ئەڤرۆ نیوز:

چاڤەرێ دھێتەکرن سوباھی نوونەرا ھەرێما کوردستانێ دخۆلا عیراقێ دا یانا ھەولێر یاریا خوە یا ئێکێ پشتی بورینا دو ھەیڤان دخۆلا عیراقێ دا بکەت دەمێ د بیتە مێڤانا یانا نەجەف ل یاریگەھا نەجەف یا نیڤدەولی ژ چارچوڤێ یاریێن گەرا ١٤ ژ خۆلێ.
تیما تەپا پێ یا ھەولێر ل ماوێ بوری ھەڤبەست ل گەل پێنچ یاریزانێن نوو ئیمزاکریە کو دو ژ ئەوان پیشەکاربوون ئەوژی یێ سوری عەلا شبلی و یێ بەرازیلی مارسێل و ھەردیسان ل گەل سێ یاریزانێن نافخوی ژ یانێن دی یێن عیراقێ بەرامبەر یانا نەجەف ژی پێکھاتیێ خوە ب ئینانا چار یاریزانێن نافخوی ییێن عیراقێ ھێز ئێخستی یە و ل ماوێ راوستاندنا خولێ بەر ب وەلاتێ تورکیا چوبوو ب مەرەما کەمپەکا راھێنانی .
ھەژی گوتنێ یە نوکە یانا ھەولێر ل رێزا نەھێ دھێت ب ١٦ خالان و یانا نەجەف ل رێزا یازدێ دھێت ب ١٤ خالان.

ئەڤرۆ نیوز:
چاڤەرێ دھێتەکرن ل دووماھیا ڤی وەرزی ستێرا ھولەندی و یانا بایرن میونیخ ئارین روبن پشتی ١٠ سالان پێکھاتیێ یانا باڤاری ب جهـ بھێلت و بەر ب یانەکا نوو بچیت.
راپورتێن رۆژنامەڤانی ل ژاپون دیارکرینە روبن نێزیکی ئیمزاکرنا ھەڤبەستا یانا ئێڤ سی توکیو یا ژابونی بوویە ئەوا دخۆلا پلا ئێک یا وی وەلاتی دا یاریێ کەت.

ھەردیسان ئەوان رۆژناما ئاشکراکریە ژی یانا توکیو دانوستاندن ل گەل روبن کرینە و ھەتا رادەیەکێ مەزن ھەردو لایەن گەھشتی نە رێککەفتنێ و چاڤەرێ دھێتەکرن ل ھاڤینا بھێت ئەو یاریزان پەیوەندی ب وێ یانێ بکەت.
ب ڤێ چەندی روبن ژی د گەھیتە ھەر ئێک ژ یاریزانێن ئەنیستا و دڤید ڤیا ھەردو ستێرن بەرشەلۆنا یێن بەری نوکە و یێ بەلجیکی ڤیسیل کوبی و یێ ئەلمانی پودولوسکی و ھێرشبەری بەری نوکە یێ چێلسی و لیڤەرپول ئەتلەتیکو مەدرید  توریس کو نوکە ئەو یاریزان ژی یاریێ ل خۆلا ژاپون یاری کەن

ئەڤرۆ نیوز:
ھەردو یانێن بروسیا دورتموند و یوڤانتوس ماوەکێ درێژە دانوستاندنان ل گەل یانا چێلسی دکەن بوو ڤەگوھاسنا بەرەڤانێ وێ یێ دانیمارکی ئەندریاس کریستینسن بوو ماوێ شەش ھەیڤان و وێ یانا ئنگلیزی ژی بەرامبەر دەست بەردانا وی مەرجەک دانایە بەرامبەر ئەوان ھەردو یانان.
رۆژناما زەسەن یا برێتانی دیارکریە یانا چێلسی ھەردو یانێن یوڤانتوس و بروسیا دورتموند ئاگادارکرینە بەرامبەر دەست بەردانا بەرەڤانێ خوە ئەندریاس ب مەرجەکی یە ئەوژی بوو ڤەگوھاستنا ئەوی ب شێوەیێ خواستن بوو شەش ھەیڤان پێدڤی یە شەش ملیون جینێ ئیسترلینی پێشکێشی وێ یانێ بکەن.
ئەوێ رۆژنامێ دیارکریە ژی یانا چێلسی ئەڤ مەرجە دانایە بەرامبەر ئەوان ھەردو یانان بوو وێ چەندێ داکو رێکا ئەوان ھەردو یانان ب زەحمەت بکەت ژبەرکو ئەو ناخوازن دەستا ژ ئەوی یاریزانێ خوە بەردەن ھەر چەندە راھێنەرێ وێ یانێ پشت بەستنێ ل سەر وی یاریزانی ژی ناکەن لێ یانا لەندەنی ناخوازیت ب سانەھی دەستا ژ ئەندریاس بەردەت.

ئەڤرۆ نیوز:
یانا بەرشەلۆنا ئیسپانی دخوازیت ل ھاڤینا بھێت ھەڤبەستێ ل گەل یاریزانەکێ مانچێستەر یوناید یا ئینگلیزی ئیمزا بکەت ئەوێ دێ ھەڤبەستا ئەوی ل دووماھیا ڤی وەرزی ل گەل وێ یانا ئنگلیزی ب دووماھیی ھێت.
رۆژناما زەسەن یا برێتانی ئاشکرا کریە یانا بەرشەلۆنا ھزر ل ئینانا ستێرا ھێلا ناڤینا ئیسپانی و یانا مانچێستەر یوناید خوان ماتا کریە بوو ئیمزاکرنا ھەڤبەستەکا سەربەست ئەوێ دێ ھەڤبەستا وی ل هاڤینا بهێت ل گەل مان یوناید ب دووماھیی ھێت .

ئەوێ رۆژنامێ ئاشکراکریە ژی بەرشەلۆنا ل گەل ھەر ئێک ژ یانێن یوڤانتوس یا ئیتالی و پاریس سانجێرمان یا فرەنسی ھەڤرکیا دەستڤە ئینانا ئەڤی یاریزانی کەن ھەردیسان یانا وی ژی یا بزاڤێن مەزن کەت بوو رازیکرنا ئەوی بوو درێژکرنا ھەڤبەستا خوە ژبەرکو نوکە ئێک ژ ئەوان یاریزانێن یانێ یە یێن یانە پشت بەستنێ ل سەر دکەت.
ھەژی گوتنێ خوان ماتا ماوێ ھەشت سالانە یاری ل خۆلا ئنگلتەرا دکەت کو ل وەرزێ ٢٠١١ ھەتا ٢٠١٤ یاری ل یانا چێلسی کر و ٢٠١٤ ھەتا نوکە یاری ل یانا مانچێستەر یوناید کەت و ٢٠٨ یاری ھەتا نوکە ل ڤەل وێ یانێ کرینە ٤٤ گول تومارکرینە و ٣٥ گول بوو ھەڤالێن خوە دروستکرینە.