ئەڤرۆ نیوز:

لوکا مودرێچ ئەوێ ب خەلاتێ باشترین یاریزانێ جیھانێ و ئورۆپا ھاتیە خەلاتکرن بوو سالا ٢٠١٨ داخوازیا ئێکێ یا یانا ریال مەدرید رەتکر بوو نووکرنا ھەڤبەستا وێ یانێ .
کەنالێ تیلی مەدرید یێ ئیسپانی دیارکر یانا ریال مەدرید ھەڤبەستەکا نوو پێشکێشی  ستێرا خوە یا ھێلا ناڤین و یاریزانێ کرواتی لوکا مودرێچ کر بوو درێژکرنا ھەڤبەستا ئەوی ئەوا بریارە ھەڤبەستا ئەوی یاریزانی ل ھاڤینا سالا ٢٠٢٠ ب دووماھیی بھێت لێ وی یاریزانی داخوازیا یانا ریال مەدرید رەتکر .
ژلایەکێ دیڤە چەند رۆژنامەیێن نێزیکی یانا ریال مەدرید ئاشکراکرینە مودرێچ داخوازیت خۆلا ئیسپانیا ب جە بھێلت و بەر ب خولا ئیتالیا بچیت تایبەت پشتی وێ داخوازیا ل ماوێ بوری گەھشتی یە بەر دەستێ وی ژلایێ یانا ئەنتر میلان .
ھەردیسان ئەوان رۆژناما دیارکریە ژی یانا ریال مەدرید بریارە ل ماوێ بھێت بۆ جارا دوێ ھەڤبەستێ پێشکێشی ئەوی یاریزانێ ناڤبری بکەت بوو درێژکرنا ھەڤبەستا خوە ھەکو یاریزان یێ رژد بوو ل سەر نە درێژکرنا ھەڤبەستا خوە وی دەمی ریال مەدرید دێ نەچار بیت ل ھاڤینا بھێت یاریزانێ بفروشیت داکو مفایەکێ داریی ژ یاریزانێ ناڤبری بکەت ژبەرکو بریارە ل ھاڤینا ٢٠٢٠ ھەڤبەستا ئەوی ب دووماھیی بھێت.

ئەڤرۆ نیوز:

بەرەڤانێ ھەلبژارتیێ فرەنسا و یانا ئەتلەتیکو مەدرید لوکاس ھێرنادیز ئەو دەنگوباس ھەموو رەتکرن کو ئەو دێ ل ڤەگوھاستنێن بھێت پێکھاتیێ یانا خوە ئەتلەتیکو مەدرید ب جە ھێلت و گەھشت بیتە رێککەفتنێ ل گەل یانا بایرن میونیخ پشتی وێ یانا ئەلمانی بھایێ ھەلوەشاندنا ھەڤبەستا وی دای کو د گەھیتە ٨٠ ملیون یورۆیا.
ھێرناندیز د داخویانیەکێ دا بۆ مالپەرێ لوفیگارو یێ فرەنسی دیارکر چو راستی بوو وی دەنگوباسی نینە کو یانا بایرن میونیخ بھایێ ھەلوەشاندنا ھەڤبەستا وی دابیت و گەھشت بیتە رێککەفتنێ و نوکە ئەو ل گەل یانا خوە ئەتلەتیکو مەدرید یێ کەیفخوشحالە و ھزر ل چوونا خوە ھەتا ڤی دەمی ژی نەکریە لێ ھەکە ئەو بخوازیت ھەڤبەستا یانەکا دی ئیمزا بکەت دێ ھزرا خوە باش کەت بەری بریارا چوونا خوە بدەت.
ھێرنادیز ئەوێ نوکە بوویە جھێ گرنگیا چەندین یانێن بەرنیاس ل سەر ئاستێ ئورۆپا سەبارەت پرسیارەکا وێ رۆژنامێ کا حەزا کرنا یاری ل خۆلا فرەنسا ھەیە ناڤبری دیارکر ئەکید ئەو دێ کەیفخوشحال بیت یاری ل خۆلا فرەنسا بکەت ژبەرکو ئەو وەلاتێ وی یە لێ ئەو نابینت وەلات بیتە رێگر د رێیا ئارامیا یاریزانێ پیشەکار دا لەورا چەندین سالە ئەو یاری ل مەدرید یاری کەت و گەلەک یێ کەیفحوشحالە و ئارامە.
ژلایەکێ دیڤە چەند رۆژنامەیێن ئەلمانی ئاشکرا کرینە یانا بایرن میونیخ دانوستاندن ل گەل یانا ئەتلەتیکو مەدرید پاشئێخستی نە بوو مێرکاتویا ھاڤینا سالا بھێت و ل دیڤ گوتنا رۆژنامەیێن ئەلمانی ھێرنادیز ل مێرکاتویا ھاڤینا بھێت ب رێژەیەکا مەزن دێ یاری ل یانا باڤاری کەت.

خشته‌ و ده‌مێ هه‌موو ياريێن حه‌فتيا 19ێ ژ خولا يانێن ئيتاليا

ده‌مژمێر 2:30
یۆڤانتۆس –  سامپەدۆریا

ده‌مژمێر 5:00
لازیۆ –  تۆرینیۆ
پارما –  ڕۆما
ئۆدینێزى –  کالیارى
چیڤۆڤیرۆنا –  فرۆسینۆنى
جەنەوا –  فیۆرەنتینا
ئیمپۆلى –  ئینتەرمیلان
ساسۆلۆ –  ئەتلەنتا

ده‌مژمێر 8:00
ناپۆلى –  یۆلۆنیا

ده‌مژمێر 10:30
میلان – سپال

خشته‌ و ده‌مێ ياريێن حه‌فتيا 20ێ ژ پريمه‌ر ليگ

ده‌مژمێر 6:00
لیستەر سیتى –  کاردیف سیتى
تۆتینهام –  ووڵفرهامبتۆن
واتفۆرد –  نیوکاسڵ
فولهام –  هێدێر سفلد تاون
بڕایتۆن – ئیڤەرتۆن

ده‌مژمێر 8:30
لێڤەرپوڵ – ئارسناڵ

راپورتێن رۆژنامەڤانی ل ئیسپانیا ئاشکرا کرن یانا بەرشەلۆنا دانوستاندن ل گەل یاریزانێ ھولەندی و یانا ئەیاکس ئەمستردام یا ھولەندی ماتیاس دی لیگت راوستاندن و ھزر ل پێگوھورێ وی کریە .
رۆژناما سپورت یا کەتەلونی دیارکریە یانا بەرشەلۆنا ل گەل یانا ئەیاکس و رێڤەبەرێ تایبەت یێ یاریزانێ ناڤبری نە گەھشتنە رێککەفتنێ پشتی یانا ھولەندی داخوازیا ٧٠ ملیون یورۆیا بەرامبەر دەست بەردانا وی ژ یانا کەتەلونی کری ھەردیسان رێڤەبەرێ وی داخوازیا موچەیەکێ بلند کری.
رۆژناما سپورت ئەو چەندە ژی دیارکر یانا بەرشەلۆنا نە خوازیت ٧٠ ملیونا بدەتە کرینا یاریزانەکی و کرنا وی وەکو یاریزانەکێ سەرەکی دڤی ماوەی دا نە یا تەکید ژی بیت لەورا یانا بەرشەلۆنا دەرگەھێ دانوستاندنان ل گەل وی یاریزانی گرتن ژبەرکو یانا بەرشەلۆنا باش دزانیت ھەبوونا سێ یاریزانێن خودان شیان ل ھێلا بەرەڤانیا یێ دی لیگت یا ب سانەھی نابیت بشێت ھەر زیکا وەکو یاریزانەکێ سەرەکی یاری بکەت .
وێ رۆژنامێ دیارکر ژی یانا بەرشەلۆنا نوکە ل جھێ وی یاریزانێ ھولەندی ئارمانجا خوە کریە یاریزانێ گەنج یێ فرەنسی و یانا تولوز یا فرەنسی جان کلیر تودیبو وەکو پێگوھورێ وی یاریزانێ ھولەندی .
ژلایەکێ دیڤە چەند رۆژنامەیێن دی یێن ئیسپانی دیارکریە رێڤەبەرێ دی لیگت یێ تایبەت مینو رایولا دخوازیت ھەڤبەستەکا باشتر بۆ وی یاریزانی پەیدا بکەت ژ ئێک ھەردو یانێن یوڤانتوس و مانچێستەر یوناید کو ھەردو یانا حەزەکا مەزن بوو دەستڤە ئینانا ئەوی یاریزانی ھەیە .