ئه‌ڤرۆ نیۆز،عه‌زیز هه‌ورامی
سالانه ل ده‌ستپێكا وه‌رزێ پاييزێ ل ده‌شتێن شاره‌زوور وده‌ڤه‌رێن هه‌ورامان ل ده‌مێ باران بارينێ وبريسيان، كڤارك ده‌ردكه‌ڤن وهنده‌ك وه‌لاتى بۆ خوارنا خوه دكه‌ن وهنده‌ك ژى وه‌كو كارسه‌حدكه‌نێ وسالانه داهاته‌كێ باش بده‌ست ڤان ڤه دهێت.
ئه‌شره‌ف جاف، ئێك ژ وان كه‌سێن سالانه ب رێيا كڤاركان داهاته‌كێ باش بده‌ست دكه‌ڤيت بۆ ئه‌ڤرۆنيوز گۆت” سالانه ل هه‌موو وه‌رزان گياى كۆم دكه‌م ول بازارى دفرۆشم وكيلۆيا كڤاركان ل بازارى ب دو هزار ديناران دفرۆشم”.
جه‌مال بارام، دوكانداره ل بازارێ كڤاركان گۆت” سالانه بازارێ كڤاركان يێ باشه وكريارێن باش ژى مه يێن هه‌ين وكيلۆيێ ب دو هزار ديناران دكرين وب سێ هزار ديناران دفرۆشين”.
كڤارك ژبلى كو ل وه‌رزێ پاييزى يێن هه‌ين، سالانه ل ده‌ستپێكا وه‌زرێ بهارێ ژى ل چيايێن هه‌ورامان يێن هه‌ين كو ناڤێ وان كڤاركان ب (كڤاركان لۆكه) دهێنه نياسين وكيلۆيا وى ب 20 هزار ديناران ل بازارى دهێته فرۆتن.
ئه‌ڤرۆنيوز:
ددووڤچوونه‌كا رۆژناما (العربي الجديد) دا ئاشكرا دكه‌ت كو هه‌رچه‌نده ل عيراقێ شه‌ش ساله قانوونا به‌رهنگاريا بازرگانيێ ب مرۆڤى هاتيه دانان، به‌لێ نه‌شيايه رێگريێ ل ڤێ دياردێ بكه‌ت ورۆژانه ئه‌ڤ ديارده‌يه زێده‌تر لێ دهێت.
رۆژناما ناڤبرى دراپۆرته‌كێ دا به‌حسێ دياردا بازرگانيێ ب مرۆڤى دكه‌ت ل عيراقێ ودووپت دكه‌ت كو ئه‌ڤ ديارده‌يه رۆژانه د زێده‌بوونێ دايه وده‌ستهه‌لاتدارێن عيراقێ نه‌شياينه رێگريێ لێ بكه‌ن.
ل دۆر وان جهێن ئه‌ڤ ديارده‌يه لێ به‌لاڤ بووى، رۆژنامێ به‌لاڤكر كو ل به‌غدا يا بلاڤبووى وپاشى هه‌موو باژێرێن باشوور وناڤه‌راستا عيراقێ يێن ڤه‌گرتين ب تايبه‌تى ل به‌سره ئه‌ڤ ديارده ب شێوه‌كێ به‌رچاڤ دياردبيت.
ئاماژه ب چه‌ند داخۆيانيێن به‌رپرسێن به‌سرا ژى دكه‌ت كو دوپات دكه‌ن ل باژێرێ به‌سرا ژلايێ تۆرێن مافيايێ كرين وفرۆتن ب ژنان دهێته كرن.
ڤێ دياردێ تنێ ژن بخوه‌ڤه نه‌گرتينه، به‌لكو ئاماژه بۆ وێ چه‌ندێ دهێته كرن كو زارۆيان ژى ب تۆرێن خازخازۆكيێ دفرۆشن وهنده‌ك جاران زارۆيان ب كرێ دده‌نه وان تۆران وئه‌گه‌رێ سه‌ره‌كى ژى ئه‌وه كو ئاستێ ژيانا خه‌لكى ل باشوورێ عيراقێ رۆژانه به‌ر ب خرابيێ دچيت، له‌وما هه‌رچه‌نده ل سالا 2012 قانوونا به‌رهنگاريا بازرگانيێ ب مرۆڤى ل عيراقێ يا ده‌رچووى ورێ ژى ب وه‌زاره‌تا ناڤخوه هاتيه دان تاكو ڤان تۆران بگريت، به‌لێ به‌روڤاژى ئه‌ڤ ديارده‌يه يا زێده‌تر لێ دهێت.
ئه‌ڤرۆنيوز:
په‌يڤدارێ وه‌زاره‌تا پلاندانانێ ل عيراقێ، عه‌بدولزهره هنداوى راگه‌هاند، قه‌بارێ قه‌رێن ل سه‌ر عيراقێ يێن گه‌هشتينه 133 مليار دۆلاران.
عه‌بدولزه‌هره هنداوى گۆت ژى” قه‌رێن ده‌ره‌كى ل سه‌ر عيراقێ 73 مليار دۆلارن و49 مليار دۆلار ژى قه‌رێن ناڤخوه‌يى نه”.
دياركر” ژوان قه‌رێن ده‌ره‌كى يێن ل سه‌ر عيراقێ، 41 مليار دۆلار قه‌رێن وه‌لاتێن كه‌نداڤى نه ل سه‌ر رژێما به‌رێ يا عيراقێ ووان قه‌ران بێ ده‌نگى يا ل سه‌ر، ئانكو چو به‌حس ل وان ناهێته كرن ومفا ژى ل سه‌ر نينه.
ئاماژه‌كر ژى كو بزاڤێن به‌نكا نێڤده‌وله‌تى دبه‌رده‌وامن بۆ هلاويستن وراكرنا 90% ژ وان 41 مليار دۆلارێن قه‌رێن وه‌لاتێن كه‌نداڤى ل سه‌ر عيراقێ.
ئەڤرۆ نیوز:
فەرھاد ئەمین ئەترووشی پارێزگەرێ دھۆکێ ئەڤرۆ کۆمبوونەک ل گەل لیژنا موەلیدا ل پارێزگەھێ ئەنجامدا و پشتی کۆمبوونێ پرێس کۆنفرانسەک ھاتە ئەنجامدان.
د تەوەرەکێ پرێس کۆنفرانسی دا و ل دۆر بەلاڤکرنا گازا سپی ل سەنتەرێ پارێزگەھێ جەھوەر عەلی قایمقامێ قەزا دھۆکێ گۆت: ل ڤێ حەفتیێ دێ ١٠ ھزار کوبوونا ل سەر بریکارێن ئاھێن خوارنێ بەلافکەین و ل دەست پێکا حەفتیا بھێت دێ دەست بەلاڤکرنا گازا سپی کەین و دو و ویستگەە ھاتینە دەست نیشانکرن ئێک ل رۆژھەلاتێ دھۆکێ و یێ دی ل رۆژئاڤا یێ باژێری بۆ وێ یەکێ وەلاتی ب شێن ب ساناھی بەرھرا خو وەرگرن.
ئەڤرۆ نیۆز:
کۆمەکا پەرلەمانتارێن ئیرانێ ئەڤرۆ د داخۆیانیەکێ دا دیار کرن کو رەوشا ژیانا وەلاتیان رۆژ ب رۆژێ خرابتر لێ دهێت و دەولەتێ ژی هەتا نها چو بەرنامە بۆ باشترکرنا ژیانا وەلاتیان نینە و پشتی کو ئەمریکا سزایێن نوو ل سەر ئیرانێ سەپاندینە هەتا نها بهایێ کەلوپەلێن سەرەکی یێن خوارنێ ل ئیرانێ ٧٠% گران بووینە.
ل ئالیێ دی ل گۆر ئامارەکا وەزارەتا بازرگانی یا ئیرانێ بهایێ خوارنێن سەرەکی یێن وەکو گوشت، برنج و سپیاتی و خوارنێن دی ل ئیرانێ ب رێژا ٧٠ هەتا ٨٠% گران بووینە و گەلەک ژ وەلاتی نها نەشێن ڤان تشتان بکڕن و ژ بەر هندێ ژی هەکە دەولەت دەستێوەردانێ نەکەت دێ رەوش خرابتر لێ هێت.
ئەڤرۆ نيوز:
راھێنەرێ فرەنسی یێ بەرێ یێ یانا ریال مەدرید یا ئسپانی ب دەلیڤە دیت پشکداریا خوە یا ھژمارەکا چالاکیێن روژ ھەلاتێ ئاسیا یێن ریکلامکرنێ سەرەدانا ئێک ژ حەفت سەیر و سەمرێن جیھانێ بکەت ئەوژی دیوارێ چینێ یێ مەزن و ل گەل دا ھەڤژینا وی فیرونیک فرناندێز.
زێندین زێدان نوکە نە گرێدای چو کارانە تایبەت پشتی ئەرکێ راھێنەریا یانا ریال مەدرید ب جە ھێلای ل دووماھیا وەرزێ بوری تایبەت پشتی سێ جاران ل دویڤ ئێک ناسناڤێ قارەمانیا یانێن ئوروپا ب دەستڤەبری.
دھێتە زانین کو گەلەک پەیام و راپورت ل ماوێ بوری بەلاڤەبون و تێدا دیارکرن کو ئەڤ راھێنەرێ فرەنسی دێ دەست ب ئەرکەکێ نوو کەت ل ئێک ژ وەلاتیێن فرەنسا و ئنگلتەرا و روژھەلاتا ناڤین، لێ ھەتا نوکە ناڤھاتی یێ کەیفێ ب گەشتێن خوە دبەت و دو ئارمانجان پێکڤە ب کار تینت ئەوژی گەشت و کارێ ریکلامکرنێ بو بەرژەوەندا کومپانیێن گرێدان ل ناڤبەرا وان ھەی.
دھێتە زانین کورێ زێدانی ئانزو بەریا نوکە خویاکربوو کو بابێ وی ل ماوەکێ نێزیک دێ ڤەگەریتە ئەرکێ راھێنەریێ ژبەرکو گەلەک حەز ل کارێ خوە دکەت، لێ ھەر ژ نوکە یێ کار دکەت پێخەمەت ئەنجامدانا کارەکێ باشتر ل دەمێ ل گەل یانا ریال مەدرید.
ئەڤرۆ نیوز:
د ڤەکولینەکا زانستی دا یا نوو دا ئاشکرا دکەت کو خارنا شریناھیا مفایەکێ دی ھەیە ئەو ژی مروڤی ژ نەخوشیێن مەترسیدار د پارێزیت.
ڤەکولینێن بەری نوکە دیارکریە کو شریناھیا رولەکێ مەزن ھەی د کێمکرنا فشارا خوینێ و بھێزخستنا بیردانکا مروڤی دا.
لێ د ڤەکولینا نوو دا رۆژنامەیا زە سەن یا برێتانی دا ھاتیە دیارکرن ئەو کەسێن ھەیڤێ سێ جاران شریناھیان د خون کێمتر تووشی جەلتێ دبن.
دوین میلور شارەزایەکێ خوارنان ل زانکویا گوڤێنتری دیارکریە ھندەک ھوسا ھزر دکەن ل دەمێ خارنا شریناھیا ھەست ب گونەھباریێ دکەن لێ د کەتواری دا خارنەکا خراب نینە سەرەرای کو ھژمارەکا مەزن یا کالوریسان ب خوە ڤەدگریت لێ یا زەنگینە ب مەگنیسیوم و ئاسنی، و خارنا شریناھیا وەک خارنێن دی زیانێن خوە نینن کو مەترسیا نەخوشیێن مەترسیدار وەک یێن دلی و جەلتێ یان و زێدەکرنا کلوسترولێ ل دەف مروڤی.
ئەڤرۆ نیۆز، ئەمیر ئەترووشی:
پشتی پارێزگارێ دھۆکێ فەرھاد ئەترووشی ل گەل قائیمقامێ دھۆکێ و لیژنا موەلیدەیان کۆمبووی، د کۆنگرەیەکێ رۆژنامەڤانی ل دۆر بھایێ کارەبا موەلیدەی بریار دار بھایێ کارەبا موەلیدەی بۆ ٨٥٠٠ دیناران بھێتە کێمکرن و گۆت: بۆ مەھا ١١ دێ ١٢٥٠٠ دیناران دەت و ئەڤ پرۆژە دێ بۆ مەھا ١٢ و وێڤە بیت کو نابیت ژ ٨٥٠٠ دیناران زێدەتر بیت.
فەرھاد ئەترووشی، پارێزگارێ دھۆکێ د کۆنگرێ رۆژنامەڤانی دا راگەھاند، پشتی کۆمبوونا مە ل گەل لیژنا موەلیدەیان و قائیمقامی ب دووماھی، بریار ھاتە دان بۆ مەھا ١١ ب تنێ کۆژمێ ١٢٥٠٠ دینار بۆ ھەر ئەمپێرەکێ کارەبێ ژ بەشداربوویێن کارەبا موەلیدەیان بھێنە وەرگرتن و گۆت: لیژنا موەلیدەیان ھەیڤانە کۆمبوونا دکەن و دووڤچوونا بابەتێ موەلیدەیان دکەن.
ئەترووشی ئاشکرا ژی کر کو د سالێ دا ل ھەردوو وەرزێن زڤستان و ھاڤینی کێشە ل سەر کارەبا موەلیدەیان ھەیە و بۆ پارێزگەھا دھۆکێ ٥٩٥ مێگاواتێن کارەبا گشتی دھێن ژ سەرجەمێ ٢٥٠٠ مێگاواتێن کارەبێ و ژ ڤان ٥٩٥ مێگاواتان ژی ١٩٣ مێگاوات بۆ بەرۆکێن شەری دچن، ھەر ژ رەبیعە ھەتا بەدریکێ و ھەتا سنوورێ پارێزگەھا ھەولێرێ و بۆ ئوارەیان ژی دچیت و بۆ نەخۆشخانە و زیندان، ئانکو ئەو کارەبا بۆ دھۆکێ دمینیت ب تنێ ٣٨٠ مێگاواتن.
پارێزگاری ئاشکرا ژی کر کو دێ بزاڤان ل گەل حۆکمەتێ کەین رێژا کارەبێ ئەوا بۆ دھۆکێ دھێت زێدەتر لێ بکەین.
ئەندازیار محەمەد سالح، رێڤەبەرێ گشتیێ کارەبا پارێزگەھا دھۆکێ د کۆنگرێ رۆژنامەڤانی دا راگەھاند، نھا رۆژانە ١٠ بۆ ١١ دەمژمێران کارەبا گشتی بۆ وەلاتیان دھێتە بەردان و ١٣ دەمژمێران ژی کارەبا موەلیدەی د رۆژێ دا دھێتە بەردان و گۆتیشی: ٢٦.٣% ژ کارەبا گشتی یا ھەرێمێ بۆ دھۆکێ دھێتە دابینکرن و ٣٩% ژی بۆ ھەولێرێ دچیت و یا دی ژی بۆ سلێمانیێ و ھەلەبچە دچیت.
نيشاندان