پارتى و گۆڕان ئه‌ڤرۆ دێ ل هه‌ولێر كۆم بن

12/12/2018 10:32

ئه‌ڤرۆ نيوز:

ئه‌ڤرۆ پارتى ديموكراتى كوردستان و بزاڤا گۆڕان ل سه‌ر ئاستێ بلند ل باژێرێ هه‌ولێر كۆم بن.

ژێده‌ره‌كى ژ پارتى ديموكراتى كوردستان راگه‌هاند كو پارتى و گۆڕان دێ كۆمبوونه‌كا گرنگ ل دۆر پێكئينانا كابينا نوو يا حوكمه‌تا هه‌رێما كوردستانێ ئه‌نجام ده‌ن.

ئاماژه‌ ب وێ چه‌ندێ ژى كر كو د كۆمبوونێ دا دێ كاودانێن هه‌رێما كوردستانێ و عيراقێ ژى هێنه‌ گه‌نگه‌شه‌ كرن.

بۆ پێكئينانا كابينا نوو يا حوكمه‌تا هه‌رێما كوردستانێ، پارتى ديموكراتى كوردستان دانوستاندن ل گه‌ل لايه‌نێن سياسى يێن هه‌رێما كوردستانێ ده‌ست پێ كريه‌ و دوهى ژى هه‌ردو مه‌كته‌بێن سياسى پارتى و ئێكه‌تيێ ل هه‌ولێر كۆمبوون.

ھژمارا کوشتی و بریندارێن ھێرشا شەڤا بۆری یا فرەنسا زێدەبووینە

12/12/2018 10:02

157

ئەڤرۆ نیوز:
کریستۆڤ کاستانێر، وەزیرێ ناڤخۆ یێ فرەنسا راگەھاند کو ژ ئەگەرێ روودانا تەقەکرنێ ل نێزیک بازارەکێ باژێرێ ستراسبۆرگێ فرەنسا سێ کەس ھاتنە کوشتن و ١٠ کەسێن دی ژی برینداربوون.

ل دووڤ ئاژانسا فرانس پرێس، کریستۆڤ کاستانێر، وەزیرێ ناڤخۆ یێ فرەنسا راگەھاندیە کو ئەو کەسێ ل شەڤا بۆری ھێرشا چەکداری ل باژێرێ ستراسبۆرگێ فرەنسا ئەنجامدای ھاتیە نیاسین.

ئاماژە دا ێ چەندێ ژی ئەو کەس ژ ئالیێ پۆلیسان ڤە ھاتیە نیاسین و بەری نوکە گەلەک تاوان ئەنجامداینە، بەلێ چو پێزانینێن دی ل دۆر تۆمەتباری نەدان.

ل شەڤا بۆری پشتی چەکدارەکی ھێرشەک ئەنجامدای و دەستدرێژیا گوللەیان کریە سەر وەلاتیان، رێڤەبەریا ئاگرڤەمراندنا دەڤەرا ستراسبۆرگ راگەھاند کو کەسەک ھاتیە کوشتن و سێ کەسێن دی برینداربووینە، بەلێ دووڤ دا ھژمارا قوربانیان زێدەبوو ھەتا نوکە سێ کەس ھاتینە کوشتن و ١٠ کەسێن دی ژی برینداربووینە.

ئه‌ڤرۆ و سوبه‌هى مووچێ ڤان جهان دێ هێته‌ به‌لاڤكرن

12/12/2018 09:24

1552

ئه‌ڤرۆ نيوز:

به‌لاڤكرنا مووچێ هه‌يڤا ئيلۆنێ ل حوكمه‌تا هه‌رێما كوردستانێ يێ به‌رده‌وامه‌ و بڕياره‌ ئه‌ڤرۆ ژى چه‌ند وه‌زاره‌ت و ده‌زگه‌هـ مووچێ خوه‌ وه‌ربگرن.

ب گوره‌ى هنده‌ك پێزانينان كو ژ وه‌زاره‌تا دارايى و ئابوورى يا حوكمه‌تا هه‌رێما كوردستانێ ب ده‌ست ئه‌ڤرۆ نيوز كه‌فتينه‌، بڕياره‌ ئه‌ڤرۆ رۆژا چارشه‌مبى رێكه‌فتى12ى كانوونا ئێكێ 2018 مووچێ هه‌يڤا ئيلۆنێ يێ وه‌زاره‌تا خواندنا بلند و ڤه‌كۆلينێن زانستى و وه‌زاره‌تا دارايى و ئابوورى ل حوكمه‌تا هه‌رێما كوردستانێ بهێته‌ به‌لاڤكرن.

هه‌ر ب گۆره‌يى وان پێزانينان ژى بڕياره‌ سوبه‌هى رۆژا پێنجشه‌مبى رێكه‌فتى 13ى كانوونا ئێكێ 2018 مووچێ كێم ئه‌ندامان يێ سه‌ر ب وه‌زاره‌تا كار و كاروبارێن جڤاكى ل حوكمه‌تا هه‌رێما كوردستانێ بهێته‌ به‌لاڤكرن.

دەرخستنا پاسپۆرتان دێ هێته‌ راگرتن

11/12/2018 22:03

1716

ئەڤرۆ نیۆز، ئەمیر ئەترووشی:

رێڤەبەریا گشتی يا پاسپۆرتان ل عیراقێ‌ راگه‌هاند كو دێ‌ بۆ ده‌مێ‌ حەفتەكێ‌ دەرخستنا پاسپۆرتان هێتە راگرتن.

رێڤەبەریا گشتی يا پاسپۆرتان ل عیراقێ‌ د راگەهاندنەكێ‌ دا به‌لاڤكر، دەرخستنا پاسپۆرتێن عیراقی ل هەموو پارێزگەهێن عیراقێ‌ دێ‌ هێتە راگرتن و بۆ ده‌مێ‌ حەفتیەكێ‌ ناهێنە دەرخستن، ب تنێ‌ هه‌كه‌ بۆ حالەتەكێ‌ پێدڤی نەبیت، یان ژی حالەتەكێ‌ تەنگاڤ.

دياركر ژى، دەرخستنا پاسپۆرتان دێ‌ ل 25/12/2018 هەتا 2/1/2019 هێتە راگرتن و ل 2ی هەیڤێ‌ جارەكا دی دێ‌ دەست ب دەرخستنا وان هێتە كرن.

نەقیبێ‌ مافپەروەر سەعەد ئیسماعیل، بەرپرسێ‌ راگەهاندنا پاسپۆرتان ل رێڤەبەریا پاسپۆرتێن پارێزگەها دهۆكێ‌ بۆ ئەڤرۆ نیۆز دیار كر، ل دووماهیا هه‌موو ساله‌كێ‌ بۆ ده‌مێ حەفتیەكێ‌ دەرخستنا پارسپۆرتان دهێتە راگرتن و ئەڤ سالە ژی ب هەمان شێوە دێ‌ ئەڤ بریارە هێتە دەرخستن، بەلێ‌ هەتا نوكە بریار ب فەرمی نەگەهشتیە رێڤەبەریا مە و گۆت: سالانە ب 25/12 هەتا 2/1 دەرخستنا پاسپۆرتان دهێتە راگرتن بۆ هندێ‌ جەردا سالانە بهێتە كرن.

ل خانه‌قين پشتى په‌قينا بۆمبه‌كێ شه‌ر روودا

11/12/2018 21:51

ئه‌ڤرۆنيوز:

ژێده‌ره‌كى ژ پارێزگه‌ها ديالا بۆ ئه‌ڤرۆنيوز دياركر كو ئه‌ڤ شه‌ڤه‌ بۆمبه‌ك ل گونده‌كێ ب سه‌ر خانه‌قينێ ڤه‌ روودا وپشتى په‌قينێ شه‌ره‌ك روودا.

دوره‌يد مه‌عموورى، رۆژنامه‌ڤان ژ پارێزگه‌ها ديالا بۆ ئه‌ڤرۆنيوز نيوز” بۆمبه‌ك ل گوندێ (موباره‌ك) ل قه‌زا خانه‌قينێ روودا ودئه‌نجامدا دو پۆليس هاتن كوشتن وچار كه‌س ى بريندار بوون”.

گۆت ژى” پشتى په‌قينا وێ بۆمپێ ته‌قه‌ دناڤبه‌را هێزێن پۆليسان وهنده‌ك چه‌كدارێن نه‌نياس هاته‌ كرن”.

پشتى 16 ئوكتوبه‌رێ، باژێرێ خانه‌قين ژى ل گه‌ل ده‌ڤه‌رێن دى يێن كوردستانى يێن ده‌رڤى ئيدارا هه‌رێما كوردستانێ كه‌فتينه‌ دده‌ستێ له‌شكرێ عيراقێ وحه‌شدا شه‌عبى دا.

قوتابیەک مەدالیا برونزی ب دەست خوه‌ دئینیت

11/12/2018 20:38

110

ئه‌ڤرۆ نیوز، بارزان مزوورى:
قوتابی ( محمد دلشاد یونس ) ل کولێژا ئیشق دھوک ل پولا نەھێ بنەرەتی، بەشداری ل ئولومپیاتەکا نێڤ دەولەتی یا زانستی دا ل وەلاتێ بوتسوانا باشورێ ئەفریقیا ل ناڤبەرا ٦٠ وەلاتان دا كر و شیا پلا سیێ و مەدالیا برونزی ب دەست خوڤە ئێخست .
قوتابی بو ماوێ ٦ مه‌ها خاندیە و خو ماندی کریە ژبو وێ چەندێ کو ناڤێ کوردستانێ و ئالایێ کوردستان دناڤ ئالایێن جیھانێ بەرز بیت ، ٣ قوتابی ل دھوکێ ب نوێنەراتیا کوردستانێ بەشدارببوون ، کو قوتابینە ل کولێژێن ئیشق ل دھوکێ.

مه‌سرور بارزانى:دڤێت كوردستان مفاى ژ رێككه‌فتنا ستراتيژى يا عيراقێ وئه‌مريكا وه‌رگريت

11/12/2018 19:43

100

ئه‌ڤرۆنيوز:

شيره‌تكارێ جڤاتا ئاسايشا هه‌رێما كوردستانێ، مه‌سرور بارزانى، ئه‌ڤرۆ سێشه‌مبى 11/12/2018 پێشوازى ل ريك پێرى وه‌زيرێ وزێ يێ ئه‌مريكى وشاندێ دگه‌لدا كر.

وه‌زيرێ ئه‌مريكى دياركر كو مه‌ه‌رما سه‌ره‌دانا وى پێشڤه‌برنا په‌يوه‌نديێن ئه‌مريكايه‌ ل گه‌ل عيراقێ وهه‌رێما كوردستانێ دبوارێ وزێ وئابوورى دا، هه‌روه‌سا ده‌ستپێكرنا هنارده‌كرنا په‌ترۆلا كه‌ركووكێ ب رێيا هه‌رێما كوردستانێ ب ده‌ستپێكه‌كا ئه‌رێنى هژمارت.

مه‌سرور بارزانى، سوپاسيا هاريكارى وپشته‌ڤانيا ئه‌مريكا كر دشه‌رێ دژى تيرۆرستێن داعشێ دا وئاماژه‌كر كو درێژه‌دان وپێشڤه‌برنا په‌يوه‌نديان دهه‌موو بواران دا دبه‌رژه‌وه‌نديا سه‌قامگيريا ده‌ڤه‌رێ ب گشتى دايه‌، دووپات كر ژى كو ب هاريكاريا هه‌ڤپشك دێ كارى بۆ كوردستانه‌كا ب هێزتر وپێشكه‌فتى كه‌ن.

مه‌سرور بارزانى دووپاتكر ژى كو هه‌رێما كوردستانێ دخوازيت ب كريار مفاى ژ رێككه‌فتنا ستراتيژى دناڤبه‌را ئه‌مريكا وعيراقێ وه‌گريت ب تايبه‌تى دبوارێ كه‌رتێن وزێ وئابوورى وچاكسازيێ.

دياركر ژى كو دێ ددانوستاندنێن به‌رده‌وام دا ل گه‌ل به‌غدا بۆ گه‌هشتنا چاره‌سه‌ريا هه‌موو كێشان.

پارتى وگۆران دێ كۆمبن

11/12/2018 19:14

112

ئه‌ڤرۆنيوز:

برياره‌ سوباهى چارشه‌مبى 12/12/2018 مه‌كته‌با سياسى يا پارتى ديموكراتى كوردستان وخانه‌يا راپه‌راندنێ يا بزاڤا گۆران ل هه‌ولێرێ كۆمبن.

ئه‌ڤرۆ هه‌ردو مه‌كته‌بێن سياسى يێن پارتى وئێكه‌تيێ ل هه‌ولێرێ كۆمببوون وبه‌ياننامه‌كا چار خالى يا هه‌ڤپشك پشتى كۆمبوونێ هاتبوو ده‌ركرن.

باژێرڤانیا زاخۆ پارچێن عەردی د فرۆشیت

11/12/2018 18:25

791

ئەڤرۆ نیوز، سالار دۆسکی:

سەرۆکێ باژێرڤانیا زاخۆ ئاشکراکر کو دەست ب فرۆتنا پارچێن عەردی ل زاخۆ ھاتیەکرن وەک باژێرڤانی ب ئاشکرایی د فرۆشیت وی پارەی بۆ پرۆژێن خزمەت گوزاری ب کارتینن.

زێدەتر بژار مونیب، سەرۆکێ باژێرڤانیا زاخۆ بۆ ئەڤرۆ نیوز ئاشکراکر دوھی رێکەفتی ١١/١٢/٢٠١٨ ل سەرۆکاتیا باژێرڤانیا زاخۆ ب بەرھەڤبوونا داواکارێ گشتی و رێڤەبەرێ گەنجینەیا و نوونەرێ قائیمقامێ زاخۆ، ب رێکا سەرئێک زێدەکرن ئاشکرا (٢٠) پارچێن عەردی ل دەڤەرا (خراب بابکێ) ھاتنە فرۆتن و ھەموو پارچێن عەردی وەک رووبەر دناڤبەر ٢٠٠ ھەتا ٢٥٠ مەتران بووینە، ھەر پارچەکا عەردی ل دووڤ رێژەکا دیار ھاتە فرۆتن کو د ناڤبەرا ٣٠ ھەتا ٤٠ ھزار دولاران ھاتینە فرۆتن.

ناڤبری ئاشکرار کو ئارمانج ژ فرۆتنا ڤان پارچێن عەردی ئەوە وەک داھات بۆ ئەنجامدانا پرۆژێن خزمەت گوزاری ل سەرۆکاتیا باژێرڤانیا زاخۆ بھێتە بکارئینان و ئەڤە نە بۆ جارا ئێکێ یە باژێرڤانیا زاخۆ ڤی کاری دکەت بەلکو چەندین جارێن دی ژی ب ئاشکرا پارچێن عەردی فرۆتنینە.

لقا ئێک رێز ل ھژمارەکا نوشداران گرت

11/12/2018 18:12

217

ئەڤرۆ نیوز:

بەرپرسێ لقا ئێک یا پارتی ئەڤرۆ د رێورەسمەکی دا رێز ل ھژمارەکا نوشداران گرت ئەوێن ل رۆژا ریفراندومێ بێ بەرامبەر کلینیکێن خوە برێڤەبرین بۆ ھاولاتیان.

د پەیڤەکێ دا سەربەست تروانسی بۆ ڤان نوشداران دیارکر ئەو خوە ب سەرفەراز دبینت کو لقا ئێک خزمەتا وان نوشدارێن رۆژا ریفراندومێ ب ئەرکێ خوە یێ مروڤایەتی و نیشتیمان پەروەری رابووین ب ڤەکرنا کلینیکێن خوە یێن تایبەت و بێ بەرامبەر بۆ ھاولاتیان، ھەلبەت ئەڤ خزمەتا وان ناھێتە ژبیرکرن و ب ئەرکێ خوە د زانینن رولێ ڤان نوشداران ژبیر نەکەین و رێزێ ل وان بگرین.

ژلایێ خوە ڤە د. نزار عسمەت رێڤەبەرێ گشتی یێ ساخلەمیا پارێزگەھا دھۆکێ سوپاسیا لقا ئێک کر بۆ ڤێ رێزگرتنێ و سوز دا ژبلی کارێ خوە یێ مروڤایەتی وەک پێشمەرگە د سەنگەران دا کار بکەین.

نيشاندان 1...1,000 2,000 1,2021,2031,204 2,200 3,200...4,170 زێده‌تر

لاپه‌ر 1,203 ژ 4,170