ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 20ى كانوونا دويێ 2019ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 100 دولارێ ئه‌مريكى | 120.000 دينار |
| 100 يۆرۆيێ ئه‌ورۆپى | 137.000 دينار |
| 100 ليرێ توركى | 22.000 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
سترانبێژا ناڤدارا كورد نيان عه‌بدولا راگه‌هاند كو ئه‌و مژوولى به‌رهه‌مئينانا سترانه‌كا بادينى يه كو دێ ب زووترين ده‌م كه‌ڤيته به‌ر ده‌ست حه‌زژێكه‌رێن ده‌نگێ وێ.
نيان عه‌بدولايێ ل په‌يجێ خوه يێ تۆڕا جڤاكيا ئينستگرامى بيره‌وه‌ريه‌كا خوه يا به‌رێ سيلێ ل گه‌ل تيپا دهۆك به‌لاڤكريه ل ده‌مێ گۆتنا سترانا “حه‌مك هه‌ى لێ لێ” و ئاشكه‌را كريه كو ل وى ده‌مى خه‌لكى گه‌له‌ك پێشوازى لێ كريه و حه‌ز ژێ كريه و نها ژى ئه‌و مژوولى كاره‌كێ دى يه ل گه‌ل تيپا دهۆك كو هه‌مان تيپ بوو يا “حه‌مك لێ لێ” ل گه‌ل به‌رهه‌ڤ كرى.
ئەڤرۆ نیوز:
ل ماوێ بوری چەندین دەنگوباس ھاتبوونە بەلاڤەکرن ژلایێ رۆژنامەیێن ئورۆپی کو ل دووماھیا ڤی وەرزی ستێرا ھێلا ناڤینا یانا ریال مەدرید و ھەلبژارتیێ کرواتیا لوکا مودرێچ دێ بەر ب یانا ئەنتر میلان ڤە چیت.
مودرێچ دووماھیی داخویانیا خوە پشتی یاریا ئەوان ل گەل سیڤیلیا کو تێدا ب سەرکەڤیتین بۆ رۆژناما موندو دیپورتیپو یا کەتەلونی سەبارەت ئەوان دەنگوباسان دیارکر ئەو نوکە ل گەل یانا خوە ریال مەدرید یێ ئارامە و ھەڤبەستا ئەوی ل گەل وێ یانێ سال و نیڤ ھێشتا ماینە .
ھەردیسان ناڤبری دیارکر ئەوی چ ئاریشە ل گەل یانا خوە ریال مەدرید نین و دڤی دەمی دا ئەوی ھزر ل چوونا چ یانێن دی نەکریە.
ئەڤرۆ نیوز، قائید میرۆ:
بەرپرسەکێ کەرکووکێ ئاشکراکر، جێگیرکرنا ھێزەکا ئەمریکا ل سەربازگەھا کەیوان یا باژێڕێ کەرکووکێ ئێک مەرەمێن ئەڤە رێگری بھێتەکرن نەفتا کەرکووکێ ب قەچاخ نەچیت بۆ وەلاتێ ئیرانێ و دبێژیت، ھەکە عیراق ئەڤان سنووران دەربازبکەت یێن ئەمریکا بۆ دیارکری ئەڤە رازینابیت.
دیاری حسێن، جێگرێ سەرۆکێ جڤاتا سەرکردایەتیا پارتی ل کەرکووکێ بۆ ئەڤرۆ نیۆز دیارکر” ئێک ژ مەرەمێن ئەمریکا بۆ جێگیرکرنا ھێزێن خۆ ل کەرکووکێ بۆ ڤێ چەندێ یە رێگریێ ل دزینا نەفتا کەرکووکێ بھێتەکرن، بتایبەتی بۆ وەلاتی ئیرانێ، ژبەرکو ئەمریکا بڕیار دایە سزایێن ئابوری بسەر ئیرانێ دا بھێنە سەپاندن و رێگری بھێتەکرن ل مامەلەیێن نەفتێ دگەل ئەڤی وەلاتی، ئەمریکا نەڤەشارتیە پێنگاڤا دویێ مایە بۆ سەپاندنا سزایێن سەر ئیرانێ.
دیاری حسێن گۆت ژی” راستە ئەمریکا بخۆ رێکدایە عێراقێ ھندەک مامەلەیێن ھەی دگەل ئیرانێ یا بەردەوامبیت، ئەمریکا یا رازیە لسەر ھندێ عێراقێ ھندەک پەیوەندیێن ئابوری ل بابەتێن بازرگانی و کارەبێ، بەلێ ئەڤێ مۆلەتا ئەمریکاژی بۆ عێراقێ سنورێ خۆ ھەیە، ھەگەر ئەف سنورە بھێنە دەربازکرن ئەڤە ئەمریکا رازینابیت.
ئه‌ڤرۆ نيوز:
سپێده‌هيا ئه‌ڤرۆ رۆژا ئێكشه‌مبى 20ى كانوونا دويێ 2019 ته‌قينه‌كێ ديمه‌شقا پايته‌ختێ سوريا هه‌ژاند و ب گۆره‌ى پێزانينێن ده‌ستپێكى ئه‌ڤ ته‌قينه د رێيا ترۆمبێله‌كا بۆمبه‌كرى بوويه و بريندار هه‌نه.
ئاژانسا فه‌رمى يا حوكمه‌تا سوريا به‌لاڤكر كو ئه‌و ته‌قين وه‌كو كرياره‌كا تيرۆرستى بوويه. هه‌ر ب گۆره‌ى ئاژانسێ بۆمبه‌كا چاندى ل باشوورێ ديمه‌شقێ د هه‌مان ده‌م دا هاتيه ژناڤبرن.
ئه‌ڤرۆ نيوز:
رێڤه‌به‌رێ كۆمپانيا هێلا ئه‌سمانى يا عيراقێ سۆزێ دده‌ت كو ل ده‌مێ ئه‌نجامجدانا گه‌شتێن خوه د ناڤ فرۆكێ دا، ب زمانێ كوردى رێنمايان بۆ سه‌رنشيان بده‌ن.
به‌شير حه‌داد، جگێرێ دويێ يێ سه‌رۆكێ جڤاتا نوونه‌رێن عيراقێ ل گه‌ل عه‌باس ناسر، رێڤه‌به‌رێ كۆمپانيا هێلا ئه‌سمانى يا عيراقێ كۆمبوو و ب گۆره‌ى راگه‌هاندنه‌كا كۆمبوونێ، رێڤه‌به‌رێ هێلا ئه‌سمانى يا عيراقێ سۆز دايه كو د ده‌مێ گه‌شتێن ئه‌سمانى دا مل ب ملێ زمانێ عه‌ره‌بى رێنمايان ب زمانێ كوردى ژى بده‌نه وه‌لاتيان.
به‌شير حه‌داد د وێ كۆمبوونێ دا راگه‌هاند كو هێلا ئه‌سمانى كه‌رته‌كێ زيدى و گرنگه، چونكو وه‌كو خوديكا وه‌لاتى يه، پێدڤيه بزاڤ بهێنه زێده‌كرن بۆ ده‌ستنيشانكرنا كێشه و چاره‌سه‌ريێن پرسێن گرنگ و بجهئينانا پلانا شيره‌تكارى بۆ وێ مه‌ره‌مێ كو هێلا ڤه‌گوهاستنێ يا ئه‌سمانى ل عيراقێ بشێت باوه‌رناما IOSA يا نێڤده‌وله‌تى ب ده‌ست ڤه بينيت.
جێگرێ سه‌رۆكێ جڤاتا نوونه‌رێن عيراقێ داخواز ژ كۆمپانيا هێلا ئه‌سمانى يا عيراقێ كر كو رێنمايان د ناڤ فرۆكێ دا ب كوردى ژى پێش كێش بكه‌ن و پێداچوونێ د هنده‌ك قانوون و بڕياران دا بكه‌ن دا كو بشێن شيانێن هۆنه‌رى و كارگێرى به‌رفره‌هتر لێ بكه‌ن و خزمه‌تگۆزاريان زێده‌تر لێ بكه‌ن.
عه‌باس ناسر، رێڤه‌به‌رێ هێلا ئه‌سمانى يا عيراقێ د كۆمبوونێ دا راگه‌هاند كو پێدڤيه هنده‌ك قانوون و بڕيار بهێنه راستڤه‌كرن دا كو شيانێن هۆنه‌رى و كارگێرى به‌فره‌هتر لێ بكه‌ن و خزمه‌تان زێده بكه‌ن.
رێڤه‌به‌رێ هێلا ئه‌سمانى يا عيراقى ره‌زامه‌ندى ده‌ربڕيه بۆ زێده‌كرنا زمانێ كوردى، گۆتيه: “كۆمپانيا يا رژده ل سه‌ر بجهئينانا هه‌موو مه‌رجان بۆ ڤه‌گه‌ريانا ئه‌ندامه‌تيا ته‌مام د ئێكه‌تيا نێڤده‌وله‌تى يا ڤه‌گوهاستنا ئه‌سمانى IATA كو ب زنجيرا ڤه‌گوهاستنا ئه‌سمانى يا بازرگانى دهێته ب ناڤكرن”.
ئه‌ڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا دوشەمبی رێکەفتی 20ی کانوونا دويێ 2019ێ ئەسمان دێ ئه‌وره‌كێ ناڤه‌ندى بيت.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دهێته پشبينيكرن ئه‌سمان ئه‌وره‌كێ ناڤه‌ندى بيت.
پشکا پێشبینیان دایە زایە زانین کو دێ لەزاتیا بایی د ناڤبەرا 5 ھەتا 15کم دا و ماوێ دیتنێ ژی دێ د ناڤبەرا 9 بۆ 10کم دا بیت، پلێن گەرمێ ژی دێ د ناڤبەرا 0 بۆ 10 پلان دا بن.
ئەڤرۆ نیوز:
بریارە ئەڤرۆ سێ یاری ژ قوناغا ١٦ یا قارەمانیا ئاسیا یا تەپا پێ ل سەر ئاستێ ھەلبژارتیان بھێنەکرن .
ل یاریا ئێکێ ھەلبژارتیێ ئوردون سەرکێشا کوما ئێکێ دێ ل گەل ھەلبژارتیێ ڤێتنام کەت ئەوە وەکو باشترینا رێزا سیێ ل کوما چارێ دەربازبووی کو بریارە ئەڤ یاری یە ل دەمژمێر دوی پشتی نیڤرو بھێتەکرن ، کو ھەردو ھەلبژارتیی بەری نوکە دو جاران د مێژویا خوە دا ھەمبەری ئێک بووینە ئەوژی ل ڤاڤارتنێن دەربازبوونێ بوو قارەمانیا ئاسیا یا نوکە بوون کو ل یاریا ئێکێ ل ١٣-٦-٢٠١٧ بوو ل یاریا دوێ ٢٧-٣-٢٠١٨ کو ھەردو یاری ب وەکھەڤی ب دووماھیی ھاتبوون.
ل یاریا دوێ ھەردو ھەلبژارتیێن چین و تایلەند دێ ھەمبەری ئێک بەن ل دەمژمێر پێنچ ئێڤاری کو ھەردو ھەلبژارتیا بەری نوکە ١١ جاران د مێژویا خوە دا ھەمبەری ئێک بووینە کو مێژو د بەرژوەندیا ھەلبژارتیێ چینێ دایە شەش جاران شیا سەرکەفتنێ توماربکەت بەرامبەر سێ سەرکەفتنا بوو ھەلبژارتیێ تایلەند ل گەل دو وەکھەڤیا و یاریزانێن ھەلبژارتیێ چینێ ٢٢ گول تومارکرینە بەرامبەر یێن تایلەند ١٠ گول تومارکرینە و ئێکەم یاری دناڤبەرا ھەردو ھەلبژارتیان دا ل سالا ١٩٨٨ بوو ل ڤاڤارتنێن قارەمانیا ئاسیا کو ھەلبژارتیێ چین ب سەرکەفت بوو ٥ گولان بێ بەرامبەر و ل دووماھیی یاری ژی ھەلبژارتیێ چین ب سەرکەفت بوو ل سەر ھەلبژارتیێ تایلەند ب دو گولان بێ بەرامبەر ل ٢-٦-٢٠١٨ ل یاریەکا ھەڤالینی .
ل یاریا سێ ھەلبژارتیێ ئیران کو ئێک ژ بەربژارێن ب ھێزە بوو برنا قارەمانیێ بریارە ل گەل ھەلبژارتیێ عمان بکەت ل دەمژمێر ھەشت شەڤ کو مێژویا یاریێن ئەڤان ھەردو ھەلبژارتیا بوو بەری ٢٦ سالان ڤەگەریت کو وی ماوەی دا ١١ یاری بەرامبەر ئێک کرینە کو ٥ جاران ئیران شیا سەرکەفتنێ توماربکەت بەرامبەر چار وەکھەڤیا ل گەل دو سەرکەفتنا بوو ھەلبژارتیێ عمان کو ل دووماھیی حەفت یاری ھەر ھەلبژارتیەکی دو سەرکەفتن تومارکرینە و ل گەل سێ وەکھەڤیا .
ئه‌ڤرۆ نيوز:
نه‌جمه‌دين كه‌ريم ئه‌ندامێ به‌رێ يێ مه‌كته‌با سياسى يا ئێكه‌تى نشتيمانى كوردستان راگه‌هاند كو ئه‌وى چو په‌يوه‌ندى ب ئێكه‌تيێ ڤه نه‌مايه.
نه‌جمه‌دين كه‌ريم، پارێزگارێ شه‌رعى يێ كه‌ركووك د به‌رنامه‌يه‌كێ تله‌ڤزيۆنى دا ل كه‌نالێ رووداو، راگه‌هاند كو ئه‌وى چو په‌يوه‌ندى ب ئێكه‌تى نشتيمانى كوردستان ڤه نه‌مايه.
پشتى خيانه‌تا 16ى ئوكتوبه‌رێ نه‌جمه‌دين كه‌ريم كه‌ركووك بجهـ هێلا و رازى نه‌بوو ب وێ خيانه‌تا ئێكه‌تيێ ل دژى كوردستانيێن كه‌ركووك و وى باژێرى كرى و به‌حس ل وێ چه‌ندێ دهێته كرن كو هێلانا وى باژێرى ژى ژ لايێ پارێزگارێ شه‌رعى ڤه ژ به‌ر وێ چه‌ندێ بوويه كو پلانا كوشتنا وى هاتبوو دارێتن.
نه‌جمه‌دين كه‌ريم ئێك ژ كه‌ساتيێن ديارێن كوردستانى نه يێن كار ژبوو سه‌رخستنا ريفراندۆما سه‌ربه‌خۆيا كوردستانێ كرى ب تايبه‌ت ل پارێزگه‌ها كوركووكێ و ل ده‌مێ خيانه‌تا 16ى ئوكتوبه‌رێ ژى داخواز ژ وه‌لاتيان دكر كو پارێزگه‌ها كه‌ركووك چوول نه‌كه‌ن و ل دژى هێزێن حه‌شدا شه‌عبى و سۆپايێ عيراقێ ب راوه‌ستن، به‌لێ ژ به‌ر خيانه‌تا ئێكه‌تى نشتيمانى كوردستان نه‌شيان ڤێ چه‌ندێ ئه‌نجام بده‌ن و ب نه‌چارى كه‌ركووك ب جهـ هێلا.
ئەڤرۆ نیوز:
ژنه‌كێ قه‌ستا بازاری كر و كه‌رسته‌یه‌كێ پاقژكه‌ر كری داكو هه‌موو كوژیێن مالێ پێ پاقژ بكه‌ت، ژبه‌ركو وێ باوه‌ری ب وی كه‌رسته‌ی هه‌بوو، رابوو هنده‌ك ژێ كره د ئامانه‌كی دا و دانا د لێنانگه‌ها مال ڤه و ئه‌ڤ چه‌نده نه‌گوته هه‌ڤژینێ خۆ، ده‌مێ هه‌ڤژینێ وێ تێهنی بووی رابوو ئێكسه‌ر ئه‌و ئامان دانا سه‌ر ده‌ڤێ خۆ داكو ئاڤێ ژێ ڤه‌خووت، ئێكسه‌ر وی زانی ئه‌ڤه نه ئاڤه و ژ ده‌ڤێ خۆ هاڤێت و ده‌مێ كه‌تیه ل سه‌ر كواشیێ عه‌ردی دووكێل ژ كواشی چوو، ئینا داخواز ژ هه‌ڤژینا خۆ كر زووكا بۆ هنده‌ك ماستی بینیت و ئه‌وی پتر ژ كیلو و نیڤێن ماستی ڤه‌خوارن، و پاشی قه‌ستا په‌یمانگه‌ها ژه‌هراویبوونێ كرن و پروفیسوره‌ك ل وێرێ بوو گوته تیماركارێ زووكا هنده‌ك ماستی بینه، هه‌ڤژینێ ژنێ گوته وی من ماست یێ خوارێ، پروفیسوری گه‌له‌ك مه‌دحێن وی كرن و گه‌له‌ك كه‌یفا وی هات كو وی زه‌لامی ماست خواری و گوتێ گه‌له‌ك كه‌سێن دهێنه ده‌ڤ مه ئه‌ڤ پێزانینه نینن، و گوتێ ماست رادبیت ب له‌زئێخستنا كارێ مه‌عیدێ و شوونوارێن كه‌رستێن ب زیان ناهیلیت، هه‌روه‌سان گوتێ ژی هه‌ر ده‌مێ مرۆڤه‌كی كه‌رسته‌كێ پاقژكه‌ر ب خه‌له‌تیڤه داعوورا، دڤێت ئێكسه‌ر ماستی بخۆت، پروفیسوری پێزانینه‌كا دیتر ژی گوتێ، ئه‌وژی هه‌ر ده‌مێ مرۆڤی كه‌رسته‌یه‌كێ پترولی وه‌كو گازێ یان پانزینێ ب خه‌له‌تیڤه خوار نابیت چ تشتا ب كاربینیت بۆ سڤككرنا وی، هه‌روه‌سا نابیت مرۆڤ دلێ خۆ راكه‌ت ژبه‌ركو ئه‌و كه‌رسته دێ بلندبیته كه‌وریا مرۆڤی و جاره‌كا دی دێ به‌لاڤ بیته‌ڤه، ل وی ده‌می هشیاربه چ تشتا نه‌خوو و زویكا خۆ ب نوشداره‌كی را بگه‌هینه.
ژێدەر/ نۆش نیوز
نيشاندان