ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 30ى كانوونا دويێ 2019ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 100 دولارێ ئه‌مريكى | 119.700 دينار |
| 100 يۆرۆيێ ئه‌ورۆپى | 136.500 دينار |
| 100 ليرێ توركى | 23.000 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئەڤرۆ نیوز:
یاریزانێ کورد و ھەلبژارتیێ عیراقێ و یانا خور یا قەتەری ئەحمەد یاسین پشتی یاریێن قوناغا ئێکێ یێن خۆلا قەتەر ب دووماھیی ھاتی و یانا وی ھەڤبەستا ئەوی ھاتیە ھەلوەشاندی بەری دەستپێکرنا قارەمانیا ئاسیا و پشتی ھەلبژارتیێ عیراقێ قارەمانیا ئاسیا ب جە ھێلای چەند داخوازی گەھشتنە بەر دەستێ ئەوی لێ ئەوی یاریزانی بریار دا جارەکا دی ڤەگەریتە خولا سوید ڤە.
ئەحمەد یاسین ب فەرمی ھەڤبەستا یانا ھاکن یا سویدی ھەتا دووماھیا سالا ٢٠٢١ ئیمزاکر و ل ماوێ چەند رۆژێن بوری ب فەرمی ھەڤبەستا یانا ئوحد یا سعودی رەتکر بوو پشتی وێ یانێ فەرمی داخوازی پێشکێشی ئەوی یاریزانی کری بۆ ڤەگوھاستنێن زڤستانێ لێ ئەوی بریار دا ب ڤەگەریتە خۆلا سوید ڤە.
ئەڤرۆ نیوز:
چاڤەرێ دھێتەکرن ئەڤ شەڤە ل دەمژمێر ١١:٣٠ شەڤ ھەردو یانێن بەرشەلۆنا و سیڤیلیا یاریا خوە یا دوێ ژ قوناغا ھەشتێ ژ کاسا شاھێ ئیسپانیا ل یاریگەھا کامپ نوو ئەنجام بدان کو د یاریا ئێکێ دا یانا سیڤیلیا شیا بوو سەرکەفتنێ ل سەر بەرشەلۆنا توماربکەت ب دو گولان بێ بەرامبەر کو دڤێ یاریێ دا بەرشا پێدڤی ب سەرکەفتنێ یە زێدەتر ژ دو گولان.
رۆژناما مارکا پێکھاتیێ ھەردو یانا بوو یاریا ئەڤ شەڤە ئاشکراکر
بەرشەلۆنا
سیلیسن گولچی
ھێلا بەرەڤانیێ پێکی، لینگلێت و ئەلبا و سێرجیو روبێرتو
ھێلا ناڤین بوسکێس و راکیتیچ و ئارسر
ھێلا ھێرشبەری کوتینھو، سوارێز و میسی
پێکھاتیێ سیڤیلیا
گولچی ،خوان سوریانو
ھێلا بەرەڤانیێ کییار، سێرجیو گومێز و مێرکادو
ھێلا ناڤینن سارابیا و روکی میزا و پرومیس و ئامادو
ھێلا ھێرشبەریێ بن یەدێر و ئەندرێ سێلڤا
ئەڤرۆ نیوز ، عەلی حاجی :
پەلەمانتارێ کوردستانێ ھیڤیدار ئەحمەد د داخویانیەکێ دا بۆ روژناما ئەڤرۆ دیار کر ناحیا باتیفا یا د قەیرانەکا مەزن یا ئاڤێ دا دژین و وەک پەرلەمانتار نوکە دا ئەم ب رژدی کار ل سەر چارەسەکرنا ڤێ کێشا وەلاتیێن ناحیا باتیفا دکەین ژ بەر کو پرۆژێ ئاڤا باتیفا یێ دروست نینە.
ھیڤیدار ئەحمەد زێدەتر گۆت: وەکو ئەندامێن فراکسیونا پارتی ل پەرلەمانێ کوردستانێ دێ بەردەوام بین ل پێنگاڤێت داھاتی دا د گەل حوکمەتا ھەرێما کوردستانێ بشێین پارێ پێدڤی بۆ دروستکرنا پروژەیەکێ دی یێ ئاڤێ بۆ ناحیا باتیڤا ژ بەر کو نوکە دا خەلکێ باتیفا یێ د ناڤ کێشەیە کێمبوونا ئاڤێ دا دژین لەورا دێ وی دەمی راوستین ھەتا کو ئەم رازیبوونێ ل سەر چێکرنا پرۆژێ ئاڤا باتیفا ب دەست ڤە بینین.
ناڤھاتی زێدەتر گۆت: تێچوویێ پرۆژێ نوو یێ ئاڤا باتیفا دێ نێزیکی پێنج مليۆن دولاران بن و دێ بەردەوام ل سەر خەتی بین ھەتا کو ئەڤ پارە بھێتە دابین کرن بۆ ناحیا باتیفا، ئەز ل وێ باوەرێ مە ژی حوکمەتا ھەرێمێ دێ کار ل سەر وێ چەندێ ژی ئەو داھاتێ ل بەر دەست بۆ خەلکی دابین بکەت و ژڤێ کێشەیێ رزگار بکەت.
ئەڤرۆ نیوز:
چاڤەرێ دھێتەکرن ئەڤرۆ یاریزانێ یانا بەرشەلۆنا دەنیس سوارێز ب گەھیتە لەندەن بوو پەیوەندی کرنێ ب پێکھاتیێ یانا ئەرسینال یا ئنگلیزی ڤە پشتی ھەردو یانه گەھشتی نە رێککەفتنێ بۆ ڤەگوھاستنا ئەوی یاریزانی ب شێوەیێ خواستن بوو شەش ھەیڤان.
مالپەرێ موندو دیپورتیڤو یێ کەتەلونی دیارکریە یانا ئەرسینال ب کوژمێ دو ملیون و نیڤێن یورۆی دەنیس سوارێز ژ یانا بەرشەلۆنا ڤەگوھستی یە دناڤ پێکھاتیێ خوە بوو ماوێ شەش ھەیڤان ھەردیسان ل دووماھیا ڤی وەرزی وێ یانێ ماڤێ کرینا ئەوی یاریزانی ژی ھەیە دناڤبەرا ٢٥ ھەتا ٣٠ ملیون یورۆیا.
ئه‌ڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا پێنجشه‌مبى رێکەفتی 31ی کانوونا دويێ 2019ێ ئەسمان دێ ئه‌وره‌كێ ناڤه‌ندى بيت ل گه‌ل بارينا بارانه‌كا كێم ل ده‌ڤه‌رێن بلند و چيايى.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دهێته پشبينيكرن ئه‌سمان ئه‌وره‌كێ ناڤه‌ندى بيت ل گه‌ل بارينا بارانه‌كا كێم ل ده‌ڤه‌رێن بلند و چيايى.
پشکا پێشبینیان دایە زایە زانین کو دێ لەزاتیا بایی د ناڤبەرا 5 ھەتا 15کم دا و ماوێ دیتنێ ژی دێ د ناڤبه‌را 9 بۆ 10کم دا بیت، پلێن گەرمێ ژی دێ د ناڤبەرا 5 بۆ 11 پلان دا بن.
ئەڤرۆ نیوز:
یاریزانێ نیڤدەولی یێ کورد و یانا ھەماربی یا سویدی پشتی ھەڤبەستا وی دووماھیا سالا ٢٠١٨ ل گەل یانا وی یا سویدی ب دووماھیی ھاتی و چەندین داخوازی ژ یانێن ئورۆپی گەھشتنە بەر دەستێ ئەوی لێ ئەوی ل دووماھیی ھەڤبەستا یانەکا کوریا باشور ئیمزاکر .
ژیلوان حەمەد یاریزانێ کورد و خەلکێ باژێرێ رانیا ب فەرمی ھەڤبەستا یانا جیجیو یونایتد یا کوریا باشور بوو ماوێ دو سالان ئیمزاکر کو یانا جیجیو ئێک ژ یانێن پێشیێ یە د لیستەیا وێ خولێ دا.
ھەژی گوتنێ یە ل ماوێ بوری دا پشتی ھەڤبەستا ژیلوان حەمەد ل گەل یانا ھەماربی ب دووماھیی ھاتی چەندین ھەڤبەست گەھشت بوونە بەر دەستێ ئەوی یاریزانی ئەوژی ژ ھەردو یانێن ئەزروم سپور و بورسا سپور یا تورکی ل گەل چێنک یا بەلجیکی و بوخوم یا ئەلمانی دخۆلا پلا دو یا وی وەلاتی دا ھەردیسان یانەکا پلا نایاب یا ھولەندی و ژ یانا ستیوابوخارست یا رومانی و ئێک ژ بەرنیاسترین یانێن بەلگاریا ھەردیسان ھەڤبەستا یانەکا چینی دخۆلا پلا دو ھەردیسان یانا ئوحد یا سعودی لێ دووماھیی ڤی یاریزانی ھەڤبەستا یانا جیجیو یوناید ئیمزاکر .
ئه‌ڤرۆ نيوز، لەزگین جوقی:
رێڤەبەرێ گشتیێ کاروبارێن ئێزدیان ل وەزارەتا ئەوقاف و کاروبارێن ئاینی ل حوکمەتا ھەرێما کوردستانێ بۆ ئەڤرۆ نيوز دیارکر کو بەرھەڤی یێن دھێنە کرن ل دوشەمبیا بھێت ته‌رمێ میرێ ئێزدیان میر تەحسین سەعید بەگ بگەھيتە ھەرێما کوردستانێ.
خەیری بۆزانی، رێڤەبەرێ گشتیێ کاروبارێن ئێزدیان ل وەزارەتا ئەوقاف و کاروبارێن ئاینی حوکمەتا ھەرێما کوردستانێ بۆ ئەڤرۆ نيوز دیارکر کو ھەتا دوشەمبیا بھێت دێ ھەموو کاروبارێن ته‌رمێ میرى ل وەلاتێ ئەلمانیا تەمام بن دێ ب ریێا فرۆکەيه‌کا تایبەت ژ ئەلمانیا ھێتە ڤەگوھاستن بۆ ھەرێما کوردستانێ و نیچیرڤان بارزانی سەرۆکێ حوکمەتا ھەرێما کوردستانێ پشتەڤانی و ھەڤکاریا مە کریە بۆ ئينانا ته‌رمێ میرێ ئێزدیان دێ دوشەمبیا بھێت ته‌رمێ میر تەحسین بەگ گەھيتە فرۆکخانەیا ھەولێر.
ناڤھاتی ئەو ژی دیارکر کو دێ د رێورەسمەکێ مەزن دا پێشوازی ل ته‌رمێ میرێ ئێزدیان ھێتە کرن.
پشتی تێکچوونا رەوشا ساخلەمیا میر تەحسین سەعید بەگ، میرێ ئێزدیان ل کوردستانێ و جیھانێ ل سپێدەھیا رۆژا دوشەمبوویا 28ى كانوونا دويێ 2019 ل ئێک ژنەخۆشخانێن ئەلمانیا وەغەرا داویێ کر.
ئه‌ڤرۆ نيوز:
رێڤه‌به‌رێ گشتى يێ دارايى ل كۆمسيۆنا بلندا سه‌ربه‌خۆيا هه‌لبژارتن و راپرسيێ ل هه‌رێما كوردستانێ راگه‌هاند، به‌لاڤكرنا پاداشتنێن پارێ كارمه‌ندێن كۆمسيۆنێ ل سه‌ر ته‌مامبوونا هووربينيێ ل پارێزگه‌ها هه‌ولێر و سلێمانيێ راوه‌ستيايه.
زه‌رده‌شت مه‌لا حه‌سه‌ن، رێڤه‌به‌رێ گشتى يێ دارايى ل كۆمسيۆنا بلندا سه‌ربه‌خۆيا هه‌لبژارتن و راپرسيێ ل هه‌رێما كوردستانێ گۆت: “هووربينى د ناڤێن كارمه‌ندێن كۆمسيۆنێ ل نڤيسينگه‌هێن پارێزگه‌هان ته‌مام بوويه و ناڤ ڤه‌گه‌رياينه نڤيسينگه‌ها نشتيمانى يا كۆمسيۆنێ ل هه‌ولێر، ل وێرێ ژى دووباره دێ هووربينى بۆ هێته كرن”.
گۆتژى: “هووربينى د ناڤێن پارێزگه‌ها دهۆك و هه‌له‌بچه دا ته‌مام بوويه، بزاڤێ دكه‌ين لژنێن زێده‌تر پێك بينين دا كو ب له‌ز ئه‌ڤ پرۆسه بهێته ئه‌جنام دان، ئه‌م ژى چه‌ند نموونه‌يا وه‌ردگرين ژ وان ناڤێن هه‌ين، نه‌ك هووربينيا ته‌مام د ناڤان دا”.
سه‌باره‌ت به‌لاڤكرنا پاره‌ى پشتى ب دووماهى هاتنا هووربينيێ گۆت: “ئێكسه‌ر هه‌كه كێشێن نه‌ختينێ نه‌بن دێ پاره‌ى به‌لاڤ كه‌ين، چونكو پارێ پێدڤى ل به‌ر ده‌ستێ مه هه‌يه”.
رۆژا 30ى ئيلۆنا 2018ێ هه‌لبژارتنێن په‌رله‌مانێ كوردستانێ هاتنه ئه‌نجام دان و هێشتا پاداشتێ كارمه‌ندێن سه‌ر سندوقێن ده‌نگدانێ نه‌هاتيه به‌لاڤكرن.
نيشاندان