ئەڤرۆ نیوز:
ستێرا ئەرژەنتینی و یانا بەرشەلۆنا لیونێل میسی پشتی ل یاریا شڤێدی یا یانا خوە ژ قارەمانیا کاسا ئیسپانیا شیای گولەکێ توماربکەت شیا ھژمارا گولێن خوە د وێ قارەمانیێ دا ب گەھینتە ٤٩ گولان و نمرا چیڤانوکا یانا بەرشەلۆنا یێ ھنگاری کوبالا وەکھەڤ بکەت .
ھەژی گوتنێ یە ھەردو یاریزان میسی و کوبالا نوکە ل رێزا دوێ دھێت وەکو گولکەرێن مێژوی یێن یانا بەرشەلۆنا د قارەمانیا کاسا ئیسپانیا دا و ستێرا بەرێ یا یانا بەرشەلۆنا سامیتییر ل رێزا ئێکێ دھێت ب تومارکرنا ٦٤ گولان.
ئه‌ڤرۆنيوز، عه‌زيز هه‌ورامى:
زڤستانا ده‌ڤه‌را هه‌ورامان گه‌له‌ك يا ساره ول گوند وچيايێن وێ رێژه‌كێ مه‌زن يا به‌فرێ دباريت، هه‌وراميان خوارنه‌كا تايبه‌ت يا هه‌ى ل وى وه‌رزى كو ژ باب وباپيرێن خوه وه‌رگرتيه.
فاتمه كه‌ريم، ژنه‌كا دانعه‌مر يا هه‌وره‌مانى يه بۆ ئه‌ڤرۆنيوز گۆت” ژ باب وباپيرێن مه، ل هه‌ورامانێ خورانا خۆمالى يا خێزانان هه‌بوو، ل هه‌ر وه‌رزه‌كێ سالێ خوارنا تايبه‌ت ب خوه دهێته به‌رهه‌ڤكرن، بۆ وه‌رزێ سه‌رمايێ وسه‌قايێ به‌فرين شه‌له‌مين ودوينێ ب رۆن ودوشاڤا توويا يا خومالى دهێته به‌رهه‌ڤكرن”.
گۆت ژى” خوارنا دوينێ پێك دهێت ژ نۆك ورۆنێ خۆمالى ودوشاڤا توويان، شله‌مين ژى باده‌م وعه‌لى بابا وكلگلێن گيزا وگوشتێ سوور وكشمش پێك هاتێن وێ نه كو تامه‌كا تايبه‌ت يا هه‌ى”.
دياركر” خه‌لكێ هه‌ورامانێ ل شه‌ڤێن زڤستانێ گووز وتوى وهژيرێن هشككرى ومێويژان وچه‌ندين خوارنێن دى كو به‌رهه‌مێ ره‌زێن وانه بۆ وه‌رزێ زڤستانێ هه‌لدگرن”.
ئەڤرۆ نیوز:
پشتی بەری نوکە ١٤ ھەلبژارتیا دەربازبوونا خوە بوو قوناغا ١٦ مسوگەر کری و د یاریێن ئەڤرۆ یێن گەرا سیێ دا بریارە دو ھەلبژارتیێن دی پلێتا ١٥ و شازدێ مسوگەر بکەن.
ھەلبژارتیێ عمان شیا پلێتا ژمارە ١٥ یا دەربازبوونێ بوو قوناغا ١٦ مسوگەر بکەت پشتی شیای سەرکەفتنەکا ب زەحمەت ل سەر ھەلبژارتیێ تورکمانستان توماربکەت ب سێ گولان بەرامبەر گولەکێ کو ھەردو ھەلبژارتیی د وەکھەڤبوون ھەتا شەش خولەکێن جووماھیێ لێ پشتی خولەکا ٨٤ ھەلبژارتیێ عمان شیا دو گولان ل دیڤ ئێک توماربکەت و دەربازبوونا خوە وەکو باشترینا رێزا سیێ مسوگەر بکەت .
ھەژی گوتنێ یە ھەتا نوکە ١٥ ھەلبژارتیا دەربازبوونا خوە بوو قوناغا ١٦ مسوگەر کریە ئەوژی .
کوما ئێکێ ھەلبژارتیێ ئیمارات ل رێزا ئێکێ ب ٥ خالان و تایلەند ل رێزا دوێ ب چار خالان و بەحرێن وەکو باشترینا رێزا سیێ ب چار خالان.
کوما دوێ ھەلبژارتیێ ئوردون ل رێزا ئێکێ ب حەفت خالان ئوسترالیا ل رێزا دوێ ب شەش خالان
کوما سیێ کوریا باشور وەکو سەرکێشا کومێ ب ٩ خالان و ھەلبژارتیێ چین ل رێزا دوێ ب شەش خالان و ھەلبژارتیێ قیرغستان وەکو باشترینا رێزا سیێ ب ٣ خالان.
کوما چارێ ھەلبژارتیێ ئیران ل رێزا ئێکێ ب حەفت خالان و عیراق رێزا دوێ ب ھەمان خال کێمتر گولان .
کوما پێنجێ سعودی و قەتەر و بریارە پشتی دەمەکێ دی ھەردو ھەلبژارتیی بوو دەست نیشانکرنا سەرکێشا کومێ یاری ل گەل ئێک بکەن
کوما شەشێ یابان وەکو سەرکێشا کومێ ب ٩ خالان و ئوزباکستان شەش خالان ل رێزا دوێ و عمان وەکو باشترینا رێزا سێ دەربازبوو ب سێ خالان.
ئەڤرۆ نیوز، عەلی حاجی :
ئەڤرۆ ل روژا پێنچ شەمبێ ١٧/١/٢٠١٩ ناڤەنا بالا ل زاخۆ یا ( ی . ل . د . ک ) رابون ب ڤەکرنا حەفت خولێن فێرکرنێ و پێشانگەھەکا شێوەکاری کو تێدا ٤٠٠ گەنجان ژ کور و کچان ل زاخۆ پشکدار بون .
ل دور ڤەکرنا ڤان خولان حکمەت محەمەد بەرپرسێ ناڤەندا زاخۆ بۆ ئەڤرۆ نیوز گۆت: ئەڤ خولە د بیاڤێن وەرزشی و پیشەی و ھونەری دا بوون ھەموو بێ بەرامبەر بون بۆ کەسانێن پشکدار کو تێدا زێدەتر ٤٠٠ کەسان ناڤێن خوە تومار کر بوون ژ کچ و کورا، ئەڤ خولە دێ بۆ ماوێ ١٥ رۆژان یا بەردەوام بیت و ل دووماھیێ دێ باوەرنامێن پشکداریێ ژی ل سەر ھەموو پشکداران ھێنە بەلاڤ کرن.
ناڤھاتی زێدەتر گۆت: بۆ ئێکەم جارە خولێن ب ڤی رەنگی بەفرەە ژلایێ ناڤەندا مەڤە دھێنە ڤەکرن و ئارمانجا مە ئەوە زێدەتر گەنجێن مە مفای ژڤان خولان بین و دەلیڤێن کاری ب خوە پەیدابکەن چونکی زێدەتر مە گرنگی ب خولێن پیشەی دایە و ھەر دیسان وەکو پشتەڤانی بۆ کچەکا شێوەکار ل زاخۆ مە ٢٦ تابلوێن شێوەکاری ل دەست پێکا ڤان خولان دا نمایشکرن.
ئەڤرۆ نیوز:
تیما تەپا پێ یا یانا زێرەڤانی جارەکا دی مفا ژ یاریگەھا خوە نەدیت و بەردەوامی دا ئەنجامێن خوە یێن نە باش پشتی ئەڤرۆ ل یاریگەھا خوە وەکھەڤ بووی ل گەل یانا دەربەندیخان ب گۆلەکێ ژ چارچوڤێ یاریێن گەرا ١٣ یا خولا ھەرێما کوردستانێ یا تەپا پێ.
د نیڤا ئێکێ دا یانا زێرەڤانی گۆلا پێشکەفتنێ ب رێکا یاریزانێ خوە نیاز مەغدید تومارکر و نیڤا ئێکێ ب ڤی ئەنجامی ب دووماھی ئینا.
د نیڤا دویێ دا ھەردو یانا بەردەوامی دا ھێرشێن خوە لێ چو ژ ئەنجامێ یاریێ نە ھاتە گوھۆرین ھەتا دووماھیا یاریێ یانا دەربەندیخان شیا گۆلا وەکھەڤیێ توماربکەت و یاریێ ب وەکھەڤی ب دووماھی بینت.
ب ڤی ئەنجامی زێرەڤانی ھژمارا خالێن خوە گەھاندنە ١٨ خالان و بەروەخت ما ل جھێ خوە رێزا حەفتێ د رێزبەندا خولێ دا.
ئەڤرۆ نیۆز، قائید میرۆ:
دکتۆر خالس قادر، پەیڤدارێ وەزارەتا ساخلەمیا حوکمەتا ھەرێما کوردستانێ بۆ ئەڤرۆ نیۆز دیارکر” ل ھەرێما کوردستانێ دو حالەتێن پەرسیڤا بەرازان ھاتینە تۆمارکرن و پشتی کو پشکنین بۆ ھاتیەکرن ئێک ژوان ھاتیە پشتڕاسترکرن و یێ دیژی نیگەتیف دەرچوویە، ئانکو تنێ کەسەک تووشی ڤێ نەخوشیێ بوویە، ئەو ژی چارەسەری بۆ ھاتیەکرن و چو مەترسی ل سەر ژیانا وی نەماینە.
پەیڤدارێ وەزارەتا ساخلەمی گۆتژی” پەرسیڤا بەرازان کو ب ڤایرۆسا ئێچ وەن ئێن وەن دھێتە نیاسین بۆیە ڤایرۆسەکا وەرزانە و بەری نوکە چارەسەری نەبوون ژلایێ زانستی ڤە، لێ نوکە چارسەری بۆ ھاتینە دیتن.
دکتۆر خالس قادر ئاشکرا کر” وەزارەتا ساخلەمی ھەموو رێو جھێن پێدڤی گرتینەبەر بۆ رێگری کرنێ ل بەلافبوونا پەرسیڤا بەرازان و د دەمێ نوکەدا چو مەترسی ل سەر وەلاتیێن ھەرێما کوردستانێ نەماینە، ھەگەرپەیدابو چارەسەری دێ بۆھێتەکرن.
ئەڤرۆ نیوز، نەوزاد ھلۆری:
شەڤانە ل ھەردوو چیایێن لینک و مەتینی پتری ٣٠٠ لایتێن نێچیرڤانێن کوڤیان ب تایبەتی یێن کوشتنا کەوا دھێنەدیتن، ھەتا نوکە ژینگە و جھێن شولەژێ چوو پێرابوون ھەمبەری وان نەکرینە، رێڤەبەرێ فەرمانگەھا ژینگەھا دھۆک دیارکر کو ل سنوورێ پارێزگەھا دھۆک چوو کەسان مولەتا نێچیرێ نینە و ھەرکەسێ بچیتە نێچیرێ و بھێتەگرتن ب گورەی جورێ کوڤی دێ ھێتە سزادان کو ئەو ژی ١٠٠ ھزار دینار بۆ ١٠ ملیۆن دینارە.
محەمەد تاھر بریفکانی، رێڤەبەرێ فەرمانگەھا ژینگەھا دھۆک بۆ ئەڤرۆ نیوز گۆت: چوونا نێچیرێ ل ھەموو کوردستانێ ب گورەی ھەند مەرجان ھاتیە دیارکرن، بەروڤاژی ھەرکەسێ بچیتە نێچیرێ دێ پێرابوونێن قانوونی ھەمبەری وان ھێنە وەرگرتن، نوکە ل سنوورێ پارێزگەھا دھۆکێ چوو کەسان مافێ نێچیرێ نینە، چونکی ل دھۆکێ سەندیکا نێچیرڤانان نینە کو پشتگیریێ بدەت نێچیرڤانان داکو ئەم ژی مولەتێ بدەینێ، مولەتا نێچیرێ ل ١٥/٩ دەست پێ دکەت و ل ١٥/٣ دووماھی دھێت و ژبلی ئەڤی ژڤانەی د وەختێن دی دا نابیت نێچیر بھێتەکرن، ھەر کەسەکێ ماف ھەیە پشتی مەرج و رێنمایان بتنێ بۆ ئێک جورێ کوڤی نێچیرێ بکەت و نێچیر نابیت ب کوم بھێتەکرن و نابیت ب کارەبێ بھێتەکرن و نابیت ژ پێنج کەوا بۆ نموونە زێدەتر بھێنە کوشتن و نابیت ب داڤ بھێنەگرتن و نابیت ب تڤەنکێ بھێنە کوشتن و نابیت ئەو جورێ چەکی بھێتە بکارئینان کو گەلەک گولە پێکڤە دەردکەڤن.
زێدەتر گۆت: (چوار جورێن گیانەوەران دروستە بھێنە نێچیرکرن کو ئەو ژی کەو و سیسک و مریشکا کیڤی و کڤریشکن، بەلێ ب گورەی رێنما و مەرجێن لسەری ھاتینە بەحسکرن، دیسان گیانەوەر و بالندەیێن زیاندار دروستە بھێنە نێچیرکرن ئەو ھەتا مەترسی لسەر مولک و بیستان و سامانێ وان ھەیی بو نمونە بەرزا ئاژەلەکێ زیاندارە بو بیستان و چاندنێ ئەگەر بھێتە کوشتن تا زیان لسەر وان رابیت ل وی دەمی دروستە).
رێڤەبەرێ فەرمانگەھا ژینگەھا دھۆک دیارکر ژی کو پێدڤی یە پولیس و ھێزا پێشمەرگێ پاراستنا ژینگەھێ زێدەتر چاڤدێریێ لسەر وان کەسان بکەن یین دچنە نێچیرێ و زێدەتر گۆت: (نەبوونا پاداشتا بو فەرمانبەر و کارمەندێن ژینگەھی بویە ئەگەر کو ژبلی دەواما فەرمی دەرکەفتنا مەفەرزان نەبیت، و پرانیا نێچیرڤانان ژی پشتی دەواما فەرمی دچن نێچیرێ، بو نەھێلانا نێچیرێ ب تایبەتی ل دەڤەرێن چیایی و سنووری، ئەم دێ زێدەتر دوڤچونێ کەین و ھەموو سەرپێچیکەران سزا دەین کو ئەو ژی بۆ گرتنا کەوێ ١٠٠ بو ١٥٠ ھزار دینار سزایە، ئەگەر نێچیرڤان نەبیت و ژ مەرج و رێنمایان دەرکەڤ، بو گیانەوەرێن دن ژی ب گورەی جورێ وان دمینیت کو ئەو ژی ١٠٠ بو ١٠ ملیون دینارە).
بریفکی دیار کر ژی کو دێ لژنەکا تایبەت ژلایێ فەرمانگەھا ژینگەھا دھۆک ھێتە دروستکرن بو زێدەتر دوڤچون لسەر نێچیرێ و دێ بریار ژلایێ لژنێ دەرکەڤن بو گرتنەبەرا پێرابوونێن قانونی دژی سەرپێچیکەرێن نێچرێ و گوت ژی: (ھەتا نوکە چوو کەس و لایەنان سکالا لسەر چونا نێچیرێ ل دێرەلووکێ نەکرینە، مە چوو فەرمانبەر و مەفرەزە نینن کو پشتی دەواما فەرمی ل وان دەڤەران خوەجھـ ببن، بەلێ ئەڤرۆ وێڤە دێ زێدەتر چاڤدێری لسەر وان دەڤەران و دەڤەرێن دن ژی ھێتەکرن داکو ژینگەھەکا باشتر بو کوڤیان ب تایبەتی کەوا بھێتە دابینکرن).
ئەڤرۆ نیوز:
یانا چێلسی یا ئنگلیزی ب فەرمی گەھشتنە رێککەفتنێ ل گەل یانا بوڤانتوس یا ئیتالی بوو ڤەگوھاستنا یاریزانەکێ وێ ل ڤەگوھاستنێن نوکە ھەتا دووماھیا ڤی وەرزی.
مالپەرێ سکای سپورت یێ ئیتالی دیارکریە یانا چێلسی یا ئنگلیزی رازەمەندیا یانا یوڤانتوس ب فەرمی وەرگرتی یە بوو ڤەگوھاستنا ھێرشبەرێ وێ یێ ئەرژەنتینی ھیگواین ئەوێ نوکە یاریێ ل یانا میلان یا ئیتالی کەت ب شێوەی خواستن .
ھەردیسان وی مالپەری دیارکریە ژی ھەردو یانە نوکە چاڤەرێ بەرسڤا دووماھیێ يا یانا میلان ژبەرکو یوڤانتوس ئەو یاریزان ب شێوەیێ خواستن ھەتا دووماھیا ڤی وەرزی دایە میلان و وێ یانێ ژی مافێ بریارێ ھەیە لێ ل دیڤ ژێدەرێن نێزیکی یانا میلان ئەو دێ ل سەر چوونا ھیگواین رازی بەن ژبەرکو ھەتا نوکە ئەو یاریزان نەشیا وی ئاستێ پێدڤی ل گەل وێ یانێ پێشکێش بکەت.
ھەژی گوتنێ یە ھەکە ئەڤ ڤەگوھاستنە ب سەرکەفت دێ بیتە بوو جارا دوێ ھیگواین ل بن سەرپەرشتیا ماورو ساری یاری دکەت کو جارا ئێکێ ل یانا ناپولی بوو دخۆلا ئیتالیا دا.
ئەڤرۆ نیوز:
ستێرا پورتوگالی و یانا یوڤانتوس پشتی شڤێدی شیای سەرکێشیا یانا خوە یوڤانتوس بکەت بوو برنا ناسناڤێ ھەشتێ یێ کاسا سوپەرا ئیتالی د مێژویا وێ یانێ دا ئەو یاریزان شیا نمرەکا دی ل سەر مێژویا خوە یا وەرزشی زێدە بکەت .
رونالدو بوو یاریزانێ ئێکێ د مێژویا خولێن ئورۆپی دا بشێت ل گەل ئەوان ھەموو یانێن یاری بوو کری قارەمانیا سوپەرا ئەوان وەلاتان ب دەستخوڤە بینت پشتی بەری نوکە ل گەل یانا سپورتینگ لەشبونا ل سالا ٢٠٠٢ ب دەستخوڤە بری و ل گەل یانا مانچێستەر یوناید ٢٠٠٧ و ل گەل یانا ریال مەدرید ل ھەردو سالێن ٢٠١٣ و ٢٠١٧ و ل گەل یانا یوڤانتوس سالا ٢٠١٩.
ئه‌ڤرۆ نیوز، نه‌وزاد هلۆرى:
سه‌نته‌رێ میترو بۆ داكوكیكرن ژ مافێن رۆژنامه‌ڤانان د كونگره‌یه‌كێ رۆژنامه‌ڤانى دا ئامارا سالا بورى یا بنپێكرنێن هه‌مبه‌رى رۆژنامه‌ڤانان به‌لاڤكرن كو ئه‌و ژى نێزیكێ 350 بنپێكرنان بوون.
ب گه‌رى داتایێن سه‌نته‌رى َناڤبرى ل سالا بورى دا 264 سكالا ل سه‌نته‌رێ وان هاتینه توماركرن، ئه‌و سكالا ژى لسه‌ر 349 جهێن جوراوجور هاتینه‌كرن كو جوره‌ك ژ جورێن بنپێكرنان هه‌مبه‌رى رۆژنامه‌ڤان و ده‌زگه‌هێن راگه‌هاندنێ هاتینه‌كرن كو ئه‌و ژى 57 هه‌ره‌شه‌وه سفكاتى، 24 رۆژنامه‌ڤان بێ بریارا دادگه‌هێ هاتبونه گرتن، كه‌لوپه‌لێن سێ رۆژنامه‌ڤانان ژى هاتینه شكاندن، 13 رۆژنامه‌ڤان ژى هاتینه قوتان، كه‌ناله‌ك هاتیه سوتن، 188 جاران رێگرى ل كارێ رۆژنامه‌ڤانان هاتیه‌كرن و جوداهى دناڤبه‌را ده‌زگه‌هێن راگه‌هاندنێ هاتینه‌كرن، په‌خشێ پێنج كنالان ژى هاتیه راگرتن، كه‌لوپه‌لێن 26 رۆژنامه‌ڤانان ژى هاتبونه‌گرتن، ته‌قه ل مالێن سێ رۆژنامه‌ڤانان هاتیه كرن، 12 رۆژنامه‌ڤان هاتینه برینداركرن و 17 رۆژنامه‌ڤان هاتینه گرتن ب بریارا دادگه‌هێ كو ده‌رڤه‌یێ قانونا كارێ رۆژنامه‌ڤانیێ بوو.
نيشاندان