ئەڤرۆ نیوز، سالار دۆسکی:

بۆ ماوێ دو رۆژان بوو ل ھولا گەلەریا دھۆکێ پیشانگەھەکا ھەڤپشک بۆ ھەر دو ھەنەرمەندێن باژێرێ سلێمانیێ د.رێبوار و عەدنان کەریم ھاتەڤەکرن، تێدا چەندین تابلۆیێن ھەڤپشک ھاتیە دروستکرن ھاتنە نیشادان.
د.رێبوار سەعید، راگرێ کولیژا ھونەرێن جوان ل سلێمانیێ بۆ ئەڤرۆ نیوز گۆت: مەڤیا دەسپێکا پیشانگەھا خوە ژ باژێرێ دھۆکێ دەست پێ بکەین و دووڤ دا بەر ب باژێرێ ھەولێرێ و پاش سلێمانیێ بچین، پیشانگەە ژ ٣١ تابلۆیان پێک دھێت و ھەر ھەموو مە پێکڤە دروست کرینە ماوێ سالەکێ مە کار ل سەر کریە، پیشانگە یا تێکەلکریە ژ ھەلبەست و ئاواز و رەنگێن شێَوەکاری.
د.رێبوار ئەو ژی ئاشکرا کر کو پتریا تابلۆیێن پیشانگەھێ عەور تێدا دیارە وەک سومبلەک بۆ دیارکرنا رەنگان و خواستا بابەتی ھوسا ڤیا و سرۆشتێ مرۆڤی و ب شێوەکێ گشتی ئەم ھاتینە ڤە قەتیان ژ سرۆشتی، پیشانگە گازیەک بۆ پەیوەندیێن مرۆڤی ل گەل سرۆشتی، پشکەکا دی یا پیشانگەھێ گرێدایە دناڤ وێ ڤالاھیا دناڤبەرا ھونەرمەندان دا ھەیە و ئەڤە جارا ئێکێ یە کارەکێ ھەڤپشک پێڤە بکەین و پێشتر من ھەلبەست نڤێسینە و کاک عەدنان ئاوازکرینە و کرینە ستران پتر ژ ٣٠ سالانە ئێک دو نیاسین.
د. رێبوار ئەو ژی گۆت: من حەز کر پیشانگەھێ ل دھۆکێ دروست بکەین و دووڤ دا بچینە ھەولێر و سلێمانیێ مخابن پەیوەندیێن ھونەرمەندان گەلەک دلاوازن و مە ھەرد ەم گازندە ھەنە ژ پەیوەندیێن پارێزگەھان ئەڤجا مە ھەر دو ھونەرمەندان خواست کارەکێ ھەڤپشک بکەین و دووڤ دا بسەردانا دھۆکێ بکەین و دووڤ دا باژێێن دی دا پەیوەندی پتر خورت ببن.
راگرێ کولیژا ھونەرێن جوان گۆت: مە سەردانا پەیمانگەھا ھونەرێن جوان / دھۆک کر و پتریا مامۆستا قوتابیێن مە بوون و دیسام ە پەیوەندی ل گەل ھونەرمەندێن دھۆک ھەنە، دھۆکێ باژێرەکێ جوانە، گەلەک رەوشەنبیری و کەسایەتی سەردانا پیشانگەە مە کریە و ئەڤە جھێ دلخوەشیێ یە.