ئه‌ڤرۆنيوز:
ئه‌ندامه‌كا جڤاتا نوونه‌رێن عيراقێ ئاشكراكر كو ل دووڤ پرۆژێ قانوونا بودجا گشتى يا عيراقێ، حوكمه‌ت دێ قه‌ران ژ 21 لايه‌نێن ده‌رڤه كه‌ت.
ماجيدا ئه‌لتميمى، ئه‌نداما جڤاتا نوونه‌رێن عيراقێ ئه‌ڤرۆ شه‌مبيێ 29/12/2018 ل سه‌ر به‌په‌رێ خوه دتۆرا جڤاكى يا تويته‌رى دا گۆت” وه‌زاره‌تا كاره‌بێ ب تنێ دێ قه‌ران ژ 15 لايه‌نان كه‌ت”.
دياركر” بودجا 2019 يا به‌ر ب ئاراسته‌يه‌كا شاش دچيت”.
ئەڤرۆ نیوز، محەمەد عەلی نوری:
یایزانێ یانا دهۆك و هەلبژارتیێ پارێزگەهێ دورهێل هەوار دەربازبوون چارگوشا زێرین یا قارەمانیا عیراقێ بۆ یاریا تێنسا ئەردی، پشتی شیایی سێ سەركەفتنا لدویڤ ئێك تۆماربكەت ژ چۆارچووڤێ هەڤركیێن كۆما دوێ ئەوا نوكە یاریێن وێ ل یاریگەهێن شەعب یا باژێرێ بەغدا دهێنە ئەنجامدان.
دورهێل هەوار بۆ سەر ئاستێ 12 سالی سەركەفتن لسەر هەر ئێك ژ، قاسم رائید ب دو یاریا ب ئەنجامێ چار كۆما بیێ بەرامبەر، دیسا سەركەفتن لسەر یاریزان محەمەد حەسەن 1-4 و 4-چنە، د یاریا سیێ دا سەركەفت لسەر قارەمانێ عیراقێ محەمەد مەتر ب 4-چنە و 4-چنە تۆماركر.
بۆ زانین پێنج یاریزان ب ناڤێ پارێزگەها دهۆكێ هەڤركیێ لسەر ناسناڤێ قارەمانیا عیراقێ بۆ ژیێن جودا دكەن ئەوژی، زانا رەشید و رەهەند سەباح بۆ ژیێن 16 سالی، سالار شڤان بۆ 14 سالی، دورهێل هەوار 12 سالی و عەبدولمەلیك هەڤال بۆ 10 سالی، سەركەفتیێن ئێكێ و دوێ یێن هەر ژیەكی دێ بۆ هەلبژارتیێ عیراقێ هێنە ژێگرتن.
ئه‌ڤرۆنيوز:
ياريا دناڤبه‌را ستێرێن ته‌پا پێى يا عيراقى وتيما حه‌شدا شه‌عبى ب دووماهى هات ب دووراندنا حه‌شدا شه‌عبى ب ئه‌نجامێ 2-5.
ياريا هه‌ردو تيمان ئێڤاريا ئه‌ڤرۆ ل ياريگه‌ها كه‌رخ ل به‌غدا هاته ئه‌نجامدان وتێدا يونس مه‌حموود (دو گۆل) وحه‌بيب جه‌عفه‌ر وعيماد محه‌مه‌د وئه‌حمه‌د سه‌لاح گۆل ل سه‌ر حه‌شد شه‌عبى تۆماركرن.
ئه‌ڤرۆنيوز:
مالپه‌ره‌كێ عيراقى به‌لاڤكر كو رێكخستيا داعش يا تيرۆرستى ل به‌ره هژماره‌كا چه‌كدارێن خوه ل سووريێ بۆ پارێزگه‌هێن عيراقى يێن ل سه‌ر سنورێ سووريێ ڤه‌گوهێزيت.
مالپه‌رێ (الغد بريس) ژزارده‌ڤێ ژێده‌ره‌كێ ئه‌منى ڤه‌گوهاست” هێزه‌كا تايبه‌ت يا عيراقى سه‌ركرده‌كێ ديار يێ داعشێ ل ناڤ باژێرێ به‌غدا ده‌سته‌سه‌ركريه كو چه‌ندين پۆستێن بلند دناڤ داعشێ دا هه‌بوون ل ده‌مێ كونترۆلكرنا داعشێ بۆ مووسلێ”.
گۆت ژى” وى سه‌ركردێ داعشێ دانپێدان كريه ب هه‌بوونا پلانه‌كا وێ رێكخستيا تيرۆرستى ل سووريێ بۆ ڤه‌گوهاستنا هژماره‌كا چه‌كدارێن خوه بۆ پارێزگه‌هێن عيراقى يێن ل سه‌ر سنورێ سووريێ”.
دياركر” وێ هێزا تايبه‌ت فه‌رمانده‌يا گشتى يا هێزێن چه‌كدار ل عيراقێ ئاگه‌هداركر ل دۆر دانپێدانێن وى سه‌ركردێ داعشێ”.
ئەڤرۆ نیوز:
راھێنەرێ پورتوگالی جوزێ مورینھو دەست ب کارەکێ نوو کر پشتی ل ماوێ بوری ژ پوستێ وی یێ راھێنەریا یانا مانچێستەر یوناید ھاتیە دورخستن .
کەنالێ گول یێ ئیسپانی ل سەر مالپەرێ خوە یێ فەرمی دیارکریە ئەو گەھشتنە رێککەفتنێ ل گەل مورینھوی بوو شروڤەکرنا یاریێن خولا ئیسپانیا و بریارە ل ھەموو رۆژێک ئێک شەمبیا ل ستودیویێن وی کەنالی ئامادەبیت .
ھەڤبەستا مورینھوی ل گەل وێ یانێ ب مەرجەکی یە ئەوژی ھەر دەمێ ھەڤبەستا یانەکێ ئیمزاکر ئەو دێ ھەڤبەستا خوە ل گەل وی کەنالی ھەلوەشینت .
ئەڤرۆ نیوز:
ھەلبژارتیێ عیراقێ بوو یاریا دوێ ل دیڤ ئێک د کەمپا خوە یا راھێنانی دا ل وەلاتێ قەتەر شیا سەرکەفتنێ توماربکەت پشتی ئەڤرۆ شیای سەرکەفتنێ ل تاقیکرنا خوە یا دوێ دا ب سەرکەفت ل سەر ھەلبژارتیێ فەلەستین ب گولەکێ بێ بەرامبەر گولا ھەلبژارتیێ عیراقێ ژ لایێ یاریزانێ وێ ھەمام تارق ھاتە تومارکرن ل نیڤا دوێ ھاتە تومارکرن .
ھەژی گوتنێ یە ئەڤە یاریا دوێ بوو یا ھەلبژارتیێ عیراقێ بوو پشتی ل چەند رۆژێن بوری شیای سەرکەفتنێ ل سەر ھەلبژارتیێ چین توماربکەت ب دو گولان بەرامبەر گولەکێ وەکو خوبەرھەڤکرن بوو قارەمانیا ئاسیا ئەوا بریارە ل ھەیڤا بھێت ل وەلاتێ ئیمارات بھێتەکرن .
ھەمام تارق 
ئه‌ڤرۆنيوز:
وه‌زاره‌تا ره‌وشه‌نبيرى وگوشتوگوزارێ يا توركى به‌لاڤكر كو د 11 هه‌يڤێن بۆرى 43 مليۆن كه‌سان سه‌ره‌دانا توركيا كريه.
وه‌زاره‌تا ناڤبرى، ل دووڤ ئاژانسا ئه‌نادۆل يا توركى، دياركر كو د 11 هه‌يڤێن سالا 2017دا 37 مليۆن و537 هزار كه‌سان سه‌ره‌دانا توركيا كربوو، ئانكو دسالا 2018 دا كه‌سێن سه‌ره‌دانا توركيا كرى ب رێژا 22.52% ژ سالا 2017 زێده‌تر بووينه.
به‌لاڤكر ژى كو رێژا هه‌ره مه‌زن يا گه‌شتيارێن هاتينه توركيا ژ رووسيا بوون كو هژمارا وان 5 مليۆن و865 هزار كه‌س بوون وژ ئه‌لمانيا 4 مليۆن و334 كه‌س بوون وژ بريتانيا 2 مليۆن و212 كه‌س بوون.
ئه‌ڤرۆنیوز:
موفتیێ سونه‌یێن عیراقێ، شێخ مه‌هدى ئه‌لسمێدعى ئه‌ڤرۆ ئه‌ینیێ 28/12/2018 هه‌ر ئاهه‌نگه‌ك ب هه‌لكه‌فتا كریسمسێ وسه‌رێ سالا نوو یا زاینی حه‌رام كر.
ئه‌لسمێدعى دچارچۆڤێ گۆتارا نڤێژا ئه‌ڤرۆ ئه‌ینیێ ل مزگه‌فتا (ام الطبول) ل به‌غدا بۆ موسلمانێن عيراقێ راگه‌هاند” پشكدارى دئاهه‌نگێن كريستيانان نه‌كه‌ن ب هه‌لكه‌فتا كريسمسێ وسه‌رێ سالا زاينى، هه‌كه پشكداريێ تێدا بكه‌ن، رامانا وێ ئه‌وه كو هه‌وه باوه‌رى يا ب وێ چه‌ندێ هه‌ى كو مه‌سيح كورێ خودێ يه”.
ئەڤرۆ نیوز، محەمەد عەلی نوری:
هەردو كچێن پارێزگەها دهۆكێ و خووشكێن ئێك و یانا خانزاد كارین و دلین كەمال هەڤركیێ لسەر ناسناڤێ عیراقێ یا یاریا شەترەنجێ بۆ یانێن پلا نایاب دكەن، ئەوا نوكە یاریێن وێ ل هەولێرا پایتەخت ب پشكداریا 50 یاریزانێن كچ ژ 10 یانێن عیراقێ دهێنە ئەنجامدان.
پشتی بورینا سێ گەرا یاریزانێن پارێزگەهێ و یانا خانزاد شیاینە دو سەركەفتنا د ئاستێ جودا لسەر یانێن، ئیستالات و قادسیە تۆماربكەن و سەرجەمێ نمرا بگەهینە 2.5 و پێشكەڤن لسەر یانا ئیستالات هەڤركا وێ، لسەر ئاستێ تاكە كەسی كارین كەمال خودانا ماستەرێ لسەر ئاستێ دەولەتی شیا رێژا نمرێن خوە د پلەداریێ دا زێدەبكەت و دەلیڤا پێشڤەچوونێ پەیدابكەت.
لسەر ئاستێ یانا نوكە یانا خانزاد رێزا ئێكێ دهێت، ئیسالات رێزا دوێ، پێشمەرگە و نەجمە ل رێزێن سیێ و چارێ دهێن ئەوا هەڤركیێن وێ ب لدویڤ سیستەمێ سویسری حەفت گەرا دهینەكرن.
بۆ زانین هەڤركیێن قارەمانیێ دێ هەتا 30ێ ڤێ هەیڤێ د بەردەوامبن و سەركەفتنێن ئێكێ و دوێ یێن هەموو ئاستا دێ بۆ هەلبژارتیێ عیراقێ هێنە داخازكرن، هەر دەهـ یانێن پشكدار ئەوژی، خانزاد، پێشمەرگە، ئیتسالات، نەجمە، رەواندۆز، قادسیە، كابابلانكا، سەعەد و بەعقوبە.
ئه‌ڤرۆنیوز:
وه‌زاره‌تا به‌رگریا ئه‌مریكى (پنتاگۆن) ده‌نگوباسێن ئه‌ڤرۆ ل دۆر لڤینا هێزێن حوكمه‌تا سوورى بۆ ناڤ باژێرێ مه‌نبه‌ج ب دروو ده‌رخستن.
پنتاگۆن دبه‌یاننامه‌كێ دا دووپاتكر كو پێدڤیه ل سه‌ر هه‌موو لایه‌نێن پشكدار دناكۆكیێن سووریێ دا ئارامیا باژێرێ مه‌نبه‌ج وژیانا وه‌لاتیان بپارێزن.
ژێده‌ره‌كى ب ناڤێ هه‌ڤپه‌یمانیا نێڤده‌وله‌تى یا شه‌رێ دژى داعشێ راگه‌هاند كو ده‌نگوباسێن چوونا هێزێن سوورى بۆ ناڤ باژێرێ مه‌نبه‌ج ددوورن ژ راستیێ.
ئه‌ڤرۆ هێزێن حوكمه‌تا سوورى راگه‌هاندبوو كو ل سه‌ر داخوازا په‌كه‌كێ، ئه‌و یێن چووینه دناڤ باژێرێ مه‌نبه‌ج دا، ژلایه‌كێ دى ڤه میلیشیێن سوورى یێن ب سه‌ر توركیا ڤه به‌ر ب باژێرێ مه‌نبه‌ج لڤین.
نيشاندان