ئەڤرۆ نیوز، بارزان مزووری:

 ئەندازیار خالد نەرمۆ سەرۆکێ باژێرڤانیا قەزا شێخان بۆ ئەڤرۆ نیوز گوت: (د نھا دا ئەم یێ کاری ل سەر دروستکرنا باخچەکێ مەزن دکەین دناڤ سەنتەری دا لێ بەلێ بۆ تەمامکرنا وی پرۆژەی چاڤەرێی بودجەکێ تایبەت ژلایێ حوکمەتا ھەرێما کوردستانێ ینە هەکە رێکخراوەک ژی داخواز ژ مە بکەت بۆ تەمامکرنا وێ دێ رازی بین، دیزاینەک جوان بۆ ڤی باخچەی ھاتیە کرن بناڤێ”باخچێ شەھیدا” ژ بەر کو وێنە و پەیکەرێن وان شەھیدێن دەڤەرێ یێن شەرێ دژی داعش شەھید بووین دھێن دانان دناڤ ڤی باخچەی دا).

زێدەتر گوت: (دناڤ سەنتەرێ باژێرێ شێخان پارکەک مەزن یا لێ ھەی کو ب پارگا گشتی دھێتە ھژمارتن دگەل چار باخچێن بچووک لێ پارکا شێخان ل سەر رووبەرێ ٤٠ ھزار مەترێن دوجا ھاتیە دروستکرن ژلایێ حوکمەتا ھەرێما کوردستانێ ڤە ژلایێ کەسەکی ڤە ھاتیە کرێدان، د نەخشەی دا جھێن باخچەی ھاتینە دانان بەلێ ژ بەر رەوشا نھا یا ئابووری نەشێین ئاڤاکەین).

ئەڤرۆ نیوز، بارزان مزووری:

د. نارین عومەر رێڤەبەرا ساخلەمیا قەزا بەردەرەش بو ئەڤرۆ نیۆز گوت: (پشتی رێڤەبەریا گشتی یا ساخلەمیا پارێزگەھا دھوک ئەم ئاگەھدار کرین کو ل دووڤ بریارا ئەنجوومەنێ وەزیران بریار ھاتیە دان کو چێنابیت کارمەندێ تەندروستی کارێ فروتنا دەرمانا بکەت ل دەرمانخانەیا ب تنێ بۆ ھندەک کەسێن بسپور یێن ب دەرمانخانەیان ڤە دروستە، ل سنورێ  قەزا بەردەرەش مە  لیژنەک پێکئینا  ب سەرپەرشتیا قائیمقامێ قەزا بەردەرەش دەست ب ھەوا داخستنا وان دەرمانخانەیا کر ئەوێن سنورێ مە مولەت دا وان دەرمانخانێن رێنما لێ دگرن ئەڤرۆ سپێدێ رێککەفتی ٢ کانونا دویێ ٢٠١٩  مولەت ب دوماھیک ھات ژ وان ٧١ دەرمانخانە ل قەزا بەردەرەش ب ئێکجاری ھاتنە داخستن ب تنێ ١٠ دەرمانخانە ماینە ڤەکری ئەوێن سەرپەرشتێ نوژدارێن دەرمانسازی وێ دەرمانخانێ برێڤە ببەت).

ئه‌ڤرۆ نیوز، مه‌حمود نهێلی:

د روودانه‌كا هاتنوچوونێ دا دناڤبه‌را دو ترۆمبێلان دا  ل سه‌ر رێیا دناڤبه‌را ئامێدیێ بۆ سیاره‌تیكا دا نیڤرۆیا ئه‌ڤرۆ 20/1/2019 دو كه‌س بریندار دبن و زیانێن ماددی ژى دگه‌هنه‌ هه‌ر دوو ترۆمبێلان.

نه‌قیب رێبین ئه‌فسه‌رێ پۆلیسێن هاتنوچوونێ ل ئامێدیێ بۆ ئه‌ڤرۆ نیوز دیاركر، كو ئه‌ڤ روودانه‌ د ناڤبەرا دو ترۆمبێلان دا ژ جۆرێن تیوتا پیک ئاب و نیسان تایبەت دا ژ ئەگەرێ دروستبوونا بەستیێ پەیدابوویە و د ئەنجامدا دو کەس برینداربوویە و بۆ نەخۆشخانێ هاتینە ڤەگوهاستن.