ئەڤرونیوز، سەباح زوھێر:
رێڤەبەرێ فیتەرنەری ل ئاکرێ دیارکر کو ئاکرێ دەڤەرەکا گونجایە بۆ خودانکرنا تەرش و تەوالی و رێژەکا زور دھێنە خودانکرن بۆ مەرەما شیری و گوشتی ب ھەردو شێوازێن کلاسیکی و پروژەی روژانە بەرھەمەکێ زورێ شیری ژی ل ئاکرێ د ھێتە بەرھەم ئینان و روژ ب روژ پتر خەلکێ ئاکرێ بەرێ خوە ددەتە خودانکرنا پەزی و رێژا وێ بەر ب زێدەبوونێ دچیت.
دکتور عیماد محەمەد رێڤەبەرێ فیترنەری ل ئاکرێ بۆ ئەڤرو نیوز دیارکر کو دەڤەرا ئاکرێ یا ب ناڤ و دەنگە ب کشتوکالێ، ژبەر ھندێ ھژمارەکا زور تەرش و تەوالی ل ڤێ دەڤەرێ دھێتە خودانکرن، ل سەنتەرێ ئاکرێ و ب دەوروبەرێن خۆڤە ھژمارا سەرێن پەزی ب گشتی ب ھەموو جورێن خوە ڤە ٣٣١ ھزار سەرن، کو پەزێ سپی ٢٠٣ ھزارن، بزن ١٠٧ھزارن، چێل ژی ٢١ ھزاران، رێژا ٦٠% بۆ مەرەما شیری دھێنە بخودانکرن، رێژا بەرھەمێ شیری ژ ڤێ رێژێ ژ ھەرسێ جورێن ئاژەلا روژانە نێزیکی ١١٤ھزار و ٢٠٠ لترێن شیری بەرھەم دئینن ل سەرانسەرێ قەزا ئاکرێ ب ھەرسێ ناحیێن خوڤە.
ناڤھاتی زێدەتر گۆت: پەز ل ئاکرێ ل دووڤ ھەردو شێوازێن کلاسیکی و پروژە دھێنە خودانکرن و بشێوازێ پروژە یا کێمە، چونکی پشتەڤانی نینە ژلایێ حکومەتێ ڤە، یا کلاسیکی پتر بۆ مەرەما شیری دھێنە خودانکرن و یێن ب شێوازێ پروژا بۆ مەرەمێن گوشتی دھێنە خودانکرن،
نيشاندان