ئەڤرۆ نیوز:‏

راھێنەرێ یانا یوڤانتوس یا ئیتالی ماسیملیانو ئەلێگری دوپاتکر کو بریار ب سزادانا یاریزانێ خوە یێ پرتوگالی ‏کریستانو رونالدوی دایە ب ئەگەرا وێ برینا ڤی یاریزانی ل دلێ جەماوەرێ یوڤانتوس کری و چو جاران ‏نەھێتە ژبیرکرن.‏

ئەلێگری ئاماژەکر کو ئەو لێدانا پەنەلتیێ یا رونالدو شیای تێدا ب سەرکەڤیت ل دەمێن دووماھیا یاریا ریال ‏مەدرید ل ھەمبەر یوڤانتوس ل وەرزێ بوری د قارەمانیا یانێن ئوروپا دا ب لەزاتیا 139 کیلومێتران ‏ددەمژمێرەکێ دا و دشیانێن چو یاریزانان دا ژبلی وی ب جە بینت و بویە ئەگەر یوڤانتوس قارەمانیێ ب جە ‏بھێلیت برینەکا مەزن ل دلێ جەماوەرێ یانا ئیتالی پەیداکر و داکو ئەو ل کریستیانوی بورن ل سەر وێ ‏کریاریا وی ل دژی یوڤانتوس ل وی دەمی ئەو ھاتیە سزادان کو ھەموو لێدانێن پەنەلتیان یێن یوڤانتوس ب ‏تومارکرنا گولان ب جە بینت و زێدەتر ببنە ئەگەرێ بێدەنگ کرنا وان دەنگێن ل ھولێن کونگرێن روژنامەزانی ‏بلند دبن.‏

ژ سەرجەمێ 10 گولێن ل خولا ئیتالیا تومارکرین یاریزانێ پرتوگالی دو گولێن ژ وانان ب لێدانا پەنەلەتیا ‏تومارکرینە و ئێک دقارەمانیا ئوروپی دا ل دژی مانچستەر یونایتد.‏

ئەڤرۆ نیوز:‏

یاریزانێ گەنجێ یانا بەرشەلونە خویاکر کو ب کرنا یاریێ ل گەل ھەڤالێ وی یێ ئەرژەنتینی لینێل میسی ‏ھەموو کارەک دێ یێ ب ساناھی بیت.‏
یاریزانێ گەنجێ 20 سالی گارس ئەلینا ئەوێ وەکو پێگوھور ل خولەکا 70 پشکداری یاریا بەرشەلونە بووی ‏ل ھەمبەر ڤیاریال دچارچوڤێ یاریێن حەفتیا 14 ژ خولا ئسپانیا و یاری ب سەرکەفتنا بەرشەلونە ب ‏دووماھی ھات و ئەڤ یاریزانە شیا ژ پاسەکا لیونێل میسی گولا خوە یا ئێکێ ل گەل بەرشەلونە تومار بکەت ل ‏ناڤا یاریگەھا کامپ نوو.‏

ل دور ڤێ پشکداریا خوە یاریزانێ ناڤھاتی ئاماژەکر کو تومارکرنا گولێ ل یاریگەھا کامپ نوو خەونەک بوو بو ‏راستیێ ھاتە ڤەگوھاستن و کرنا یاریێ ل گەل میسی ھەمو بزاڤەکێ ئاسان دکەت ژبەرکو وی تەپا ئاراستەی ‏وی جھی کری یێ وی دڤیا و ئەو ھیڤیا وی یە زێدەتر دەلیڤەیا خوە بو پشکداریێ بینت.‏

ئەڤرۆ نیوز:‏

ھژمارێن نەپاش یێن ستێرا تەپا پێ یا وێلزی و یانا ریال مەدرید یا ئسپانی وە سا دەنە دیارکرن کو بەردەوامیا ‏ل ناڤا پێکھاتیێ یانا ریال مەدرد د گومانێ دایە و دبیت ل ڤەگوھاستنێن ھاڤینا بھێت بھێتە ڤەگوھاستن.‏

گارسبێل ئەوێ ب خودانێ مەزنترین موچە ل ناڤا پێکھاتیێ ریال مەدرید ب 15 ملیون یورویان دھێتە ‏ھژمارتن ب ئێک ژ یاریزانان دھێتە ھژمارتن کو یاریگەھا سانتیاگو بێرنابیو ب جە بھێلیت و یانا وی ھزرەکا ‏باش دڤێ چەندێ دا کریە تایبەت ب ئەگەرێن ھێزا لەشی و ھنگافتنێن وی یێن بەردەوام و ئەڤ چەندە بویە ‏ئەگەر راھێنەرێ یانێ یێ ئەرژەنتینی سانتیاگو سولاری بێژیت داخواز ژ بێلی دکەین روژانە یێ دیاربیت.‏

روژناما موندو دیبورتیڤو ئاشکراکریە کو گارسبێل نەشیایە ھەبونا خوە ب ھێز دیاربکەت و ببیتە پێگوھورێ ‏چونا کریسیانو رونالدوی و دیسان نەشیایە کارەکێ وەسا بکەت بەرەڤانی بو بھێتە کرن و جەماوەرێ یانێ و ‏کارگێری راھێنەرێ وی ل گەل راوەستن و رێکێ نەدەن بھێتە ڤەگوھاستن ژبەرکو پشکداری د نیڤا یاریێن ‏ریال یێن ڤی وەرزی دا کریە ھەتا نوکە کو ژ سەرجەمێ 207 یاریان ب تنێ پشکداری د 107 یاریێن تمام ‏دا کریە ژ خولەکا ئێکێ ھەتا دووماھیێ و 71 جاران د یاریێ دا ھاتیە گوھورین و 29 جاران پشتی ‏دەستپێکرنا یاریێ ھاتیە پشکدارکرن.‏

ئەڤرۆ نیوز:‏

ستێرا تەپا پێ یا مسری ل ئاستێ خوە یێ باش نەبوو ل یاریا دێربی میرسیسایدا ل ھەمبەر یانا ئێڤەرتون و ‏ئەڤ چەندە بو ئەگەر راھێنەرێ ئەلمانی یورگن کلوپ ب گوھوریت و ل شوونا وی ستوریدج پشکدار بکەت.‏

محەمەد سەلاح یریزانێ ئێکانە نەبوو ل پێکھاتیێ راھێنەرێ ئەلمانی کو ل ئاستێ خوە نەبیت بەلکو سادیو ‏مانی و روبرتو فیرمینو ژی ل ھێلا پێشیێ دبەرژەبون و چەندین دەلیڤە ژ دەست دان، لێ کلوپی سەلاح ب ‏تنێ گوھارت و ئەڤ چەندە بو ئەگەرێ تورەبونا جەماوەرێ لێڤەرپول و چەند کومێنت نڤێسین ژ بەرچاڤترین ‏کمێنتان.‏

• سەلاح دەرکەفتن و ھێشتا فیرمینو بێ د یاریێ دا بوچی کلوپ.‏
• شاکیری سەلاح ژ یاریێ دەرکەفتن چەند کارەکێ مەزنە.‏
• بریارا درخستنا سەلاحی و مانا فیرمینوی ھاتە دان تە ب دووماھی ئینا.‏
• فیرمینو یێ باش نەبوو، لێ ل شوونا وی کلوپی ێەلاح دوورخست.‏