ئه‌ڤرۆنيوز:
نوونه‌رێ حوكمه‌تا هه‌رێما كوردستانێ ل ئێكه‌تيا ئه‌ورۆپى، دلاوه‌ر ئاژگه‌يى ديدار ل گه‌ل هه‌شت په‌رله‌مانتارێن ئيكه‌تيا ئورۆپى ژ فراكسيۆنێن جودا جودا كرن.
دلاوه‌ر ئاژگه‌يى، نوونه‌رێ حوكمه‌تا هه‌رێمێ ل ئێكه‌تيا ئه‌ورۆپى دبه‌رپه‌رێ خوه دا ل سه‌ر تۆرا جڤاكى يا فه‌يسبووكى به‌لاڤكر” مه دووماهى پێشهاتێن سياسى ل هه‌رێما كوردستانێ وعيراقێ وپرسا پێكئينانا كابينا نوو يا حوكمه‌تا هه‌رێمێ گه‌هانده وان په‌رله‌مانتاران”.
ئاماژه كر” په‌رله‌مانتارێن ئه‌ورۆپى پێشوازى ل وان بزاڤێن حزبێن سياسى يێن كوردستانى كر كو دده‌مێ دو حه‌فتيێن بۆرى دا ئه‌نجامداين بۆ پێكئينانا حوكمه‌ته‌كا ب هێز ل هه‌رێما كوردستانێ”.
دياركر ژى” ب خوه‌شحالى ڤه مه ديت په‌رله‌مانتارێن ئه‌ورۆپى بۆچوونه‌كا ئه‌رێنى به‌رامبه‌ر دووماهى گورانكارى وپێشهات ل مه‌يدانا سياسى ل هه‌رێما كوردستانێ يا هه‌ى وهيڤى خواستن په‌يوه‌نديێن وان ل گه‌ل حوكمه‌ت وپه‌رله‌مانێ كوردستانێ پتر به‌ر ب پێشڤه بچن”.
ئەڤرۆ نیوز، نەوزاد ھلۆری:
داھێنەرا چاپا ئەلیکترونی ژنەکە بناڤێ (ئیلفین بیریزین) دژیێ ٩٣ سالیێ دا ، ب نەخوشیا پەنجەشێرێ وەغەرکرا دوماھیێ کر.
ئیلفینێ ل سالا ١٩٧١ چاپا ئەلیکترونی دروستکریە و پاشی کومپانیا رداکترون داھێنانا وێ بەرفرەھتر لێ کر و ل سالا ١٩٧٦ ژی گوڤارا بیزنز ویک ئیلفین ب ئێک ژ داھێنەرێن ئەمریکا دایە نیاسین.
ژبلی چاپا ئەلیکترونی، ھەڤدەم چەند داھێنانەکێن دن ژی کرینە، ژ وانان ل سالا ١٩٦٢ ئیلفینێ سیستەمێ برینا پلێتا فروکەیێ ب رێیا کومپیوتەرێ داھێنا و ئێکەم کومپانیا ئەڤ سیستەمە بکارئینایی ژی کومپانیا یونایتید ئێرلاینز بوو ل ھەمان سال.
دھێتە زانین کو چاپا ئەلیکترونی بۆ دەما ١١ سالان ل سەرانسەرێ جیھانێ ھاتیە بکارئینان، دیسان ئیلفین ئەڤە چەند سالەکە توشی نەخوشیا پەنجەرێ شێرێ بویە و دوماھیێ چەند روژێن بوری ب نەخوشیا شێرپەنجێ ژی گیانێ خوە ژ دەست دا.
ئەڤرۆ نیوز ، زنار تۆڤی:
ھیوا سوعاد سەرۆکێ پێنجەمین فیستەڤالا نێڤدەولەتی یا شانۆیێ یا ھەولێرێ بۆ ئەڤرۆ نیوز دیارکر کو پێنجەمین فیستەڤالا نێڤدەولەتی یا شانۆیێ یا ھەولێرێ دێ بۆ ماوێ پێنج رۆژان یا بەردەوام بیت و ھەتا نوکە چەندین شانۆگەری د ڤێ فیستەڤالێ دا ھاتینە ئەنجامدان.
ناڤھاتی زێدەتر دیارکر ئێکەم شانۆگەری ژی ب ناڤێ ” گۆھێن من د ئاخڤن” ھاتیە نیشاندان، کو ژ نڤێسین و دەرھێنانا کارۆخ ئیبراھیمی یە، ئەڤ شانۆیە بەرھەمێ رێڤەبەریا ھونەرێ شانۆیێ یە ل ھەولێرێ، دیسا د ماوێ فیستەڤالێ دا دێ چەندین پەنەل ژ لایێ کەسێن بشپۆر و شارەزا ل سەر کارێن شانۆیێ و پێشڤەبرنا وێ ل کوردستانێ ھێنە ئەنجامدان،ناھڤھاتی دیارکر ژی: د ئەڤ سالەدا شانۆگەریا ” المخفوفە بنت بوھا” ژ وەلاتێ تونس پشکداری دڤێ فیستەڤالێ دا کریەن کو ژ نڤێسینا مەنال ئەلقەلەوی و جەلالەدین ئەلسەعدیە، ژ دەرھێنانا مونیر ئەلعرقیە، دیسا شانۆگەریا ” لە چاوەروانی گۆدۆ ” دان ، کو ژ نڤێسینا ساموێل بیکیت و ژ دەرھێنانا کریستوف نیسکن یە، پشکداری دڤێ فیستەڤالێ دا کریە و کو ئەڤ شانۆگەریە بەرھەمێ شانۆیا کۆنستانسە ل وەلاتێ ئەلمانیا.
ھێشتا دبێژیت: شانۆگەریا ” ئەدرنالین” کو ژ دەرھێنا ئەسما مستەفایە ژ وەلاتێ ئوردن پشکداری د ڤێ فیستەڤالێ دا کریە، ھەروەسا شانۆگەریا ” ئەو” ژ دەرھێنا حاتەم عودەیە ژ عێراقێ پشکداری دڤێ فیستەڤالێ دا کریە، دیسا شانۆگەریا ” سبیلیات اسماعیل” کو ژ دەرھێنانا رەسۆل ئەلسەعیرە ژ وەلاتێ کوێتێ پشکداری د فیستەڤالا ھەولێرێ دا کریە،ھەروەسا ئەڤرۆ پێنجشەمبی دێ شانۆگەریا ” کەسێک ھەر دێت” کو ژ دەرھێنا مەھدی حەسەنی یە و بەرھەمێ رێڤەبەریا ھونەرێ شانۆیێ ل ھەولێرێ و لقا ھەولێرێ یا سەندیکا ھونەرمەندێن کوردستانێ یە، دێ ھێتە نیشاندان، ل رۆژا دووماھیێ ژی دێ شانۆگەریا ” پاکیزە و مەرگ” کو ژ دەرھێنا سەما ئیبراھیم عەلی ل وەلاتێ مسرێ دێ ھێتە نیشاندان، ل ھۆلا پەیمانگەھا ھونەرێن جوان ل ھەولێرێ، ل دووماھیێ ژی دێ خەلات ل سەر سەرکەفتیان ھێنە دابەشکرن.
ئه‌ڤرۆ نيوز:
سه‌رۆك بارزانی جه‌ژنا رۆژیێن ئێزی ل ئێزدییان پیرۆز كر ، د په‌یامه‌كێ سه‌رۆك بارزانی ب هه‌لكه‌فتا جه‌ژنا رۆژیێن ئێزی پیرۆزباهی ل ئێزدیێن كوردستانێ و سه‌رتاسه‌رێ جیهانێ كرن و هیڤیخواستن ئه‌ڤ جه‌ژنه ده‌ستپێكا خوه‌شی و ئارامی و به‌خته‌وه‌رییا هه‌می ئێزدییان بیت یێن كو ل ده‌مێ بۆری ژ به‌ر دوورپێچا تیرۆرستان توشی كاره‌سات و ئاواره‌یی و ئازاران بووین.
د په‌یاما سه‌رۆك بارزانی دا هاتییه ژی: شانازییه بۆ هه‌مییان كو كوردستان وه‌لاتێ برایه‌تی و پێكڤه‌ژیانێ بیت و پێدڤییه ب هیمه‌تا هه‌موو ئالییان ئه‌و برایه‌تی و پێكڤه ژیان كوورتر و به‌رفره‌هتر ببیت.
ئەڤرۆ نیۆز، قائید میرۆ:
مامۆستایەکێ زانکۆیێ پێنگاڤێن پارتی بۆ ئەنجامدانا چاکسازیێ ب ئەرێنی وەسف دکەت و دبێژیت، پارتی یا رژدە پڕۆژە قانوونا چاکسازیێ بھێتە دەرکرن و د خوازت ریفۆرم ل ناڤا حوکمەتێ دا بھێتەکرن بۆ دووماھی ئینان ب قەیرانا دارایی.
دکتۆر ھێمن حەسۆ میرخان رێڤەبەرێ سەنتەرێ دیراسات یا زانکۆیا کوردستان ھەولێر بۆ ئەڤرۆ نیۆز دیارکر” کۆ پارتی یا رژدە ل سەر ئەنجامدانا چاکسازیێ، ژبەرکو ٩٠% ێ داھاتا ھەرێما کوردستانێ ل داھاتێ پەترولێ یە و دگەل ئەنجامدانا چاکسازیێ دێ پارتی کار بۆ بەرەف پێشبرنا رەوشا دارایی یا عێراقێ بەت.
دکتۆر ھێمن حەسۆ میرخان گۆتژی” پارتی حزبەکا نەتەوەییە و ب ڤێ ھزرێ یا کار دکەت پێنگاڤان بۆچارەسەرکرنا ھەموو ئاریشەیێن ل ھەرێما کوردستانێ پەیدابوین تاڤێت و پارتی یا رژدە لڤێ خۆلا پەرلەمانی دا پڕۆژە قانوونا چاکسازیێ بھێتە پەسەندکرن، بەری ھەموو لایەنان پارتی یا پێداگیریێ دکەت، چونکە پارتی دڤێت ریفۆرم بھێتەکرن دناڤا حوکمەتا ھەرێما کوردستانێ.
ئەڤرۆ نیوز، محەمەد عەلی نوری:
شەش یاریزانێن کور و کچێن پارێزگەھا دھۆکێ پێنگاڤا ئێکێ یا ھەڤرکیێن قارەمانیا خانزاد یا نیڤدەولەتی بۆ یاریا شەترەنجێ ب سەرکەفتیانە ھاڤێتن، پشتی شیاین د یاریێن خوە یێن ڤەکرنا قارەمانیێ دا سەرکەفتنێ ل سەر ھەڤرکێن خوە تۆماربکەن ئەوا نوکە ل ھەولێرا پایتەخت ب پشکداریا ١٠٧ یاریزانێن ھەرێمێ و عیراقێ و ئیران و سوریا و ئوردنێ دھێنە کرن.
سەرمەد بەرواری سکرتێرێ ئێکەتیا شەترەنجا پارێزگەھێ بۆ ئەڤرۆ نیوز راگەھاند کو ھەر شەش یاریزانێن دھۆکێ، سەلمان محەمەد قەسیم، نزار جەمیل، مستەفا کەمال، محەمەد عەبدولرەحمان، کارین کەمال و ڤین کەمال نوونەراتیا پارێزگەھێ د قارەمانیا نیڤدەولەتی یا خانزاد کریە کو ھەڤرکیێن وان دێ ب سیستەمێ سویسری نەھـ گەران بۆ ماوێ پێنچ رۆژا یا بەردەوامبیت.
ھەروەسا ناڤھاتی گۆت: یاریزانێن دھۆکێ شیان سەرکەفتنا ئێکێ د قارەمانیێ دا تۆماربکەن و پێنگاڤەکا باش بەر ب قۆناغا دویێ پاڤێژن، ئەڤەژی دەستپێکە بۆ زێدەتر باوەری بخوە و ھەڤرکیێ ل سەر رێزێن پێشیێ و دیارکر کو یا گرنگ د ڤێ قارەمانیێ دا ئەوە ھەرسەرکەفتنەکا یاریزان تۆماربکەن ژلایێ ئێکەتیا نیڤدەولەتی یا شەترەنجێ دھێتە ھژمارتن و د ل سەر خالێن خوە یێن لیستا یاریزانێن ڤێ یاریێ دا دھێتە زێدەکرن تایبەت یاریزانێن سەر ئاستێ دەر‌ڤە پشکداری ھەبن وەکو کارین کەمال و مستەفا کەمال.
ئەڤرۆ نیوز:
وەلاتێن ئێکگرتیێن ئەمریکا ب فەرمی ھوشداری دایە ھەر ئوپەراسیونەکا لەشکەری ل رۆژھەلاتێ فراتێ بکەت، پشتی تورکیا بەری نوکە راگەھاندی ئەو دێ ھێرشی ڤێ دەڤەرێ کەن پێخەمەت لێدانا یەپەگێ.
ئاخفتنکەرێ وەزارەتا بەرگریا ئەمریکا ئەڤرۆ رۆژا چارشەمبی دیارکر ھەر ھێرشەکا تاک لایەنانە ژلایێ وەلاتەکی ڤە ل سەر رۆژھەلاتا فراتێ جھێ مەترسیێ یە و قەبوول کرنێ نینە، لەورا ھوشداری دایە بۆ ھەر ھێرشەکێ ژبەرکو دبیت ھێزێن ئەمرکا ل وان دەڤەران بکەفنە مەترسیێ دا.
بەری نوکە سەروکێ تورکیا رەجەب تەیب ئەردوگان ل ڤان رۆژێن بھێت دێ ھێرشەکا لەشکەری دژی یەپەگێ ل رۆژھەلاتا فراتێ ئەنجام دەن ئەوا دھێتە پشتەڤانی کرن ژ لایێ ئەمریکا ڤە.
ئەڤرۆ نیوز،بارزان مزووری:
سەیدو جەتو،سەروکێ ئەنجومەنێ پارێزگەھا نەینەوا بۆ ئەڤرۆ نیوز ئاشکرا کر ئەڤرۆ ئیڤاری رێکەفتی ١٣ کانونا ئێکێ ٢٠١٨ پەیوەندیەکا تەلەفونی دگەل لیوا نەجم جبوری ئەنجام دا ژ مەرەما ڤەکرنا رێکا سحێلا بۆ شەنگال.
ناڤھاتی خویاکر کو مە داخاز ژێ کر کو بریارێ ل سەر ڤەکرنا ڤێ رێکێ بکەت داخازیا مە جێ بە جێ کر کو رۆژا ئەینی رێکەفتی ١٤ کانونا ئێکێ ٢٠١٨ رێیا دناڤبەرا شەنگال و سحێلا بھێتە ڤەکرن ب شێوەیەکێ فەرمی ھاتن و چوون لێ بھێتە کرن بۆ ھاولاتیان.
نيشاندان