ئەڤرۆ نیوز:

یانا باشاک شەھیر یا تورکی ب فەرمی ھەڤبەستا ستێرا بەرازیلی و یانا سیڤاس سپور روبینھوی راگەھاند پشتی وی ئاستێ بلند ل ماوێ سالەکێ دا ل گەل پێشکێشکری .

روبینھو ئەوێ ل ڤەگوھاستنێن زڤستانا وەرزێ بوری ھەڤبەستا وێ یانێ ئیمزاکری و شیای ئاستەکێ بلند پێشکێش بکەت کو ل وەرزێ بوری ١٤ یاری ل قوناغا دوێ کرن و شیا چار گولان تومارکر و چار گول دروستکرن و ل وەرزێ ئەڤ سالە ژی ١٦ یاری دخۆلا سوپر لیگا تورکیا کرینە ھەشت گول تومارکرینە و سێ گول دروستکرینە ھەر ژبەر وی ئاستێ بلند سەرکێشا خۆلا تورکیا یانا باشاک شەھیر ب فەرمی ھەڤبەستا وی یاریزانی ئیمزاکر .
روبینھو یێ ٣٤ سالی یاری ل ھەر ئێک ژ یانێن ریال مەدرید یا ئیسپانی و مانچێستەر سیتی یا ئنگلیزی و میلان ئیتالی و ھەردیسان سانتوس سا بەرازیلی کریە و ٩٩ یاریێن نیڤدەولی ل گەل ھەلبژارتیێ بەرازیل ھەنە و شیابوو ٢٨ گولان تومارکر بوون.

ئەڤرۆ نیوز، محەمەد عەلی نوری:

کارگێریا یانا ئاکرێ یا وەرزشی ب مەرجەکی ھەڤبەست دگەل راھێنەر عەلی ھیلال ھەتا دوماھیا وەرزێ ئەڤسالە ئیمزا کر ژ بۆ سەرپەرشتیا تیما تەپا پێ ئەوا پشکدار د خۆلا پلا نایابا کوردستانێ دا بکەت.

سەلاح ئیبراھیم سەرۆکێ یانا ئاکرێ بۆ ئەڤرۆ نیوز دیارکر کو ب فەرمی ھەڤبەست دگەل راھێنەر عەلی ھیلال ھەتا وەرزێ ئەڤسالە ئیمزا کر ل جھێ راھێنەرێ بەرێ مەحمود مەجید ئەوێ ژ بەر ئەنجامێن لاواز یێن تیما وان د خۆلا پلا نایابا کوردستانێ دا ھاتە دوورئێخستن.

ھەروەسا ناڤھاتی دیارکر کو ھەڤبەستا راھێنەرێ نوو دێ ب مەرجەکی بەردەوام بیت ئەگەر ئەنجامێن تیمێ باشتر لێکرن، لێ ئەگەر نە ھەڤبەست دێ ھێتە ھلوەشاندن.

بۆ زانین نوکە تیما یانا ئاکرێ ب پێنچ خالا ل رێزا ١٤ێ و دووماھیا خولێ دھێت ب حەفت دوراندن و سەرکەفتنەک و دو وەکھەڤی.

ئەڤرۆ نیوز:
دەستەیا کارگێریا یانا جەویە بریارا ھەلوەشاندنا کەمپا خوە یا راھێنانی دا ئەوا چاڤەرێ دھاتەکرن ل دەستپێکا سالا نوو ل وەلاتێ مسرێ ئەنجامدان .
کارگێریا یانا جەویە د داخویانیەکا رۆژنامەڤانی دا دیارکریە ئەوان بریارا ھەلوەشاندنا کەمپا وەلاتێ مسرێ دایە و بریارە ل جھێ وێ کەمپەکا نافخوی ل باژێرێ ھەولێر ئەنجامداین ھەردیسان دو یاریێن ھەڤالینی ل ماوێ وی کەمپی ل گەل یانێن ھەولێر و یانەکا دی یا نافخوی بکەین.
ھەژی گوتنێ یە یانا جەویە ھەلگرا ھەرسێ ناسناڤێن دووماھیێ یە ژ قارەمانیا کاسا ئێکەتیا ئاسیا یا تەپا پێ.