‌لكه‌فتێ سه‌ره‌خۆشيێ ل خێزانا ميرى و جڤاتا رۆحانى و هه‌موو ئێزديێن كوردستان و جيهانێ دكه‌ين”.
ئه‌ڤرۆ نيوز:
ته‌رمێ مير ته‌حسين به‌گ عه‌لى، ميرێ ئێزديان ل عيراق و جيهانێ و سه‌رۆكێ جڤاتا بلندا رۆحانيا ئێزديان ڤه‌گه‌رانده هه‌رێما كوردستانێ.
ئه‌ڤرۆ رۆژا دوشه‌مبى ته‌رمێ مير ته‌حسين به‌گ عه‌لى، ب رێيا فرۆكه‌كا تايبه‌ت كو نێچيرڤان بارزانى سه‌رۆكێ حوكمه‌تا هه‌رێما كوردستانێ تێچيوويێ وێ ب ستوويێ خوه ڤه گرتبوو، د رێيا فرۆكخانا نێڤده‌وله‌تى يا هه‌ولێر دا گه‌هانده هه‌ولێرا پايته‌خت.
د رێوره‌سمێن پێشوازيكرنا ته‌رمێ مير ته‌حسين به‌گ دا، ژماره‌كا زۆر ژ به‌رپرسێ ميرى و حزبى ئاماده ببوون و تێدا نێچيرڤان بارزانى، سه‌رۆكێ حوكمه‌تا هه‌رێما كوردستانێ و نوونه‌رێن سه‌رۆك كۆمار و سه‌رۆك وه‌زيرێن عيراقێ ژى په‌يڤێن خوه خواندن.
28ى كانوونا دويێ، مير ته‌حسين به‌گ، ميرێ ئێزديێن كوردستانێ و عيراق و جيهانێ پشتى چه‌ند رۆژان ل مانا وى ل نه‌خۆشخانه‌كا وه‌لاتێ ئه‌لمانيا وه‌غه‌را دووماهيێ كر.
مير ته‌حسين به‌گ، كوڕێ سه‌عيد عه‌لى به‌گه و ل 15ى ته‌باخا 1933ێ ل ده‌ڤه‌را باعه‌درێ سه‌ر ب قه‌زا شێخان ژ دايك ببوو.
ميان خاتوون، خووشكا مير ته‌حسين به‌گ ل سالا 1944 وه‌كو ميرێ ئێزديان ده‌ست نيشان كر پشتى 15 رۆژان ژ مرنا بابێ وى كو مه‌زنترين پلا ئۆلى يه د ناڤ ئێزديان دا.
مير ته‌حسين به‌گ د ژيانا خوه دا، سێ جاران هه‌ڤژينێ پێك ئينابوو، هه‌شت كوڕ و سێ كچ هه‌بوون ب ناڤێن؛ زیاد، سەعید، مەروان، سەربەست، حازم. فەرهاد، سەرهات، عیصمەت هەدیە، نەفیە، نەسرین.
نيشاندان