ئه‌ڤرۆ نيوز:
رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو د ماوێ 24 ده‌مژمێرێن بۆرى دا رێژێن جودا يێن باران بارينێ ل ويستگه‌هێن جودا يێن هه‌رێما كوردستانێ هاتينه تۆماركرن و ل دووڤ ڤى خشتێ ل خوارێ دياركرى:
نووترين نووچه
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
- نێچیرڤان بارزانی پێشوازی ل قونسلێ مسرێ كر
- مەسرور بارزانی بۆ سۆدانی: پێدڤییە مووچە ژ ناكۆكییا سیاسی بهێتە دوورئێخستن
- گۆتن و کریارێن دەستهەلاتێ ل دۆر پرسا کوردی گەلەک ژێک دوورن
- سەرۆك بارزانی: دانیێل میتێران رۆلەكێ گەلەك مەزن د بەرگریكرنێ ژ دۆزا گەلێ كورد دا هەبوو
- نێچیرڤان بارزانی: پێکڤە دێ شێین روو ب روویێ گوهۆڕینا سەقای بین
- پێدڤییە سەرژمێری بۆ مەبەستێن سیاسی نەهێتە بكارئینان
سهرهكى Twitter
به‌غدا جڤاته‌كا نه شه‌رعى بۆ قه‌زا شنگالێ پێكئينا
ئه‌ڤرۆنيوز:
فه‌رماندێن حه‌شدا شه‌عبى وپه‌كه‌كێ ونوونه‌رێن عه‌ره‌بێن سونه وشيعێن شنگالێ، پێكئيانانا جڤاته‌كێ بۆ ب رێڤه‌برنا شنگالێ راگه‌هاند.
دراگه‌هاندنه‌كێ دا كو ئاراسته‌ى حوكمه‌تا عيراقى ولايه‌نێن په‌يوه‌نديدار يێن عيراقى كريه، پشكه‌ك ژ كه‌سايه‌تى ووه‌لاتيێن شنگالێ جڤاته‌كا به‌روه‌خت بۆ وى باژێرى دياركر.
حه‌يده‌ر شه‌شۆ، سه‌رۆكێ حزبا ديموكراتيا ئێزدى بۆ كوردستان 24 گۆت” ئه‌م ل سه‌ر دامه‌زراندنێ وێ جڤاتێ درازى نينين”.
گۆت ژى” ئه‌م بۆ وێ كۆمبوونێ هاتبووينه داخوازكرن، به‌لێ به‌رهه‌ڤ نه‌بووين چونكى جڤاته‌كا نه‌قانوونى ونه شه‌رعى يه وپه‌كه‌كه وحه‌شدا شه‌عبى باش دزانن كو ئه‌و پێنگاڤه دژى به‌رژه‌وه‌نديا شنگالێ يه وجادا شنگالى ژى ب ڤێ ره‌فتارێ يا رازى نينه”.
دياركر”هه‌ر ده‌مه‌كێ پارێزگه‌رێ نه‌ينه‌و فه‌رمانا دامه‌زراندنا ڤى جۆره جڤاتێ ده‌ربكه‌ت، دێ پێ رازى بين”.
مه‌حما خه‌ليل، قايمقامێ شنگالێ دبێژيت” ژبه‌ر وان گرۆپێن چه‌كدار ره‌وشا ئه‌منى يا شنگالێ خرابتر بوويه، هه‌كه ره‌وشا نوكه هه‌ى يا به‌رده‌وام بيت، ئه‌گه‌ر يێ هه‌ى شه‌ر وكاره‌ساتێن مه‌زن ددووڤ دا بهێن”.
خوياكر” ب زڤرينا پێشمه‌رگه‌ى بۆ شنگالێ وده‌ركه‌فتنا گرۆپێن چه‌كدار، دێ ئارامى بۆ قه‌زا شنگالێ زڤريت وئاواره ژى دێ زڤرن”.
سەندیكا هونەرمەندێن زاخۆ دێ ئاهەنكه‌گا خێزانی ساز كەت
زاخۆ , عەلی حاجی
ب هەلكەڤتا سەرێ سالا نوو 2019 سەندیكا هونەرمەندێن كوردستانێ تایێ زاخۆ دێ ئاهەنگەكا خێزانی بو خێزانێن هونەرمەندان ل زاخۆ ساز كەت .
مه‌هدى مونير، بەرپرسێ سەندیكا هونەرمەندێن كوردستانێ تایێ زاخۆ بۆ ئه‌ڤرۆنيوزگۆت : پێشوەخت بەری دو رۆژان ب هاتنا سەرێ سالا نوو ئەم وەكو سەندیكا هونەرمەندێن كوردستانێ سالانە ئاهەنگەكا خێزانی یا تایبەت ب پشكداریا هه‌موو هونەرمەندێن باژێرێ زاخخۆ سازدكەین. بۆ سەرێ سالا نوو 2019 ژی د نوكە دا ئەم بەرهەڤیان دكەین بۆ وێ ئاهەنگێ كو 29/12/2018 دێ هێتە سازكرن ژبەر كو ل شەڤانێن سەرێ سالێ دا هه‌موو هونەرمەند مژوولی كارێن خوە يێن هونەری و ئاهەنگانە .
زێدەتر گوت : ژبۆ ئاهەنگا سەرێ سالا نوو مە بەرهه‌ڤيێن باش كرینە و مێًهڤان دێ ژ هەر 4 پارچێن كوردستانێ ئامادەی ئاهەنگێ بن و پێنج هونەرمەندێن دی ژی مە داخواز كرینە بۆ ئاهەنگا مە یا خێزانی كو ژپارچێن دی يێن كوردستانێ نە .
د رۆژەكێ دا هەلبژارتیێ دهۆكێ دو سەركەفتن تۆماركرن
ئەڤرۆ نیۆز، محەمەد عەلی نوری
تیما هەلبژارتیێ پارێزگەها دهۆكێ د ئێك رۆژ دا شیا دو سەركەفتنا تۆماربكەت ژ چوارچووڤێ قارەمانیا سامی سەعید دزەیی یا هەرێما كوردستانێ بۆ یاریا باسكت بۆلێ ئەوا نوكە هەڤركیێن وێ ب پشكداریا شەش هەلبژارتیێن پارێزگەها ل هەولێرا پایتەخت دهێنە ئەنجامدان.
د یاریا ئێكێ ئەوا ل دانێ سپێدێ هاتیە كرن، هەلبژارتیێ پارێزگەها دهۆكێ سەركەفتن لسەر هەلبژارتیێ مووسل تۆماركر ب 89 خالان بەرامبەر 60 خالان، د یاریا دوێ دا ئەوا ل دەمژمێر حەفتی شەڤ هاتیە كرن، هەلبژارتیێ دهۆكێ سەركەفت لسەر هەلبژارتیێ هەولێرێ ب 95 خالان بەرامبەر 73 خالان تۆماركر.
بڤێ ئەنجامێ تیما دهۆكێ دەربازبوو قۆناغا دوێ و سوبەهی ئەینی دێ یاریا خوە دگەل هەلبژارتیێ مووسل كەت، ژلایێ خوەڤە هەولێر دێ یاریا خوە دگەل كەركووكێ ئەنجامدەت، سەركەفتیێن هەردو یاریا دێ دەربازبنە قۆناغا دوماهیێ.
بۆ زانین شەش هەلبژارتیێن پارێزگەها پشكدارن ئەوژی،دهۆك، هەولێر، سلێمانی، كەركووك، مووسل و حەلەبچە، یاریێن وان ب شێوەیی دو گرۆپ كەتنا ئێكچاركی د هێنە كرن
کارگێریا یانا زاخۆ:ل سالا ۲۰۱۷ ترومبێلەکا بارهەلگرا جلكێن ل بازارى هاتينه فرۆتن
زاخۆ ؍ عەلی حاجی
ئەندامەکێ دەستەکا کارگێریا یانا زاخۆ دداخونیەکا تایبەت دا بو ئەڤرۆنيوز گوت : ل دەستپێکا سالا ۲۰۱۷ ترومبێلەکا بارهەلگر کو هژماره‌كا زۆر یا جللك و پێتڤیێن وەرزشی تایبەت ب یانا زاخۆ ڤە ژلایێ دەستەکا کارگێریا وی سەردەمی ڤە هاتبوونە کرین، بەلێ دشەڤ و روژەکێ دا ئەو کەلوپه‌ل و پێتڤتیە دیار نەمان و د نوکە دا دناڤا بازاری دا دهێنە فروتن و به‌رى چەند هه‌يڤان ئەو کەلوپەلە مە ژبۆ تیمێن خوە ل ناڤا بازاری دا کرینە .
وی ئەندامی زێدەتر گوت : پێتڤی بوو ئەو کەلوپەل نوکە ملکێ یانا زاخۆ بان و وەکو یانە مە مفا ژێ دیتبا بۆ تیمێن خوە يێن سەر ب یانێ ڤە، بەلێ ژلایێ کارگێریێن پێشتر يێن یانا زاخۆ هاتینە فروتن و نوکە دناڤا بازاری دا کرین و فروتن ب وان پێتڤی و کەلوپەلێن تایبەت ب یانا زاخۆ ڤە دهێتە کرن و نزانین ژی ئەگەرێن فروتنا وان کەلوپەلان چ بوو .
كه‌نالێ العراقيه يێ كوردى دێ ل نايلسات هێته به‌خشكرن
ئه‌ڤرۆنيوز:
ژێده‌ره‌كێ ژ كه‌نالێ العراقيه يێ كوردى بۆ ئه‌ڤرۆنيوز دياركر كو به‌خشێ كه‌نالێ العراقيه يێ كوردى نوكه ل هه‌يڤا ده‌ستكرد يا نايلسات دهێته به‌خشكرن.
دهێته زانين كه‌نالێ العراقيه يێ كوردى پتر ژ ساله‌كێ يه هاتيه دامه‌زراندن وسه‌ر ب تۆرا راگه‌هاندنا عيراقێ يا حكومى يه ول هه‌يڤا ده‌ستكرد يا عه‌ره‌بسات دهاته به‌خشكرن.
وى ژێده‌رى بۆ ئه‌ڤرۆنيوز گۆت” سوپاسيا دكتۆر فوئاد حسێن وه‌زيرێ دارايى يێ عيراقێ دكه‌ين بۆ پێشكێشكرنا شايستێن دارايى ژبۆ به‌خشكرنا كه‌نالێ العراقيه يێ كوردى ل سه‌ر نايلسات”.
گۆت ژى” بينه‌ر دشێن به‌خشێ كه‌نالێ العراقيه يێ كوردى ل سه‌ر هه‌يڤا ده‌ستكرد نايلسات ب ڤى فريكوێنسێ خوارێ وه‌رگرن”.
Nilesat
Frq. 11823 Mhz
Sym. 27500
Fec. 3/4
Pol. V
پرۆژەكێ ستراتیژی یێ ئاڤێ دێ 90% دەرگەهێن بیرێن ئاڤێ ل شێخان گریت
ئەڤرۆ نیوز ،بارزان مزووری :
رێڤەبەرێ بەلاڤكرنا ئاڤا شێخان، مەجید عبدالكریم، بۆ ئەڤرۆ نیوز دیار كر كو ژبۆ دروستكرنا ئێكەم پرۆژێ ستراتیژی یێ ئاڤێ ل قەزا شێخان ب هەماهەنگی دگەل رێڤەبەریا ئاڤا دەوروبەرێن پارێزگەها دهۆكێ پێداچوون هاتیە كرن ئاڤا هەرسێ رووبارێن “خازر ،نێردوش،گومل” ل نێزیك پرا مەندان دبیتە ئێك رووبار كو مەزنترین پرۆژێ ئاڤا ڤەخارنێ بو قەزا شێخان بهێته دروست كرن ،
گۆت ژى : ئەڤ پرۆژە 80% دێ ئاڤێ دەتە دەڤەرا شێخان رۆژانە دشێت 5 هزار مترێن چارگوشە يێن ئاڤێ بدەتە مالان بتنێ ئاڤا ڤی پرۆژەی ناگەهیتە دەڤەرا ئەتروش وب ئه‌نجامدانا وى دێ 90% دەرگەهێن بیرێن ئاڤێ ل ده‌ڤه‌رێ هێنه داخستن ،
ناڤهاتی خوياكر: ل سنورێ ناحیا كەلەكچی دو هزار كانیێن ئاڤێ یێن هەین، به‌لێ ئاڤا وان ب هەروە دچیتە درووبارێ خازردا ورێژەكا كێم ژوان كانیان بۆ چاندنێ دهێنه بكارئینان وژئاڤا وان كانيان دێ مه‌زنترين پرۆژێ ئاڤێ ژێ دروست بيت.
د ده‌مێ سێ هەیڤان دا چار قارەمانیێن هەرێمێ دێ هێنە ئەنجامدان
ئەڤرۆ نیوز، محەمەد عەلی نوری
ئێكەتیا تەپا مێزێ یا كوردستانێ د كۆمبوونا خوە یا دووماهیا وەرزێ 2018ێ چەند رێنوما و بەرنامە بۆ شەش هەیڤێن بهێت یێن سالا نوو ب رازیبوونا هەموو ئەندامێن خوە پەسەندكرن ژبۆ رێكخستنا كار و چالاكیا و پێشئێخستنا وەرزشا تەپا مێزێ.
مەهدی یەعقۆب سەرۆكێ ئێكەتیا هەرێما كوردستانێ یا یاریا تەپا مێزێ بۆ ئەڤرۆ نیۆز دیاركر كو پێخەمەت رێكوپێَكرن و دانانا نەخشە و پلانا بۆ چالاكیێن وەرزێ 2019 و پشتی گەنگەش و بۆچوونێن چودا چەند بریار و راسپارد هاتنە دەركرن ژبۆ پێشئێخستن و سەركەفتنا كارێ ئێكەتیێ و گوت: سێ بریارێن گرنگ د كۆمبوونێ دا هاتنە پەسەندكرن و بڤی رەنگی بوون.
1- نڤێسارا فەرمی بۆ لژنا ئۆلۆمپیا كوردستانێ هاتیە هنارتن پێخەمەت بەرهەڤكرنا هەموو پێدڤیێن وەرزشی بۆ ئێكەتیێ ب مەرەما سەركەفتنا هەر چالاكیەكێ.
2- ناڤەراستا هەیڤا شۆباتا سالا بهێت هاتە دەستنیشانكرن ژبۆ رێكخستنا قارەمانیا ڤەكری ل باژێرێ سلێمانیێ بۆ هەموو یانێن پلا نایاب و ئێك كو ب سیستەمێ ڤاڤارتن و ژێكچووداكرن ب مەرەما دانانا دو خولێن بهێز و دیسا ژبەر قەیرانا دارایی كو كارتیكرنێ ل چو یانا نەكەت،
3- دوماهیا هەیڤا ئادارا سالا 2019 رێكخستنا قارەمانیا پێگەهشتیا، لاوان، پشكۆژ و كچان كو دێ پارێزگەها دهۆكێ مێڤانداریا وێ كەت.
4- رێكخستنا قارەمانیەكێ لسەر ئاستێ كت بۆ گشت یاریزانا بۆ كوران و كچان كو دێ ل ناڤەراستا هەیڤا نیسانا بهێت ل هەولێرا پایتەخت هێتە ئەنجامدان.
لدوماهیێ ناڤهاتی دیاركر كو ئەڤ چالاكیە بتنێ بۆ شەش هەیڤێن ئێكێ یێن سالا بهێت بن و دیڤدا دێ بەرنامەكێ دی یێن شەش هەیڤێن دوێ یێن هەمان سال هێنە راگەهاندن.
ب مووشه‌كان هێرش ل سه‌ر باليۆزخانا ئه‌مريكى ل به‌غدا هاته كرن
ئه‌ڤرۆنيوز:
هژماره‌كا مووشه‌كان نيڤرۆيا ئه‌ڤرۆ پێنجشه‌مبى 27/12/2018 ل نێزيك باليۆزخانا ئه‌مريكى ل به‌غدا كه‌فتن خار.
ئه‌و هێرشا مووشه‌كى ل سه‌ر باليۆزخانا ئه‌مريكى ل به‌غدا، ل دووڤ مالپه‌رێ كوردستان تى ڤى، پشتى گه‌فێن توند يێن قه‌يس خه‌زعه‌لى، سه‌رۆكێ ميليشيا عه‌صائيب ئه‌هلولحه‌ق، هاته ئه‌نجامدان.
قه‌يس خه‌زعه‌لى، داواز ژ سه‌رۆكێ ئه‌مريكى دونالد ترامپ كريه هێزێن وه‌لاتێ خوه ژ عيراقێ ڤه‌كێشيت وگۆت” هه‌كه نه‌هێنه ڤه‌كێشان، مه ئه‌زموون وشيان يێن هه‌ين كو هێزێن ئه‌مريكى نه‌چار بكه‌ين ژ عيراقێ ده‌ربكه‌ڤن”.
ساخلەمیا ئاکرێ ۲۷ هزار زارۆ ڤاکسینداينه
ئەڤرۆ نیوز، سەباح زوھێر:
شڤان محمد ئەمین بەرپرسێ ھوبا خۆپاراستنا ساخلەمیا ئاکرێ ددەتە دیارکرن ل روژا شەمبی رێکەفتی ۲۰۱۸/۱۲/۲۲ وان ده‌ست ب هه‌وها ڤاكسيندانێ كربوو و بۆ ماوێ ٥ روژا دێ یا بەردەوام بوو، کو ئەڤرۆ ل روژا پێنج شەمبی ۱۲/۲۷ ب داوی ھات، کو دڤێ ھەوێدا تیمێن ساخلەمیێ مال ب مال گەریان دا کو ڤاکسینا فالنجا(شلل) زارۆکا بدەنێ، ئەڤ ڤاکسینە ژی زارۆێ ١روژی ھەتا ٥ سالی ڤەدگریت، ب ڤێ ڤاکسینێ دێ زارۆ ھێنە پاراستن ل نەخوشیا فالنجا.
شڤان محمد ئەمین زێدەتر دبێژیت کو ل ئاکرێ ۲۷۳۷٥ زارۆک ھەبووینە کو پێدڤی بوون بھێنە ڤاکسیندان، ژ سەرجەمێ ڤان زارۆکا پشتی داوی ھاتنا ھەوا ڤاکسیندانێ ل ئاکرێ ۲۷۰۳۰ زارۆک ھاتنە ڤاکسیندان، کو دبیتە رێژا ۹۹٪ێ، کو ئەڤە بۆ جارا دوێ یە ئاکرێ پلا ئێکێ د ئەڤسالەدا بدەست خوڤە دئینیت، ئەو زارۆکێن مای ژی دشێن ل بنگەھێن ساخلەمیێ بدانن، کو ۱۳بنگەھێن ساخلەمیێ ل ئاکرێ ڤاکسینا دانن.
نيشاندان
WP Facebook Auto Publish Powered By : XYZScripts.com