ئەڤر نیوز:

پشتی ب دووماھی ھاتنا یاریێن گەرا ١١ یا خولا نایاب گوھۆرین کەفتە رێزبەندا خولێ و یانا دھۆک نەشیا پاراستنا سەرکێشا خولێ بکەت پشتی وەکھەڤ بووی و زاخۆ ژی ھەلویستێ خوە باشتر لێکر.

ئەڤرۆ نیوز:
ھەر ژ دەمێ چوونا وی یا نە چاڤەرێکری ل گەل یانا ریال مەدرید و ھەتا نوکە بەردەوام دەنگوباس ل سەر راھێنەرێ فرەنسی زێدان دھێنە بەلاڤەکرن بوو وەرگرتنا پوستێ یانەکا نوو کو ژ ئەوان یانێن ھاتینە بەربژارکرن ژلایێ راگەھاندنا ئورۆپی ڤە ھەر ئێک ژ یانێن یوڤانتوس یا ئیتالی و بارین میونیخ یا ئەلمانی و مانچێستەر یوناید یا ئنگلیزی لێ یانەکا فرەنسی بەروڤاژی ھەموو پێشبینیا نەخشەکێ باش دارشتی یە بوو دەستڤە ئینانا شیانێن ئەوی ل وەرزێ بھێت.
مالپەرێ سپورت یێ فرەنسی ئاشکرا کر دبیت راھێنەرێ فرەنسی و یانا ریال مەدرید یێ بەری نوکە زێدان ل وەرزێ بھێت پوستێ راھێنەریا یانا ئولومپیک مارسیلیا یا فرەنسی وەربگریت .
ھەردیسان ئەوی مالپەری ئاشکرا کریە ژی زێدان ناخوازیت بۆ ماوەکێ درێژ دورکەڤیت ژ کارێ خوە و داخوازیت ل وەرزێ بھێت پوستێ یانەکا نوو وەربگریت و یانا مارسیلیا نەخشەکێ باش دانایە بوو دەستڤە ئینانا ئەوی راھێنەری و ھەردیسان بەرپرسێن وێ یانێ پەیوەندیێن باش ل گەل زێدان ھەنە و داخوازن وی رازیبکەن بوو وەرگرتنا پوستێ راھێنەریا وێ یانێ ل دەستپێکا وەرزێ بھێت.
ھەردیسان مالپەرێ سپورت دیارکریە ژی دبیت زێدان ل سەر وەرگرتنا پوستێ راھێنەریا مارسیلیا رازی بيت ژبەرکو ئەوی پەیوەندیێن باش ل گەل وێ یانێ ھەنە .

ئەڤرۆ نیوز:
یانا شالکە یا ئەلمانی ل سەر مالپەرێ خوە یێ فەرمی تویتەری چوونا یاریزانێ خوە یێ بەرازیلی نالدو راگەھاند پشتی گەھشتی نە رێککەفتنێ ل گەل یانا موناکو یا فرەنسی .
ئەوی یاریزانی د داخویانیەکێ دا بوو مالپەرێ یانا شالکە یێ فەرمی دیارکر ئەو چو جاران بیرھاتنێن دو سال و نیڤێن ل گەل یانا شالکە ژ بیر ناکەت .
نالدو دھێتە ھژمارتن ئێک ژ بەرنیاسترین بەرەڤانێن خۆلا بوندس لیگا ئەلمانی ھەر ژ سالا ٢٠٠٥ وەرە یاری ل خۆلا ئەلمانیا کەت کو د ماوێ ١٣ سالێن بوری دا ٣٥٨ یاری ئەنجامداینە ل گەل یانێن ڤێردەبرێمەن و ولڤسپورگ و شالکە کو رێژەیا ھەرە مەزن ل گەل ڤێردەبرێمەن بوو کو ٢٥٤ یاری بوون.

ئەڤرۆ نیوز:
تیما تەپا پێ یا شورتە سەرکێشا خولا پلا نایابا عیراقێ ب ھێز خوە ل ڤەگوھاستنێن زڤستانێ دیارکر پشتی ھەڤبەستا دو یاریزانێن نیڤدەولی یێن عیراقی راگەھاندین.

یانا شورتە ب فەرمی ھەڤبەستا بەرەڤانێ ھەلبژارتیێ عیراقێ و یانا ریزا سپور یا تورکی زرغام ئیسماعیل ئیمزاکر و ھەردیسان گەھشتی یە رێککەفتنێ ل گەل ستێرا ھێلا ناڤینا یانا نەفت عەبدان کەرار جاسم بوو کرنا یاری ل ماوێ بھێت.

یانا شورتە ل سەر مالپەرێ خوە یێ فەرمی راگەھاندی یە ئەو گەھشتی نە رێککەفتنێ ل گەل ھەر ئێک ژ زرغام ئیسماعیل و کەرار جاسم لێ کارێن کەرار جاسم ھێشتا ب فەرمی ب دووماھیی نە ھاتینە ژبەرکو ئەو چاڤەرێ بەرسڤا یانا ئیرانی نە ھەر چەندە ئەوان بەرھەڤیا خوە دیارکریە بوو بھایێ ھەلوەشاندنا ئەوی ل گەل وێ یانا ئیرانی ، بەرامبەر وی یاریزانی ژی حەزا خوە دیارکریە بوو کرنا یاری ل گەل یانا شورتە.

ئەڤرۆ نیوز:

ستێرا ھەلبژارتیێ دانیمارک و یانا توتنھام یا ئنگلیزی کریستیان ئاریکسن بوویە جھێ گرنگیا ھەر ئێک ژ یانێن بەرشەلۆنا و ریال مەدرید بوو مێرکاتویا ھاڤینا بھێت .
رۆژناما ئاس یا ئیسپانی ئاشکرا کریە ھەردو یانێن بەرشەلۆنا و ریال مەدرید ماوەکێ درێژە ئاریکسن کریە ئارمانجا خوە و ھەردو یانە یا بزاڤێن مەزن دکەن بوو ڤەگوھاستنا ئەوی یاریزانی بۆ خۆلا لالیگا .
ژلایەکێ دیڤە رۆژناما ئاکسپریس یا برێتانی دیارکریە یانا توتنھام ناخوازن دەستا ژ شیانێن ستێرا خوە یا دانیمارکی بەردەت و بەردەوام یا بزاڤێن درێژکرنا ھەڤبەستا ئەوی یاریزانی کەن ئەوێ دێ ھەڤبەستا ئەوی ل ھاڤینا ٢٠٢٠ ب دووماھیی ھێت ھەر چەندە ئەوی یاریزانی ھەتا نوکە ھەڤبەستا خوە ل گەل توتنھام نوو نەکریە پشتی ل ماوێ بوری داخوازیا ئێکێ یا یانا خوە رەتکری ژبەر ئەو کوژمێ پارەی ئەوێ وێ یانا ئنگلیزی پێشکێشی ئەوی کری .
ئەوێ رۆژنامێ ئاشکرا کریە ژی یانا توتنھام کوژمێ ٧٥ ھەزار جینێ ئیسترلینی پێشکێشی یاریزانێ ناڤبری کربوون وەکو موچەیێ حەفتیانە لێ وی یاریزانی ئەو داخوازیا ئەوان رەتکر بوو و داخوازیا ١٥٠ ھەزار دولاران کربوو .
ھەردیسان ئەوێ رۆژنامێ ئاشکرا کریە ژی ھەکە ل ماوێ بھێت ئەڤی یاریزانی ھەڤبەستا خوە ل گەل یانا توتنھام درێژ نەکر ل وی دەمی ئەو یانا ئنگلیزی دێ نەچار بیت ل ھاڤینا بھێت ئەوی یاریزانی بفروشیت .
ھەژی گوتنێ یە ل دیڤ مالپەرێ ترانسفر مارکێت یێ تایبەت ب دیارکرنا کوژمێ فروتنا یاریزانان نوکە بازارێ فروتنا ئاریکسن گەھشتی یە ٨٠ ملیون یورۆیا .