ئەڤرۆ نیۆز، قائید میرۆ:

ھۆگر چەتو، رێکخەرێ تۆڕا شەمس بۆ ئەڤرۆ نیۆز دیارکر” ئاوارەیێن دەڤەرێن ژ دەستێ داعش ھاتینە رزگارکرن نەشێن ڤەگەڕنم سەر مال و حالێن خوە، ل حەفتیا بۆری کۆنفڕانسەک لدۆر مەترسیێن سەر پێکھاتان ل ھەولێرێ بڕێڤە چوو، ئەگەر زۆرن بۆ ڤێ چەندێ پێکھاتە ھێشتا ھەست ب مەترسیێ بکەن،  بەلێ ئەگەرێن سەرەکی نەبوونا دەلیڤا کاری و ھەبوونا چەند ھێزەکێن جودا ل ئەڤان دەڤەران و نەبوونا ئەمنیەتەکا بھێزە، ئەڤە ژی بوویە رێگر ئاوارە ھێشتا بەرھەڤ نەبن ڤەگەڕنە دەڤەرێن خوە.

رێکخەرێ تۆڕا شەمس ئاشکراکر” ڤەگەڕیانا ئاوارەیان ل دەڤەرەکێ بۆ دەڤەرەکێ جوداھی ھەیە، بۆ نموونە ل قەزا شنگالێ ھێشتا ٨٥%ێ ئاوارە ڤەنەگەڕیاینە ل دەشتا نەینەوا ئامارێن دی ھەنە، بابەتێ نەبوونا خزمەتگوزاریان ئێک ژ ئاستەنگێن ھەمبەر ئاوارەیان و خەلکێ دەڤەرێ ب گشتی یە، چونکو حوکمەت نەشیایە وەک پێدڤی خزمەتگوزاریان بۆ وەلاتیان دابین بکەت.

ھۆگر چەتۆی گۆتژی” ھەبوونا چەند ھێزێن جودا، کو ھەر ئێک ژ وان مەرجەعێ خوە ھەیە کاریگەری لسەر رەوشا دەڤەرێن ئازادکری و پێکھاتەیان پەیداکریە، چونکو ھەبوونا ساترێن سەربازی و رێژەیەکا زۆرا مین و تەقەمەنیان سەقایەکێ وەسا پەیدا کریە وەلاتی دلگرانبن و ھەست ب مەترسیێ بکەن.

ئەڤرۆ نیوز، هۆشەنگ تاجر:

ئەندامەکێ سەرکردایەتیا پارتی دیموکراتی کوردستان/ ئیران بۆ ئەڤرۆ نیوز دیار کر کو کۆمارا کوردستانێ ل دەمێ خوە دا سیستەمەک مودێرن و پێشکەفتی بوو، چونکو وی دەمی سیستەمێ گەلەک وەلاتێن رۆژهەلاتا ناڤین پاشایەتی بوو و کوردان شیان ب سەرۆکاتیا قازی محەمەد وی دەمی پێنگاڤەکا وەسا دیرۆکی بهاڤێژن و کۆمارا کوردستانێ ئاڤا بکەن و گۆت: (راستە ژیێ کۆمارێ کورت بوو، لێ شیا گەلەک گوهۆرینان د جڤاکێ کوردستانێ دا دروست بکەت، هەروەسا کۆمارا کوردستانێ بوو هێڤیەک مەزن بۆ کوردێن هەر چار پارچێن کوردستانێ).

دارا ناتق هەروەسا دیار کر کو کۆمارا کوردستانێ گەلەک سیمبول ل دووڤ خوە هێلان کو هەتا نها ژی کورد شانازیێ پێ دکەن، ئالایێ کوردستانێ یا ل کۆمارا کوردستانێ هاتیە بلندکرن نها ژی بوویە سیمبۆلا هەموو هێزێن کوردی و ژ بەر هندێ ژی ئەز دبێژم کۆمارا کوردستانێ ل مهابادێ شیا وەرچەرخانەکێ د دیرۆکا کوردستانێ دا دورست بکەت و هەتا نها ژی کورد شانازیێ ب کۆمارا کوردستانێ و دەستکەفتیێن وێ دکەن).