ئەڤرۆ نیۆز:
پشتی چەندین رۆژان ژ خوەنیشادانان ل فرەنسا و ب تایبەتی ژی ل پاریس ل دژی بریارا زێدەکرنا بهایێ سوتەمەنیێ دەمەکێ بەری نها سەرۆک وەزیرێن فرەنسا ئیدوارد فیلیپ راگەهاند کو بریارا زێدەکرنا سوتەمەنیێ هاتیە راگرتن و گۆت: (دێ پێداچوونا ڤی بابەتی کەین و هەر کەسەکێ ئالۆزی دروست کربیت دێ ل گۆر قانوونان هێتە سزادان).
هەژی ئاماژەپێدانێ یە کو ژ بەر زێدەکرنا بهایێ سوتەمەنیێ ل فرەنسا چەندین رۆژان خوەنیشادان ل دژی حوکمەتێ هاتنە کرن و ب سەدان کەس هاتنە دەستەسەر کرن.
ئەڤرۆ نیۆز، هۆشەنگ تاجر:
فەرهاد محەمەد ئەندامێ رێکخراوا مافێ مرۆڤی لقێ عەفرینێ بۆ ئەڤرۆ نیۆز دیار کر کو ئەڤرۆ گرۆپێن چەکدار ل عەفرینێ خالد خەلیل جوتیارەکێ کورد کو ب ترۆمبێلا خوە بەرهەمێن خوە بربوو دا بفرۆشیت، لێ د رێکێ دا گرۆپێن چەکدار ب زۆرێ ددەنە راگرتن و داخوازا پارەکێ زۆر ژێ دکەن، لێ ناڤهاتی رەت دکەت وی پارەیی بدەت و ژ بەر هندێ ژی جوتیارێ کورد رەڤاندینە و هەتا نها ژی چارەنڤیسێ وی دیار نینە.
ناڤهاتی ئەو یەک ژی دیار کر کو پشتی عەفرین ژ ئالیێ تورکیا ڤە هاتیە داگیرکرن رۆژانە زۆلم و زۆرداری ل جوتیارێن کورد دهێتە کرن و ئاکنجیێن عەفرینێ ژ سەرەدەریا چەکداران بێزار بووینە.
ئەڤرۆ نیۆز، هۆشەنگ تاجر:
مامۆستایەکا کوردی ب ناڤێ خانم زورنیە کو ئاکنجیا تەهرانێ یە ب سالانە ب جلکێن کوردی وانان بۆ قۆتابیێن پۆلا شەشێ دبێژیت و رۆژانە ب جلکێن کوردی دچیتە قۆتابخانێ و ژ بەر هندێ ژی میدیایێن ئیرانێ بەحسێ وێ دکەن.
مامۆستا خالد وەلی زادە کو د هەمان قۆتابخانێ دا وانان دبێژیت بۆ ئەڤرۆ نیۆز دیار کر کو خانم ئێکە ژ مامۆستایێن سەرکەفتی و قۆتابیێن وێ رێزەکا تایبەت لێ دگرن ئەو گەلەک جاران ب جلکێن کوردی دهێتە قۆتابخانێ و هەتا نها ژی چو ئاستەنگی بۆ وێ نەهاتینە دروست کرن.
ئەڤرۆ نیۆز، نەوراد هلۆری:
وەزارەتا دارایی یا حوکمەتا هەرێما کوردستانێ خویکا وەرگرتی یا لسەر جگاران دێ ب رێژا 100٪ زێدە کەت، خوەدانێ بازارەکێ کومفرۆشیا جگاران ل شێلادزێ دیارکر کو ئەڤ یەک ژی دێ بیتە ئەگەر کو جگارە گران بیت.
ب گورەی راگەهاندنەکێ کو پشکا راگەهاندن و پەیوەندیان یا سەر ب رێڤەبەریا گشتی یا گومرکان ل وەزارەتا دارایی و ئابووریا یا هەرێما کوردستانێ بەلاڤکریە، رێژا خویکا وەرگرتی یا سەر جگارێن هاواردە دێ 100٪ زێدە بیت.
حسێن فازل، خوەدانێ ئێک ژ بازارێن فرۆتنا ب کوم یا جگاران ل شێلادزێ بۆ ئەڤرۆ نیۆز گۆت: (ئەڤ بریارا وەزارەتا دارایی ئەرێنی و نەرێنی هەنە، ئەرێنی ئەوە کو دبیت رێژا کێشانا جگاران کێم بیت و بەرهەمێ ناڤخوە بەر ب پێشڤە بچیت، بەلێ نەرێنی ئەوە کو دێ بهایێ جگاران گەلەک گران بیت ب تایبەتی ل سەر جگارێن ئورۆپی و ئەمریکی کو پرانیا بازارێن هەرێما کردستانێ ئەڤ جورێ جگارە لێ هەنە).
زێدەتر گۆت :(ب چو شێوەیان جگارێن ئیرانی و پشکەکا تورکی گران نابیت ژ بەر کو ئەو سنوردارن ل گەل هەرێمێ، رەنگە ب رێیێن قاچاخ بهێنە ناڤا هەرێمێ).
ناڤبری دیار کر ژی کو قەیرانا داراریی کارتێکرنەکا زۆر لسەر بازارێ جگاران کریە و گۆت ژی : (بهایێ جگاران چەند گران بیت دێ جگارکێش هەر کێشن، ژ بەر ڤێ پێدڤیە پێداچوون د ڤێ بریارێ دا بهێتەکرن).
راگەهاندنا وەزارەتا دارایی ب هژمار 18974 ل رۆژا 28 چریا دویێ 2018 دەرچوویە، دێ روژا 28 شوبات 2019 کەڤیتە د وارێ بجهکرنێ دا، مەرەم ژی ئەوە کو پاراستنا بەروبومێ ناڤخوەیی و وەکو ئێک لێکرنا خویکا هەرێمی و عیراقێ یە ل سەر جگارانە.
ئەڤرۆ نیوز، رێوار مزیری:
جێگرێ پارێزگارێ دھۆکێ بۆ ئەڤرۆ نیوز دیار کر کو ملیۆن دۆلار ژ پارێ پەترۆ دۆلار د گەڕا چارێ دا گەھشتنە گەنجینا پارێزگەھا دھۆکێ و گۆت: “62 کۆمپانیێن کار د پرۆژێن حوکمەتێ دا کری دێ مفای ژ ڤی پارەی وەرگرن”.
ئەندازیار ئوسمان یونس، جێگرێ پارێزگارێ دھۆکێ ئاشکرا کر کو بەری نوکە حوکمەتا ھەرێمێ سێ جاران پارێ پەترۆ دۆلار بۆ پارێزگەھا دھۆکێ فرێکریە کو ھەر جارێ ملیۆن دۆلار بوون و ل دووماھیا ھەیڤا بۆری ژی حوکمەتا ھەرێمێ د گەڕا چارێ دا ملیۆن دۆلار ژ پارێ پەترۆ دۆلارێ ھنارتنە گەنجینا پارێزگەھا دھۆکێ و گۆت: “62 کۆمپانیێن کار د پرۆژێن حوکمەتێ دا کری دێ مفای ژ ڤی پارەی وەرگرن و چەندین پرۆژە دێ ب ڤی پارەی ھێنە تمامکرن”.
ناڤھاتی ئاماژە دا وێ چەندێ کو ب ھنارتنا ڤی پارەی دێ شەش ملیۆن دۆلارێن بەلێندەران وەکو قەر ل دەف حوکمەتا ھەرێما کوردستانێ مینن و ھەکە حوکمەت وی پارەی ژی ب ھنێریت ب دیتنا وی دێ پرۆژە ب دووماھی ھێن و بەلێندەر ژی دێ پارێ خوە ب تمامی وەرگرن.
ئه‌ڤرۆ نیوز:
سه‌ندیكا نۆشدارێن عیراقێ بڕیار دا هه‌موو نۆشدار ئێدی ده‌رمانان بۆ نه‌خۆشان ب ده‌ست نه‌نڤیسن و دڤێت بهێته تایبكرن و چاپكرن.
سه‌ندیكا نۆشدارێن عیراقێ دروونشتنا خوه یا ژماره 40 ل رێكه‌فتی 1/12/2018 بڕیار دایه نۆشدار ده‌رمانان ب رێیا چاپكرنێ بۆ نه‌خۆشان بنڤیسن و ناهێته قه‌بوولكرن نوشدار ب ده‌سنڤیس ده‌رمانان بۆ نه‌خۆشان بنڤیسن پشتی 1/3/2019 و ل سه‌ر هه‌موو ده‌رمانخانان پێدڤیه ده‌رمانان نه‌ده‌نه نه‌خۆشان هه‌كه ب ده‌ستنڤیس بۆ هاتبنه دیاكرن.
ئه‌ڤ بڕیارا سه‌ندیكا نۆشدارێن عیراقێ پشتی وێ یه‌كێ هاته كو هژماره‌كا سكالا ل سه‌ر ب زه‌حمه‌ت خواندنا ده‌ستنڤیسێ نۆشداران هاتبوون.
ئەڤرۆ نیۆز، قائید میرۆ:
دوھی وەلاتێ قەتەرێ بەلافکر کو بڕیارە ل سالا ٢٠١٩ێ خوە ژ رێکخراوا ئوپێک ڤەکێشیت و شارەزایەک ژی ئاشکرا دکەت، کو پێشبینی دھێتەکرن ھەتا سێ سالێن داھاتی رێکخراوا ئۆپێک ب ئێکجاری بھێتە ھەلوەشاندن.
سعود ھاشم، سەرۆکێ پەیمانگەھا کوردستان بۆ وزێ بۆ ئەڤرۆ نیۆز گۆت: “ھەڤڕکیێن سیاسیێن وەلاتێن کەنداڤ، ب تایبەتی ئاریشەیێن د ناڤبەرا سعودیێ و قەتەر دا، ھەروەسا ئیمارات ل گەل بەحرێن رەنگڤەدان ھەبوویە ل سەر رێکخراوا ئۆپێک ب شێوەیەکی ھەر ئێک ژ سعودی و رۆسیا بۆ کێمکرنا پشکا بەرھەمێ وەلاتان ناڤەگەڕینن بۆ بڕیارێن ئەندامێن رێکخراوا ئۆپێک د گەل ڤێ چەندێ ژی قەتەر وەکو پەیامەکا سیاسی بۆ نەیارێن خوە ل کەنداڤی بڕیارا خوە ڤەکێشانێ ژ رێکخراوا ئۆپێک دەرکریە”.
سەرۆکێ پەیمانگەھا کوردستان گۆتژی: “ھەر چەندە رێژەیا ھنارتنا پەترۆلا وەلاتێ قەتەر ب تنێ ٥٠٠ ھزار بەرمیلن، ئەڤە ژی رێژەکا زۆر نینە، بەلێ دیسان بۆ ھەڤسەنگیا بازاڕێ پەترۆلێ ھژمارەکا زۆرە و دەمژی یێ گونجای نینە”.
سعود ھاشم ئاشکرا کر ژی کو ب دیتنا وی ھەتا سێ سالێن دی، رێکخراوا ئوپێک دێ ھێتە ھەلوەشاندن، ھەتا جەمسەربەندیا نێڤدەولەتی ژی رۆل دێ ھەبیت بۆ دووبارە چێبوونا دەزگەھەکێ دی یێ نوو، ب گورەیی ھەڤکێشێن سیاسی یێن ھەرێمی و نێڤدەولەتی دێ بنە جھگرتنا ئۆپێکێ.
ئەڤرۆ نیوز:
یاریزانێ ئەرژەنتینی و کاپتنێ یانا ئەنتەر میلان یا ئیتالی ب باشترین یاریزانێ تەپا پێ بو سالا 2018 دخولا ئیتالیا دا ھاتە ھەلبژارتن و ب ڤێ چەندێ شیا کونترولا ستێرێن یوڤانتوس ل سەر ڤی خەلاتێ ژ سالا 2011 وەرە ژناڤ ببەت.
گولکەرێ ئەرژەنتینی ماريۆ ئیکاردی یێ 25 سالی د ناڤا ئاھەنگەکێ دا ل باژێرێ میلانو بو خەلاتێ باشترین یاریزانێ 2018 ھاتە ھەلبژارتن و خەلاتکرن و ئەڤ ھەلبژارتنە ژ دەرڤەی ستێرێن یوڤانتوس بو جارا ئێکێ یە پشتی 2011 دەمێ یێ سویدی و یانا میلان زلاتان ئیبراھیموھاتیە ھەلبژارتن.
ئیکاردی وەرزێ 2017 – 2017 ل 29 گولان ل سەرێ لیستا گولکەرێن خولێ ب دووماھی ئیناب وەکھەڤی دگەل ھێرشبەرێ یانا لازیو تشیرو ئیموبیلی.
ل سەر ئاستێ خەلاتیێن دی یانا یوڤانتوس ھەلکرا ناسناڤێ وەرزێ بوری یێ خولا ئیتالیا ب باشترین یانە ھاتە ھەلبژارتن و ماسیمیلیانو ئەلیگری ئەوێ چار جاران ل دویڤ ئێک ناسناڤێن خول و کاسا ئیتالیا بری ب باشترین راھێنەر ھاتە ھەلبژارتن کو دبیتە جارا چارێ دکاروانێ وی یێ راھێنەریێ دا.
ئەڤرۆ نیوز:
سەروکێ ئێکەتیا تەپا پێ یا ئوروپا راگەھاند ئەو دژی وێ ھزرێ یە کو ب ھەڤپشکی ژلایێ ئسپانیا و مەغرب موندیالا 2030 بھێتە مێڤانکرن.
زێدەتر ئەلکسەندر سێفرین ھەلویستێ خوە ل دور ھزر و داخوازیا ھەردو وەلاتیێن ئسپانیا و مەغرب بو مێڤانداریا موندیالا 2030 و زێدەتر بەرسڤ دانا پێشنیارا سەروک وەزیرێن ئسپانیا بیدرو سانشێز پێشکێشی سەروک وەزیرێن مەغرب کری بو مێڤانداریا موندیالێ ب ھەڤپشکی ل گەل پرتوگال دیارکر کو ئەو ل گەل ڤێ ھزرێ نینە و ب ھەموو شیانا دێ کەرکەت موندیال ژ کێشوەرەکی دەرنەکەڤیت.
وەلاتێ مەغرب یێ بزاڤێن مێڤانداریا موندیالا 2030 دکەت پشتی بادەکا ھەرسێ وەلاتێن ئەمریکا و کەنەدا و مەکسیک شیاین مێڤانداریا موندیالا 2026 ب دەستڤە ببەن و بەریا نوکە ژی پێنج جاران داخوازیا موندیالان کربوو لێ نەشیابوو سەرکەفتنێ بدەستڤە بینت.
بو مێڤانداریا موندیالا 2030 بادەکا ھەرسێ وەلاتیێن ئسپانیا، مەغرب و پرتوگال دێ ھەڤرکیەکا ب ھێز یا بادەکا ھەرسێ وەلاتیێن ئوروگوای، ئەرژەنتین و پارگوای کەت.
ئه‌ڤرۆ نيوز، نيوار محه‌مه‌د سه‌ليم:
سه‌رۆكاتيا جڤاتا نوونه‌رێن عيراقێ راگه‌هاند كو ئه‌ڤرۆ رۆژا سێشه‌مبى و ل دانێ نيڤرۆ دێ ده‌نگدان ل سه‌ر ته‌مامكرنا كابينا عادل عه‌بدولمه‌هدى هێته دان.
ب گۆره‌يى به‌رنامێ كارێ جڤاتا نوونه‌ران دێ به‌رچاڤكرنا بابه‌تێ دانوستاندنێ بيت ل دۆر پێكئينانا لژنه‌كێ د ده‌ربارێ به‌رهه‌ڤكرنا لژنه‌كێ بۆ دووڤچوونا به‌لاڤكرنا وزێ و ده‌نگدان ل سه‌ر پێكئينانا حوكمه‌تێ.
بڕياره پشتى ده‌مه‌كێ كێم كۆمبوونا جڤاتا نوونه‌رێن عيراقێ ب رێڤه بچيت و پارتى ديموكراتى كوردستان ژى راگه‌هاند كو ئه‌و دێ ده‌نگى ده‌نه هه‌ر هه‌ست وه‌زيرێن كابينا عه‌بدولمه‌هدى يێن سيڤى يێن وان گه‌هشتينێ.
هندرين له‌زگين دۆسكى، ئه‌ندامێ فراكسيۆنا پارتى ديموكراتى كوردستان ل جڤاتا نوونه‌رێن عيراقێ، د داخۆيانيه‌كێ دا بۆ ئه‌ڤرۆ نيوز گۆت: “مه وه‌كو فراكسيۆنا پارتى ديموكراتى كوردستان كۆمبوونه‌ك كر و تێدا ل سه‌ر وێ چه‌ندێ رێكه‌فتين كو ده‌نگى بده‌ينه هه‌موو وه‌زيرێن ماين يێن كابينا عه‌بادى ئه‌وێن سى ڤى يێن وان بۆ نوونه‌ران هاتين”.
زێده‌تر گۆت: “هه‌كه گوهۆڕينه‌ك د ليستا ناڤان دا چێبوو ل وى ده‌مى، دێ مه وه‌كو فراكسيۆنا پارتى ديموكراتى كوردستان هه‌لويسته‌كێ دى هه‌بيت، به‌لێ ب زه‌حمه‌ت تشته‌كێ وه‌سان هه‌بيت، چونكو هه‌كه تشته‌كێ وه‌سان هه‌بايه، دا سى ڤى يێ وان گه‌هيته نوونه‌ران”.
ژ لايه‌كێ دى ڤه، د. ديار ته‌يب، ئه‌ندامێ جڤاتا نوونه‌رێن عيراقێ ل سه‌ر فراكسيۆنا پارتى ديموكراتى كوردستان بۆ ئه‌ڤرۆ نيوز گۆت: “ئێكه‌تى و سائيرون بزاڤ دكرن كو به‌ربژارێ ئێكه‌تيێ بۆ پۆستێ وه‌زاره‌تا داد بهێته كانديد كرن، به‌لێ ئه‌و بزاڤ د بێ بنه‌ما بوون و نها ناڤێ به‌ربژارێ پارتى بۆ وى پۆستى يێ هاتى”.
زێده‌تر گۆت: “نوونه‌ر هه‌موو ل سه‌ر وێ چه‌ندێ يێن رێكه‌فتين، كو ده‌نگى ب هه‌ر هه‌شت وه‌زيران بده‌ن، هه‌ر چه‌نده دێ ئێك ئيكه كه‌ڤنه به‌ر ده‌نگدانێ، به‌لێ بڕياره ده‌نگدان ب هه‌موو كابينێ بهێته دان و هه‌ر هه‌شت وه‌زير باوه‌ريا جڤاتا نوونه‌ران وه‌رگرن”.
پێشبينى ژى دهێته كرن كو كۆمبوونا جڤاتا نوونه‌ران ژ ئه‌گه‌رێ ته‌مامنه‌بوونا رێژا قانوونى يا ئه‌ندامێن جڤاتا نوونه‌ران بهێته پاشخستن، ژ به‌ر كو لايه‌نێن نه‌رازى يێن هه‌ين و ناخوازن بچنه ناڤا هۆلا جڤاتا نوونه‌ران.
بڕياره جڤاتا نوونه‌ران ده‌نگدانێ ل سه‌ر وه‌زاره‌تێن به‌ره‌ڤانى، ناڤخۆ، ره‌وشه‌نبيرى، په‌روه‌رده، داد، پلاندانان، خواندنا بلند و كۆچبه‌ران بده‌ت.
ب گۆره‌يى ئه‌و پێزانينێن ل به‌ر ده‌ست عه‌بدولمه‌هدى دێ هه‌ر ئێك ژ فالح فه‌ياز وه‌كو وه‌زيرێ ناڤخۆ و فه‌يسه‌ل فه‌نه‌ر جه‌ربا وه‌زيرێ به‌ره‌ڤانيێ و دادوه‌ر دارا نوره‌دين وه‌زيرێ داد و سه‌با تائى وه‌زاره‌تا په‌روه‌ردێ و قوسه‌ى سه‌هيل وه‌زيرێ خواندنا بلند و ڤه‌كۆلينێن زانستى و عه‌بدولئه‌مير حه‌مدانى وه‌زيرێ ره‌وشه‌نبيرى و نورى دلێمى وه‌زيرێ پلاندانانێ و هه‌نا كوركيس وه‌زيرا كوچ و كۆچبه‌ران.
نيشاندان