ئەڤرۆ نیوز:
پشتی کو فرەنسا هێزێن خوە رەوانی منبجێ کری نها حوکمەتا هۆلەندا ژی ل دۆر ڤی بابەتی گەنگەشە دکەت و دخوازیت هێزێن خوە یێن سەربازی رەوانەی منبجێ بکەت.
ل گۆر راپۆرتەکا رویتەرز پشتی کو ئەمریکا هێزێن خوە ژ منبجێ ڤەکێشیت هۆلەندا ژی دخوازیت هێزێن وێ ل گەل یێن فرەنسا و هێزێن کوردی منبجێ بپارێزن و نەهێلن تورکیا وێرێ داگیر بکەت، چونکو ئەو یەک دێ بیتە ئەگەرێ ئالۆزیێن نوو و ژ بەر هندێ ژی رەنگە د چەند رۆژێن داهاتی دا هۆلەندا بریارەکێ ل دۆر هنارتنا هێزێن خوە بۆ منبجێ بدەت.
ئەڤرۆ نیوز، هۆشەنگ تاجر:
شیار عەمودی چالاکڤانێ سڤیل ل رۆژئاڤایێ کوردستانێ بۆ ئەڤرۆ نیوز دیار کر کو پشتی گەفێن تورکیا یێن ل سەر رۆژهەلاتێ فراتێ هۆزێن عەرەب ژی هەلویستێ خوە دیار کرن و راگەهاندن کو ئەم و کورد برایێن هەڤدوینە و ڤێرێ ئاخا مە یە و ئەم رێ نادەین تورکیا وەلاتێ مە داگیر بکەت و گۆت: (محەمەد ئەحمەد نوونەرێ هۆزا ئەلبو شەعبان کو ئێکە ژ هۆزێن هەری مەزن یێن عەرەبی راگەهاند ب سالانە ئەم و کورد پێکڤە دژین و گەلەک زۆلم و زۆرداری ل کوردان هاتیە کرن، نها ئەم و کورد ئێدی وەکو برا پێکڤە دژین و رێ نادەین تورکیا هێرشی ئاخا مە بکەت و دێ ل گەل برایێن خوە یێن کورد، ئاشوری و سوریانی و هەموو وەلاتیێن دی کو ل رۆژهەلاتێ فراتێ دژین دێ ل دژی تورکیا دەرکەڤین و ئاخا خوە پارێزین).
ئەڤرۆ نیوز، هۆشەنگ تاجر:
محەمەد شەهرامی ئەندامێ رێکخراوا مافێ مرۆڤی یا رۆژهەلاتێ کوردستانێ بۆ ئەڤرۆ نیوز دیار کر کو ئەڤسالە هەتا نها رژێما ئیرانێ ٥٠ وەلاتیێن کورد یێن رۆژهەلاتێ کوردستانێ ژ سێدارە داینە و مەترسیا سێدارەدانێ ل سەر ب دەهان وەلاتیان ژی یا بەردەوامە.
ناڤهاتی راگەهاند کو پرانیا کەسێن هاتینە سێدارەدان ژ بەر چالاکیێن وان یێن سیاسی بووینە و ب بەهانا کو کار بۆ ژناڤبرنا دەستهەلاتا ئیرانێ کرینە هاتینە سێدارەدان و گۆت: (زانیار و لوقمان مورادی و رامین حسێن پەناهی و گەلەک گەنجێن دی ئەڤسالە هاتنە سێدارەدان و مخابن ب دەهان گەنجێن مە ل زیندانێن ئیرانێ د رەوشەکا خراب دا دژین و هەتا نها چو وەلاتەکێ ئورۆپی ژی پشتەڤانی ل داخوازیێن رەوا یێن گەلێ کورد و زیندانیێن کورد ل ئیرانێ نەکرینە).
ئەڤرۆ نیوز:
ھونەرمەند ھەڤال ئیبراھیم راگەھاند، بۆ سەرێ سالا نوو ئەو دێ ڤیدیۆ کلیپەکێ بۆ حەزژێکەرێن دەنگێ خوە بەلاڤ کەت.
ھونەرمەند ھەڤال ئیبراھیم د پەیجێ خوە یێ تۆرا کۆمەلایەتی یا قەیسبووکی دا راگەھاند، وەکو دیاریا سەرێ سالێ بۆ حەزژێکەرێن دەنگێ خوە، دێ ڤیدیۆ کلیپەکێ بەلاڤ کەم وەکو نووترین بەرھەمێ خوە ب زارێ کرمانجی.
ئه‌ڤرۆ نیوز:
سه‌ركرده‌كێ نێزیك موقته‌دا سه‌رد رێبه‌رێ ته‌ڤگه‌را سه‌در دبێژیت:” سه‌درییان پلان دارێتبوو ده‌مێ دۆنالد تره‌مپ سه‌رۆكێ ئه‌مریكا دهێته بنگه‌هێ عه‌ین ئه‌سه‌د ل پارێزگه‌ها ئه‌نبار بكه‌نه ئارمانج، لێ پاشی فه‌رمان هاته دان كو ڤێ پلانێ راگرن”.
جه‌لیل نوری سه‌ركرده‌كێ نێزیك موقته‌دا سه‌دره د ڤی واری دا نڤیسیه:” من دڤێت نهێنیه‌كێ ئاشكرا بكه‌م كو په‌یوه‌ندی ب مه‌زنترین روودانا عیراقێ ڤه هه‌یه یا كو ل ڤان رۆژان په‌یدا بووی، ئه‌و ژی ئه‌وه كو سه‌ركردێ مه ( سه‌در)ی هاتنا دۆنالد تره‌مپی بۆ مه دیاركربوو به‌ری بهێته ناڤ عیراقێ”.
ئاشكرا ژی دكه‌ت كو به‌رگریكاران ل سه‌ر بنه‌مایێ وان زانیاریان دو جه دیار كربوون كو دبیت تره‌مپ سه‌ره‌دانا وان بكه‌ت، ئه‌و ژی سه‌ربازگه‌ها تاجی ل به‌غدا و بنگه‌هێ سه‌ربازی یێ عه‌ین ئه‌سه‌د ل پارێزگه‌ها ئه‌نبار بوون، گه‌نجان ب ته‌مامی خوه بۆ ڤێ پلانێ ئاماده كربوون، چاڤه‌رێی فه‌رمان و ئاماژه‌یه‌كێ دكرن بۆ وێ یه‌كێ بكه‌نه ئارمانج، به‌لێ پاشی فه‌رمان هاته دان كو جارێ خوه راگرن و بڕیارا خوه‌راگرتنێ دێ بۆ سه‌ركرداتیا بلند هێلین بێی كو گه‌نگه‌شێ ل سه‌ر بكه‌ین”.
ئەڤرۆ نیوز، قائید میرۆ:
پۆلیسێن پارێزگەھا ھەولێرێ ئامارێن ئەڤ سالە یێن سنوورێ ھەولێرێ بەلاڤکرن و ل گورەی ئامارێ ژی نێزیکی 90 حالەتێن کوشتن و خوەکوشتنا ژن و زەلامان ھاتینە تۆمارکرن و پەیڤدارێ پۆلیسان ژی دبێژیت، ئەڤ سالە رێژا تاوانان کێمبوویە.
ھۆگر عەزیز، پەیڤدارێ پۆلیسێن ھەولێرێ ئەڤرۆ رۆژا ئێک شەمبیێ د کۆنگرەکێ رۆژنامەڤانی دا ئامارا ئەڤ سالە یا تاوانێن پارێزگەھا ھەولێرێ دیارکرن کو تێدا ھاتیە” د سالا 2018 ێ نێزیکی 90 کەسان ھاتینە کوشتن، ب ڤی شێوەی 44 زەلام ھاتینە کوشتن دگەل 21 ژنان، ھەروەسا 22 ژن و زەلامان ژی خوە کوشتیە و دووماھی ب ژیانا خوە ئینایە.
پەیڤدارێ پۆلیسێن ھەولێرێ خویا کر کو د ئەڤ سالە دا 819 حالەتێن دزیێ ھاتینە تۆمارکرن و زێدەتری 100 تاوانێن دزیان تایبەت بووینە ب دزینا تڕۆمبێلان و 542 کەسان ژی ل دادگەھێ سکالا تۆماکرینە کو دزی ژ وان ھاتینە کرن و گۆت: “ھەر د ئەڤ سالە دا 846 حالەتێن شەڕکرنێ ل سنوورێ ھەولێرێ ھاتینە تۆمارکرن و 700 ژوان ھاتینە چارەکرن و ئێکلاکرن”.
ھۆگر عەزیز گۆت: “رێژا تاوانان د ئەڤ سالە دا ژ بەراورد ل گەل سالا بۆری گەلەک کێمکریە، ئەڤە ژی بۆ بجە ئینانا ئەرکێ ھێزێن ئەمنی ڤەدگەڕیت ل ھەرێما کوردستانێ، کو زێدەتر ب ئەرکێ خوە رابووینە و تاوانبار ھاتینە دەستەسەرکرن”.
ئه‌ڤرۆ نیوز، ئازاد نسری:
سه‌رۆك وه‌زیرێن عیراقێ داخوازێ ژ په‌رله‌مانتاران دكه‌ت، ده‌نگدانێ ل سه‌ر وه‌زیرێن ناڤخوه و به‌رگریێ پاشبێخیت.
عادل عه‌بدولمه‌هدی سه‌رۆك وه‌زیرێن عیراقێ، د نڤیساره‌كێ دا كو ئاراسته‌ی سه‌رۆكاتیا په‌رله‌مانی كریه، داخواز دكه‌ت د كۆمبوونا بهێت یا په‌رله‌مانی دا ده‌نگدانێ ل سه‌ر وه‌زیرێ به‌رگریێ و ناڤخوه پاشبێخیت.
د پشكه‌كا دی یا نڤیسارێ دا هاتیه، سه‌رۆك وه‌زیران دو به‌ربژار بۆ پۆستێن ده‌سته‌یا وه‌ربه‌رئینانێ و ده‌سته‌یا شیره‌تكاریا سه‌رۆك وه‌زیران پێشكێشی سه‌رۆكاتیا په‌رله‌مانی كرینه.
دیار كریه ژی كو هه‌تا نوكه كێشا وه‌زاره‌تێن ناڤخوه و به‌رگریێ ئێكلا نه‌بووینه.
ئەڤرۆ نیوز:
یانا بایرن میونیخ داخوازیت ھەڤبەستەکا فەرمی پێشکێشی یانا چێلسی یا ئنگلیزی بکەت بوو دەستڤە ئینانا یاریزانەکێ وێ یێ گەنج.
رۆژناما زەسەن یا برێتانی دیارکر یانا بایرن میونیخ بەرھەڤیا خوە دیارکریە بوو دەستڤە ئینانا یاریزانێ ھەلبژارتیێ ئنگلتەرا یێ لاوان کالوم ھودسون ڕودوی ئەوێ ب دروستی ھەتا نوکە دەلیڤەیا خوە نەدیتی ل گەل یانا لەندەنی و یانا باڤاری کوژمێ ١٣ ملیون جینێ ئیسترلینی بەرھەڤکرینە بوو یانا چێلسی ژ پێخەمەت دەستڤە ئینانا شیانین کالوم ھودسون ڕودوی .
کالوم ھودسون ڕودوی یێ ١٨ سالی ل وەرزێ ئەڤ سالە پێنچ یاریان بتنێ پشکداری ل گەل یانا چێلسی کریە کو بتنێ ئێک ژ ئەوان یاریا ژ خۆلا ئنگلتەرا بوو ئەوێن دی د قارەمانیێن کاسێن ئنگلتەرا دا بوون و یاریزانی ژی حەزا چوونا یانەکا دی ھەیە داکو دەلیڤەیا خوە باشتر بینت .
ئه‌ڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا دوكشه‌مبى رێکەفتی 31ی کانوونا ئێکێ 2018ێ ئەسمان دێ بيته ئه‌وره‌كێ ته‌مام بيت و باران به‌رده‌وام دێ باريت به‌فر ژى ل پتريا ده‌ڤه‌رێن چيايى دێ باريت.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دهێته پشبينيكرن ئه‌سمان دێ بيته ئه‌وره‌كێ ته‌مام بيت و باران به‌رده‌وام دێ باريت به‌فر ژى ل پتريا ده‌ڤه‌رێن چيايى دێ باريت.
پشکا پێشبینیان دایە زایە زانین کو دێ لەزاتیا بایی د ناڤبەرا 10 ھەتا 20کم دا و ماوێ دیتنێ ژی دێ د ناڤبەرا 6 بۆ 10کم دا بیت، پلێن گەرمێ ژی دێ د ناڤبەرا 0 بۆ 3 پلان دا بن.
ئەڤرۆ نیوز، عەلی حاجی:
ب ھەلکەفتا سەرێ سالا نوو سەندیکا ھونەرمەندێن کوردستانێ نڤیسینگەھا زاخۆ ئاھەنگەکا خێزانی بۆ ھونەرمەندێن زاخۆ دوھی رۆژا 29/12/2018 ێ ب ئامادەبوونا ھونەرمەندێن ھەر چار پارچێن کوردستانێ و چەندین بەرپرسێن حزبی و حکومی ل ھۆلا لاڤین ل زاخۆ گێڕا.
ھەژی گۆتنێ یە کو د ڤێ ئاھەنگێ دا چەندین ستران ژ لایێ ھۆنەرمەندان ڤە ھاتنە گۆتن و ھژمارەکا دیاریان ژی ل سەر ئامادەبوویان ھاتنە بەلاڤکرن.
نيشاندان