ئەڤرۆ نیوز:
بابێ ستێرا بەرازیلی و یانا پاریس سانجێرمان نیمار راستیا ئەوان ھەموو دەنگوباسێن ل رۆژنامەیێن ئیسپانی ئاشکرا کر کو ئەوی پێنچ جاران ل ماوێ بوری داخوازی ژ یانا بەرشەلۆنا کریە ل وەرزێ بھێت ڤەگەریتە یانا بەرشەلۆنا .
بابێ ئەوی یاریزانی دیارکر چو راستی بوو ئەوان دەنگوباسان نینە و ھەتا نوکە ب فەرمی ئەوی چو داخوازی پێشکێشی یانا بەرشەلۆنا نەکرینە .
ھەژی گوتنێ یە رۆژنامەیێن ئیسپانی بەری نوکە ئاشکرا کربوون نیماری ب فەرمی پەیوەندی ب سەرۆکێ یانا بەرشەلۆنا کریە و داخوازیا ڤەگەراندنا خوە کریە بۆ یانا بەرشەلۆنا ل وەرزێ بھێت.

ئەڤرۆ نیوز:
پشتی شەڤا بوری ب فەرمی یاریزانێ ھێلا ناڤینا یانا چێلسی یا ئنگلیزی ڤابریگاس پێکھاتیێ وێ یانێ ب جە ھێلای و ھەڤبەستا موناکو یا فرەنسی ئیمزاکری ئەو یانا ئنگلیزی دخوازیت ھەڤبەستێ ل گەل یاریزانەکێ دی ل جھێ ئەوی ئیمزا بکەن .
رۆژناما لیکیپ یا فرەنسی دیارکر یانا چێلسی کەڤتە د ھەڤرکیا دەستڤە ئینانا ستێرا فرەنسی و یانا پاریس سانجێرمان ئەدریان رابیو ئەوێ ل ماوێ بوری بوویە ئارمانجا ھەردو یانێن بەرشەلۆنا و بایرن میونیخ .
ئەوێ رۆژنامێ ئاشکراکریە ژی یانا چێلسی بەرھەڤیا خوە دیارکریە ئەو کوژمەکێ مەزنتر پێشکێشی ئەوی یاریزانی بکەن ژ ئەو کوژمێ ھەردو یانان پێشکێشی ئەوی کری کو بەری نوکە ئەوی یاریزانی داخوازیا ١٠ ملیون یورۆیا وەکو موچەیێ سالانە ژ بەرشەلۆنا خواست بوو لێ ل دیڤ گوتنا ئەوێ رۆژنامێ یانا لەندەنی بەرھەڤیا خوە دیارکریە ئەو ژ ئەوی کوژمی پتر پێشکێشی ئەوی یاریزانی بکەن ھەکە ئەو رازی بیت بھێتە دناڤ پێکھاتیێ یانا چێلسی .

ئەڤرۆ نیوز:
پشتی چەندین بزاڤا یانە بەرشەلۆنا نەشیا ھێرشبەرێ خوە یێ رەگەز مەغربی مونیر حەداد رازی بکەن بوو درێژکرنا ھەڤبەستا ئەوی یاریزانێ ناڤبری ل گەل یانێ ئەو یانە نەچار بووی بەری ب دووماھیی ھاتنا ھەڤبەستا ئەوی ئەوا بریارە ل ھاڤینا بھێت ب دووماھیی بھێت بفروشتە یانەکا دی .
یانا بەرشەلۆنا ئیسپانی ب فەرمی ل سەر مالپەرێ خوە یێ تایبەت راگەھاند ئەو رازیبوونە بوو فروتنا یاریزانێ خوە مونیر حەداد بوو یانا سیڤلیا یا ئیسپانی بوو ڤەگوھاستنێن زڤستانێ بەرامبەر کوژمێ ٥٠ ملیون یورۆیا .

عیراقێ ب رێیا یەمەنێ چاڤ ل قوناغا ١٦ یە
ئەڤرۆ نیوز:
بریارە ئەڤرۆ ھەلبژارتیێ عیراقێ یێ تەپا پێ یاریا خوە یا دوێ ژ قارەمانیا ئاسیا بکەت دەمێ ل گەل ھەلبژارتیێ یەمەن کەت ژ چارچوڤێ یاریێن کوما چارێ .
دڤێ یاریێ دا ھەلبژارتیێ عیراقێ چاڤ ل مسوگەرکرنا پلێتا دەربازبوونێ یە بوو قوناغا دوێ کو ب سەرکەفتنێ ھەلبژارتیێ عیراقێ دێ دەربازبوونا خوە بوو قوناغا دوێ مسوگەر کەت پشتی د یاریا ئێکێ دا شیای سەرکەفتنێ ل سەر ھەلبژارتیێ ڤێتنام توماربکەت ب سێ گولان بەرامبەر دو گولان.
ھەژی گوتنێ یە ھەردو ھەلبژارتیا د مێژویا یاریێن خوە دا ١٠ جاران ھەمبەری ئێک بووینە و مێژو بوو بەرژوەندیا عیراقێ ڤەدگەریت کو ھەشت جاران شیا سەرکەفتنێ توماربکەت بەرامبەر دو وەکھەڤیا کو یاریزانێن عیراقێ شیانە ٢٥ گولان تومارکرینە بەرامبەر یێن یەمەن شەش گول تومارکرینە و مەزنترین سەرکەفتن ل سالا ١٩٩٣ بوو د ڤاڤارتنێن موندیالا جیھانی یا ئەمریکا دابوون دەمێ عیراق شیای سەرکەفتنێ ل سەر توماربکەت ب شەش گولان بەرامبەر گولەکێ کو ئەو یاری د بوو یاریا ئێکێ د مێژویا ھەردو ھەلبژارتیان دا ھەمبەری ئێک بەن و دووماھیی یاری ل ٢٩-١٢-٢٠١٧ بوو ل قارەمانیا کەنداڤی یا ٢٣ ل وەلاتێ کوێت کو ھەلبژارتیێ عیراق شیا سەرکەفتنێ توماربکەت ب سێ گولان بێ بەرامبەر

ئەڤرۆ نیوز:
بەری دەمەکێ کێم یانا موناکو یا فرەنسی ل سەر مالپەرێ خوە یێ تایبەت تویتەر ھەڤبەستا یاریزانێ ھێلا ناڤینا ئیسپانی ئیسپانی و یانا چێلسی یا ئنگلیزی ڤابریگاس ھەتا ھاڤینا ٢٠٢٢ راگەھاند.