ئەڤرۆ نیوز:
یانا ئەنتر میلان یا ئیتالی نێزیکی ئیمزاکرنا یاریزانەکێ ھێلا بەرەڤانیا یانا ئەتلەتیکو مەدرید بوویە پشتی گەھشتی یە رێککەفتنێ ل گەل وی یاریزانی ل ماوێ چەند رۆژێن بوری .
رۆژناما سکای سپورت یا ئیتالی ئاشکرا کریە یانا ئەنتر میلان بۆ ڤەگوھاستنێن ھاڤینا بھێت گەھشتی یە رێککەفتنێ ل گەل کابتنێ یانا ئەتلەتیکو مەدرید دیگو گودین ئەوێ بریارە ھەڤبەستا ئەوی ل ھاڤینا بھێت ب دووماھیی بھێت .
ئەوێ رۆژنامێ ئاشکرا کریە ژی یاریزانێ ھەلبژارتیێ ئورگوای گودین یێ ٣٣ سالی دخوازیت ل دووماھیا ڤی وەرزی خۆلا لالیگا ب جە بھێلت پشتی کرنا یاری بوو ماوێ دەە سالان و دخوازیت بەر ب خۆلا کاتشیو یا ئیتالی بچیت.
ھەژی گوتنێ یە دیگو گودین ل سالا ٢٠٠٧ ھەتا ٢٠١٠ یاری ل گەل یانا ڤیاریال کر و ل سالا ٢٠١٠ ھەڤبەستا ئەتلەتیکو مەدرید ئیمزاکربوو ھەتا نوکە ل گەل ڤێ یانێ یێ بەردوامە و دماوێ ١٠ سالێن بوری دا ٣٥١ یاری دخۆلا لالیگا دا کرینە.

ئەڤرۆ نیوز:

ژێدەرێن دەنگوباسێن ئسپانی ئەڤرۆ رۆژا شەمبی راگەھاند  یانا ریال مەدریدب فەرمی داخوازا کرینا یاریزانێ یانا ریڤەرپلێت یا ئەرژەنتینی ئیزکیێل ئەلیخاندرو پالاسیوس کریە.

رۆژنامەیێن ئسپانی ئەڤرۆکە دیارکر یاریزانێ ئەرژەنتینی پالاسیوس ب رێکا بەرپرسێن کارێن وی دگەل یانا ریال مەدرید گەھشتینە رێککەفتنێ بۆ ڤەگوھاستنا یاریزانێ ناڤھاتی و تنێ رێککەفتن ناڤبەرا ھەردو کارگێریێن یانێن ریال مەدرید و ریڤەرپلێت مایە داکو ئەڤ ھەڤبەستە ب دووماھی بھێت ل مێرکاتویا نوکە یا زڤستانی.

رۆژنامەیێن ئسپانی ھوسا خویاکریە کو رۆژا دوشەمبی یان سێشەمبی یانا ریال مەدرید دێ ب فەرمی ھەڤبەستێ پێشکێشی یانا ریڤەرپلێت کەت بۆ ئینانا ھێرشبەرێ وێ و ئەڤ چەندە ژی ھاتیە دوپاتکرن ژلایێ ریناتو کوسری بەرپرسێ کارێن پالاسیوسی و دياركريه کو ھەموو تشت ئێکلا بوویە تنێ یانا ریڤەرپلێت چاڤەرێ ھەڤبەستا فەرمی یا ریال مەدریدە.

ئەڤرۆ نیوز:
پشتی ل ھەیڤا بوری یانا مانچێستەر یوناید ھەڤبەستا راھێنەرێ پورتوگالی جوزێ مورینھو ھەلوەشاندی و یانەکا پورتوگالی حەزا ئیمزاکرنا ھەڤبەستێ ل گەل وی ھەی لێ بتنێ ئاریشەک ھەیە ئەو راھێنەر ل سەر داخوازیا ئەوان رازی نەبیت.
رۆژناما ریکورد یا پورتوگالی دیارکریە یانا بەنفیکا حەزا ئیمزاکرنا ھەڤبەستێ ل گەل وی راھێنەرێ ھەیە بۆ وەرگرتنا پوستێ راھێنەریا تیمێ ل جھێ راھێنەرێ خوە یێ بەری نوکە فیکتوریا ئەوێ ھەڤبەستا ئەوی ھەلوەشاندی ژبەر ئەنجامێن لاواز.
ئەوێ رۆژنامێ ئاشکرا کریە ژی ئەوی یانێ دەست ب لڤینا کریە بوو رازیکرنا مورینھوی بوو وەرگرتنا پوستێ راھێنەریا وێ یانێ لێ ئەوان بتنێ ئاریشەک ھەیە ئەوژی کو ئەوان ئەو شیانێن مەزن نین بوو تەرخانکرنا موچەیەکێ مەزن ژبەرکو موچەیێ وێ راھێنەری ل گەل مانچێستەر یوناید ١٥ ملیون جینێ ئیسترلینی بوون کو شیانێن یانا بەنفیکا گەلەک ژ وی کوژمێ کێمترن.

ئەڤرۆ نیوز:

بریارە ئەڤرۆ دەست ب ھەڤرکیێن قارەمانیا ئاسیا یا تەپا پێ یا ژمارە ١٧ ل سەر ئاستێ ھەلبژارتیێن ئێکێ ل وەلاتێ ئیماراتی بھێتەکرن کو ئەڤ قارەمانیی یە دھێتە ھژمارتن ئێک ژ مەزنترین قارەمانیا ل سەر ئاستێ کێشوارێ ئاسیا ب پشکداریا ٢٤ ھەلبژارتیا بھێتەکرن کو ھاتینە بەلاڤەکرن ل سەر شەش کومان .
یاریا ڤەکرنا قارەمانیێ بریارە  دناڤبەرا ھەلبژارتیێ ئیمارات وەکو مێڤانداریا قارەمانیێ و ھەلبژارتیێ بەحرێن بھێتە کرن ژ چارچوڤێ یاریێن کوما ئێکێ و بریارە سوباھی بەردەوامی ب یاریێن قارەمانیێ ب ئەنجامدانا سێ یاریان بھێتەکرن کو ل یاریا ئێکێ ھەلبژارتیێ ئوردون ل گەل ئوسترالیا ھەلگرا ناسناڤێ قارەمانیا بوری ژ چارچوڤێ یاریێن کوما دوێ و بریارە یاریا دوێ ھەلبژارتیێ دناڤبەرا ھەردو ھەلبژارتیێن ھندستان و تایلند ژ کوما ئێکێ بھێتەکرن و دووماھیی یاریا سوباھی سوریا دێ ل گەل فەلەستین کەت.
ھەژی گوتنێ یە ھەلبژارتیێن پشکدار ل سەر شەش کومان ھاتینە بەلاڤەکرن و ھەر کومەکێ خودانێن رێزا ئێکێ و دوێ ئێکسەر دەربازی قوناغا ١٦ بەن ھەردیسان چار ھەلبژارتیی ژی وەکو باشترینێن رێزا سێ دێ دەربازی قوناغا ١٦ بەن کو دەلیڤەیا دەربازبوونێ بوو ھەموو ھەلبژارتیێن پشکدار ھەیە و ھەر شەش کومێن ئاسیا ب ڤی رەنگێ خوارێ نە.
کوما ئێکێ ئیمارات و بەحرێن و تایلەند و ھندستان.
کوما دوێ سوریا و ئوسترالیا و ئوردون و فەلەستین.
کوما سێ کوریا باشور و چین و قیرغستان و ڤلبین .
کوما چارێ عیراق و ئیران و ڤێتنام و یەمەن.
کوما پێنچێ سعودیە و قەتەر و لوبنان و کوریا باکور.
کوما شەشێ یابان و عمان و ئوزباکستان و تورکمستان.