ئەڤرۆ نیوز:
ھێرشبەرێ ئیسپانی و یانا چێلسی یا ئنگلیزی ئەلڤارو موراتا نێزیکی ئیمزاکرنا ھەڤبەستا یانا چێلسی یا ئنگلیزی بوویە و چاڤەرێ دھێتەکرن د ماوێ چەند دەمژمێرێن دی ھەڤبەستا ئەڤی یاریزانی ب فەرمی ل گەل وێ یانێ بھێتە راگەھاندن.
کەنالێ کواترو یێ ئیسپانی دیارکر ھەردو یانێن چێلسی و ئەتلەتیکو مەدرید رێککەفتی نە بوو ڤەگوھاستنا ھێرشبەرێ ئیسپانی ئەلڤارو موراتا ب شێوەیێ خواستن بوو سال و نیڤا کو یانا ئەتلەتیکو دێ کوژمێ حەفت ملیون و نیڤ یورۆیا پێشکێشی یانا چێلسی کەت بوو وی ماوەی ھەردیسان د شیان دا ھەیە پشتی سال و نیڤا یانا ئیسپانی ب فەرمی ئەوی یاریزانی بکریت ژ چێلسی بەرامبەر کوژمێ ٤٥ ملیون یورۆیا .

ئەڤرۆ نیوز:
پشتی ل شەڤا بوری یانا بەرشەلۆنا توشی خوسارەتیێ بووی ل گەل یانا سیڤیلیا د قوناغا ھەشتێ ل یاریا ئێکێ ب دو گولان بێ بەرامبەر راھێنەرێ یانا بەرشەلۆنا ڤالڤێردی بوو دەزگەھێن راگەھاندنێ دیارکر ئەڤە یاریا تەپا پێ یە پێدڤی یە خوسارەت و سەرکەفتن تێدا ھەیە و خوسارەتیێ ب شێوەکێ نورمال دبینت.
ھەردیسان راھێنەرێ بەرشەلۆنا دیارکر د شیانێن ئەوان دا ھەبوو سەرکەفتنێ توماربکەن کو یاریزانێن وی چەندین دەلیڤەیێن ب سانەھی ژ دەستدان تایبەت ل نیڤا ئێکێ کو گەلەک دەلیڤە بوو یاریزانان پەیدابوون لێ نەشیان مفا ژ ئەوان دەلیڤەیێن خوە بینن و ل نیڤا دوێ سیڤیلیا باشتر یاری کر و پیروزباھی ل ئەوان دکەم .
ھەردیسان ناڤبری دیارکر ژی ھێشتا دەلیڤە د دەستێ ئەوان دا مایە ژبەرکو دێ یاریا دوێ ل یاریگەھا خوە کەن و ھەر چەندە نابیت یاری دێ بوو ئەوان یا ب سانەھی بیت ل یاریگەھا کەمپ نوو لێ ئەوی باوەری ب شیانێن یاریزانێن خوە ھەیە دێ دەربازی قوناغا پێش دووماھیێ بن.
ل دووماھیێ سەبارەت نە داخوازکرنا مێسی بوو وێ یاری ناڤبری دیارکر بەری وێ یاری ئەوی میسی ئاگادارکر بوو دێ بێنڤەدانێ دەتێ و ئەو دبینت ئەوی بریارەکا دروست دایە بێنڤەدانان دایە میسی.