ئەڤرۆ نیۆز:
جیهانگیر ئیسلام ئەندامێ پەرلەمانێ تورکیا یێ سەر ب پارتیا سەعادەتێ راگەهاند کو رەوشا نها یا تورکیا گەلەکێ ئالۆزە و ئاکپارتیێ نەشیایە پرسێن وەلاتی چارە بکەت و ئەز پێشبینی دکەم کو دێ دەنگێ ئاکپارتیێ بیتە ٣٠% و ژ بەر هندێ ژی پێدڤیە بۆ هەلبژارتنێن باژێرڤانیان هەدەپە، پارتیا کۆماری، ئیی پارتی و پارتیا مە سەعادەت هەڤپەیمانیەکێ دروست بکەن دا دووماهیێ ب دەستهەلاتا ئاکپارتیێ بینن.
ناڤهاتی ئەو یەک ژی دیار کر دڤێت تورکیا رێزێ ل بریارا دادگەها مافێن مرۆڤی یا ئورۆپا بگریت و دەمیرتاشی ئازاد بکەت.
ئەڤرۆ نیوز:
رۆژناما کوریێری دیللو سپورت یا ئیتالی ئاشکرا کر کو سەروکێ یانا لوس ئەنجلوس گەلاکسی یا ئەمریکی رێگرە ھەمبەر چوونا ھێرشبەرێ وێ یێ سویدی زلاتان ئیبراھیموڤیچ بۆ یانا میلان یا ئیتالی.
ھەمان ژێدەر دیارکر یاریزانێ سویدی یێ ٣٧ سالی ماوەکە ناڤێ وی بەلاڤ بوویە کو دێ دوبارە ڤەگەریتە خولا ئیتالیا دگەل یانا ئەی سی میلان، و ئیبراھیموڤیچ ژی حەزا ڤەگەریانا خوە بۆ یانا میلان دیارکریە.
لێ بەرامبەر ڤێ کریارێ سەروکێ یانا لوس ئەنجلوس گەلاکسی پێنگاڤەک ھاڤێتیە و دبیت ئەڤ یاریزانە یێ بەردەوام بیت دگەل یانێ ئەو ژی دەمێ ھەڤبەستا وی نوو کری دگەل شازدە یاریزانێت دی بۆ وەرزێ بھێت بەرامبەر دەست ژ حەفت یاریزانێن خوە یێن دی بەردا ژوانا یێ ئنگلیزی جو کول.
ئەڤرۆ نیۆز، هۆشەنگ تاجر:
دلێر جەوادی چالاکڤانێ مەدەنی ل رۆژهەلاتێ کوردستانێ بۆ ئەڤرۆ نیۆز دیار کر کو دەزگەهێن راگەهاندنا ئیرانێ دبێژن کو ژ بەر بیڤەلەرزا ڤێ دووماهیێ یا ل کرمانشانێ چو کەسان جانێ خوە ژ دەست نەدایە، هەتا دبێژن هژمارا برینداران ژی کێمە، لێ راستیا بابەتی وەسا نینە و زانیاریێن ل بەر دەستێ مە نیشا ددەن کو پتر ژ بیست کەسان جانێ خوە ژ دەست داینە و هژمارا برینداران ژی گەهشتیە نێزیکی ٨٠٠ کەسان.
ناڤهاتی ئەو یەک ژی دیار کر کو پتر ژ تیمێن هەوارهاتنێ خەلک بخوە هاریکاریا هەڤدو دکەن و شیاینە هەتا نها پرانیا برینداران بگەهیننە نەخوەشخانان، هەروەسا پرانیا نوشدار و کارمەندێن نەخوەشخانن کرمانشانێ ژی کوردن و ژ بەر هندێ د ماوەیێ دو رۆژن بۆری دا شیاینە خزمەتەکا باش پێشکێشی خەلکی بکەن و پرانیا برینداران ژی چارەسەر بکەن و ئەو یەک جهێ دلخوەشیێ یە.
ئەڤرۆ نیۆز، ئەمیر ئەترووشی:
رێڤەبەرێ گشتیێ دیوانا وەزارەتا ناڤخۆ یا حۆکمەتا ھەرێما کوردستانێ راگەھاند، وی پەیڤەک ل پەرلەمانێ بریتانیا پێشکێشکر و تێدا داخواز کر داخوازا جینۆساید ناساندنا کەیسا کوردێن ئێزدی کر.
د. سامی جەلال، رێڤەبەرێ گشتیێ دیوانا وەزارەتا ناڤخۆ تایبەت بۆ ئەڤرۆ نیۆز دیار کر، ئەڤرۆ رۆژا سێشەمبی ٢٧/١١/٢٠١٨ وی وەکو نوونەرێ وەزارەتا ناڤخۆ یا حۆکمەتا ھەرێما کوردستانێ گۆتارەک ل پەرلەمانێ بریتانیا ل لەندەن پێشکێشکر ل دۆر دامەزراندنا دادگەھەکا نێڤدەولەتی بۆ جینوساید ناساندنا کەیسا کوردێن ئێزدی و دادگەھکرنا تاوانبارێن داعش ل ھەرێما کوردستانێ و عیراقێ.
ئەڤرۆ نیوز:
نەقیبێ سەندیکا ماموستایێن عیراقێ داخواز ژ سەروک وەزیرێن عیراقێ عادل عەبدولمەھدی و ئەنجومەنێ پارێزگەھا نەینەوا کر بەرامبەر وێ ڤیدیویا پارێزگارێ نەینوا نەوفەل عاکوب بەلاڤ کری و تێدا سفکاتی ب رێڤەبەرێ قوتابخانەکا وی باژێری کری ڤەکولینێ بکەت.
د وێ ڤیدیویا د تورێن کومەلایەتی دا بەلاڤ بووی پارێزگارێ نەینەوا نەوفەل عاکوب سفکاتیێ ب رێڤەبەرێ قوتابخانەیەکێ دکەت ژبەرکو وی رێڤەبەری قوتابیەکێ خوە قوتایە.
ل دۆر ڤێ روودانێ عەباس سودانی نەقیبێ سەندیکا ماموستایێن عیراقێ داخواز ژ سەروکێ حکومەت و ئەنجومەنێ پارێزگەھا نەینەوا کر ڤەکولینێ د ڤێ کریارێ دا بکەن ژبەرکو بێ رێزی بەرامبەر ماموستایەکی ھاتیە کرن و پێدڤیە ب فەرمی پارێزگارێ نەینەوا داخوازا لێبورینێ ژ وی ماموستای بکەت ژبەرکو ئەڤ کریارە نە بەرپرسانەیە بەرامبەر کادرێ پەروەردێ بھێتە کرن ژبەرکو وەزارەتا پەروەردێ و رێڤەبەریا گشتی یا پەروەردێ بەرپرسە ژ جورێ سزایان ل سەر ماموستایان.
ئه‌ڤرۆ نيوز:
مه‌كته‌با سياسى يا ئێكه‌تى نشتيمانى كوردستان پشتى كۆمبوونا خوه يا ئه‌ڤرۆ ل باره‌گايێ مه‌كته‌يا سياسى يا خوه ل سلێمانيێ ئه‌ڤرۆ كۆمبوونه‌ك ئه‌نجام دا و پشتى كۆمبوون ب دووماهى ژى هاتى، راگه‌هاندنه‌ك به‌لاڤكر و راگه‌هاند، ئێكه‌تى ب هه‌ڤپشكا راسته‌قينه و بڕيارا هه‌ڤپشك و به‌رپرساتيا هه‌ڤپشك، دێ پشكدارى كابينا نوو يا حوكمه‌تێ بيت.
ده‌قێ راگه‌هاندنێ:
ئەمڕۆ سێشەممە 27-11-2018، به‌سه‌رپه‌رشتی كۆسره‌ت ره‌سوڵ عه‌لی، جێگری سكرتێری گشتی، به ئاماده‌بوونی د.به‌رهه‌م ئه‌حمه‌د ساڵح، جێگری دووه‌می سكرتێری گشتی، كۆبوونه‌وه‌ی ئاسایی مه‌كته‌بی سیاسی یه‌كێتیی نیشتمانیی كوردستان له سلێمانی به‌ڕێوه‌چوو.
له كۆبوونه‌وه‌كه‌دا، دۆخی سیاسی و قۆناغی نوێی پرۆسه‌ی سیاسی له عێراق، تاوتوێكرا، یه‌كێتی په‌یوه‌ندییه له‌مێژینه‌یه‌كانی له‌گه‌ڵ پێكهاته‌كان و هێزه سیاسیه‌كانی عێراق په‌ره‌پێیده‌دات، به ئامانجی چاره‌سه‌ركردنی كێشه‌كان و ده‌سته‌به‌ركردنی مافه ده‌ستوری و دیموكراسیه‌كانی گه‌لی كوردستان.
دۆخی كوردستان و گفتوگۆكانی په‌یوه‌ست به پێكهێنانی كابینه‌ی نۆیه‌می حكومه‌تی هه‌رێمی كوردستان هه‌ڵسه‌نگێنرا، به‌رده‌وامیی گفتوگۆكانی نێوان یه‌كێتی و پارتی و لایه‌نه‌كانی تر بۆ پێكهێنانی حكومه‌ت به گرنگ زانراو له‌مباره‌یه‌وه جه‌خت له‌وه كرایه‌وه، یه‌كێتی به شه‌راكه‌تی ڕاسته‌قینه و بڕیاری هاوبه‌ش و به‌رپرسیارێتی هاوبه‌ش، به‌شداری كابینه‌ی نوێ حكومه‌ت ده‌كات.
ئاماژه به‌وه‌شدرا، سه‌روه‌ت و سامانی هه‌رێم به یه‌كسانی بخرێته خزمه‌تی بوژانه‌وه‌ی زیاتری كوردستان و گوزه‌رانی خه‌ڵك و په‌ره‌پێدانی بواره جیاجیاكان له خزمه‌تگوزاری، په‌روه‌رده، كشتوكاڵ، ئاوه‌دانكردنه‌وه‌و ئارامی و ئاسایش و بوژاندنه‌وه‌ی ئابوری كوردستان.
له ته‌وه‌رێكی تری كۆبونه‌وه‌كه‌دا، سیاسه‌تی چه‌سپاو و له‌مێژینه‌ی یه‌كێتی، له‌باره‌ی پاراستنی یه‌كڕیزی لایه‌نه سیاسیه‌كانی كوردستان، بۆ قۆناغه‌كه و به‌دیهێنانی مافه‌كانی گه‌لی كوردستان به پێویستیه‌كی گرنگی قۆناغه‌كه ناوبرا.
دۆخی حزبی و رێكخراوه‌یی، ته‌وه‌رێكی تری كۆبونه‌وه‌كه بوو، كاروباری مه‌كته‌ب و مه‌ڵبه‌ند و ئۆرگانه‌كان و چۆنێتی سازدانه‌وه‌یان بۆ راپه‌ڕاندنی ئه‌رك و به‌رپرسیاریه‌تیه‌كانی قۆناغه‌كه و چاره‌سه‌ركردنی كه‌موكورییه‌كان تاوتوێكران و له‌مباره‌یه‌وه چه‌ند بڕیارێكی گرنگ درا.
بڕیاریشدا، بۆ تاوتوێكردنی پرسه سیاسیه‌كانی كوردستان و عیراق و كاروباری حزبی، رۆژی شه‌ممه‌ی داهاتوو ئه‌نجومه‌نی سه‌ركردایه‌تی یه‌كێتی كۆببێته‌وه.
راگه‌یاندنی مه‌كته‌بی سیاسی
ئەڤرۆ نیوز، نيوار محه‌مه‌د سه‌ليم:
چاڤدێرەکێ سیاسی ئاشکەر کر کو پێدڤیە کو ئەو لایەنێن پشکدار د حوکمەتێ دا، ب ئێک فراکسیۆن پشکداری حوکمەتێ ببن و ئێک بڕیار ھەبیت، ھەکە نەیا سەرکەفتی نابیت و دێ کابینا نوو ژی وەکو یار بەری نھا بیت.
عەبدولحەکیم خسرۆ جۆزەل، چاڤدێرێ سیاسی و مامۆستایێ زانکۆیێ بۆ ئەڤرۆ نیوز گۆت: “پێدڤیە ھەموو پارتیێن پشکدار د حوکمەتێ دا ب ئێک فراکسیۆن پشکداری حوکمەتێ ببن، ب ڤی رەنگی ب تنێ ھێزەک دێ مینیت وەکو ئۆپۆزسیۆن، ھەر وەکو نەوەی نوێ و ئێکگرتوو بڕیار دایە کو پشکداریێ د حوکمەتێ دا نەکەن. ئەڤ حزبێن دی ھەموو دڤێت ببنە ئێک فراکسیون و پشکدار بن د حوکمەتێ دا”.
زێدەتر گۆت: “پێدڤیە ئەڤ فراکسیۆنە ھەموو ببنە ئێک وەکو فراکسیۆنا حوکمەت د ناڤ پەرلەمانێ کوردستانێ دا. ھەکە ئەم بێژین فراکسیۆنا حوکمەتێ مەرەما مە ئەو نینە ب تنێ پەسنا حوکمەتێ بکەن و چاڤێن خوە ل کێم و کاسیا بگرن و ل دووڤ ئاریشێن وەلاتیان نەچن. فراکسیۆنا حوکمەتێ ئەوە کو دووڤچوونا کاروبارێن حوکمەتێ بکەت. ھەر لادانەکا حوکمەتێ د سیاسەتا گشتی دا ھەبیت ئەو دێ دووڤچوونا وێ کەت وەکو فراکسۆنا حوکمەتێ و لێپرسینێ کەن و پرسیارا ئاراستەی کەسی کەن و ھەتا بگەھیتە وێ چەندێ کو باوەریێ ژی ژێ بکێشن”.
ئاشکەر کر ژی کو ب دیتنا وی تشتەکێ گەلەک باشە کو سیاسەتا گشتی ل کوردستانێ سیاسەتەکا تەمام و دروست و ساخلەم بیت، ب تایبەت ھەکە سێ بۆ چار ھێزان د حوکمەتێ دا پشکدار بن و ھەموو ببنە فراکسیۆنا حوکمەتێ.
عەبدولحەکیم خسرۆ جۆزەل دا زانین ژی کو نھا بۆچوون یا وەسایە، نە وەکو ھەرجار ھەرلایەنەکی فراکسیۆنا خوە ھەبیت و ھەر ئێکی بەرنامەک ھەبیت و ل دووڤ خوە کار بکەت، دەما د حوکمەتێ دا رێ دکەڤن، دڤێت د ھەموو برگە و کارێن حوکمەتێ یێن چار سالێن بھێت دا رێ بکەڤن.
دەبارەیی ئەزموونا چار سالێن بۆری ژی گۆت: “دڤێت ئەم چار سالێن بۆری ل گەل ڤان ھەڤبەر نەکەین، چار سالێن بۆری شەرێ داعش ھەبوو و رەوشەکا ئابووری یا گەلەک خراب ھەبوو، بھایێ پەترۆلێ ژی ل خوارێ بوو، کریاریێن وان لایەنێن سیاسی یێن پشکداری حوکمەتێ ژی بووین وەکو پێدڤی نەبوون، حوکمەت پێک ئینا و ھەر لاینەکی وەکو خوە کار کر. ئەڤ ئەگەرێ تێکنەگەھشتنێ ل سەر بەرنامێ حوکمەتێ بۆ ئێک ژ ئەگەران کو حوکمەت یا سەرکەفتی نەبیت و حوکمەتا ئێکەتیا نشتیمانی نەشیا یا بەردەوام بیت”.
گۆتژی: “نوکە ئەم بەحس ل حوکمەتەکا ھەڤپەیمانی د ناڤبەرا سێ جار پارتیان ژی دروستە بھێتە کرن، بەلێ دڤێت دەست پێکێ ئەڤ لایەنە ل گەل ئێک ب رووننە خوار و ل سەر ھەموو خالان ل سەر ھەموو کەرتان. نابیت چو وەزارەتەکێ بێژن ئەڤە یا کیش لایەنێ سیاسی یە، دڤێت بێژن ئەڤ وەزارەتە یا حوکمەتێ یە و دڤێت وەکو تیم کار ل سەر بکەن”.
خۆیا ژی کر کو ل دەمێ چار سالێن بھێت ژی پشتی ڤی کاری دێ بێژین ئەو لایەنێن پشکدار د حوکمەتێ دا پێکڤە شکەستن خوار، یان ژی دێ بێژین ھەموویان پێکڤە سەرکەفتن ئینا.
ل دۆر وێ چەندێ کو لایەنێن سیاسی باوەری ب ھەڤدو ناھێت چاوان دێ کار پێکڤە کەن ب وی رەنگی، مامۆستایێ زانکۆیێ گۆت: “دڤێت ل سەر ڤێ پرسێ دھشیار ژی بین، ھەکە وەکو جارا دی بھێن ئێک یان دو دانوستاندنان بکەن و ئێک یان دو برادەرێن مە بچنە لایێ لایەنێن سیاسی و چایەکێ ڤەخون و ب ڤەگەرن، دێ ھەمان چارەنڤیسێ چار سالێن بوری ھەبیت. ھەکە ژی لژنێن ھۆنەری دانان و ل سەر ھەموو کەرتان کار بکەن. ل سەر سیاسەتا ل گەل بەغدا و پارچێن دی یێن کوردستانێ رێک کەڤن دێ بەرنامەکێ سەرکەفتی بیت”.
دا زانین ژی کو دشیان دایە ژی ھەر فراکسیۆنەک ب ناڤێ خوە بیت، بەلێ ھەڤپەیمانیەکا فراکسیۆنی ھەبیت، بگەھیتە وێ چەندێ کو سەرۆکایەتی ھەبیت و جێگر و بڕیاردەر ھەبن و ھەیکەلیەتەک د ناڤ پەرلەمانی دا ھەبیت کو ئەم بێژین ئەڤە فراکسیۆنا حوکمەتێ یە. ھەکە مە دیت بەر ب ڤان خالان و ھووردەکاریان چوون، دێ حوکمەتەکا جێگیر و سەرکەفتی ھەبیت، ھەکە ژی ل دووڤ ڤان ھووردەکاریان نەچوون و ب تنێ موجامەلە بن و چەند خالەک ل پەرلەمانی ھاتنە بەحسکرن دێ ھەر وەکو چار سالێن بۆری بیت.
ل دووماھیێ ژی گۆت: “ھەموو لایەنێن سیاسی وەسان خوە دیار دکەن کو دێ ھەموو رژدی و کارێ وان ل سەر بەرنامێ حوکمەتێ بیت، بەلێ دراستی دا، دەما دھێتە سەر بابەتێ پلە و پۆستان، ھەموو تشتان ژبیر دکەن و ب تنێ گرنگیا خوە دئێخنە سەر پۆستان کا کی دێ بیتە سەرۆک و کی دێ بیتە وەزیر و کی دێ چەندێ وەرگریت و ئەڤ چەندە مە دیت ژی ل بەغدا. ل دەسپێکێ پارتی و ئێکەتیێ ھیڤیەکا مەزن بۆ کوردان ل بەغدا دروست کر کو دێ چنە بەغدا و بەرنامەکێ ھەڤپشک ھەبیت و سیاسەتا وان ل سەر بەرنامەکێ بیت، پاشان ھەموویان دیت ل سەر پۆستێ سەرۆک کۆمار ئەوان چ کر و وەزارەتان چ کر، پێشبینی دکەم ل کوردستانێ ژی ھەمان سیناریۆ دووبارە ببیتەڤە”.
ئەڤرۆ نیوز، سالار دۆسکی:
رێڤەبەرێ قەرێن بچووک ل ھەرێما کوردستانێ خویا کر کو زڤراندنا قەرێن حوکمەتێ ژ لایێ گەنجان ڤە یا بەردەوامە و ھەتا نوکە کێمتر ژ نیڤا وی پارەی بۆ حوکمەتێ ھاتیە زڤراندن.
ئارام ئەنوەر عمر، رێڤەبەرێ قەرێن بچووک ل ھەرێما کوردستانێ بۆ ئەڤرۆ نیوز ئاشکرا کر کو ھەتا نوکە ٧٦ ملیار و ٦٠٠ ملیۆن دینار ل سەر گەنجان ل سەرانسەری ھەرێما کوردستانێ ھاتینە بەلاڤکرن و ھەشت ھزار و ٨٣٦ گەنج ژێ مفاداربووینە و گۆت: “ھەتا نوکە ٣٤ ملیار دینار بۆ حوکمەتێ ھاتینە زڤراندن”.
ناڤھاتی ئاماژە دا وێ چەندێ کو نێزیکی ٣٠٠ گەنجان مامەلێن خوە ب دووماھی ئیناینە و چاڤەرێی وەرگرتنا پاران بوون، لێ ژ بەر قەیرانا دارایی نەشیان وەربگرن و ھەر دەمێ دەست ب دانا قەرێن بچووک بھێـتەکرن دێ پارەی وەک پێشینە وەرگرن و گۆت: “ئارمانجا ڤی پرۆژە مفاداربوونا گەنجانە داکو بکار ب کەڤن و گومان نینە ئەڤ پارە وەک قەر ب گەنجان دھێتە دان و دڤێت د دەمێ دیارکری دا ئەو پارە بۆ حوکمەتێ بھێتە زڤراندن و ھەکە پارە نەھێتە زڤراندن ئەو کەسێ بوویە کەفیل دڤێت وی پارەی پێش ڤە بدەت”.
ل دووماھیێ رێڤەبەرێ قەرێن بچووک ل ھەرێما کوردستانێ خویا کر کوکەس ھەبووینە وەک خوەبەخش چووینە بەرۆکێن شەری ل دژی داعش و پێشتر قەر وەرگرتینە و شەھید بووینە، ئەو کەس ھاتینە ئازاکرن ژ زڤراندنا قەری بۆ حوکمەتێ و گۆت: “رێکخراوەکێ خواستیە ھاریکار بیت ل گەل دا بۆ دانا قەران بۆ کێم ئەندامان و رێژەک دیارکریە و مە ژی ھەڤکاریا خوە دەربریە بۆ ڤێ چەندێ کو کێم ئەندام پرۆژێن بچووک پێ ئەنجام بدەن”.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 27ى چريا دويێ 2018ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:3
| 100 دولارێ ئه‌مريكى | 120.200 دينار |
| 100 يۆرۆيێ ئه‌ورۆپى | 137.000 دينار |
| 100 ليرێ توركى | 23.000 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 27ى چريا دويێ 2018ێ بهايێ زێر و زيڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 گرام زێرێ (ع) 18 | 37500 |
| 1 گرام زێرێ (ع) 21 | 42500 |
| 1 گرام زێرێ (ع) 22 | 44500 |
| 1 گرام زيڤ | 3000 |
نيشاندان