ئەڤرۆ، نەوزاد ھلۆری:

پشتی کو ئەڤرۆ نیوز دیمەنێن ئەنجامدانا شەرێ ل زاخۆ و شێلادزێ بەلاڤکری، فەرمانگەھا ژینگەھا دھۆک دو,ڤچون ل سەر بابەتی دەست پێ کر، رێڤەبەرێ فەرمانگەھا ژینگەھا دھۆکێ دیارکر کو شەرێ کەوا و چوو گیانەوەران نابیت بھێتە کرن و ئەنجامدەرێن وان دێ تووشی پێرابوونێن قانوونی بن.

محەمەد تاھر بریفکانی، رێڤەبەرێ فەرمانگەھا ژینگەھا دھۆک بۆ ئەڤرۆ نیوز گۆت: ھەر چەندە ھەتا نوکە چوو کەس و لایەنان سکالا ل سەر شەرێ کەوا نەگەھاندیە مە، لێ ئەم دێ ژلایی َخوڤە دووڤچوونێ ل سەر بابەتی کەین و ئەڤرۆ وێڤە نابیت چوو شەرێن کەوا بھێنە رێکخستن و دێ پێرابوونێن قانونی ھەمبەری وان کەسان گرینە بەر یێن شەری ب کەو یان ھەر گیانەوەر و بالندەیەکێ دی ئەنجام ددەن.

زێدەتر گۆت: ژبلی کو نابیت شەر ب وان بھێتەکرن، دھەمان دەم دا نابیت نێچیرا وان ژی بھێتەکرن، و بەروڤاژی دێ توشی سزایێن دارایی بن، ل سنوورێ پارێزگەھا دھۆک چوو کەسان مافێ ئەنجامدانا نێچیرێ نینە، چونکی ل دھۆکێ چوو سەندیکا نینن کو پەسەندێ بدەنه نێچیرڤانان، نوکە ل ھەولێر و سلێمانی سەندیکا ھەیە و ب گورەی قانوونا ھژمار ٨ یا سالا ٢٠١٨ مەرج و رێنمایان ددەن نێچیرڤانان کو ئەو ژی مولەت بو گرتنا تنێ چەند جورەکێن بالندە و گیانەوەران ھەیە مینا کەو، سیسک، مریشکا ئاڤی، کڤریشک، لێ نابیت ل ١٥/٣ ھەتا ١٥/٩ بھێتەکرن، دیسان نابیت ب وی چەکی بھێنە کوشتن کو گەلەک گولە دەردکەڤن و ب کوم بھێنە کوشتن، نابیت د روژێ دا پتر ژ پێنج کەو یان ئێک ژ وان جورێن بالندەیان بھێنە کوشتن، دیسان ھەر نێچیرڤانەک بو دەما ئێک سال و ئێک جورێ گیانەوەری بتنێ دشێت مولەتێ وەرگریت.

ئەڤرۆ نیوز، مەحمود نھێلی:

قایمقامێ قەزا ئامێدیێ بۆ ئەڤرۆ نیوز دیارکر کو رێکخراوەکا مەسیحیان بەرھەڤیا خوە دیار کریە بۆ دابینکرنا گازا سپی ب سەر ٧٤ قوتابخانێن سنورێ قەزا ئامێدیێ.

ئیسماعیل موستەفا قایمقامێ قەزا ئامێدیێ بو ئەڤرۆ نیوز خویاکر بۆ ھەر قوتابخانەکێ نێزیکی ٦٠٠ لیترێن گازا سپی دێ ھێنە دان .

گۆت : ئەڤرۆ دوشەمبی ٢١/۱/٢٠١٩ فیراس الیاس، نوونەرێ رێکخراوا کابنی یا مەسیحی و شاندەکی د گەل دا سەرەدانا وان کریە و بۆ وان دیار کریە کو دێ گازا سپی بۆ ٧٤ قوتابخانێن قەزا ئامێدیێ دابین کەت.