ئەڤرۆ نیوز، عەلی حاجی:

سەگڤان عومەر سەرۆکێ لژنا زاخۆ یا سەندیکا کرێکارێن کوردستانێ بۆ ئەڤرۆ نیوز دیار کر گورەپانەکا تایبەت ب راوەستیانا ترومبێلێن بارھەلگر ل سەر ریێا سەرەکی ئیبراھیم خەلیل ھاتیە دەست نیشان کرن دا کو ئێدی ترومبێلێن بارھەلگر د ناڤ سەنتەرێ باژێری دا نەھێنە راوستاندن ژ بەر کو دبوو سەدەمێ نەخوەشیێ بۆ وەلاتیان و شوفێرێن بارھەلگرا ب خوە ژی.

ناڤھاتی زێدەتر گوت: (ئەڤ پێنگاڤە ب رازیبوونا خودانێن ترومبێلێن بارھەلگر ھاتیە ھاڤێتن و ئەو گورەپانا ھاتیە دەست نیشان کرن ژی بۆ راوەستیانا ترومبێلێن بارھەلگر جھەکێ گەلەک گونجایە چونکو رێژەیا ھەبوونا کاری ل وی جھی باشترە ژ جھەکێ دی لەورا نابیت ئێدی چو شوفێر ترومبێلێن خوە یێن بارھەلگر دناڤ باژێری دا راوەستینن.

ئەڤرۆ نیوز، عەلی حاجی:

زێرەڤان موسا رێڤەبەرێ ناحیا دەرکارێ بۆ ئەڤرۆ نیوز گوت دیار کر ژ ئەگەرێ مەترسیا توپباران کرنێ و ھەبوونا ھێزێن پەکەکێ ژ سەرجەمێ ٢٤ گوندێن سەر ب ناحیا دەرکارێ ڤە وەلاتیێن ١٥ گوندان نەشێن گوندێن خوە ئاڤا بکەن و جوتیارێن وان دەڤەران ژی نەشێن ب دروستی کارێ چاندنێ بکەن، ژ بەر کو ل سالانێت بوری دا جوتیارێن وان گوندان تووشی زیانێن مەزن بووینە.

ناڤبری زێدەتر گوت: (وەلاتیێن وان گوندان بەردەوام سەرەدانا گوندێن خوە دکەن بەلێ ب دروستی نەشێن ژیانا خوە ل گوندێن خوە دەرباز بکەن ژ بەر کو مەترسی ل سەر وان گوندان ھەیە ژ ئەگەرێ توپباران کرنێ ژلایێ فروکەێن تورکیا ڤە، بەلێ بۆ دەمەکێ کێم دمیننە گوندێن خوە و جارەکا دی ڤەدگەرنە ڤە، ھەتا رادەیەکێ بەرچاڤ ژی بەرھەمێ جوتیاران ل وان دەڤەران کێم بوویە ژ بەر کو سالانە جوتیارێن وان دەڤەران بەرھەمێ وان ژناڤ دچیت ژ ئەگەرێ ھەبوونا ھێزێن پەکەکێ و توپبارانێ).