ئەڤرۆ نیوز:
بەری دەمەکێ کێم ھەلبژارتیێ قەتەر سەرکەفتن ل سەر ھەلبژارتیێ عیراقێ تومارکر ب گۆلەکێ بێ بەرامبەر د یاریا وان یا قوناغا شازدێ یا قارەمانیا کاسا ئاسیا.
گۆلا ھەلبژارتیێ قەتەر ژلایێ یاریزانێ وێ یێ بنیات عیراقی بەسام راوی ڤە ھاتە تومارکرن ژ فاولەکا ئێکسەر د خولەکا ٦٢ دا ژ یاریێ.
ھەلبژارتیێ عیراقێ قارەمانی بجە ھێلا و ھەلبژارتیێ قەتەر ب سەرکەفتنا خوە دێ یاریا خوە یا بھێت ژ قوناغا ھەشتێ ھەمبەر ھەلبژارتیێ کوریا ژێری کەت.
ئه‌ڤرۆ نیوز، نه‌وزاد هلۆرى:
د ده‌ما چه‌ند روژێن بورى دا هژماره‌كا سه‌رێن په‌زى ل شێلادزێ مرن، خودانێ ئه‌وان په‌زان ژى دده‌ته دیاركرن كو ئه‌وان چه‌ندین جاران داخوازى ل جهێن شوله‌ژێ كریه به‌لێ چوو كه‌س و لایه‌نان سه‌ره‌دانا وان نه‌كریه.
له‌زگین بارانى، خودانێ په‌زى ل شێلادزێ بۆ ئه‌ڤرۆ نیوز گۆت: (ئه‌ڤه چه‌ند روژه‌كه په‌زێ مه گه‌له‌ك دمریت و چه‌ند روژێن بورى 80 په‌ز مریه و خوه ئه‌م نه‌گه‌هشتینه ڤه‌گوژین ژى، و ئه‌ڤ په‌زى َمایى ژى هه‌موو نه‌خوش بویه كو نێزیكێ 200 سه‌رێن په‌زى نه).
زێده‌تر گۆت: (چه‌ندین جاران مه داخوازى ل جهێن شوله‌ژێ كریه به‌لێ هه‌تا نوكه كه‌سێ سه‌ره‌دانا مه نه‌كریه، ئه‌م نه‌چاروین كو نوژداره‌كێ ڤیته‌رنه‌رى ل سوران بینین، پشتى چه‌ند پشكنینان ده‌ركه‌فت نه‌خوشى تاعونه و ده‌ملده‌ست گیانه‌وه‌ران دكوژیت).
ئه‌ڤرۆ نیوز:
بریاره سوبه ده‌نگدان ل سه‌ر كابینا وه‌زارى یا عادل عه‌بدولمه‌هدى سه‌رۆك وه‌زیرێن عیراقێ و دیسان ده‌نگدان ل سه‌ر پرۆژه قانوونا بودجێ بهێته دان.
د. محەممەد شاکر، ئه‌ندامێ په‌رله‌مانێ عیراقێ دیاركر فراكسیونێن كوردستانى د ئێك ده‌نگن سه‌باره‌ت پشكا هه‌رێما كوردستانێ ژ بودجه‌ى، كارێ باش هاتیه كرن، هه‌روه‌سا ئه‌م پێداگریێ ل سه‌ر ده‌ربازكرنا مادێ 10، دكه‌ن كو رژدیێ ل سه‌ر مووچێ فه‌رمانبه‌رێن هه‌رێما كوردستانێ و مووچێ پێشمه‌رگه‌ى بكه‌ن، بێ كو ب ناكوكیێن سیاسى ڤه بهێته گرێدان.
ئەڤرۆ نیوز:
رێکخراوا چاڤدێریا مافێ مرۆڤان یا سووریێ بەری دەمەکێ د داخۆیانیەکێ دا راگەهاند کو شەڤا بۆری فرۆکێن شەری یێن ئیسرائیلێ ل نێزیکی شامێ هێرشی بنگەهەکێ سەربازی یێن هێزێن ئیرانێ کرینە کو د ئەنجام دا ١٢ کەسان جانێ خوە ژ دەست داینە کو سێ ژێ فەرماندارێن ئیرانێ بووینە.
هەتا نها بەرپرسێن ئیرانێ ل دۆر ڤی بابەتی چو داخۆیانیەک نەداینە و بەرپرسێن ئیسرائیلێ ژی دبێژن کو دێ هێرشێن مە ل سەر هێزێن ئیرانێ ل سووریێ د بەردەاوم بن.
ئەڤرۆ نیوز:
ئیلهام ئەحمەد هەڤسەرۆکا جڤاکا سووریا دیموکرات راگەهاند کو ئەو ب چو رەنگەکێ رۆژهەلاتێ فراتێ رادەستی رژێما سووریێ ناکەن و گۆت: (مە دڤێت گەلێن کو ل رۆژهەلاتێ فراتێ دژین بخوە رێڤەبەریا خوە بکەن و ئەم بەرهەڤ نینین وان دەڤەران رادەستی رژێما سووریێ بکەین).
ناڤهاتیێ راگەهاند ژی کو هەکە دستوورەکێ نوو بۆ سووریێ بهێتە نڤیسین و گەرەنتیا مافێن کوردان ژی بهێتە کرن وی دەمی چ ئاریشە نابن و هێزێن سووریا دیموکرات دشێن ببنە پشکەک ژ لەشکرێ نوو یێ سووریێ.
ئەڤرۆ نیوز:
پشتی کو ئەمریکا راگەهاند دێ کۆنفرانسەک ل پۆلەندا برێڤە چیت و گەلەک وەلاتێن جیهانێ دێ تێدا پشکدار بن و ئارمانجا سەرەکی یا وێ کۆنفرانسێ ژی ئاڤاکرنا بەرەیەکێ یە ل دژی ئیرانێ.
ل هەمبەر گەفێن ئەمریکا هەر زوو ئیرانێ هۆشداری دا پۆلەندا کو نابیت کۆنفرانسەک وەسا ل وی وەلاتی برێڤە بچیت و دوهی جێگرێ وەزیرێ دەرڤە یێ پۆلەندا سەرەدانا ئیرانێ کر و بەرپرسێن ئیرانێ ژی ب توندی هۆشداری دانە پۆلەندا و داخواز ژ وی وەلاتی کرن کو رێ نەدەن کۆنفرانسەکا وەسا ل پۆلەندا برێڤە بچیت، لێ هەتا نها ژی بەرپرسێن پۆلەندا داخوازیا ئیرانێ قەبوول نەکرینە.
ئەڤرۆ نیۆز، رەمەزان ھەرنی:
ل سالیادا دامەزراندنا کومارا مەھاباد دەزگەھێ خێرخوازیێ پێشمەرگە رێز ل عایشا دەیکا سێ شەھیدێن شەرێ داعش ل قەزا سۆران گرت.
عەلی شەریف بەرپرسێ دەزگەھێ خێرخوازیێ پێشمەرگە ل ئوفیسا سۆران بۆ ئەڤرۆ نیۆز گۆت: ل سالیادا دامەزراندنا کومارا مەھاباد دەزگەھێ خێرخوازیێ پێشمەرگە ل ھۆلا پەیمانگەھا تەکنیکی یا سۆران رێز ل عایشا دایکا دایکا سێ شەھیدان گرت.
گوتژی: د رێو رەسمەکێ ژ ھەژی دا وەک رێز گرتن ل خوینا شەھیدان وەک دەیکا سێ شەھیدان وەک ئەنداما فەخری ناسناڤێ دایکا دەزگەھێ خێرخوازیێ پێشمەرگە پێ ھاتە بەخشین.
ئەڤرۆ نیوز:
ئەڤرۆ رۆژا سێشەمبی ستێرا پرتوگالی کرستیانو رونالدۆ گەھشتە بارەگایێ دادگەھێ ل مەدرید بۆ ئامادەبونا دادبینیا دووماھیێ و دەرکرنا سزایی ل سەر وی دەربارەی رەڤینا وی ژ دانا باجا حوکمەتێ.
ستێرا پرتوگالی دگەل ھەڤالا خوە جورجینا ئەڤرۆکەل ھۆلا دادگەھا مەدرید ئامادەبوویە و جەماوەرەکێ زوور ل بەر دەرگەھێ دادگەھێ ئامادەبوو پێخەمەت دیتنا وی، رونالدۆ یێ تاوانبارە ب نەدانا باجا حوکمەتێ ب کوژمێ ١٥ ملیۆن یورویان.
دەستھەلادارێن ئسپانیا رەتکر رونالدۆ ب ترومبێلا خوە یا جام رەش بھێتە د ناف بارەگایێ دادگەھێ دا دیسان رەتکر ب ڤیدیویێ پشکداریێ د دادبینیا سزایێ خوە دا بکەت دیسان رێ نەدا زێرەڤانێن وی یێن تایبەت دگەل دا ئامادەبن.
بریارە ل ڤان رۆژێن بھێت دوبارە پێداچوون د کەیسێ کرستیانو رونالدو دا بھێتە کرن و بریارا سەپاندنا سزای ل سەر بھێتە دان.
ل دووڤ قانوونا ئسپانیا دبیت کرستیانو رونالدو بۆ ماوێ دو سالان بھێتە حوکم کرن یان غرامەکرن ب کوژمێ ھەتا ٢٠ ملیۆن یورویان.
ئەڤرۆ نیوز:
پشتی سەپاندنا سزایێن ئابووری ژ ئالیێ ئەمریکا ل سەر ئیرانێ ڤە دەمەکە چو کۆمپانی و وەلاتەک پەترۆلا ئیرانێ ناکڕیت و دوهی وەزیرێ پەترۆلێ یێ ئیرانێ ژی راگەهاند کو پەترۆلا مە یا چوویە بازارێن جیهانێ ژی وەسا مایە و کەس ناکڕیت و گۆت: (دڤێت وەلاتێن ئورۆپا ل سەر سۆزێن خوە بن و پەترۆلا مە بکڕن، چونکو بەری نها رێککەفتنەک د ناڤبەرا مە و وەلاتێن ئورۆپا دا هەبوویە لێ مخابن دیارە ئەو پێگیریێ ب سۆزێن خوە ناکەن).
ئەڤرۆ نیوز:
ب ئیمزاکرنا ھەڤبەستا یانا بەرشەلۆنا کیڤن پرینس بواتینگ یێ غانی د بیتە یانا ١٠ د مێژویا ژیانا وی یا وەرزشی دا کو بەری بھێتە بەرشەلۆنا بەری نوکە ل ٩ یانێن دی یاری کریە .
بواتینگ یێ ٣١ سالی دەستپێکا ژیانا خوە ل گەل یانا ھرتابلین یا ئەلمانی دەستپێکریە و ل وەرزێ ٢٠٠٤-٢٠٠٥ بوو تیما ئێکێ یا وێ یانێ ھاتە سەرئێخستن و ل گەل وێ یانێ یێ بەردەوام بوو ھەتا سالا ٢٠٠٧ کو د ماوێ سێ سالان دا ل گەل وێ یانێ ٥٣ یاری ئەنجامدان و بتنێ ٥ گول تومارکرن و پاش ھەڤبەستا توتنھام یا ئنگلیزی ئیمزاکر ژ سالا ٢٠٠٧ ھەتا ٢٠٠٩ ل گەل وێ یانێ بوو کو نە یێ سەرکەفتی بوو ل گەل وێ یانێ د ماوێ دو سالان دا ٢٥ یاری کرن و بتنێ گولەک تومارکر و ل سالا ٢٠٠٩ ب شێوەیێ خواستن چو ل گەل یانا بروسیا دورتموند ل گەل وێ یانێ ژی شەش مەھا یاری کر و ١١ یاری ئەنجامدان و نەشیا چو گولان توماربکەت و وەرزێ ٢٠٠٩ -٢٠١٠ ھەڤبەستا پورسمونس یا ئنگلیزی ئیمزاکر ل گەل وێ یانێ ژی بۆ ئێک وەرز ٢٧ یاری کرن و ٥ گول تومارکرن و ل سالا ٢٠١٠ ھەتا ٢٠١٣ ھەڤبەستا میلان ئیمزاکر د ماوێ وان سێ سالان ١٠٠ یاری ل گەل میلان ئەنجامدان و ١٧ گول تومارکرن و دناڤبەرا ٢٠١٣ ھەتا ٢٠١٥ ھەڤبەستا شالکە یا ئەلمانی ئیمزاکر و ماوێ وان دو سالان دا ٦٠ یاری ل گەل وێ یانێ کرن و ٧ گول تومارکرن و پاش ٢٠١٦ جارەکا دی ڤەگەریا میلان ڤە و ئەڤ جارە نە یێ سەرکەفتی بوو ل گەل میلان ١٤ یاری کرن و بتنێ گولەک تومارکر و وەرزێ ٢٠١٦-٢٠١٧ ھەڤبەستا لاس پالماس یا ئیسپانی ئیمزاکر و ل گەل وێ یانێ د ماوێ وەرزەکی دا ٢٩ یاری ئەنجامدان و ١٠ گول تومارکرن و وەرزێ ٢٠١٧-٢٠١٨ یاری ل یانا فرانکفورت یا ئەلمانی کر و د ٣٦ یاریێن ل گەل وێ یانێ بتنێ ٣ گول تومارکرن و دەستپێکا ڤی وەرزی ھەڤبەستا ساسولو یا ئیتالی ئیمزاکر ل گەل وێ یانێ ھەتا نوکە ١٥ یاری کرینە و ٥ گول تومارکرینە و یاریزانێ ناڤبری د ماوێ ١٥ سالێن بوری دا ل گەل ئەوان ١٠ یانێن یاری کری ٤٢٨ یاری ئەنجامداینە و ٦٨ گول تومارکرینە .
ھەژی گوتنێ یە یاریزانێ ناڤبری ١٥ یاریێن نیڤدەولی ژی ھەنە ل گەل ھەلبژارتیێ خوە غانا بتنێ دو گول ل گەل ھەلبژارتیێ خوە ھەنە ژ سالا ٢٠١٤ وەرە نە ھاتیە داخوازکرن بوو ھەلبژارتیێ وەلاتێ خوە
نيشاندان