ئه‌ڤرۆ نيوز:
رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو رێژا باران بارينێ ل پارێزگه‌ها دهۆكێ ژ 500 ملم بورى و ب ره‌نگه‌كێ گشتى رێژێن باران بارينێ ب ڤى ره‌نگێ ل خوارێ نه:
نووترين نووچه
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
- نێچیرڤان بارزانی پێشوازی ل قونسلێ مسرێ كر
- مەسرور بارزانی بۆ سۆدانی: پێدڤییە مووچە ژ ناكۆكییا سیاسی بهێتە دوورئێخستن
- گۆتن و کریارێن دەستهەلاتێ ل دۆر پرسا کوردی گەلەک ژێک دوورن
- سەرۆك بارزانی: دانیێل میتێران رۆلەكێ گەلەك مەزن د بەرگریكرنێ ژ دۆزا گەلێ كورد دا هەبوو
- نێچیرڤان بارزانی: پێکڤە دێ شێین روو ب روویێ گوهۆڕینا سەقای بین
- پێدڤییە سەرژمێری بۆ مەبەستێن سیاسی نەهێتە بكارئینان
سهرهكى Twitter
شیانێن کرینا یاریزانێ بەرشەلونە نینن
ئەڤرۆ نیوز:
کارگێریا یانا ئەرسینال یا ئنگلیزی ئاگەھداریا کارگێریا یانا بەرشەلونە یا ئسپانی کریە کو دشیانێن وان دا نینە پارێ کرینا یاریزانێ وێ دڤی دەمی دا دابین بکەت.
زێدەتر ژێدەرەکێ نێزیک یانا بەرشەلونە دیارکریە کو دڤی دەمی دا یانا ئەرسینال دخوازیت ھەڤبەستا یاریزان دینیس سوارێز ئیمزا بکەت و بەروەخت ھەتا دووماھیا ڤی وەرزی ڤەگوھێزیتە ناڤا پێکھاتیێ خوە دگەل ھەبونا بژارداکرینا وی ل دەستپێکا وەرزێ نوو.
زێدەتر ھاتیە ئاماژەکرن کو یانا ئەرسینال چەند ئاریشە و ئاستەنگێن دارای یێن ھەین و دشیاندا نینە کوژمێ تمام یێ کرینا سوارێزی بدەت و ھەر پارەکێ بمزیخیت پێدڤیە ژ دەستپێکا وەرزێ نوو بیت.
یانا ئەرسینال بو ھەڤرکیەکا باشتر ل قوناغا دویێ یا خولا ئنگلیزی پێدڤی ب ئیمزاکرنا چەند یاریزانایە بو جھێن جودا ل ناڤا پێکھاتیێ تیمێ ژبەرکو چەند کێماسی ھەنە و ھژمارەکا زێدە یا گولان ل سەر ھاتینە تومارکرن.
ب وێنە: بەفرێ رێ یێن ھاتنوچوونێ ل ئامێدیێ گرتینە
ئەڤرۆ نیوز، مەحمود نھێلی:
قایمقامێ قەزا ئامێدیێ بۆ ئەڤرۆ نیوز دیارکر کو ژ بەر بارینا بەفرێ د دەمێ چەند دەمژمێرێن بوری دا ئاریشا ھاتنوچوونێ ل ھندەک جھان دروستبوویە ب تایەبتی ژی ل ناحیا چەمانکێ و ناحیا کانی ماسێ.
ئیسماعیل مستەفا، قایمقامێ قەزا ئامێدیێ بۆ ئەڤرۆ نیوز دیار کر کو ئەڤە ژ دوھی ب شەڤ وەرە پێلەکا بارینا بەفرێ ب سەر دەڤەرێ دا گرتیە و بوویە ئەگەرێ گرتنا رێ یێن سەرەکی یێن سنوورێ قەزا ئامێدیێ و گۆت: “تیمێن رامالینا بەفرێ یێن رێڤەبەریا پاراستنا رێک و پران ل سەر پاقژکرنا جادێن دەرڤە یێن سنوورێ قەزا ئامێدیێ د بەردەوامن”.
ناڤھاتی دیار کر کو ژ بەر بەردەوامیا بارینا بەفرێ ئەڤرۆ سپێدێ ریێن چەند جھان ھاتبوونە گرتن و ل پەیمانگەھێ قوتابی یێن دەرڤە نەشیانە دەوامێ بکەن و ھەروەسا ل ھندەک جھان بۆ دەمێ چەند دەمژمێرەکان جادە ھاتبوونە گرتن و گۆت: “ئەگەرێ وێ ژی ڤەدگەریت بۆ بارینا بەفرێ ب شێوەکێ بەردەوام و تیمێن رامالینێ ھەتا جھەکی پاقژ دکەن جھەکێ دی دھێتە گرتن”.
قایمقامێ قەزا ئامێدیێ خویا کر کو تیمێن رامالینا بەفرێ نوکە دکاری دانە و پرانیا جادان ھاتینە ڤەکرن و یێن مایی ژی دێ ل دەمەکی نێزیک ھێنە ڤەکرن.
ژ ئالیێ خوە ڤە دا ھاشم یەحیا، بەرپرسێ پشکا کەشناسیا ئامێدیێ دیارکر کو د ٢٤ دەمژێرێن بوری دا ل سەنتەرێ قەزا ئامێدیێ ٦ سەنتیمێن بەفرێ و د ئەڤ سالە دا ٦٩٥ ملیمێن بارانێ بارینە و ل کانی ماسێ ژی ٢١ سەنتیمێن بەفرێ بارینە و ل سەرسنکێ زێدەباری بارینا بەفرێ و سەرجەمێ بارینا بارانان ژی یێن ئەڤ سالە دبنە ٩٧٥ ملیم.
یانەکا فرەنسی ھەلبژارت
ئەڤرۆ نیوز:
بەرەڤانێ نیڤدەولی یێ پورتوگالی و یانا بشکتاش یا تورکی پیپی نێزیکی ئیمزاکرنا ھەڤبەستا یانا موناکو یا فرەنسی بوویە پشتی وی یاریزانێ ناڤبری ھەڤبەستا خوە ل گەل یانا تورکی ھەلوەشاندی.
رۆژناما زەسەن یا برێتانی دیارکری د ماوێ چه‌ند حه‌فتیێن بوری دا چەندین ھەڤبەست گەھشتی نە بەر دەستێ وی یاریزانێ ناڤبری بۆ دەستڤە ئینانا شیانێن ئەوی لێ یاریزانێ ناڤبری گەلەک نێزیکی ئیمزاکرنا ھەڤبەستا موناکو بوویە.
ھەردیسان ھاتیە دیارکرن ژی پیپێ داخوازیا ھەر ئێک ژ یانێن ئەرسینال و پورتو رەتکرن بوو خاترا داخوازیا یانا موناکو .
ب وێنه: ژ به‌ر به‌فرێ ترۆمبێله‌ك وه‌گه‌ريا و كه‌سه‌كى گيانێ خوه ژ ده‌ست دا
ئه‌ڤرۆ نيوز، نيوار محه‌مه‌د سه‌ليم
كه‌سه‌كى ئه‌ڤرۆ رۆژا دوشه‌مبى د روودانه‌كێ دا، ل سه‌ر جاددا سه‌ره‌كيا مانگێشك بۆ كۆمه‌لگه‌ها باگێرا گيانێ خوه ژ ده‌ست دا.
سالح جه‌ميل، ژ راگه‌هاندنا پشكا هاتنوچوونا قه‌زا مه‌ركه‌زى دهۆك بۆ ئه‌ڤرۆ نيوز گۆت: “ل سه‌ر جاددا ناحيا مانگێشك بۆ كۆمه‌لگه‌ها باگێرا ل گۆندێ گۆندك نه‌بى روودانه‌كا هاتنوچوونێ ژ جۆرێ لێدان روودا كو ترۆمبێله‌كا پيكئاپ خوه ب په‌رژانێ جاددێ دادايه”.
زێده‌تر گۆت: “ژ ئه‌نجامێ ڤێ روودانێ كه‌سه‌كى گيانێ خوه ژ ده‌ست دايه و كه‌سه‌كێ دژى بريندار بوويه و بۆ نه‌خۆشخانا ته‌نگاڤيان ل دهۆكێ هاتيه ڤه‌گوهاستن، زيانێن مه‌زن ژى ب ترۆمبێلێ كه‌فتينه”.
ل دۆر ئه‌گه‌رێ روودانێ ژى سالح جه‌ميل دا زانين كو ئه‌ڤ روودانه ژ ئه‌گه‌رێ بكارئينانا له‌زێ بوويه و به‌فر ژى باريه و بوويه ئه‌گه‌ر كو كونترۆلێ ل سه‌ر ترۆمبێلێ نه‌كه‌ت.
ھەلویستێ وی ریال ھاندا بزاڤان بکەت
ئەڤرۆ نیوز:
یانا ریال مەدرید ب گەلەک و ب ھێز نێزیکی ئیمزاکرنا ھەڤبەستا یاریزانی دانیمارکی و ستێرا یانا توتنھام ھوتسپێر یا ئنگلیزی بوویە بو ڤەگوھاستنێن نوکە یان یێن ھاڤینا بھێت.
ناڤێ یاریزان کریستیان ئاریکسین ل ڤان روژێن دووماھیێ ب ڤەگوھاستنێ بو ناڤا رێزێن ریال مەدرید یا ئسپانی ھاتیە گرێدان داکو ببیتە پێگوھورێ ستێرا کرواتی لوکا مودریچی.
روژناما ئاس یا ئسپانی ئاماژەکریە کو دانییل لیڤی سەروکێ یانا توتنھام گەلەک یێ ب زەحمەتە ھەتا رازی بیت دەلیڤا دانوستاندنێ ل سەر فروتنا ئێک ژ ستێرێن خوە بکەت، لێ دھێتە پێشبینیکرن ڤێ جارێ بو یانا ریال مەدرید یێ رازبیت کریستیان ئاریکسینی بفروشیت.
زێدەتر ئەو چەندە ھاتیە ئاماژەکرن کو بەریا نوکە ژی یانا ریال مەدرید ژبو ڤەگوھاستنا مودریچ و گارسبێلی دانوستاندن دگەل ڤی کەسی کربوو و ب زەحمەت شیان رازیبونا وی ب دەستڤە بینن، لێ ڤێ جارێ دێ ب ساناھی رازی بیت ژبەرکو ماوێ ھەڤبەستا یاریزانێ دانیمارکی کێم مایە و رەتکریە ھەڤبەستا خوە نوو بکەت.
بڕینا دەرمالێن نۆشدار و کارمەندێن ساخلەمیێ ھاتینە ڕاگرتن
ئەڤرۆ نیوز، قائید میرۆ:
سەندیکا کارمەندێن ساخلەمیێ رەتکر کو ئەو ب بڕیارەکا وەزارەتێ ل دۆر بڕینا نانێ کارمەندێن خوەبەخش رازیبن و دیار کر کو بڕینا دەرمالێن مەترسیێ ژی ژ لایێ سەرۆکاتیا جڤاتا وەزیران ڤە ھاتیە راگرتن.
ھادی فەریق، پەیڤدارێ سەندیکا کارمەندێن ساخلەمی بۆ ئەڤرۆ نیوز دیار کر کو ل دەزگەھێن راگەھاندنێ نڤیسارەکا وەزارەتا ساخلەمی ھاتیە بەلاڤکرن کو ئێدی کارمەندێن ب شێوەیێ خوەبەخش ل نەخۆشخانێن ھەرێما کوردستانێ کار دکەن نەشێن نانێ نەخۆشخانێن سەر ب وەزارەتا ساخلەمیێ ڤە بخۆن، ئەڤێ چەندێ ژی ئەو دلگران کرینە، چونکی ل سالێن بۆری ب ھزاران کارمەندێن ساخلەمیێ بشێوەیێ خوەبەخش و بێی وەرگرتنا مووچەی دەست بکاری کریە ب مەرەما خزمەتا وەلاتیان، ھەر چەندە سۆزنامەک دایە وەزارەتێ، کو نابیت داخوازا مووچە و دەرمالان بکەن، ژبەرکو نەھاتینە دامەزراندن، بەلێ چاوا وەزارەت بڤی شێوەی دێ بەرسڤا وان دەت سەرەڕای ڤێ چەندێ بێ مووچە کار دکەن نانی ژی نەدەنێ.
ناڤھاتی ئاماژە دا وێ چەندێ کو دووڤچوونا ئەڤی بابەتی یا ژ لایێ لقێن سەندیکایێ ڤە دھێتەکرن و گۆت: “ئەم دڕازی نینین مامەلێن ب ڤی شێوەیی دگەل کارمەند و نۆشدارێن خوەبەخش بھێنەکرن و دێ ھەلویستێ خوە ژی گەھینینە وەزارەتا ساخلەمیێ”.
سالا بوری ل ئاکرێ پتری ٧٩ تەنێن کەلوپەلێن دەم ب سەرچوویی ھاتینە ژناڤبرن
ئەڤرۆ نیوز، سەباح زێباری:
بنگەھێ چاڤدێریا بازرگانی ل ئاکرێ ئامارا كه‌لوپه‌لێن ژناڤچووى يێن سالا بۆرى راگه‌هاندن و دا زانين كو ژماره‌كا زۆر ژ وان كه‌لوپه‌لان يێ كه‌رتێ ساخله‌ميێ بوون.
شه‌ھاب یاسین محه‌مه‌د، بەرپرسێ بنگەھێ چاڤدێریا بازرگانی ل ئاکرێ بۆ ئەڤرۆ نیوز گۆت: “ل سالا بۆرى، ٧٩ ته‌ن و ٥٠٣ كيلۆگران ژ کەلوپەلێن دەم ب سەر ڤه چوویی (ئیکسپایەر) یێن ھشک و شل و دەرمان ھاتینە ژ ناڤبرن كو نێزيكى 10 ته‌نان ده‌رمان بووينه”.
ئاماژا دا وێ چەندێ کو ١١٣ جھـ ھاتینە داێخستن (سەرتراشخانە، کافتریا، چایخانە، خارنگەهـ، نانپێژی، ئوتێل و ب سەرەدان بۆ کەرتێن جودایێن باژێری کو ۹۷٤ سەرەدان بۆ فروشگەهـ، خوارنگەهـ، نانپێژی، سەمونخانە، جوانکاری، دەرمانخانە، کارگەھـ و ٦١ نانپێژی و سەمونخانەیان ل سنوورێ قەزا ئاکرێ.
ب ڤیدیو: شیانێن یاریزانێ نوو یێ یانا ریال مەدرید بینن
ئەڤرۆ نیوز:
یانا ریال مەدرید ب فەرمی ھەڤبەستا ئێکێ یا ڤەگوھاستنێن زڤستانێ راگەھاند پشتی گەھشتی نە رێککەفتنێ ل گەل یانا مانچێستەر سیتی بوو ڤەگوھاستنا یاریزانێ وێ و ستێرا ھەلبژارتیێ لاوێن ئیسپانیا ئیبراھیم دیاز .
راپورتێن رۆژنامەڤانی ل ئیسپانیا دیارکرینە بریارە ئەڤرۆ یانا ریال مەدرید ئەوی یاریزانی بۆ دەزگەھێن راگەھاندنی ل باژێرێ مەدرید پێشکێش بکەت .
ھەردیسان ئەوان رۆژناما ئاشکرا کریە ژی ھەڤبەستا دیاز ل گەل یانا ریال مەدرید ھەتا سالا ٢٠٢٥ ھاتیە ئیمزاکرن بەرامبەر ٢٠ ملیون جینێ ، پشتی وی یاریزانی رەتکری ھەڤبەستا خوە نوو بکەت ل گەل یانا خوە مان ستی .ئیسترلینی.
ھەژی گوتنێ یە وەسا دھێتە پێشبینی کرن ئیبراھیم دیاز یێ ١٩ سالی پاشەرۆژەکا گەش ھەبیت ل سەر ئاستێ تەپا پێ یا ئورۆپی و ژبەرکو نوکە دھێتە ھژمارتن ئێک باشترین یاریزانێن بەھرەمەند ل سەر ئاستێ تەپا پێ یا ئیسپانی ھەر ژبەر ڤێ چەندێ یانا ریال مەدرید بوو پتر مفا ژ شیانێن ئەوی ل پاشەرۆژی بینن ھەڤبەست بۆ ماوێ شەش سالان ئیمزا کر.
سێ ھەیڤ ل سەر ھەلبژارتنان بورین و ژڤانێ کۆمبوونا پەرلەمانی یێ دیار نینە
ئەڤرۆ نیوز، قائید میرۆ:
ھەر چەندە زێدەتری سێ ھەیڤايه ھەلبژارتنێن پەرلەمانێ کوردستانێ ھاتینە ئەنجامدان و ھێشتا لایەنێن سیاسی ل دۆر چاوانیا پێکئینانا کابینا نوو یا حوکمەتا ھەرێما کوردستانێ نەگەھشتینە چو رێکەفتنان پەرلەمانتارەک ژی دبێژیت، “ھەتا رێکەفتن نەھێتەکرن پەرلەمان نەشێت کۆم ببیت”.
زانا مەلا خالد، پەرلەمانتارێ فڕاکسیۆنا پارتی ل پەرلەمانێ کوردستانێ بۆ ئەڤرۆ نیۆز دیارکر کۆمبوونا پەرلەمانی ب ڤەکری مایە و چو ژڤانەکێ دیاری کری نینە بۆ ھندێ پەرلەمانێ کوردستانێ کۆم ببیت، چونکو کۆمبوونا پەرلەمانی یا گرێدایی رێکەفتنا ناڤبەرا لایەنێن سیاسیە، ھەگەر لایەنێن سیاسی گەھشتنه رێکەفتنێ ئەڤە بێگومان پەرلەمان یێ بەرھەڤە بۆ ئەنجامدانا کۆمبوونێ.
زانا مەلا خالد ئاماژە کره وێ چه‌ندێ ژى كو بڕیارە رۆژێن بھێت دانوستانێن لایەنێن سیاسی دەست پێ بكه‌ن و هه‌كه ڤێ رێکەفتن ئێكسه‌ر پەرلەمانێ کوردستانێ کۆم بیت، بەروڤاژی ھەتا رەوش یا ھوسایە کۆمبوون ناھێتەکرن.
نيشاندان
WP Facebook Auto Publish Powered By : XYZScripts.com