ئەڤرۆ نیوز:
یانا ھیلال یا سعودی رەتکر دەستا ژ گولکەرێ خوە و یاریزانێ ھەلبژارتیێ فرەنسا یێ بەری نوکە بافیتمبی گومێز بیت ل ڤەگوھاستنێن زڤستانێ.
راپورتێن رۆژنامەڤانی ل تورکیا دیارکرن یانا فەنەربخچە ل ماوێ بوری بزاڤێن مەزن کرن بوو ڤەگەراندنا گولکەرێ خۆلا تورکیا یێ وەرزێ بوری گومێز جارەکا دی بۆ خولا تورکیا و ئیمزاکرنا ھەڤبەستا وی ل ڤەگوھاستنێن زڤستانێ .
ھەردیسان ئەوان رۆژناما ئاشکرا کریە ژی یانا ھیلال یا سعودی داخوازیا یانا فەنەربخچە رەتکر سەرەرای وێ یانێ گرنگیەکا مەزن ب شیانێن گومێز دابوون ھەردیسان کوژمەکێ مەزن یێ پارەی بوو بەرھەڤکربوو .
یانا ھیلال یا سعودی ل دەستپێکا ڤی وەرزی ھەڤبەستا گومێز بوو ماوێ دو وەرزان ئیمزاکری پشتی ژ یانا گەلاتەسەرای ئینایە دناڤا پێکھاتیێ خوە دا .
ھەژی گوتنێ یە گومێز یێ ٣٣ سالی ئێک ژ گولکەرێن بەرنیاس ل سەر ئاستێ خۆلا فرەنسا کو ٣٤٠ یاری پشکداری کریە و شیا ١٢٢ گولان توماربکەت کو رێژەیا ھەرە مەزن یا یاری و گولێن وی ل گەل یانا مارسیلیا بوون کو پشکداری د ٢٤٤ یاریان دا کریە ل گەل وێ یانێ و ٩٥ گول تومارکرینە ل گەل مارسیلیا دخۆلا فرەنسا دا.

ئەڤرۆ نيوز، ھشیار دوبانکی:‏

ژ بۆ پتر ب ھێزخستنا تیما تەپا پێ یا یانا زاخۆ ئەوا پشکدار دخولا نایابا ھەریما ‏کوردستانێ دا کارگیریا یانا زاخۆ دانوستاندن د گەل ژمارەکا یاریزانا کریە و ژڤانە ل ‏رۆژا بگەھنە باژێرێ زاخۆ.

ئەندامەکێ دەستەیا کارگیری بۆ ئەڤرۆ نیوز دیارکر کارگێریا یانا زاخۆ پەیوەندی ب ‏ژمارەکا یاریزانا کریە و ژوانا یاریزان مستەفا چینە دێ دڤان رۆژا دا گەھیتە باژێرێ ‏زاخۆ بۆ خولا ھەرێما کوردستانێ، خەلکێ جەلەولایە و ل پشت ھێرش بەرا یاریێ دکه‌ت ‏و یاری بۆ یانەیا سیناعە کریە دیسان زیدەتر ژ 10 یاریزانا د دانوستاندنێ دانن د گەل ‏یانا زاخۆ بۆ خولێن عیراقێ وھەرێمێ.‏