زاخۆ,هشیار دوبانكى:
نوینه‌رێن پارێزگه‌ها دهوكێ تیما لاوێن باسكت بولا یانا زاخۆ ،دوهى شیان سه‌ركه‌فتنه‌كا گرنك توماربكه‌ن ل سه‌ر نوێنه‌رین پارێزگه‌ها سلێمانیێ لاوێن یانه‌یا ده‌ربه‌ندیخان ب (79 _52)خالان و زاخۆ بۆ قاره‌مانا ده‌ڤه‌رین هه‌رێما كوردستانێ دێ وه‌ كو نوینه‌را هه‌ریما كوردستانێ پشكداریێ دقوناغا دوماهیێ دا كه‌ت ئه‌وا شه‌ش یانه‌ هه‌ڤركیێ ل سه‌ر ناسناڤێ دكه‌ن ل باژیرێ به‌غدا.
راهێنه‌رێ یانا زاخۆ ددیداره‌كێ دا بۆ ئه‌ڤرۆ نیوز دبێژیت : سه‌ركه‌فتنا مه‌ ، یا گرنك بوو، چونكه‌ بتنێ ئێك یارى بوو، یانا ده‌ربه‌ندیخان ڤاڤارتن كربون هه‌تا گه‌هشت بونوه‌ ڤێ قوناغێ به‌لێ مه‌ ل پارێزگه‌ها دهوكێ هه‌ڤرك نه‌بون ژ به‌ر هندێ ئه‌ف یاریه‌ بۆمه‌ بزه‌حمه‌ت بوو ، سوپاس بۆ خودێ مه‌ شیا ئه‌م سه‌ركه‌فتنێ توماربكن وببنه‌ قاره‌مان.

ئەڤرۆ نیوز:
پشتی وی ئاستێ بلند د قارەمانیا موندیالا یانێن جیھانی دا و ل گەل ھەلبژارتیێ خوە یێ مسری یانا عەین یا ئیماراتی بھایێ ھەلوەشاندنا یاریزانێ خوە یێ ھێلا ناڤین حسێن ئەلشحات بلند کر پشتی چەند یانێن ئورۆپی و یانا ئەھلی یا مسری بزاڤێن دەستڤە ئینانا ئەوی کرین ل ماوێ بوری.
راگەھاندنا مسری دیارکرینە یانا عەین بھایێ ھەلوەشاندنا حسێن ئەلشحات کریە ١٠ ملیون دولار کو دیارکریە ھەر یانەکا حەزا ئیمزاکرنا ھەڤبەستێ ل گەل ئەوى یاریزانی ھەبیت پێدڤی یە ١٠ ملیون دولارا پێشکێشی یانا ئەوان بکەت.

ھەردیسان ئەوان رۆژناما ئاشکرا کریە ژی یانا عەین دیارکریە نوکە ھەڤبەستەک گەھشتی یە بەر دەستێ ئەوان ب کوژمێ حەفت ملیون و نیڤا لێ ئەوان ئەو ھەڤبەست رەتکریە .

ئەڤرۆ نیوز:
پشتی وی ئاستێ بلند ل گەل ھەلبژارتیێ خوە ل موندیالا ھاڤینا بوری یاریزانێ ھێلا ناڤینا ھەلبژارتیێ فرەنسا و یانا شوتگارت یا ئەلمانی بنیامین باڤارد ببو جھێ گرنگیا چەندین یانێن مەزت ل ئورۆپا .

رۆژناما سپورت یا ئیسپانی دیارکریە پشتی ل ماوێ بوری یانا شوتگارت داخوازیا چەندین یانێن مەزن ل ئورۆپا رەتکرین یانا بەرشەلۆنا دەست ب لڤینا کریە بۆ دەستڤە ئینانا شیانێن ئەوی ل ھاڤینا بھێت، ل دیڤ گوتنا وێ رۆژنامێ بەرپرسێن یانا کەتەلونی ل گەل بریکارێ وی یاریزانی کومبووینە بۆ رازیکرنا یانا وی و یاریزانێ ناڤبری بوو ڤەگوھاستنا ئەوی ل ھاڤینا بھێت.
ئەوێ رۆژنامێ ئاشکرا کریە ژی ھەر ئێک ژ یانێن پاریس سانجێرمان و بایرن میونیخ ژی ھەڤرکیا ب دەستڤە ئینانا ڤی یاریزانی کەن لێ یانا ئەوی مەرجەک ھەیە بەرامبەر دەست بەردانا ئەوی ئەوژی ھەر یانەکا ب خوازیت ھەڤبەستێ ل گەل باڤارد ئیمزا بکەت پێدڤی یە ٣٥ ملیون یورویا پێشکێشی یانا شوتگارت بکەت.
ھەژی گوتنێ یە باڤارد یێ ٢٢ سالی ئێک ژ یاریزانێن سەرەکی بوو ل گەل ھەلبژارتیێ وەلاتێ خوە ل موندیالا ٢٠١٨ دەمێ شیان ناسناڤێ موندیالا جیھانی ب دەستخوڤە بەن .

ئەڤرۆ نیوز:
رێڤەبەرێ وەرزشی ل یانا یوڤانتوس ئەو دەنگوباس ھەموو رەتکرن کو ئەوان ھزرا فروتنا ستێرا خوە یا ئەرژەنتینی پاولو دیبالا کربیت ل ھاڤینا بھێت.
سەرەرای ھژمارەکا مەزن یا یانێن ئورۆپی یا بزاڤێن مەزن کەن بوو دەستڤە ئینانا ستێرا یانا یوڤانتوس بۆ وەرزێ بھێت لێ رێڤەبەرێ وەرزشی ل وێ یانێ باراتیتشی ئەو یانە ھەموو بێ ھیڤی کرن د دووماھیی داخویانیا خوە بوو دەزگەھێن راگەھاندنا ئیتالی کو ناڤبری دیارکر ئەوان ب ھیچ رەنگەکی ھزر ل فروتنا دیبالای نەکریە و ئارمانجا ئەوان ل ماوێ بھێت ھەڤبەستێ ل گەل چەند ستێرێن دی یێن بەرنیاس ئیمزا بکەن بوو ھەڤرکیا ناسناڤێن نافخوی و ھەردیسان تایبەت قارەمانیا چامپیونیز لیگ .
باراتیتشی ئەو چەندە ژی دیارکریە د نەخشەیێ یانێ دا نینە بوو وەرزێ بھێت دەستا ژ چو ستێرێن یانێ بەردەن.