ئەڤرۆ نیوز:

پشتی ل دەستپێکا ڤێ حەفتیێ یاریزانێ یانا بەرشەلۆنا مونیر حەداد رەتکری ھەڤبەستا خوە ل گەل یانا خوە درێژ بکەت ب وێ بریارێ ئاریشە بوو پێکھاتیێ ڤالڤێردی راھێنەرێ بەرشەلۆنا پەیدابووینە ژبەرکو ئەوی چو پێگوھورێ ل ئاست بلند نین ل جھێ سوارێزی و داخوازی ژ یانێ کریە ھەر زیکا دەست ب لڤینا بکەن بوو ئینانا ھێرشبەرەکێ نوو.

کارگێریا یانا بەرشەلۆنا ژی دەست ب لڤینا کریە بوو ئینانا ھێرشبەرەکێ نوو ل جھێ مونیر حەداد وەکو پێگوھور بوو ھێرشبەرێ خوە یێ نوکە لویس سوارێز ئەوێ ژیێ وی گەھشتی یە ٣٢ سالان و ل دیڤ راپورتێن رۆژنامەڤانی یانا بەرشەلۆنا حەفت یاریزان بەربژارکرینە بوو جھێ مونیر حەداد ئەو ھێرشبەر ژی ئەڤێن خوارێ نە.

یانا بەرشەلۆنا دو ھێرشبەرێن یانا ئەنتراخت فرانکفورت یا ئەلمانی کرینە ئارمانجا خوە ئەوژی ھێرشبەرێ کرواتی ئانتی رێبیچ ئەوێ ل وەرزێ ئەڤ سالە د ١٢ یاریان دا شیای ٥ گولان توماربکەت دخۆلا بوندس لیگا و ھەردیسان ھێرشبەرێ سربی یێ ھەمان یانە لوکا یوڤیتیچ ژی ئێک ژ ئارمانجێن یانا بەرشەلۆنا ئەوێ ژ وەرزێ بوری وەرە د سەرجەمێ ٣٧ یاریان شیای ٢٠ گولان بوو یانا خوە توماربکەت.

یانا بەرشەلونا دخوازیت ھەڤرکیا یانا ریال مەدرید بکەت بوو دەستڤە ئینانا ئێک ژ ستێرێن خۆلا ئیتالیا ئەوژی یاریزانێ پولەندی و یانا جەنەوا بیاتیک ئەوێ ل وەرزێ ئەڤ سالە ھەتا نوکە ١٣ گول دخۆلا کاتشیو دا تومارکرین لێ ل سەر یانا بەرشەلۆنا پێدڤی یە کوژمەکێ مەزن یێ پارەی تەرخان بکەت بوو دەستڤە ئینانا ئەڤی یاریزانی ھەردیسان یاریزان ژی دبیت رازی نەبیت وەکو پێگوھورێ سواریز بیت ل یانا کەتەلونی ل دیڤ گوتنا رۆژنامەیێن نێزیکی بەرشەلۆنا دەستڤە ئینانا ڤی یاریزانی بوو یانا کەتەلونی دێ یا ب زەحمەت بیت

یاریزانێ ئوروگوای ماکسیمیلیانو گومێز ھێرشبەرێ یانا سلتاڤیگو یا ئیسپانی ئێک ژ ئەوان بەربژارێن ب ھێزە بوو یانا بەرشەلۆنا

ھێرشبەرێ دانیمارکی و یانا ئەیاکس ئەمستردام کاسبر دولبیرگ

ھێرشبەرێ یانا روما و ھەلبژارتیێ چیک پاتریک شیکیک ئێک ژ ئەوان یاریزانان بوو ل ھاڤینا بوری یانا بەرشەلۆنا حەزا ئیمزاکرنا ئەوی ھەبوو لێ یانا روما ل دووماھیێ شیا شیانێن ئەوی ب دەستخوڤە بینت و یانا بەرشەلۆنا جارەکا دی حەزا ئینانا ئەوی ھەیە

جیان کیڤین ئوگوستین ھێرشبەرێ فرەنسی و یانا لایبزیگ 

ئەڤرۆ نیوز ٬ عەلی حاجی

تیماخوەلێکدانا یانا زاخۆ پشتی ب سێ یاریزانان پشکداری ل قارەمانیا دەربازبوونێ بۆ قارەمانیا ئاسیا کرین بێ پشتەڤانیا کارگێریا یانا زاخۆ، شیان ئەنجامێن باش ب دەستخوەڤە بینن.

ل رەمەزان حەسەن، راهێنەرێ تیما خوەلێکدانا یانا زاخۆ بۆ ئەڤرو نیوز گۆت : یاریزان (شەهید حسنی) ل سەر کێشا ٦۱کگم شیا پلا ئێکێ ل سەر ئاستێ عێراقێ ب دەستخوەڤە بینیت وەکو ئێکەم یاریزانێ کورد ل هەرێما کوردستانێ شیا ڤی دەستکەفتی ب دەستخوەڤە بینیت و یاریزانێ ناڤبری دێ دگەل هەلبژارتیێ عێراقێ پشکداریێ دقارەمانیا ئاسیا دا کەت ئەوا دێ ل وەلاتێ کوریا باشوور هێتە ئەنجامدان و هەروه‌سا (وەلات محەمەد) ب کێشا ٦۵ کگم ل رێزا دويێ هات و (محەمەد سەمیر) ل سەر کێشا ۷٤ کگم ل رێزا سیێ هات ل سەر ئاستێ عيراقێ .

زێدەتر گۆت : هەر چەندە دەستەکا کارگێریا یانا زاخۆ چو پشتەڤانی ل تیما مە و یاریزانێن مە نەکر، بەلێ مە بۆ هەموويان دیارکر بێ پشتەڤانیا وان ژی دشێين دەستکەڤتیان ب دەستخوەڤە بینن و یاریزانێن مە ل بلندترین ئاست دانە و دشێن ببنە نوونەرێ راستەقینەیێ ناڤێ زاخۆ و کوردستانێ و هەروه‌سا ئەڤە نەدەستکەفتیێ ئێکێ یە ب دەستخوەڤە دئینن، بەلێ بلا بۆ هەموويان دیار بیت ئاستێ یاریزانێن مە ژهەژی قارەمانیێن ئاسیا وجیهانی یە .