ئەڤرۆ نیوز:
یانا یوڤانتوس یا ئیتالی کەڤتە د ھەڤرکی دا ل گەل یانا ئەنتر میلان بوو دەستڤە ئینانا ستێرا یانا ریال مەدرید و باشترین یاریزانێ جیھانێ لوکا مودرێچ بوو ڤەگوھاستنێن ھاڤینا بھێت.
مالپەرێ میدیاست یێ ئیتالی دیارکر یانا یوڤانتوس ژی ئارمانجا خوە کریە ستێرا یانا ریال مەدرید و یاریزانێ ھەلبژارتیێ کرواتیا لوکا مودرێچ بوو ھاڤینا بھێت پشتی بەری نوکە یانا ئەنتر میلان ژی ھەڤبەستەکا سالانە ١٠ ملیون یورۆ پێشکێشی یاریزانی کری.
ئەوی مالپەری ئاشکراکریە ژی ھەر چەندە سەرۆکێ یانا ریال مەدرید پێریز فروتنا ستێرا خوە یا کرواتی رەتکریە و دیارکریە ئەو د بەرھەڤ نین دەستا ژ مودرێچ بەردەن ل ڤی دەمی .
بەری نوکە راپورتێن رۆژنامەڤانی دیارکربوون مودرێچ ل ماوێ چەند رۆژێن بوری داخوازیا یانا ریال مەدرید رەتکربوو پشتی وێ یانێ داخوازی ژێ کری ھەڤبەستا خوە ل گەل یانێ درێژ بکەت و داخوازیا موچەیەکێ مەزن ژ یانێ کریە و ل دیڤ گوتنا رۆژنامەیێن ئیسپانی ئەو یاریزان ل سەر داخوازیا ئەنتر میلان ھەتا رادەیەکی رازیبوویە پشتی وێ یانێ ١٠ ملیون یورۆ وەکو موچەیێ سالانە پێشکێشی یاریزانی کرین.

ئەڤرۆ نیوز:
ھێرشبەری گەنچ یێ ھەلبژارتیێ عیراقێ و یانا شورتە مەھند عەلی یێ بەرنیاس میمی پشتی شیا ل ھەردو یاریێن دەستپێکێ ل گەل ھەلبژارتیێ وەلاتێ خوە د قارەمانیا ئاسیا دا ئاستەکێ بلند پێشکێش بکەت بوویە جھێ گرنگیا چەندین یانێن کەنداڤی و ئورۆپی .
بریکارێ وی یێ تایبەت بەھروز د داخویانیەکێ دا بوو ئەڤرۆ نیوز دیارکر میمی نوکە بوویە جھێ گرنگیا چەند یانێن کەنداڤی و ئورۆپی لێ ئەوان ھەتا نوکە چو بریار ل سەر داخوازیێن ئەوان یانان نەدایە کو ئەو داخوازیێن گەھشتی نە بەر دەستێ ئەوی بوو ئیمزاکرنا وی یاریزانی ژ وەلاتێ تورکیا و پورتوگال و سعودی و قەتەر و ئیماراتێ نە لێ ئەو نەشێن چو بریارا ل ڤی دەمی بدەن ژبەرکو ئەو نوکە گرێدای ھەڤبەستا خوە یە ل گەل یانا شورتە ھەردیسان ئەو پشتی قارەمانیا ئاسیا دێ ل گەل یانا شورتە کومبوونێ کەن .
ژلایەکێ دیڤە ل دیڤ راپورتێن رۆژنامەڤانی یێن عیراقی ھەر ئێک ژ یانێن غەرافە قەتەری و شەباب و فەتح یێن سعودی ب فەرمی داخوازی ژ یاریزانێ ناڤبری کریە بوو ئیمزاکرنا ھەڤبەستا ئەوان یانان .
ژلایەکێ دیڤە دیلی میلی کو ئێک ژ بەرنیاسترین مالپەرێن برێتانی یە ل سەر مالپەرێ خوە یێ تایبەت تویتەر بەلاڤەکریە یانا گلاسکو رێنجز یا یاریزانێ بەرێ یێ نیڤدەولی ھەلبژارتیێ ئنگلتەرا راھێنەریا وێ یانێ کەت چاڤدێریا ستێرا عیراقی موھەند عەلی میمی دکەن بوو ڤەگوھاستنا ئەوی یاریزانی ل ڤەگوھاستنێن زڤستانێ.

ئەڤرۆ نیوز:
راھێنەرێ نەرویجی و یانا مانچێستەر یوناید سولشایر پشتی وەرگرتنا پوستێ وێ یانێ شیا ھەیبەتا وێ یانێ جارەکا دی ڤەگەرینتە ڤە پشتی سەرکەفتنا دوھی ل سەر یانا توانھام د یاریێن گەرا ٢٢ ژ خۆلا ئنگلتەرا دا ئەو راھێنەر مێژویەک ل وێ یانێ تومارکر کو بوو راھێنەرێ ئێکێ د مێژویا وێ یانێ دا ل شەش یاریێن ئێکێ ل دیڤ ئێک بشێت سەرکەفتنێ توماربکەت .
سولشایر یێ نەرویجی دھێتە ھژمارتن ئێک ژ بەرنیاسترین یاریزانێن وێ یانێ یێن بەری نوکە ل گەل یانا مانچێستەر وەکو راھێنەر ژی خوە ب ھێز دیارکر پشتی ل شەش یاریێن خوە یێن دەستپێکێ شیا شەش سەرکەفتنا توماربکەت کو پێنچ ژ ئەوانان دخۆلا ئنگلتەرا دا بوون و ئێک د قارەمانیا کاسا ئنگلتەرا دا بوون ھەردیسان یاریزانێن یانا مانچێستەر یوناید ب سەرپەرشتیا وی راھێنەری شیا ل ماوێ شەش یاریێن بوری ١٧ گولان توماربکەن و بتنێ سێ گول سەر وێ یانێ ھاتینە تومارکرن