ئه‌ڤرۆنیوز:
ئه‌ڤرۆ دوشه‌مبی 3/3/2019 رێكخراوا هه‌یڤا سۆر یا عیراقێ وخاچا سۆر یا نه‌رویجی ب رێیا رێكخراوا زیكو وب هه‌ڤكاری ل گه‌ل بوردێ كاروبارێن مرۆڤایه‌تی، كه‌رستێن ساخله‌می ل سه‌ر 500 په‌ككه‌فتیان ل سنورێ پارێزگه‌ها دهۆكێ هاتن به‌لاڤكرن.
زێره‌ڤان نوعمان، ژ رێكخراوا هه‌یڤا سۆر یا عیراقی راگه‌هاند، 20 جۆرێن كه‌رستێن ساخله‌میێ ل سه‌ر 500 په‌ككه‌فتیان هاتن به‌لاڤكرن.
ئەڤرۆ نیوز:
ئەڤرۆ رۆژا ئێکشەمبی ٣-٢-٢٠١٩ نێچیرڤان بارزانی سەرۆک وەزیرێن ھەرێما کوردستانێ پێشوازی ل ئێکەم قونسلێ گشتی یێ وەلاتێ یونانێ ئیفسیمیو کۆلستۆبۆلوس ل ھەرێما کوردستانێ و شاندێ دگەل دا کر.
د دیدارەکێ دا قونسلێ یونانێ خوشحالیا خوە ھەمبەر ڤێ پێشوازیێ دیارکر ئەو گەلەک دلخوشە وەک ئێکەم قونسل ل ھەرێما کوردستانێ دەست بکاربووی، دیسان روناھی خستە سەر پەیوەندیێن ناڤبەرا ھەرێما کوردستانێ و یونانێ و تەکەست ل سەر پێشختنا ڤان پەیوەندیان ھاتەکرن زێدەباری ڤێ چەندێ دەستخوشی ژی ل حوکمەتا ھەرێما کوردستانێ کر ھەمبەر رولێ وێ د حەواندانا وێ ھژمارا زورا پەنابەر و ئاوارەیان دا.
ژلایێ خوە ڤە نێچیرڤان بارزانی پیروزباھیا دەستبکاربوونا قونسلێ یونانێ کر داخوازا سەرکەفتنێ بووی خواست د کارێ وی دا دیسان پشتەڤانیا حوکمەت و ھەموو دامودەزگایێن کوردستانێ بۆ وان پێخەمەت ئاسنکاریا کارێ وان دیارکر تایبەت ژلایێ وەبەرھێنانێ ڤە کو خواست وەبەرھێنەرێن یونانی رولێ خوە بینن ل ھەرێمێ، دیسان بەحس ل قوناغا پشتی شەرێ داعش ژی ھاتە کرن و ئاڤەدانکرنا دەڤەرێن وێرانبووی و پێکڤەژیانا پێکھاتێن جودا ل ڤان دەڤەران ھاتە کرن.
د پشکەکا دی یا ڤێ دیدارێ دا نێچیرڤان بارزانی بەحس ل پەیوەندیێن ناڤبەرا ھەولێر و بەغدا کر و دوپاتکر ھەرێم دێ پشتەڤانیا پروگرامێ حوکمەتا عیراقێ کەت ب سەروکاتیا عادل عەبدولمەھدی.
ئەڤرۆ نیوز، هۆشەنگ تاجر:
مەهدی بەهمەنی ئەندامێ رێکخراوا مافێ مرۆڤی یا رۆژهەلاتێ کوردستانێ بۆ ئەڤرۆ نیوز دیار کر کو مەها بۆری ل ئیرانێ ٥٩ وەلاتیێن کورد ژ ئالیێ هێزێن ئێمناهیێ یێ ئیرانێ هاتینە گرتن و هەتا نها ژی چارەنڤیسێ وان دیار نینە و گۆت: (ژ بلی وان ٥٩ کەسان نێزیکی ٣٠ کەسێن دی ژی هاتبوونە گرتن لێ پاشی ب کەفالەت هاتینە ئازادکرن لێ چارەنڤیسێ ٥٩ گرتیێن دی یێن کورد ل ئیرانێ هەتا نها ژی دیار نینە).
ناڤهاتی ئەو یەک ژی دیار کر سالا بۆری هەری زێدە کورد ل ئیرانێ هاتبوونە گرتن کو هژمارا وان نێزیکی هزار کەسان بوو، نێزیکی سەد کەسان ژی هاتبوونە سێدارەدان و سزایێ سێدارەدانێ ل سەر چەندین کەسان ژی هاتیە سەپاندن.
ئەڤرۆ نیوز:
رێکخراوا چاڤدێریا مافێ مرۆڤی یا سووریێ ئەڤرۆ راگەهاند کو ئەمریکا بۆ جیهانێ دبێژیت دێ هێزێن خوە ژ سووریێ ڤەکێشین لێ بەرۆڤاژی هندێ کار دکەت و رۆژانە سەربازان و چەکێن گران رەوانەی باکورێ سووریێ دکەت.
رێکخراوا چاڤدێریا مافێ مرۆڤی یا سووریێ ئاماژە ب هندێ ژی دکەت کو د ماوەیێ ٤ رۆژێن بۆری دا ئەمریکا سێ کاروانێن مەزن یێن چەکان و ب دەهان سەرباز و بسپۆر رەوانەی باکورێ سووریێ کرینە و بەردەوام چەکێن گران ژی ل جهێن ستراتیژی بنەجه دکەت، ژ بەر هندێ ژی تشتێ دیارە ئەمریکا درەوان ل جیهانێ دکەت و چو نیەتا ئەمریکا نینە کو هێزێن خوە ژ سووریێ ڤەکێشیت.
ئەڤرۆ نیوز:
وەزیرێ دەرڤە یێ تورکیا مەولود چاوش ئوگلو ئەڤرۆ رۆژا ئێکشەمبی راگەھاند، سەرۆکێ تورکیا رەجەب تەیب ئەردوگان دێ ب سەرەدانەکا فەرمی ھێتە عیراقێ پشتی ھەلبژارتنێن باژێرڤانیێن تورکیا ئەوا بریارە ل ٣١ ئادارا بھێت بھێنە کرن.
زێدەتر چاوش ئوگلو دیارکر د کومبوونەکێ دا ئەوا ژلایێ باژێرڤانیا بای ئوگلو ڤە ل باژێرێ ئستنبول ھاتیە رێکخستن دیارکریە، تورکیا ژ نێزیک بەرێخوە دەتە رەشا عیراقێ، زێدەتر ئەڤ سەرەدانە دێ یا گرێدای بیت ل دۆر بابەتێن بازرگانی ناڤبەرا عیراقێ و تورکیا و زێدەباری زێدەکرنا کومپانیێن تورکی د بیاڤێ پرۆژێن خزمەتگوزاری دا.
ئەڤرۆ نیوز:
یانا بەرشەلونە راگەھاند ژ ئەگەرێ ئەو ھنگافتنا تووشی بووی د یاریا ھەمبەر لیگانس دا ل رۆژا ٢٠ ھەیڤا بوری و یاریزانێ وێ پشکداری یاریا کلاسیکویێ نابیت ل رۆژا چارشەمبیا بھێت و زێدەباری ڤێ چەندێ گۆلپارێزێ یەدەگ ژی پشکدار نابيت.
زێدەتر رۆژنامەیێن ئسپانی ئاشکرا کریە یاریزانێ فرەنسی یێ یانا بەرشەلونە عوسمان دیمبلێ پشکداریێ د یاریا ھەمبەر ریال مەدرید ل رۆژا چارشەمبیا بھێت ژ کاسا شاھێ ئسپانیا پشکداریێ ناکەت پشتی بۆ ماوێ پازدە رۆژان ژ یاریگەھان دورکەفتی و یاریا شڤێدی بەرامبەر ڤالێنسیا بریاربوو پشکداریێ بکەت لێ ژ ئەگەرێ ئێشانێ ل جھێ ھنگافتنا وی نەشیا ئامادەی یاریێ بیت و دێ بۆ یاریا رۆژا چارشەمبی ژی دوورکەڤیت ھەتا ب تمامی ژ ھنگافتنێ چارەسەر دبیت.
زێدەباری ڤێ چەندێ گۆلپارێزێ یەدەگ ژی یێ ھولەندی یاسپر سیلسن ژی ژ ئەگەرێ ھنگافتنێ پشکداریێ ناکەت.
ئەڤرۆ نیوز:
رۆژناما شەرق ئەلئەوسەت د راپۆرتەکێ دا دیار کریە کو ئەمریکا و تورکیا ل دۆر هەرێما ئارام یا ل سەر سنورێ تورکیا و سووریێ رێککەفتینە و ل گۆر رێککەفتنا هەر دو وەلاتان دێ پێشمەرگێن رۆژ رۆلەکێ سەرەکی د پاراستنا هەرێما ئارام بگێرن.
د ڤێ دەربارێ دا فەیسەل ئیسماعیل ئەندامێ سەرکردایەتیا پارتی دیموکراتی کوردستان/ سووریا ژی بۆ ئەڤرۆ نیوز دیار کر کو ل گۆر پرۆژێ ئەمریکا و دانوستاندنێن نها ل گەل ئۆپۆزسیۆنا سووریێ دێ پێشمەرگێن رۆژ و هندەک ژ هێزێن ئۆپۆزسیۆنێ ل گەل هژمارەکا هێزێن سووریا دیموکرات هەرێما ئارام پارێزن، لێ هەتا نها ژی بریارا دووماهیێ نەهاتیە دان و دانوستاندن ژی د بەردەوامن.
ئەڤرۆ نیوز:
بریارە ئەڤرۆ رۆژا ئێکشەمبی ٣-٢-٢٠١٩ مەغرەب پاپایێ ڤاتیکان فرەنسیس بۆ جارا ئێکێ سەرەدانا ئەبوزەبی پایتەختێ وەلاتێ ئیماراتا عەرەبی بکەت کو دبیتە سەرەدانا ئێکێ بۆ وەلاتەکێ کەنداڤی د مێژوویێ دا.
ئەڤ سەرەدانە دی ل سەر داخوازا جھشینێ ئەبوزەبی بوویە و دێ چەند چاڤپێکەفتنان دگەل چەند بەرپرسێن ئیسلامی یێن وی وەلاتێ کەت دیسان دێ جودا دگەل شێخ ئەزھەر ژی کومبیت.
ئەڤرۆ نیوز:
ژ ئەنجامێ روودانەکا ترافیکێ دناڤبەرا دو ترومبێلا ل سەر رێیا گشتی دێرەبوون و گرشین ل سنورێ قەزا زاخو سێ کەس برینداربوون.
ئازاد تەھا، بەرپرسێ راگەھاندنا ھاتنوچوونا دھۆک بۆ ئەڤرۆ نیوز گۆت: (پشتی نیڤرۆیێ ل سەر رێیا گشتی دێرەبوون و گرشین ژ ئەنجامێ روودانەکا ھاتنوچوونێ دناڤبەرا دو ترومبێلان ژ جورێ بارھەلگر پیکئاب و تویوتا کارینا تایبەت سێ کەس بریندار بوون).
زێدەتر گوت: (بریندارێن روودانێ کو ئافرەتەک و دو زەلام بوون بۆ نەخوشخانێ ھاتینە ڤەگوھاستن و زیانێن مادی ژی بەر ھەر دو ترومبێلا کەفتیە، ئەم داخوازێ ل ھەموو شوفێران دکەین کو پێگیریێ ب رێنمایێن ھاتنوچوونێ بکەن دا کو گیانێ وان ب سلامەت بیت).
ئەڤرۆ نیوز:
بوو ب ھێز ئێخستنا پێکھاتیێ خوە ل یاریێن قوناغا دوێ ھەلگرا ناسناڤێ وەرزێ بوری یا خۆلا کوردستانێ یانا زێرەڤانی گەھشتە رێککەفتنێ ل گەل بەرەڤانێ سنگالی ماسسامبا سامبۆو
بوو ئیمزاکرنا ھەڤبەستا ئەوێ یانێ بوو یاریێن قوناغا دوێ و چاڤەرێ دھێتەکرن ئەڤرۆ ئەو یاریزان یەکا خوە یا ئێکێ یا راھێنانی ل گەل وێ یانێ بکەت.
ماسسامبا سامبۆو یێ ٣٢ سالی بەری نوکە دھاتە ھژمارتن ئێک ژ بەرنیاسترین بەرەڤان ل سەر ئاستێ خۆلا پلا ئێک یا فرەنسا و یاری ل چەندین یانێن مەزن یێن وی وەلاتی کریە و بەری نوکە یاری ل ٤٦ یاری ل گەل یانا موناکو کریە و ھەردیسان ل ھەردو یانێن لاھاڤر و نانت کریە پاش ل وەرزێ ٢٠١٤ ھەتا ٢٠١٦ یاری ل خۆلا پلا نایاب یا یونان کر و بوو ماوێ وەرزەکی یاری ل خۆلا ھندستان دا ژی ل گەل یانا نورس یوناید کر ل وەرزێ ٢٠١٨ یاری ل یانا ڤالمێرا یا لاتڤی کر .
نيشاندان