ئه‌ڤرۆ نيوز:
سه‌رۆك وه‌زيرێن فره‌نسا، بڕيارا راگرتنا زێده‌كرنا باجێ ل سه‌ر بهايێ سۆته‌مه‌نيێ دا، ژ ئه‌نجامێ وان نه‌رازيبوونێن ل رۆژانێن دووماهيێ ل پاريس يا پايته‌ختێ فره‌نسا روودايى.
فره‌نسا بڕيارا بلندكرنا باجێ ل سه‌ر سۆته‌مه‌نيێ راگرت
نووترين نووچه
- مەسرور بارزانی: ئەڤە دوجارە مە دو كۆمبوونێن زۆر ئەرێنی و باش ئەنجامدان
- قەرەبووكرنا كەسوكارێن قوربانیێن هەلەبجە، ئەركێ دەولەتا ئیراقێ یە
- هەلەبجە بوویە هێمایەكا جیهانی بۆ ستەما ل گەلێ مە هاتیە کرن
- مەسرور بارزانی: داخواز دكەین پارێزگەهبوونا هەلەبجە د زووترین دەم دا بهێتە پەسەندكرن
- سەرۆك بارزانی و مەسرور بارزانی پشكداری رێوڕەسمێ رێزگرتنێ ل قوربانیێن كێمیابارانكرنا هەلەبجە بوون
- سەرۆكێ حوكمەتا هەرێمێ و سەرۆكێ دەزگەهێ هەوالگیرییا فیدرال رەوشا ئەمنی ل ئیراقێ و دەڤەرێ گەنگەشەكر
- پێشەوا هەورامانی: سەرۆكێ حوكمەتا هەرێمێ بەرنامەیێن جودا بۆ پێشڤەبرنا هەلەبجە یێن هەین
- پەرلەمانتارەك: شیعەیان و سوننەیان سۆز یا دای دەنگ ب پڕۆژە قانوونا ب پارێزگەهبوونا هەلەبجە بدەن
- فازل میرانی: دەستهەلاتدارێن بەغدا كورد وەكو هەڤپشك قەبوول نەكرینە
- جێگرێ خەلیفەیێ داعشێ ب پێزانینێن مە هاتە كوشتن و سۆدانی ئاماژە ب وی رۆلی نەكر
سهرهكى Twitter
جڤاتا نوونه‌ران ئه‌ڤرۆ دێ ده‌نگى ل سه‌ر وه‌زيرێن مايێن يێن كابينا عه‌بدولمه‌هدى ده‌ت
ئه‌ڤرۆ نيوز:
سه‌رۆكاتيا جڤاتا نوونه‌رێن عيراقێ راگه‌هاند كو ئه‌ڤرۆ رۆژا سێشه‌مبى و ل دانێ نيڤرۆ دێ ده‌نگدان ل سه‌ر ته‌مامكرنا كابينا عادل عه‌بدولمه‌هدى هێته دان.
ب گۆره‌يى به‌رنامێ كارێ جڤاتا نوونه‌ران دێ به‌رچاڤكرنا بابه‌تێ دانوستاندنێ بيت ل دۆر پێكئينانا لژنه‌كێ د ده‌ربارێ به‌رهه‌ڤكرنا لژنه‌كێ بۆ دووڤچوونا به‌لاڤكرنا وزێ و ده‌نگدان ل سه‌ر پێكئينانا حوكمه‌تێ.
روونشتنا جڤاتا نوونه‌ران بڕياره ئه‌ڤرۆ ل ده‌مژمێر 12:00ى نيڤرۆ بهێته ئه‌نجام دان.
هندرين له‌زگين دۆسكى، ئه‌ندامێ فراكسيۆنا پارتى ديموكراتى كوردستان ل جڤاتا نوونه‌رێن عيراقێ، د داخۆيانيه‌كێ دا بۆ ئه‌ڤرۆ نيوز گۆت: “ناڤێن وه‌زيران يێن هاتينه پێشكێشكرن و ئه‌ندامێن جڤاتا نوونه‌ران ئه‌ڤرۆ دێ ده‌نگى ل سه‌ر وان به‌ربژاران ده‌ن”.
زێده‌تر گۆت: “ب تنێ ئێك وه‌زير ژ وان كورده و ئێك ژى كرستيانه، ژ به‌ر هندێ ژى هێشتا مه وه‌كو پارتى بڕياره ل سه‌ر ده‌نگدان يان ره‌تكرن نه‌دايه”.
ئه‌ندامێ فراكسيۆنا پارتى ديموكراتى كوردستان ل جڤاتا نوونه‌رێن عيراقێ ئاماژه ب وێ چه‌ندێ ژى كرى كو دێ نها كۆمبوونه‌كێ ئه‌نجام ده‌ن و تێدا بڕيارا دووماهى ل سه‌ر ده‌نگدان يان ده‌نگ نه‌دان ده‌ن.
بڕياره جڤاتا نوونه‌ران ده‌نگدانێ ل سه‌ر وه‌زاره‌تێن به‌ره‌ڤانى، ناڤخۆ، ره‌وشه‌نبيرى، په‌روه‌رده، داد، پلاندانان، خواندنا بلند و كۆچبه‌ران بده‌ت.
ب گۆره‌يى ئه‌و پێزانينێن ل به‌ر ده‌ست عه‌بدولمه‌هدى دێ هه‌ر ئێك ژ فالح فه‌ياز وه‌كو وه‌زيرێ ناڤخۆ و فه‌يسه‌ل فه‌نه‌ر جه‌ربا وه‌زيرێ به‌ره‌ڤانيێ و دادوه‌ر دارا نوره‌دين وه‌زيرێ داد و سه‌با تائى وه‌زاره‌تا په‌روه‌ردێ و قوسه‌ى سه‌هيل وه‌زيرێ خواندنا بلند و ڤه‌كۆلينێن زانستى و عه‌بدولئه‌مير حه‌مدانى وه‌زيرێ ره‌وشه‌نبيرى و نورى دلێمى وه‌زيرێ پلاندانانێ و هه‌نا كوركيس وه‌زيرا كوچ و كۆچبه‌ران.
رێڤەبەرێ کاروبارێن ئێزدیان ل دھۆکێ: ھزار قوتابی ژ بەر ڤەنەکرنا قوتابخانەکێ ژ خواندنێ ھاتنە بێ بەھرکرن
ئەڤرۆ نیوز، لەزگین جوقی:
رێڤەبەرێ کاروبارێن ئێزدیان ل پارێزگەھا دھۆکێ دیار کر کو قوتابیێن ئاوارێن شنگالێ یێن ژ خواندنێ ھاتینە بێ بەھرکرن قەستا رێڤەبەریا کاروبارێن ئێزدیان ل دھۆکێ کرن داکو ئەو دەنگێ وان بگەھینە لایەنێن شۆلەژێ ل ھەرێما کوردستانێ و بەغدا بۆ وێ چەندێ ئاریشا وان قوتابیان بھێتە چارەکرن.
عیدان شیخ کالۆ، رێڤەبەرێ کاروبارێن ئێزدیان بۆ ئەڤرۆ نیوز دیار کر کو ئەو وەکو رێڤەبەریا کاروبارین ئێزدیان دێ دەنگی ڤان قوتابیان بلندکەن بۆ پەروەردێ داکو چارەسەریەک ل ئاریشا وان بھێتە کرن، ھەموو ژی قوتابیێن قوتابخانا تەئاخی نە ل پۆلا دووزازدێ زانستی و گۆت: “ئەڤ سالە بۆ چارەنڤیسێ ڤان قوتابیان گەلەک یا گرنگە، ھەتا نوکە دەرگەھێ قوتابخانان ب زمانێ عەرەبی بۆ ڤان قوتابیان نەھاتیە ڤەکرن و ھەموو ژی قوتابیێن ئاوارێن شنگالێ نە نەشێن بچنە پارێزگەھا نەینەوا”.
ناڤھاتی ئاماژە دا وێ چەندێ کو نوونەرێن ڤان قوتابیێن ئاوارێن شنگالێ قەستا رێڤەبەریا کاروبارێن ئێزدیان ل دھۆکێ کریە و گۆت: “ئەم دێ بزاڤان کەین دەنگێ وان بگەھیتە لایەنێن پەیوەندیدار بۆ دیتنا چارەسەریەکێ، چونکی ئەڤ قوتابیە نەشێن قەستا پارێزگەھا نەینەوا بکەن ژ بەر رەوشا ئەمنی”.
داعش كه‌ساتيه‌كێ نه‌ينه‌وا گوله‌بارانكر
ئه‌ڤرۆ نيوز:
چه‌كدارێن داعش ئێك ژ كه‌ساتيێن به‌رنياسێن عه‌شيره‌تان ل پارێزگه‌ها نه‌ينه‌وا گوله‌بارانكر.
ب گۆره‌يى ژێده‌رێن ئه‌منى، چه‌كدارێن داعش جلكێن له‌شكرى ل به‌ر خوه كربوون و شڤێدى چووينه گوندێ عه‌مرينێ ل ناحيا حه‌مام عه‌ليل باشوورێ مووسل.
ئاماژه ب وێ چه‌ندێ ژى كر كو چه‌كدار چووينه سه‌ر مالا شێخ راغب عه‌بدولمه‌هدى به‌درانى ئێك ژ كه‌ساتيێن عه‌شيره‌تا بوو به‌دران، پاشان دايه به‌ر گوله‌يان ل ژ ده‌رڤه‌يى مال و د جهـ دا گيانێ خوه ژ ده‌ست دايه.
جۆتیارەکێ ھەرێمێ جۆرە باجانەکا نوو بەرھەمئینا
ئەڤرۆ نیوز، رەمەزان ھەرنی:
جۆتیارەکێ ھەرێما کوردستانێ کو ھەلگرێ ناسناڤێ جۆتیارێ نموونەیا سالانە چەندین ڤەکۆلینان ل سەر بەرھەمێن خوارنێ یێن چاندنێ ئەنجام ددەت و دووماھی ڤەکۆلین ل سەر باجان سورەکا شێوازێ ستێر کریە و شیایە سەر کەڤیت.
شێخ جەمال کربچینەیی، جۆتیارێ نموونەیێ ھەرێما کوردستانێ بۆ ئەڤرۆ نیوز دیار کر کو بەری دو سالان توڤێ جورە باجانەکێ ل بریتانیا بۆ وی ھاتبوو پشتی چەندین ڤەکۆلین و کارکرنا ب شێوازێ ستێر ھاتە بەرھەمئینان و دیاردبیت کو ئەڤ توڤێ باجانێ ل گەل کەش و ھەوایێ ھەرێما کوردستانێ یێ دروستە و گۆت: “ئەڤ جۆرێ باجانا ستێر تام و بھێنەکا تایبەت و جودا ژ باجانکا دی یا سور ھەیە و شیانێن ھەموو جورە نەخوشیەکێ ھەنە و یاب ھێزە دو سالە کار ل سەر دکەم و شیایمە توڤەکێ باش ژێ بەرھەم بینم و ئەڤ سالە رێژەکا باش من چاندیە و پشتی دگەھیتە بەری ب دروستی دێ ل ھەرێما کوردستانێ ھەموو یێ بەلاڤکەم”.
پارێزگه‌رێ دهۆكێ سوپاسیا وه‌لاتێ ئه‌مریكا و رێكخراوێن نێڤده‌وله‌تی دكه‌ت
ئه‌ڤرۆ نیوز:
فه‌رهاد ئه‌مین ئه‌تروشی ل رۆژا 3/12/2018 پێشوازیا ستیف ڤاگین قونسلێ ویلایه‌تێن ئێكگرتیێن ئه‌مریكا وشاندێ دگه‌لدا كر.
دهه‌ڤدیتنه‌كێدا به‌حسێ په‌یوه‌ندیێن ئه‌مریكا دگه‌ل هه‌رێما كوردستانێ وره‌وشا ئاواره وپه‌نابه‌ران ل سنورێ پارێزگه‌ها دهوكێ وئه‌و هاریكاریێن حكومه‌تا هه‌رێما كوردستانێ ورێكخراوێن نیڤ ده‌وله‌تی پێشكێش دكه‌ن هاته كرن.
دته‌وه‌ره‌كێ دیدا به‌حسێ هاریكاریێن ویلایه‌تێن ئێكگرتیێن ئه‌مریكا هاته كرن كو بو ئاواره وپه‌نابه‌ران ل سنورێ پارێزگه‌ها دهوكێ پێشكێش دكه‌ت دوارێ دانا ئاهێن خارنێ وئاڤه‌دانیێ وئاڤ وئاڤ رویا وبو كه‌رتێن ته‌ندورستی وپه‌روه‌ردێ وپاقژكرنا مینا وچه‌ندین سه‌كته‌رێن دی یێن خزمه‌تكاری ، كو ئه‌ڤه هه‌موو ب رێكا چه‌ندین رێكخراوێن ئه‌مریكی ویێن نیڤ ده‌وله‌تی بو ئاوارێن قه‌زا شنگال و په‌نابه‌رێن سوری ل سنورێ پارێزگه‌ها دهوكێ دهێنه پێشكێش كرن.
پارێزگه‌رێ دهوكێ خوشحالیا خو ب سه‌ره‌دانێ دیاركر و سوپاسیا وه‌لاتێ ئه‌مریكا ورێكخراوێن نیڤ ده‌وله‌تی كر كو هاریكاریا ئاواره وپه‌نابه‌ران ل سنورێ پارێزگه‌هێ دكه‌ن وخواست كو ئاستێ وان هاریكاریا بهێته زێده‌كرن نه‌خاسمه وه‌رزێ زڤستانێ ده‌ست پێكریه وئاواره وپه‌نابه‌ران پێدڤیه‌كا زور ب ئالاڤێن زڤستانێ هه‌یه .
خه‌لاتێ ته‌پا زێرێ پێ هاته دان
عه‌بدولمه‌هدى ناڤێ به‌ربژێرێن هه‌شت وه‌زاره‌تێن خوه راده‌ستى په‌رله‌مانى كر
ئه‌ڤرۆ نيوز:
عادل عه‌بدولمه‌هدى سه‌رۆك وه‌زيرێن عيراقێ، د نڤيساره‌كێ دا ، ناڤێ به‌ربژێرێن هه‌شت وه‌زاره‌تێن خوه راده‌ستى په‌رله‌مانى كر كو برياره رۆژا سێ شه‌مبى ، په‌رله‌مان كۆم ببيت و ده‌نگدانێ ل سه‌ر ناڤێن وان بكه‌ت كو پێكدهێن ژ:
– فالح فەهد فەیسەل فەیاز، وەزیرێ ناڤخو
– فەیسەل جەربا، وەزیرێ بەرگری.
– قوسەی عەبدولوەهاب سوهێل، وەزیرێ خوێندنی باڵا.
– د. سەبا خەیرەدین تائی، وەزیرێ پەروەردە.
– د. عەبدولئەمیر حەمدانی، وەزیرێ رۆشنبیری.
– هەناء عەمانوئێل گۆرگیس، وەزیرا کۆچ وکۆچبەران.
– د. نوری ناتق دلێمی، وەزیرێ پلاندانان.
– دادوەر دارا نوردەین، وەزیرێ داد.
ب وێنە.. كونسولا ئیتالی كونسێرتەكا مۆزیكێ بۆ زارۆیێن ئاوارە ساز دكەت
ئەڤرۆ نیۆز، ئەمیر ئەترووشی:
كونسولا وەلاتێ ئیتالیا ل هەرێما كوردستانێ خانم سیرینا مۆرۆنی سەرەدانا كەمپا خانكێ یا ئاواران كر ب ئارمانجا ژ نێزیك دیتنا رەوشا كەمپێ و ئاواران و ئامادەبوون دكۆنسێرتەكا ستران گۆتنێ ل ناڤ كەمپێ دا، ژلایێ خۆڤە هاریكارێ پارێزگارێ دهۆكێ ب گەرمی پێشوازیا كونسولا ئیتالی كر و سۆپاسیا پشتەڤانیا وەلاتێ وان كر بۆ هەرێما كوردستانێ كر.
سالم سەعید، بەرپرسێ راگەهاندنا بۆردێ كارۆبارێن مرۆڤایەتی بۆ ئەڤرۆ نیۆز دیار كر كو د ڤێ سەرەدانێ دا كونسولا وەلاتێ ئیتالیا ل پێش كۆنسێرتەكا ستران گۆتنێ كو ژلایێ رێكخراوا upp یا ئیتالی ڤە هاتبوو بەرهەڤكرن، و چەندین ستران و برگێن موزیكێ هاتن پێشكێشكرن، هەروەسا ژمارەكا مەزن یا ئاواران و ب تایبەت تەخا زارۆیان ل پێش كۆنسێرتێ ئامادەبوون، ئارمانحا سەرەدانا كۆنسولا ئیتالی و ئەنجام دانا كۆنسێرتێ پشتەڤانیكرنا ئاوارانە و ب تایبەت د بوارێ سایكولۆجی دا و بەلاڤكرنا كەیفخۆشیێ ل ناڤ تەخا زارۆیان.
چه‌ند پێزانین ل دۆر مه‌سرور بارزانى بەربژار بۆ پۆستێ سه‌رۆكێ حوكمه‌تێ
ئەڤرۆ نیوز ، نەوزاد هلۆرى:
مه‌سرور بارزانى كورێ مه‌سعود مه‌لا موسته‌فا بارزانى یه و ل سالا 1969 ژ دایكبویه، ئه‌ندامێ مەکتەبا سیاسیا پارتى دیموكراتى كوردستانه، دبیته سه‌رۆكێ جڤاتا ئاسایشا هه‌رێما كوردستانێ، ئه‌ڤرۆ ژلایێ سه‌ركرداتیا پارتى دیموكراتى كوردستان وه‌كو به‌ربژار بو پێكئینانا كابینه‌یا نوو یا حوكمه‌تا هه‌رێما كوردستانێ و سه‌روك وه‌زیرێن هه‌رێما كوردستانێ هاته دیاركرن.
مه‌سرور بارزانى ل سالا 1985 گه‌هشتیه دناڤ رێزێن پێشمه‌رگه‌ى كو ژیێ وى 16 سال بوون، ل سالا 1988 پشكدارى د شه‌رێ خواكورك دا ل وى ژیێ بچوك كربوو دژى رژێما به‌عس، دیسان ل سالا 1991 پشكدارێ سه‌رهلدانێ بویه، دژیانا خوه دا چه‌ندین جاران توشى شه‌ر و ئالوزى و نه‌خوشى و ده‌ربده‌ریان دبیت.
بارزانى خواندنا خوه یا ناڤنجى ل ئیرانێ تمام كریه، پاشان باوه‌رناما به‌كالوریوسی د خواندنێن نیڤده‌وله‌تى دا ل زانكویا ئه‌مریكى ل واشنتون یا پایته‌خێ ئه‌مریكا وەرگرتیە.
ل سالا 1998 مه‌سرور بارزانى دزڤریته هه‌رێما كوردستانێ و ژلایێ كونگرێ 12ێ دا ژلایێ پارتى دیموكراتى كوردستان دهێته هه‌لبژارتن بو لژنا ناڤه‌ندى یا وێ پارتێ، دبیته رێڤه‌به‌رێ گشتى ئاژانسا گشتى یا هه‌والگیرى، ل سالا 2012 ژى ژلایێ سه‌رۆكێ هه‌رێما كوردستانێ یێ به‌رێ ، مه‌سعود بارزانى دهێته دیاركرن كو ببیته راوێژكارێ ئاژانسا پاراستنا هه‌رێما كوردستانێ و هه‌تا نوكه به‌رده‌وامه.
مه‌سرور بارزانى د شه‌رێ روو ب رووبوونا ل گه‌ل داعش روله‌كێ به‌رچاڤ هه‌بویه و شیایه پاراستنێ سه‌ر ئه‌من و ئاسایشا هه‌رێما كوردستانێ بكه‌ت، ببیته ئێك ژ هه‌ڤپه‌یمانێن ژناڤبرنا داعش ئه‌ڤا كو ژلایێ ئه‌مریكا هاتیه دیاركرن بو ناڤبرنا داعشێ ل عیراق و سووریا.
زێده‌بارى كارێن ئه‌من و ئاسایشێ هه‌ڤده‌م مه‌سرور بارزانى دوارێ خێرخوازى ژى دا روله‌كێ كارا هه‌بویه، ل سالا 2005 ده‌زگه‌هێ بارزانى یێ خێرخوازى دامه‌زراند كو روله‌كێ كارا د كارێن خێرخوازى بو هه‌ژار و كێم ده‌رامه‌ت و په‌نابه‌ر و ئاواره‌یان هه‌یه ل هه‌موو ده‌ڤه‌رێن كوردستانێ و پارچێن دن یێن كوردستانێ و چه‌ند باژێره‌كێن عیراقێ، سه‌رپه‌رشتیا هزاران زاروكێن ئێتیم و سێوى و كه‌س و كارێن پێشمه‌رگه و شه‌هیدان دكه‌ت و هه‌یڤانه موچه‌ى دده‌ت وان.
مه‌سرور بارزانى خێزانداره و چوار زاروك هه‌نه، هه‌ر ئێك ژ زمانێن كوردى و عه‌ره‌بى و ئینگلیزى و فارسى دزانیت، ل پیرمام ئاكنجیه، ئه‌ڤرۆ ژلایێ سه‌ركرداتیا پارتى دیموكراتى كوردستان وه‌كو به‌ربژار بو پوستێ سه‌رۆكێ حوكمه‌تا هه‌رێما كوردستان و كابینا نوو هاته دیاركرن.
شاره‌زایێن وارێ سیاسى دده‌ن دیاركرن كو پێكئینانا حوكمه‌تا هه‌رێما كوردستانێ ژلایێ مه‌سرور بارزانى سه‌ربور و ئه‌زمونه‌كا نوویه و ب كه‌ساتیه‌كێ كارێزما دده‌ن دیاركرن.
نيشاندان
WP Facebook Auto Publish Powered By : XYZScripts.com