ئەڤرۆ نیوز:
بەری دەمەکێ دەزگەهێن راگەهاندنا تورکیا بەلاڤ کرن کو داوود باغستانێ خوەدانێ دەزگەهێ ئیسرائیل و کورد ب تومەتا هەڤکاریا ل گەل پەکەکێ ژ ئالیێ دەزگەهێ هەوالگریا تورکیا ل پارێزگەها ئەدەنە ل تورکیا ل گەل سێ کەسێن دی هاتنە گرتن.
دەزگەهێن راگەهاندنا تورکیا دیار دکەن کو دەمێ باغستانی هاتیە گرتن پاسپۆرەتەکا سەختە ل گەل وی بوویە و ب ناڤێ جانبولووت تورکای هاتنوچوونا تورکیا کریە و پشتی کو دووڤچوونا وی هاتیە کرن ئەڤرۆکە ژ ئالیێ دەزگەهێ ئێمناهیێ یێ تورکیا ڤە هاتیە گرتن.
ئەڤرۆ نیوز، قائید میرۆ:
شیرەتکارەکێ پەرلەمانێ کوردستانێ ئاشکراکر، د کۆمبوونا داھاتی دا دێ زۆر تشت دناڤبەرا پارتی و ئێکەتیێ دا زەلال بن و بڕیارە پارتی ھەلویستەکێ رۆھنتر بدەتە ئێکەتیێ لدۆر پێک ئینانا کابینا نوو.
دکتۆر مەدحەت سلێمان، شیرەتکارێ پەرلەمانێ کوردستانێ بۆ ئەڤرۆ نیوز دیارکر کو د کۆمبوونا داھاتیا ناڤبەرا پارتی و ئێکەتیێ دا دێ زۆر تشت رۆهن بن و پارتی دیموکراتی کوردستان دێ ب زەلالی دووماھی ھەلویستێ خوە لدۆر پێک ئینانا کابینا حوکمەتا ھەرێما کوردستانێ ب شاندێ بلندێ ئێکەتیێ راگەھینیت.
دکتۆر مەدحەت سلێمان خویا کر کو کابینا داھاتی یا حوکمەتا ھەرێما کوردستانێ دێ کابینەکا بھێزبێت بسەرۆکایەتیا مەسڕوور بارزانی، چونکی بدیتنا وی دێ کابینەکا زێدەتر جدی بیت د ھندەک بیاڤان دا و گۆت ئانکو من دڤێت بێژم کابینا مەسڕوور بارزانی دێ بەرھنگاری گەندەلیێ بیت و پێشبینی دھێتەکرن ل بەرژەوەندیێن ھندەک کەسان بھێتەدان یێن دخوازن ل سەر زێدەگاڤیێن خوە بەردەوامبن.
ئه‌ڤرۆ نیوز، نه‌زوازد هلۆرى:
وه‌سا بریاره كو ئه‌ڤرۆ ل قه‌زا چومان یا سه‌ر ب پارێزگه‌ها هه‌ولێرێ ڤە ڤیسته‌ڤالا یاریێن ل سه‌ر به‌فرێ ب رێڤه‌بچیت كو تێدا كومه‌كا چالاكیێن سه‌ر به‌فرێ دێ تێدا هێنه‌كرن.
عومه‌ر چومانى، خودانێ كومپانیا Vikurdistan بو ئه‌ڤرۆ نیوز گۆت: (سالانه ڤیسته‌ڤالا یاریێن سه‌ر به‌فرێ ل قه‌زا چومان ب رێڤه‌دچیت چونكى رێژه‌یه‌كا زورا به‌فرێ دباریت و جهێن گونجاى هه‌نه، ئه‌ڤ ساله كومپانیا مه و سێ كومپانیێن جیهانى ب هه‌ڤكارى ل گه‌ل جهێن شوله‌ژێ دێ رابن ب ئه‌نجام دانا ڤیسته‌ڤالێ و هه‌موو به‌رهه‌ڤى هاتینه‌كرن و دێ كومه‌كا چالاكیان هێنه ئه‌نجام دان).
زێده‌تر گوت: (ڤیسته‌ڤال پشتى نیڤرو دێ ب رێڤه‌چیت، هه‌ر كه‌س دشێت پشكداربیت و جهێن تایبه‌ت بخوه بگریت، مه‌ره‌م تنێ ئه‌وه كو كه‌رتێ گه‌شتوگۆزار به‌ر ب پێشڤه ببه‌ین، نوكه هژماره‌كا زور یا یاریكه‌رێن ناڤخوه و ده‌رڤه ناڤێن خوه توماركرینه).
ڤیسته‌ڤال بناڤێ سكێ كوردستانێ دێ ل ده‌ڤه‌را بناڤێ سێ كانیان ل چومان ده‌مژمێر 2:00ێ پشتى نیڤرو ب رێڤه‌چیت.
ئەڤرۆ نیوز، قائید میرۆ:
سەرۆکێ رێکخراوا فەرمانبەرێن گرێبەست ئاشکراکر، ل سەرانسەری ھەرێما کوردستانێ ٣١ ھزار فەرمانبەرێن گرێبەست ھەنە و گۆت: “ل ھەیڤا ئادارێ دێ بڕیارەک ھەبیت بۆ دامەزراندنا وان، چونکی ھەتا بودجە نەھێتە بەلاڤکرن چارەنڤیسێ فەرمانبەرێن گرێبەست دیارنابیت”.
جەلال بەرزنجی، سەرۆکێ رێکخراوا فەرمانبەرێن گرێبەست بۆ رۆژناما ئەڤرۆ گۆت” بزاڤێن مە دبەردەوامن بۆ دیارکرنا چارەنڤیسێ فەرمانبەرێن گرێبەست لھەرێما کوردستانێ و ئەم یێ کار دکەین گەرەنتیەکێ ل حوکمەتا ھەرێما کوردستانێ وەربگرین بۆ دامەزراندنا وان وەک فەرمانبەرێن ھەمیشەیی، بەلێ ھەتا نوکە بزاڤێن د بێ ئەنجامبووینە، چونکی ھێشتا چو بڕیارێن فەرمی نینن بۆ ھەمیشەیی کرنا فەرمانبەرێن گرێبەست، ئەڤ داخویانیێن دھێنە دان ژی زێدەگاڤیە دھێتەکرن و تشتەکێ فەرمی نەگەھشتیەمە”.
جەلال بەرزنجی دیارکر” ل ھەرێما کوردستانێ ٣١ ھزار فەرمانبەرێن گرێبەست ل ھەموو فەرمانگەھێن میری ھەنە و رێژەیا زۆر ژی ل وەزارەتا باژێڕڤانی و گەشت و گوزارێ نە، بڕیارە پشتی بجە ئینانا قانوونا بۆدجا عێراقێ بڕیارەک ھەبیت بۆ فەرمانبەرێن گرێبەست و ئەم پێشبینیێ دکەین ل ھەیڤا ئادارێ و پێڤە تشتەک دیاربیت، کو حوکمەتا ھەرێما کوردستانێ بڕیارا خۆ بدەت، بەلێ ھەر دامەزراندنەک ھەبیت دەستپێکێ دێ بۆ فەرمانبەرێن گرێبەست بیت ل دووڤ دا بۆ وەلاتیێن دی.
ئەڤرۆ نیوز:
بەری دەمەکێ کێم ئەڤرۆ رۆژا ئەینی پشککێشانا پێش دووماھیا قارەمانیا کاسا شاھێ ئسپانیا ھاتە کێشان و تێدا بەرشەلونە و ریال مەدرید کەفتنە بەر ئێک و ریال بتیس دگەل ڤالێنسیا.
یاریا چوونێ ژ ڤێ قارەمانیێ دێ ل رۆژا چارشەمبیا بھێت ھێتە ئەنجامدان و یاریا ھاتنێ دیچ ل ٢٧ شوباھێ ھێتە کرن و یاریا سیێ یا کلاسیکویێ ژ خولا ئسپانیا دێ ل ٢ ھیڤا ئادارێ ھێتە کرن.
ئەڤرۆ نیو:
ستێرا فرەنسی و یانا ریال مەدرید کەریم بن زیما شیا مێژویەکێ ل گەل یانا ریال مەدرید توماربکەت پشتی ل یاریا شڤێدی شیا دو گولان ل سەر یانا جیرونا توماربکەت د قارەمانیا کاسا شاھێ ئیسپانیا دا و ب تومارکرنا ئەوان ھەردو گولان کەریم بن زیما شیا نمرا ستێرا بەرێ یا یانا ریال مەدرید ھوگو شانشێز یێ مەکسیکی بشکێنت کو بن زیما شیا ھژمارا گولێن خوە ب گەھینتە ٢٠٩ گولان ژ سەرجەمێ ٤٤٦ یاریان و پێشکەڤت ل سەر شانشێز ب گولەکێ کو وی یاریزانی ٢٠٨ گول ل گەل یانا ریال مەدرید ھەنە د ٢٨٣ یاریان دا .
رۆژناما مارکا دیارکریە کەریم بن زیما پێشڤە چوو رێزا شەشێ د لیستەیا ئەوان یاریزانێن پتر گول تومارکرین ل گەل یانا ریال مەدرید کو کریستیانو رونالدو ل سەرێ لیستەیا گولکەرێن مێژوی یێن یانا ریال مەدرید دھێت ب تومارکرنا ٤٥١ گولان و رەئول گونزالێس ل رێزا دوێ ٣٢٣ گولان و دی ستیڤانو ب ٢٠٨ گولان ل رێزا سیێ دھێت و سانتیانا ب ٢٩٠ گولان ل رێزا چارێ دھێت و پوشکاش ل رێزا پێنچێ ب ٢٤٢ گولان.
ئەڤرۆ نیوز:
بەری ب دووماھیی ھاتنا ڤەگوھاستنێن زڤستانێ یانا بەرشەلۆنا ب فەرمی ھەڤبەستا بەرەڤانێ گەنچ یێ فرەنسی و یانا تولوز یا فرەنسی جان کلیر تودیبو راگەھاند.
مالپەرێ فەرمی یێ یانا بەرشەلۆنا راگەھاند ئەوان ھەڤبەستا بەرەڤانێ یانا تولوز جان کلیر بوو ماوێ چار سال و نیڤا ئیمزاکر و ھەتا وەرزێ ٢٠٢٣ ئەو یاریزان دێ ل گەل یانا کەتەلونی بیت و ئەو یاریزان دێ درێسێ ژمارە ٦ یێ وێ یانێ بەر خوە کەت ل گەل پێکھاتیێ یانا بەرشەلۆنا .
ھەژی گوتنێ یە جان کلیر یێ ١٩ سالی پێشبینیەکا مەزن بوو ڤی یاریزانی دھێتەکرن کو پاشەرۆژەکا گەش ھەبیت و ل وەرزێ ئەڤ سالە ژ تیما دوێ یا تولوز ھاتیە سەرئێخستن ل وەرزێ ٢٠١٦-٢٠١٧ بوو تیما لاوێن وێ یانێ کریە و ل وەرزێ بوری ٢٠١٧-٢٠١٨ ل تیما دوێ یا تولوز یاری کر و ل وەرزێ ئەڤ سالە ٢٠١٨-٢٠١٩ بوو تیما ئێکێ ھاتیە سەرئێخستن ل وەرزێ ئەڤ سالە ١٠ یاری ل گەل وێ یانێ کرینە و ھەردیسان یاری بوو ھەلبژارتیێ فرەنسا یێ ٢٠ سالی کریە.
ئەڤرۆ نیوز:
چاڤەرێ دھێتەکرن ئەڤرۆ ل وەلاتێ ئیمارات یاریا دووماھیا قارەمانیا ئاسیا یا تەپا پێ دناڤبەرا ھەردو ھەلبژارتیێن ژاپون خودانا چار ناسناڤێن بەری نوکە و ھەلبژارتیێ قەتەر ئەوا بوو جارا ئێکێ یە د گەھیتە یاریا دووماھیێ بھێتەکرن .
ھەلبژارتیێ قەتەر ئەوا ل قارەمانیا ئەڤ سالە شیای ئاستەکێ بلند پێشکێش بکەت دێ ھەموو بزاڤا کەت بوو تومارکرنا مێژویەکێ و برنا ناسناڤێ ئێکێ د مێژویا خوە دا بەرامبەر ھەلبژارتیێ ژاپون ئێک ژ ئەوان ھەلبژارتیا یە شیا چار جاران ب گەھیتە دووماھیا قارەمانیێ و ھەر چار جاران شیا سەرکەفتنێ توماربکەت و چار ناسناڤ د مێژویا خوە دا ھەنە.
رێیا ھەلبژارتیێ قەتەر
ھەلبژارتیێ قەتەر شەش یاری بەری ڤێ یاری د قارەمانیا ئەڤ سالە یا ئاسیا دا کرینە و شیا ھەر شەش یاریان سەرکەفتنێ توماربکەت و ١٦ گول تومارکرینە و چو گول سەر نە ھاتینە تومارکرن کو ل قوناغا ئێکێ سێ یاری ئەنجامدان ئەوژی ب سەرکەفت ل سەر لوبنان ب دو گولان بێ بەرامبەر و ل سەر کوریا ژوری ب شەش گولان بێ بەرامبەر و ل سەر ھەلبژارتیێ سعودی ب دو گولان بێ بەرامبەر و ل قوناغا ١٦ ب سەرکەفت ل سەر عیراقێ ب گولەکێ بێ بەرامبەر و ل قوناغا ھەشتێ ب سەرکەفتن ل سەر کوریا باشور ب گولەکێ بێ بەرامبەر و ل سەر پێش دووماھیێ ل سەر مێڤاندارا قارەمانیێ ھەلبژارتیێ ئیمارات ب سەرکەفت ب چار گولان بێ بەرامبەر .
رێیا ژاپون ب دووماھیا قارەمانیێ
ھەلبژارتیێ ژاپون ژی شەش یاری ھەتا نوکە ئەنجامداینە و وێ ژی شەش سەرکەفتن تومارکرینە ل قوناغا ئێکێ ب سەرکەفت ل سەر تورکمانستان ب سێ گولان بەرامبەر دو گولان و ل سەر ھەلبژارتیێ عمان ب گولەکێ بێ بەرامبەر و ل سەر ئوزباکستان ب دو گولان بەرامبەر گولەکێ و ل قوناغا ١٦ ب سەرکەفت ل سەر سعودی ب گولەکێ بێ بەرامبەر و ل قوناغا ھەشتێ ب سەرکەفت ل سەر ڤێتنام ب گولەکێ بێ بەرامبەر و ل پێش دووماھیێ ب سەرکەفت ل سەر ئیران ب سێ گولان بێ بەرامبەر .
مێژویا یاریێن ھەردو ھەلبژارتیا د بەرژوەندیا ژاپونێ دا یە
ھەردو ھەلبژارتیا بەری نوکە حەفت یاری ل گەل ئێک کرینە کو دو جاران ژاپون ب سەرکەفتی یە بەرامبەر سەرکەفتنەکێ بوو ھەلبژارتیێ قەتەر و چار وەکھەڤیا کو یاریا ئێکێ دناڤبەرا ھەردو ھەلبژارتیان دا ل قارەمانیا ئاسیا یا ١٩٨٨ بوو تێدا قەتەر شیابوو ب سەرکەفت ل سەر ژاپون ب سێ گولان بێ بەرامبەر و پشتی وێ سەرکەفتنێ شەش یاریێن دی کرینە و قەتەر نەشیا سەرکەفتنێ توماربکەت ئانکو ٣١ سالە نەشیا سەرکەفتنێ ل سەر ژاپون توماربکەت و دووماھیی یاری دناڤبەرا ھەردوکان دا ل قارەمانیا ٢٠١١ یا ئاسیا بوو ل وەلاتێ قەتەر ھەلبژارتیێ ژاپون شیابوو سەرکەفتنێ ل سەر قەتەر توماربکەت ب سێ گولان بەرامبەر دو گولان ل یاریا قوناغا ھەشتێ ژ قارەمانیا ئاسیا.
ئەڤرۆ نیوز:
تورا سکای سپورت یا برێتانی ئاشکرا کر یاریزانێ بەلجیکی و یانا مانچستەر یونایتد مەروان فلاینێ بەر ب وەلاتێ چینێ چوویە داکو ڤەگوھاستنا خوە ب دووماھی بینت بۆ خولا چینێ.
ڤی ژێدەری دیارکریە یاریزانێ ٣١ سالی پشتی چوونا مورینھوی و ھاتنا راھێنەرێ نوو یێ یانا مانچستەر یونایتد یا ئنگلیزی ئولی گۆنار سولشایری بوویە یاریزانێ یەدەگ و ئەڤ راھێنەرێ نوو باوەریا وی ب شیانێن یاریزان فلاینێ نا ئینت لەورا رێگریێ لێ ناکەت بەر ب یانەکا دی بچیت و نوکە نێزیکترین یانە ژی شاندونگ لونینگ یا چینی یە و کارگێریێن ھەردو یانەیان ژی گەھشتینە رێککەفتنێ ل سەر ڤەگوھاستنا ڤی یاریزانی.
نيشاندان