ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 3ى كانوونا دويێ 2019ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 100 دولارێ ئه‌مريكى | 119.900 دينار |
| 100 يۆرۆيێ ئه‌ورۆپى | 137.000 دينار |
| 100 ليرێ توركى | 22.000 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئەڤرۆ نیوز، لەزگین جوقی:
ھارێکاری راگری کولێژا پزیشکی ل زانکۆیا دھۆکێ دیارکرکو کۆلیژا پزیشکی ل زانکۆیا دھۆک ب ھەماھەنگی ل گەل کۆلیژا مەلەکی یا بریتانی و دەستەیا بۆردێ کوردستانی یێ تایبەتمەندیان کۆنفرانسێ خوە یێ دویێ ل دۆر نەخۆشیێن رەقبوونا رھێن خوینێ و رووینان ئەڤرۆ 17 ى كانوونا دويێ 2019 ل ھۆلا کۆنفرانسان ل زانکۆیا دھۆک دەستپێکر.
د. ئاری حەبیب، ھارێکاری راگری کولێژا پزیشکی ل زانکۆیا دھۆکێ دیارکرکو دیار کر کو ئەڤ کۆنفرانسە ل دۆر نەخۆشیێن رەقبوونا رھێن خوینێ و رووینان ھاتە گێران و شەش وانەبێژ د بسپۆریێن جودا دا ژ وەلاتێ بریتانیا و چەندیێن مامۆستایێن زانکۆیان ژ پارێزگەھێن عیراقێ و ھەرێما کوردستانێ پشکدارن سوبەھێ ژی دی کونفرانس یێ بەردەوام بیت.
ناڤھاتی ئاماژە دا وێ چەندێ کو چەندین کۆمپانیێن ئینانا دەرمانان ل عیراقێ و دو رێکخراوێن نێڤدەولەتی دآ سپۆنسەریا ڤی کۆنفرانسی رابووینە ئەڤ سالا قوتابیێن قووناغا شەشێ یێن کۆلیژا پزیشکی و قوتابیێن بۆردێ کوردستانی یێ تایبەتمەندیان و ھندەک تایبەتمەندێن نەخوەشیێن دل و ھناڤان ژ ستافێ کۆلیژا پزیشکی ژی د کۆنفرانسی دا پشکداربووینە.
زێدەتر گۆت ئەڤ نەخۆشین دکونفرانسی دا دھێنە بەحسکرن ل ھەموو جیھانی بەربەلاڤ بووینە وەکو نەخۆشیا شەکر دی ریکاریێن نوو یێ چارەسەری ھێنە بەحسکرن بۆ ڤان نەخۆشیان.
ئەڤرۆ نیوز:
بەرشەلۆنا بەردەوام بزاڤێن ئینانا ھێرشبەرەکی دکەت ل جھێ یاریزانێ وێ یێ بەری نوکە مونیر حەداد ئەوێ بەری چەند رۆژا ب فەرمی پێکھاتیێ وێ یانێ ب جە ھێلای.
راپورتێن رۆژنامەڤانی یێن نێزیکی یانا بەرشەلۆنا دیارکرینە ڤالڤێردی بەرپرسێن یانا کەتەلونی ئاگادارکرینە زیترین دەم ھەڤبەستێ ل گەل ھێرشبەرەکێ نوو ئیمزا بکەن وەکو پێگوھورێ سوارێز ھەتا دووماھیا ڤی وەرزی .
ئەوان رۆژنامەیێن نێزیکی یانا بەرشەلۆنا دیارکرینە یانا بەرشەلۆنا ھزر ل ئینانا ھێرشبەرێ مەکسیکی و یانا ریال سوسیداس یێ بەری نوکە کارلوس ڤیلا کریە ئەوێ نوکە یاری ل خۆلا ئەمریکا ل گەل یانا لوس ئەنجلوس یاری کەت کو ل سەرجەمێ ٣١ یاریێن خوە یێن وەرزێ ٢٠١٨ ل خۆلا ئەمریکا شیابوو ١٥ گولان توماربکەت و ١٢ گولان بوو ھەڤالێن خوە دروست بکەت.
ھەژی گوتنێ یە ڤیلا یێ ٢٩ سالی ژ سالا ٢٠١١ ھەتا ٢٠١٨ یاری ل یانا ریال سوسیداس کر ل گەل وێ یانێ ٢٥٠ یاری ئەنجامدابوون و شیابوو ٧٥ گولان توماربکەت ھەردیسان ل گەل ھەلبژارتیێ مەکسیک ٧٢ یاریێن نیڤدەولی ھەنە و شیا ١٩ گولان توماربکەت
ئه‌ڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا ئه‌ينى رێکەفتی 18ی کانوونا دويێ 2019ێ دێ مژ ل ئه‌سمانى هه‌بيت و ب تايبه‌ت دانێ سپێدێ و شه‌خته ژى دێ دروست بن و ئه‌سمان دێ ئه‌ور بيت.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دهێته پشبينيكرن مژ ل ئه‌سمانى هه‌بيت و ب تايبه‌ت دانێ سپێدێ و شه‌خته ژى دێ دروست بن و ئه‌سمان دێ ئه‌ور بيت.
پشکا پێشبینیان دایە زایە زانین کو دێ لەزاتیا بایی د ناڤبەرا 5 ھەتا 15کم دا و ماوێ دیتنێ ژی دێ د ناڤبەرا 5 بۆ 7کم دا بیت، پلێن گەرمێ ژی دێ د ناڤبەرا -1 بۆ 4 پلان دا بن.
ئەڤرۆ نیوز:
بریارە ئەڤرۆ چار یاری ژ گەرا سیێ و دووماھیێ ژ قوناغا کومان یا قارەمانیا ئاسیا بھێنەکرن کو بەری یاریێن ئەڤرۆ ١٤ ھەلبژارتیا دەربازبوونا خوە بوو قوناغا ١٦ مسوگەرکریە و ھەڤرکی بتنێ دێ بوو دەست نیشانکرنا باشترین دو ھەلبژارتیێن دی یێن کوما پێنجێ و شەشێ ھێتەکرن.
ل ھەردو یاریێن دەستپێکێ بریارە ھەلبژارتیێ یابان ل گەل ھەلبژارتیێ ئوزباکستان بکەت بوو دەستنیشاکرنا سەرکێشا کومێ و ھەڤرکا خوە ل قوناغا ١٦ و ھەردیسان د ھەمان دەم دا ھەردو ھەلبژارتیێن عمان و تورکمانستان دێ ھەمبەری ئێک کەن بوو ھەڤرکیا باشترینا رێزا سیێ یا وێ کومێ و ل ھەردو یاریێن دویڤدا بریارە ھەڤرکیەکا ب ھێز دناڤبەرا ھەردو ھەلبژارتیێن سعودی و قەتەر بھێتەکرن کو دێ چاڤەکێ مەزن ل سەر ڤێ یاریێ بکەت ژبەر وێ ناکوکیا سیاسی یا دناڤبەرا ھەردو وەلاتان دا کو دڤێ یاریێ دا ھەردو ھەلبژارتیا دەربازبوونا خوە مسوگەرکریە بتنێ دێ یاری کەن بوو دەستنیشانکرنا سەرکێشا کومێ و د ھەمان کوم دا ھەلبژارتیێ لوبنان دی ل گەل کوریا باکور کەت کو ھەردو ھەلبژارتی پێدڤی ب سەرکەفتنەکا مەزن ل سەر ئێک ھەتا پلێتا باشترینا رێزا سیێ ب دەستخوڤە بینن ھەتا رادەیەکی ئەرکی کوریا دێ ب زەحمەت بیت ژبەرکو ١٠ گول سەر ھاتینە تومارکرن .
ھەژی گوتنێ یە ئەو ١٤ ھەلبژارتیێن دەربازبوونا خوە مسوگەر کری ئەڤێن خواری نە.
کوما ئێکێ ھەلبژارتیێ ئیمارات ل رێزا ئێکێ ب ٥ خالان و تایلەند ل رێزا دوێ ب چار خالان و بەحرێن وەکو باشترینا رێزا سیێ ب چار خالان.
کوما دوێ ھەلبژارتیێ ئوردون ل رێزا ئێکێ ب حەفت خالان ئوسترالیا ل رێزا دوێ ب شەش خالان
کوما سیێ کوریا باشور وەکو سەرکێشا کومێ ب ٩ خالان و ھەلبژارتیێ چین ل رێزا دوێ ب شەش خالان و ھەلبژارتیێ قیرغستان وەکو باشترینا رێزا سیێ ب ٣ خالان.
کوما چارێ ھەلبژارتیێ ئیران ل رێزا ئێکێ ب حەفت خالان و عیراق رێزا دوێ ب ھەمان خال کێمتر گولان .
ل ھەردو کومێن پێنجێ و شەشێ ھەر چار ھەلبژارتیێن سعودی و قەتەر و ئوزباکستان و یابان بەری نوکە دەربازبوونا خوە مسوگەرکریە و بریارە ئەڤرۆ یاریێن خوە بکەن بوو دەست نیشانکرنا سەرکێشا کومێ .
ئەڤرۆ نیوز، بارزان مزووری:
رێیا سەرەکیا ناحیا قەسرۆک بۆ گوندێن”کانی کول،تلبزێنەی،کەندی،کفرێ،چەمەرزن” ب درێژاھیا ١٤ کیلومەترا ب رێیەکا سەرەکی دهێتە ھژمارتن، ژ بەر کو رۆژانە قەلەبالغیەک مەزن ل سەر ھەیە ژلایێ حوکمەتا ھەرێما کوردستانێ ڤە ئەڤە سێ سالە ھاتیە دروست کرن دگەل دانانا ھێمایێن ھاتن چوونێ، بەلێ کەسەکی ئەڤ ھێمایێن ھاتنوچوونێ تێکداینە و بتنێ ستوونێن ھێمایان ھێلاینە.
عەبدوللا عەزیز، ئێک ژ وەلاتیێن وێ دەڤەرێ ئاکنجی بۆ ئەڤرۆ نیوز دیار کر کو ئەڤ ھێمایە ژ لایێ رێڤەبەریا ھاتنوچوونا پارێزگەھا دھۆکێ ڤەھاتبوونە دانان، بەلێ کەسەک رابوویە ئەڤ ھێمایە تێکداینە و بتنێ ستوونێن واۆ ھێمایان ھێلاینە و مەترسی بۆ شۆفێران دروستکریە، ژبەرکو ئەڤ رێیە ھەموو سەر ژوردای و لوفەنە.
موقەدەمێ ماف پەروەر ئازاد تاھا،بەرپرسێ راگەھاندنا رێڤەبەریا ھاتنوچوونا پارێزگەھا دھۆکێ بۆ ئەڤرۆ نیوز گوت: تێک دانا ھێمایێن ھاتنوچوونێ ژلایێ ھەر کەسەکی ڤە پێدڤیە بھێتە سزادان ل دووڤ سزایێن قانوونێن حکومەتێ ژبەر کو ئەڤ ھێمایە ژیانا ھەر وەلاتیەکی دپارێزین ژ ھەر روودانەکا ترافیکی و گۆت: ” تێکدانا وان ھێمایان دبیتە ئەگەرێ مەترسیەکا مەزن ل سەر ژیانا شوفێران پێدڤیە ئەو کەسێ ئەڤ کارە کری بھێتە سزادان”.
ژلایەکێ دی ڤە دلشاد حازم، پارێزەر ل دادگەھا شێخان بو ئەڤرۆ نیوز گوت: ھەر کەسێ رابیت ب تێکدانا ھەر جھەکێ ژیانا وەلاتیان دپارێزیت ژ مرنێ ئەو کەس ل دووڤ مادێ ٢٤٠ ژ سزایێن عیراقێ دھێتە سزادان.
ئەڤرۆ نیوز:
هه‌ر ژ ده‌لیڤه‌یێن ئێكێ ژ ژیانا زاروكی، هه‌لبه‌ت دایك ژی دێ هه‌ست ب دایكینیێ كه‌ت و دێ ل دووڤ هه‌ر حه‌زه‌كا زاروكی چیت.
گری رێكا ئێكانه‌یه كو زارۆك ب كاربینیت بۆ داخوازكرنا هاریكاریێ ل ده‌مێ كو یێ ئارام نه‌بیت و ده‌مێ یێ برسی بیت، هنده‌ك جاران دێ بینی بێی هه‌بوونا چ ئه‌گه‌ره‌كی بۆ برسیبوونا زاروكی یان نه‌ئارامیا وی ئه‌و دێ ده‌ست ب گریانێ كه‌ت، ئه‌ڤ ره‌نگێ گریێ هاریكاریا زارۆكی دكه‌ت كو ژ هێزا زێده و برسیاتیێ دوور بكه‌ڤیت و دێ ژ ئالوزیێ هێته پاراستن.
بلا ته ئاگه‌ه ژ حاله‌تێن جودا جودایێن گریا زاروكی هه‌بیت، ئه‌و چه‌ند دێ هاریكاریا ته كه‌ت بۆ زانینا پێدڤیا زاروكی ل دووڤ شێوازی گریا وی بۆ نموونه:
1- گریا كو ژبه‌ر بسیبوونێ بیت، هه‌رده‌م یا كورته و ده‌نگێ گریا وی بلنددبیت و پاشی نزم دبیت.
2- گریا توره‌بوونێ یا رێكخستی نینه.
3- گریا ژ به‌ر ئێشانێ دێ بینی ژ نشكه‌كێڤه كره گری، دێ ده‌نگێ خۆ بلند كه‌ت و پاشی دێ بێ ده‌نگ بیت و نزنزێ ناكه‌ت.
ژێدەر/ نۆش نیۆز
ئه‌ڤرۆ نيوز:
وه‌زاره‌تا په‌ترۆلا عيراقێ راگه‌هاند كو ئه‌و ب رژدى كار ژبۆ بجهئينانا پرۆژێ راكێشانا بۆريا ڤه‌گوهاستنا په‌ترۆلا خاڤا كه‌ركووك بۆ به‌نده‌رێ جيهان يێ توركى و ژ رۆمێلا ب ئاراستێ به‌نده‌رێ عه‌قه‌به. هه‌رديسا ب ئاراستێ تۆڕێن ناڤخۆ يێن ڤه‌گوهاستنا په‌ترۆلا باكور ب باشوور دا كو ده‌ست ب سه‌ر هنارتن و ڤه‌گوهاستنا ناڤخۆ ب ره‌نگه‌كێ باشتر دا بگرن. ژبلى ڤێ چه‌ندێ ژى وه‌زاره‌ت يا ئاماده‌يه قانوونا كۆمپانيا په‌ترۆلا نشتيمانى راست ڤه بكه‌ت و هه‌كه د حاله‌ته‌كى دا ڤه‌گه‌رانده لايێ حوكمه‌تێ.
ئەڤرۆ نیوز ، زنار تۆڤی:
د. زه‌رده‌شت بابان شیرەتکارێ پارتا كۆماری یا ئه‌مریكا بۆ ئەڤرۆ نیوز گۆت: مەولود چاوشئۆغلو وەزیرێ دەرڤە یێ تورکیا راگەهاندیە، کو دڤێت تورکیا باوەریێ ب وەسیەتێن داعش بکەت و یا رژد بیت ل سەر هندێ کو جولاندنا تورکیا ل باکورێ سووریێ، یا هاریکاربوویە بۆ پەیداکرنا سەقامگیریێ و ئاشتیێ ل وێ دەڤەرێ.
هەروەسا گۆتیە: جولاندنا تورکیا ل سووریێ، ب تەمامی هاریکار بوو، ژبۆ سەرهلدانا داعشێ ل دەستپێکا جهێ دروستبوونا وێ، هەروەسا دو هۆکارێن هەرە سەرەکی د هاریکاربوون بۆ سەرهلدانا داعشێ، کو ئەو ژی شەرێ مەدەنی ل سووریێ و هەروەسا سەرۆك وەزیرێ بەرێ یێ عیراقێ نوری مالکی، دیسا چەوساندنا عەرەبێن سونی ل عیراقێ، بەلێ پشکەکا سەرەکیتر یا ڤی بابەتی، هاریکاری و هەماهەنگیا دەولەتا تورکیایە.
وی شیرەتکاری گۆتیە: ل دەستپێکا سالا ٢٠١٤ سنورێن باژێرێن تورکیا بوونە دەرگەهێ سەرەکی یێ چەکدارێن بیانی، کو بچنە ناڤ ئاخا سوورێ و عیراقێ، ب مەرەما پەیوەندیکرنێ ب رێزێن داعشێ و گروپێن دیتر، دووماهی جار چەکدارێن بیانی ل هەموو جیهانێدا، ل دەستپێکێ ژ تورکیا ڤە و پاشی ژ وێرێ چوونە ناڤ ئاخا عیراقێ و سووریێ، کو ئەڤە هۆکارێ ب هێز بوونا داعشێ بوو، هەروەسا ب تنێ ل سالا ٢٠١٣ پتر ژ سیهـ هزار چەکداران هاتینه تورکیا، کو ب جیهادیان د ناسیارن، ب ڤی رەنگی تورکیا بوویە دەرگەهەکێ گەرم یێ چەکداران، ب مەرەما پەیوەندیکرنێ ب رێزێن داعشێ.
ئەو ژی گۆت: تورکیا گەلەک هاریکاریا چەکدارێن داعشێ کریە، ژ وان ژی چارەسەریا پتریا وان چەکدارێن بریندار کریە ل نەخۆشخانێن باشورێ رۆژهەلاتێ تورکیا بێی بەرامبەر، ژ وان ژی چارەسەریا ئێک ژ جێگرێن بلند یێن خەلیفێ داعشێ بۆ ب ناڤێ ئەحمەد، کو ل نەخۆشخانەکا تایبەت بۆ ل باژێرێ ئورفایێ ل هەیڤا تەباخا ٢٠١٤، هەروەسا زاڤایێ رەجەب تەییب ئەردۆغانی تێکەلیا داعشێ کریه و نەفتا داعشێ ب رێیا چەند کۆمپانیان کریە، کو ڤێ چەندێ هاریکاریا داهاتێ داعشێ کریە، ب درێژاهیا مانا وێ ل عیراق و سووریێ، هەروەسا ل سالا ٢٠١٨ چەندین راپۆرت هەبووینە، ل سەر هندێ کو ئەردۆغانی رەزامەندی نیشاندایە کو هێزێن تورکی هاریکاریا چەکدارێن پێشتر یێن داعشێ ل ئەنقەرێ بدەت، کو شەری ل دژی کوردان بکەن، تورکیا ب شێوەیەکێ بەردەوام ئامێرێن تەقەمەنیا پیشەسازی ژ لایێ داعشێ ڤە ب کارئیناینە، سەرەرای راگەهاندنا تورکیا ژ بەرپرسیارەتیا میراتێ داعش.
ناڤهاتی دیارکر ژی: ئەمریکیا هاریکاریا کوردێن رۆژئاڤا کر، چونکی کورد باشترین هێزێن شەرکەرن ل سەر ئەردێ سووریێ، هەروەسا ئێکەم کەسن کو دبێ دەولەت و شیاینە شەرێ داعشێ بکەن، لێ حوکمەتا تورکیا پشکداریا نهێنی کریە د کریارا تێکدانا هەڤپەیمانیا ل دژی داعشێ دا، هەروەسا ئۆپەراسیۆنا عەفرینێ نە ب تنێ ژبۆ پاراستنا تورکیا یه، بەلکو هۆکارەکێ باش بوو، بۆ هزرکرن ژ هندێ، کو بۆ زێدەکرنا کاریگەریا ئەرێنی یا تورکیا ل سیاسەتا داهاتی یا سووریێ ل دانۆستاندنێن ل گەل ئیران و سووریێ، کو کار دکەن بۆ کێمکرنا دەستێوەردانێن ئەمریکا، تورکیا بەردەوام بزاڤا کۆنترۆلکرنا دەڤەرێن سوریا وحوکومرانی و دانانا پێكهاتا حوکومرانیا خوە ل سەر ڤێ دەڤەرێ ددەت.
زەردەشت بابانی گۆت ژی: هەکە ئارمانجا تورکیا دووماهی ئینانا داعشێ بیت، وەکو تورکیا ب خوە پێشنیار کری و پاشی ئارمانجا وێ یەپەگە بیت، ئەڤە ژی ب تەمامی بەرۆڤاژی کاریگەریێن وێ یە، چونکی نوکە یەپەگە پشت بەستنێ ب خوە دکەت، کو ئەڤە ژی چاڤ پۆشیکرنە ل شەرێ بەردەوام یێ ریشەکێشکرنا پاکێجا ب دووماهی هاتنا چەکدارێن داعش ل سووریێ، لەوما واشنتۆن بریارەکا ژیرانە نەدایە دەربارەی ڤەکێشانا هێزێن خوە ژ سوریا، ل دەمێ ڤەکێشانا سەربازێن ئەمریکا ب دلنیایی ڤە، دێ دلنیایێ دەت ژ هندێ، کو ئەمریکیان کێمکرنا کاریگەریێن ئەرێنی یێن گفتۆگۆیێن داهاتی ل سەر دووماهی ئینان ب ئالۆزیێن سووریێ، کو ئەڤه ژی گرەنتیا دووبارە سەرهلدانا داعشێ یە.
نيشاندان