ئەڤرۆ نیوز:
یانا چێلسی یا ئینگلیزی ل سەر مالپەرێ خوە یێ فەرمی ڤەگەراندنا ستێرا خوە یا ھێلا بەرەڤانی و ھەلبژارتیێ ئنگلتەرا یێ بەری نوکە ئاشلی کول راگەھاند ئەڤ جارە نە وەکو یاریزان بەلکو راھێنەر.
ئاشلی کول ئەوی ھەر ژ سالا ٢٠١٦ وەرە یاری ل خۆلا ئەمریکا ل گەل یانا لوس ئەنجلوس یاری کەت و پشتی ب دووماھیی ھاتنا وەرزێ ئەڤ سالە یێ خۆلا ئەمریکا یاریزانێ ناڤبری بریارا ب جهـ ھێلانا یاریا تەپا پێ دا يى و ھزرا ڤەگەراندنا ئنگلتەرا كرى ، یانا چێلسی ژی بوو پتر مفا ژ شیانێن وی و شارازیا وی بینت وەکو راھێنەرێ تیما تازە پێگەھشتین خوە دەست نیشانکر.
ھەژی گوتنێ یە ئاشلی کول ژ سالا ٢٠٠٦ ھەتا ٢٠١٤ یاری ل گەل یانا چێلسی کربوو شیابوو ل گەل وێ یانێ ٣٣٨ یاریا بکەت و ھەردیسان شیابوو ل گەل وێ یانێ ٣ جاران ب ناسناڤێ خۆلا ئنگلتەرا و ھەردیسان ناسناڤەکێ قارەمانیا چامپیونیز لیگ ب دەستخوڤە بەت.

ئەڤرۆ نیوز:
پشتی ستێرا ھێلا ناڤینا پاریس سانجێرمان ئەدریان رابیو رەتکری ھەڤبەستا خوە ل گەل وێ یانێ درێژ بکەت و چاڤەرێ دھێتەکرن ل ماوێ بھێت پێکھاتیێ یانا پایتەختێ فرەنسا ب جهـ بھێلت وێ یانێ ژی دەست ب لڤینا کریە بۆ پێگوھورێ وی.
رۆژناما لیکیپ یا فرەنسی راپورتەک بەلاڤەکریە پشتی رابیو رەتکری ھەڤبەستا خوە ل گەل یانا پاریس درێژ بکەت و دەستەیا کارگێریا یانا پاریس سانجێرمان دەست ب لیڤنا کریە بوو ئیمزاکرنا ھەڤبەستا یاریزانەکی ل جھێ وی یاریزانی.
ئەوێ رۆژنامێ دیارکریە ژی توماس توخیل راھێنەرێ یانا پاریس سانجێرمان ژ بەرپرسێن وێ یانێ خواستی یە ھەڤبەستێ ل گەل ئێک ژ یاریزانێن خودان ئاست بلند ئیمزاکەن .
ل دیڤ گوتنا وێ رۆژنامێ یانا پاریس پێنچ یاریزان بەربژارکرینە وەکو پێگوھورێ رابیو ل یانا پاریس سانجێرمان ئەو یاریزان ژی ئەڤێن خوارێ نە .

یاریزانێ ھەلبژارتیێ وێلز و یانا ئەرسینال ئارون رەمزی کو نوکە دھێتە ھژمارتن ئێک ژ باشترین یاریزانێن ھێلا ناڤینا خۆلا ئنگلتەرا ھەر چەندە ئەرکێ یانا پاریس بوو دەستڤە ئینانا ئەڤی یاریزانی یا ب سانەھی نابیت ژبەرکو یانا یوڤانتوس ھەڤبەستەکا باش پێشکێشی ئەوی یاریزانی کریە ل دیڤ گوتنا رۆژنامەیێن ئیتالی یانا یوڤی ھەتا رادەیەکێ مەزن گەھشتی یە رێککەفتنێ ل گەل وی یاریزانی.

ئەدریسا جای یاریزانێ سنگالی و یانا ئیڤەرتون ژی وەکو پێگوھورێ دوێ دەست نیشانکریە کو ڤی یاریزانی شارەزایەکا باش دخۆلا فرەنسا دا ھەیە کو بەری ھەڤبەستا ئیڤەرتون ئیمزا بکەت یاری دخۆلا فرەنسا دا ل گەل یانا لیل بوو ماوێ شەش سالان یاری کریە .

فابینھو تابارێز یاریزانێ بەرازیلی و یانا لیڤەرپول ئێک ژ بەربژارێن ب ھێز بوو ل وەرزێ بوری یانا پاریس سانجێرمان ھەڤبەستێ ل گەل ئیمزا بکەت بەری ھەڤبەستا لیڤەرپول ئیمزا بکەت لێ ژبەر چەند یاسایێن دارایی یانا پاریس نەشیا ھەڤبەستێ ل گەل ئیمزا بکەت و نوکە جارەکا دی پاریس دخوازیت ھەڤبەستێ ل گەل ئیمزا بکەت .

یاریزانێ ئیسپانی و چێلسی ڤابریگاس ژی ئێک ژ ئەوان پێگوھورێن ل بەر دەستێ پاریس سانجێرمان ھەر چەندە بۆ ماوەکێ درێژە یانا میلان ئارمانجا خوە کریە ئەڤ یاریزانە لێ ھەکە پاریس داخوازی ژ یاریزانێ ناڤبری کر داخوازیا یانا فرەنسی رازی بیت ل سەر کیستێ میلان.

راھێنەرێ ئەلمانی یێ یانا پاریس توماس توخیل گەلەک ب ئاستێ یاریزانێ بروسیا دورتموند جولیان فیگل یێ داخبارە و ئەڤ یاریزانە ژی ئێک ژ بەربژارێن ب ھێزە وەکو پێگوھورێ رابیو بیت ل یانا فرەنسی

ئەڤرۆ نیوز:
ل ھاڤینا سالا ٢٠١٧ یانا ریال مەدرید ھەڤبەستەکا مەزن پێشکێشی یانا موناکو کر بوو دەستڤە ئینانا ستێرا گەنج یا فرەنسی کیلیان مپاپی لێ ژبەر ئەگەرێ دو یاریزانان یانا ریال مەدرید ھزرا خوە گوھورت.
ل ھاڤینا سالا بوری یانا ریال مەدرید گەلەک نێزیکی ئیمزاکرنا ھەڤبەستا یاریزانێ فرەنسی و یانا موناکو یێ وی دەمی مپاپی بووی ل دیڤ گوتنا رۆژنامەیێن ئیسپانی کو وی یاریزانی ژی حەزا ئیمزاکرنا ھەڤبەستێ ل گەل یانا ریال مەدرید ھەبوو تایبەت ژبەر وێ حەشێکرنا وی بۆ یانا مەلەکی کو پشتی وێنەیێن ژورا وی یا نڤستنێ بەلاڤەبووین کو وێنەیێن یانا ریال مەدرید ل دیوارێ ژورا وی ڤە ھاتنە دیتن زوربەیا ئەوان یێن ستێرا ریال مەدرید یا وی دەمی رونالدوی بوون.
ئەوان رۆژناما ئاشکرا کر ژی ھەردو یانێن ریال مەدرید و موناکو ل سەر ھەتا رادەیەکێ مەزن ھەردو یانە ل سەر ڤەگوھاستنا وی یاریزانی رێککەفت بوون لێ ل چرکێن دووماھیێ یانا ریال مەدرید ھزرا خوە گوھورت ئەوژی دیسان ئەو ستێر بوو قوربانیا ھەردو یاریزانێن یانا ریال مەدرید کەریم بن زیما و گارس بێل کو یانا ریال مەدرید ھزرا خوە گوھورت ژبەرکو نە خواست دەستا ژ ئێک ئەوان ھەردو یاریزانێن خوە بەردەت تایبەت کەریم بن زیما ژبەرکو وی دەمی رونالدو وەکو یاریزانێ سەرەکی و ستێرا وێ یانێ بوو ھەر دەمێ ھەڤبەست ل گەل مپاپی ئیمزا کربا پێدڤی بوو کەریم بن زیما یان مپاپی یاری کربا لەورا ریال ب رێژەیا ھەرە مەزن ژبەر بن زیمای نەشیا ھەڤبەستێ ل گەل مپاپی ئیمزا بکەت .

ئەڤرۆ نیوز:
گولکەرێ بەرنیاس ل سەر ئاستێ وەلاتێن عەرەبی و یاریزانێ ھەلبژارتیێ جەزائیر و یانا سەد یا قەتەری بەغداد بونجاح بۆ ڤەگوھاستنێن زڤستانا ئەڤ سالە ببو جھێ گرنگیا چەندین یانێن ئورۆپی تایبەت ھەردو یانێن لیستەر ستی و نیوکاسل یێن ئنگلیزی لێ یاریزانێ ناڤبری ب فەرمی ھەڤبەستا یانا خوە یا قەتەری درێژکر ھەتا سالا ٢٠٢٤.
ھەژی گوتنێ یە بەغداد بونجاح یێ ٢٧ سالی نوکە دھێتە ھژمارتن ئێک ژ گولکەرێن بەرنیاس ل سەر ئاستێ وەلاتێن عەرەبی کو ھەر ژ سالا ٢٠١٥ وەرە یاری ل گەل یانا سەد یا قەتەری دکەت کو ٥٧ یاری ل گەل وێ یانێ کرینە د ھەموو قارەمانیێن یانا وی تێدا پشکدار شیا ٧٨ گولان بۆ وێ یانێ توماربکەت و نوکە گولکەرێ خۆلا قەتەر ژ ١٣ یاریان ٢٦ گول تومارکرینە ھەردیسان ل گەل ھەلبژارتیێ وەلاتێ خوە ژی ١٩ یاریێن نیڤدەولی ھەنە و شیا حەفت گولان توماربکەت.