ئەڤرۆ نیوز:

راھێنەرێ ئیتالی و یانا چێلسی یا ئنگلیزی ماوریسیو ساری دیارکر ب ھیچ رەنگەکی ئەو دەستا ژ ستێرا خوە یا ھێلا ناڤینا بەرازیلی ویلیان بەرنادەن ل ڤەگوھاستنێن نوکە دا ژبەرکو ئەوی ل ڤی دەمی پێدڤی ب شیانێن ئەوی ھەیە.

راپورتێن رۆژنامەڤانی ل ئورۆپا دیارکربوون یانا بەرشەلۆنا نێزیکی رێککەفتنەکێ بوویە ل گەل یانا چێلسی بوو ڤەگوھاستنا یاریزانێ وێ یێ بەرازیلی ویلیان بەرامبەر دانا یاریزانی خوە مالکوم و کوژمێ ٥٠ ملیون یورۆیا ژی بدەتە وێ یانا لەندەنی لبەرامبەر دەستڤە ئینانا ویلیان ، لێ راھێنەرێ یانا چێلسی ئەو دەنگوباس ھەموو رەتکرن و دیارکر ئەوی یانە ئاگادارکریە ئەو ب ھیچ رەنگەکی رازی نابیت دەستا ژ شیانێن ویلیان بەردەت ل ڤی دەمی.

ھەژی گوتنێ یە یانا بەرشەلۆنا ھەر ژ ھاڤینا بوری ھەتا نوکە چار جاران ب فەرمی داخوازی ژ یانا چێلسی کریە بوو ڤەگوھاستنا ویلیان لێ یانا ئنگلیزی ھەموو جاران داخوازیا یانا کەتەلونی رەتکریە.

ئەڤرۆ نیوز:
یانەکا ئنگلیزی یا بزاڤێن مەزن کەت بوو دەستڤە ئینانا گولچیەکێ یانا ریال مەدرید بۆ ڤەگوھاستنێن زڤستانی.
مالپەرێ سکای سپورتس دیارکریە یانا لیدز یوناید یا ئنگلیزی کو ئێک ژ یانێن خۆلا پلا ئێک یا خۆلا ئنگلتەرا یە ب فەرمی داخوازی ژ یانا ریال مەدرید کریە بوو ئمزاکرنا ھەڤبەستا گولچیێ وێ یێ ٣٢ سالی کیکو کاسیا ئەوێ ل وەرزێ ئەڤ سالە وەکو گولچیێ سێ سەرەدەری ل گەل دھێتەکرن ل یانا ریال مەدرید پشتی ھەر ئێک ژکورتوا و ناڤاس .
یانا لیدز یوناید نوکە د ئاریشەکا مەزن دا بوریت ل ھێلا گولچیێن یانێ پشتی ل ھەیڤا نوفەمبەرا بوری گولچیێ وێ یێ سەرەکی جەمال بلاکمان توشی ھنگافتنێ بووی لێ رۆژنامەیێن نێزیکی یانا ریال مەدرید دیارکریە یانا مەلەکی ب مەرجەکی دێ دەستا ژ ڤی گولچی بەردەت ئەوژی ھەکە ناڤاس ل ماوێ بھێت یێ بەردەوام بیت ل گەل یانێ ژبەرکو ناڤاس ژی داخوازیا چونێ ژ یانا ریال مەدرید کریە .

ئەڤرۆ نیوز:
راپورتێن رۆژنامەڤانی ل ئیتالیا دیارکرن یانا ریال مەدرید ب فەرمی داخوازی ژ یانا جەنەوا یا ئیتالی کر بوو ئیمزاکرنا ھەڤبەستا ھێرشبەرێ وێ یێ پولەندی کریستوف پیاتیک .
مالپەرێ کاتشیو مێرکاتو یێ ئیتالی دیارکریە یانا ریال مەدرید ل دەستپێکا ڤێ حەفتیێ ب فەرمی ھەڤبەستەکا ٣٠ ملیون یۆرو پێشکێشی یانا جەنەوا کریە بوو ڤەگوھاستنا ھێرشبەرێ وێ یانێ پیاتیک لێ ئەوێ یانێ ئەو داخوازیا ریال مەدرید رەتکریە و ناخوازن دڤی دەمی دا دەستا ژ پیاتیک بەردەن.
ھەردیسان ئەوێ مالپەری ئاشکراکریە ژی یانا جەنەوا بوو یانا ریال مەدرید دیارکریە ژی دبیت ل ھاڤینا بھێت ئەو ھزر ل فروتنا ئەوی بکەن لێ ب مەرجەکی ئەوژی بەرامبەر دەست بەردانا ئەوی پێدڤی یە ٦٠ ملیون یورۆیا پێشکێشی ئەوێ یانێ بکەن.