ئه‌ڤرۆنيوز:
ئه‌ندامه‌كێ ليستا نه‌سر ئاشكراكر كو هێزه‌كا ب سه‌ر ئۆفيسا سه‌رۆك وه‌زيرێن عيراقێ عادل عهبدولمههدى چوويه دناڤ مالا حه‌يده‌ر عه‌بادى سه‌رۆك وه‌زيرێن عيراقێ يێ به‌رێ وسه‌رۆكێ ليستا نه‌سر.
عه‌لى سه‌نيد، ئه‌ندامێ ليستا نه‌سر دبه‌ياننامه‌كا رۆژنامه‌ڤانى دا گۆت” هاتنا هێزا ب سه‌ر ئۆفيسا عهبدولمههدى بۆ ناڤ مالا عه‌بادى ل ده‌ڤه‌را كه‌سك ئه‌م توره‌كرينه، ژبه‌ركو به‌رى هه‌يڤ ونيڤا عه‌بادى ئه‌و خانى يێ چۆل كرى وراده‌ستێ حوكمه‌تێ كرى ب ئاگه‌هداريا محه‌مه‌د حه‌لبووسى سه‌رۆكێ په‌رله‌مانى”.
گۆت ژى” ده‌مێ ئه‌و هێزه هاتى، عه‌بادى دخانى ڤه نه‌بوو ژبه‌ركو ده‌مه‌كێ درێژ وى ئه‌و خانى چول كرى، به‌لێ زێره‌ڤانێن عه‌بادى هاتبوونه دخانى ڤه بۆ ئينانا هنده‌ك كه‌لوپه‌لێن عه‌بادى وده‌مێ گه‌هشتين ده‌رگه‌هى خانى يێ داخشتى بوو وزێره‌ڤان ل به‌ربوون ونه‌هێلا چو كه‌سه‌ك بچيته تێدا”.
ژلايه‌كێ دى ڤه ئۆفيسا راگه‌هاندنا سه‌رۆكێ په‌رله‌مانێ عيراقێ محه‌مه‌د حه‌لبوسى به‌رسڤه‌ك ل دۆر راده‌ستكرنا عه‌بادى بۆ خانيێ ئه‌و تێڤه ل ده‌ڤه‌را كه‌سه‌ك ب ئاگه‌هداريا وى به‌لاڤكر.
ئۆفيسا ناڤبرى دبه‌ياننامه‌كێ دا به‌لاڤكر” مه دڤێت ديار بكه‌ين كو سه‌رۆكێ په‌رله‌مانى چو پێزانين ل هژمارا خانيێن حه‌يده‌ر عه‌بادى وبه‌رپرسێن دى نينن، كو ل دووڤ پێزانينان ئه‌و خانى ل ده‌رڤه‌ى رێنمايان ل قۆناغێن بۆرى هاتبوونه به‌لاڤكرن، زێده‌بارى كو هژماره‌كا مه‌زن ژ به‌رپرسێن حكومى يێن به‌رى كو نوكه ل ده‌رڤه‌ى حوكمه‌تێ دانه، هێشتا يێن دناڤ وان خانيان دا”.
دياركر ژى” دێ په‌رله‌مانى هه‌لويست هه‌بيت بۆ كونترۆلكرنا ميكانيزمێن بكارئينانا خانوبه‌رێن ده‌وله‌تێ كو داهاته‌ك بۆ گه‌نجينا گشتى ژێ بهێت”.
نيشاندان